ᔪᐊᓇᓯᐅᑉ ᑕᑯᑎᑕᐅᓂᖏᑦ 7:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᒪᑐᒪ ᑭᖑᕐᖓᒍᑦ ᑕᑯᒋᕗᖓ ᐂᖏᓖᓂᒃ ᓯᑕᒪᓂᒃ ᓇᖏᕐᑐᓂᒃ ᓄᓇᕐᔪᐊᑉ ᑎᓴᒤᓕᖃᖓᕕᖏᓐᓂ, ᑖᒃᑯᐊᓗ ᐊᓄᕆᓂᒃ ᓯᑕᒪᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᒃ ᓄᖅᑲᕐᑎᑦᓯᓯᒪᕗᑦ, ᐊᓄᕌᖁᓇᒍ ᓄᓇᕐᔪᐊᕐᒥ ᐃᒫᓂᓗ ᓇᐹᕐᑐᓂᓘᓐᓃᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:1 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 11:12

ᐃᓅᖃᑎᒌᒡᔪᐊᓄᓪᓗ ᓇᓗᓁᒃᑯᑕᕐᒥᒃ ᓴᖅᑭᑎᑦᓯᔪᒫᕐᐳᖅ, ᓇᕐᕈᒋᔭᐅᔪᓪᓗ ᐃᓴᕆᐊᓕᒥᐅᓂᑦ ᑲᑎᑎᑦᓱᒫᕐᐰᑦ, ᓇᒧᑐᐃᓐᓇᕐᓗ ᓯᐊᒻᒪᒃᓯᒪᔪᑦ ᔫᑕᐅᑉ ᑭᖑᕚᖏᑦ ᑲᑎᕐᓱᕈᒫᕐᐰᑦ ᓄᓇᕐᔪᐊᑉ ᓯᑕᒪᐅᓕᖅᑲᖓᓂᖓᓂᑦ ᐱᓯᒪᔪᑦ.

ᐂᓮᐊᓯᐅᑉ ᐊᒡᓚᖏᑦ 27:3

“ᐅᕙᖓ ᐊᑕᓂᖅ, ᑖᑦᓱᒧᖓ ᑲᒪᔨᐅᕗᖓ; ᑍᒪᓐᖓᑦ ᐃᒻᒥᕐᐸᒡᓗᒍ, ᖃᐅᔨᓴᖃᑦᑕᕐᐸᕋ ᐅᓐᓄᐊᒃᑯᑦ ᐅᓪᓗᒃᑯᓪᓗ ᓇᓪᓕᐊᓐᓄᓪᓘᓐᓃᑦ ᐊᓯᕈᕐᑕᐅᖁᓇᒍ.

ᐂᓮᐊᓯᐅᑉ ᐊᒡᓚᖏᑦ 27:8

ᐊᑕᓂᐅᑉ ᐃᓄᖁᑎᓂ ᓱᒋᐊᓚᐅᕐᒪᒋᑦ ᐊᐅᓪᓚᕈᑦᔭᐅᑎᓪᓗᒋᑦ ᓄᓇᒋᔭᖓᓐᓂᑦ. ᐊᐅᓪᓚᕈᑎᓚᐅᕐᐰᑦ ᐊᓄᕆᕐᔪᐊᕐᒥᒃ ᐊᓄᕌᕐᑎᑦᓯᓪᓗᓂ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 49:36

ᐃᓛᒥᐅᑦ ᐊᓄᕆᓂᑦ ᓯᑕᒤᓂᑦ ᐱᔪᓂᑦ ᐊᓄᕌᕐᕕᐅᑎᑦᓱᒫᕐᐸᒃᑲ, ᓯᐊᒻᒪᕐᑎᓪᓗᒋᓪᓗ ᐊᓄᕇᑦ ᓯᑕᒪᑦ ᐊᓄᕌᕐᕕᖏᓐᓄᑦ, ᐃᓅᖃᑎᒌᒡᔪᐊᓕᒫᑦ ᐃᓛᒥᐅᓄᑦ ᕿᒫᕕᒋᔭᐅᓯᒪᔪᐃᓐᓇᐅᓕᓚᐅᖅᑳᕐᑎᓐᓇᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 37:9

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᐊᓂᕐᓂᖅ ᐅᖃᖁᔭᓐᓂᒃ ᐅᖃᐅᑎᒍᒃ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐊᓄᕆᓂᑦ ᓯᑕᒪᓂᑦ ᐊᓄᕌᓚᐅᕆᑦ, ᐊᓂᕐᓃᖅ, ᐅᑯᐊᐅ ᑐᖁᖓᔪᑦ ᐊᓂᕐᓵᕐᕕᒋᓚᐅᒃᑭᑦ, ᐆᒻᒪᖁᓪᓗᒋᑦ.”

ᐃᓯᑭᐊᓕᐅᑉ ᐊᒡᓚᖏᑦ 7:2

“ᐃᕝᕕᑦ, ᐃᓅᑉ ᐃᕐᓂᖓ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᐃᓴᕆᐊᓕᒥᐅᓄᑦ: ᐃᓱᓕᑉᐳᖅ! ᓄᓇᓕᒫᖅ ᐃᓘᓐᓈᑦ ᐃᓱᓕᕝᕕᒃᓴᒥᓄᑦ ᑎᑭᑉᐳᖅ.

ᑖᓂᐊᓕᐅᑉ ᐊᒡᓚᖏᑦ 11:4

ᓴᖅᑭᓯᒪᓕᕐᐸᑦ, ᐊᖓᔪᖅᑲᐅᕕᖓ ᐊᒡᒍᕈᒫᕐᐳᖅ, ᑐᓂᐅᖅᑲᐅᑕᐅᓗᓂᓗ ᕿᓚᐅᑉ ᐊᓄᕆᖏᓐᓄᑦ ᓯᑕᒪᓄᑦ; ᑭᖑᕚᖏᓐᓂᑦ ᑭᖑᕝᕕᕐᑕᐅᔪᒫᓐᖏᓚᖅ, ᐱᔪᓐᓇᕐᓂᕆᓚᐅᕐᑕᒥᑐᓪᓗ ᐱᔪᓐᓇᕐᑎᒋᔪᓐᓃᕐᓗᓂ, ᐊᖓᔪᖅᑲᐅᕕᖓ ᐊᒫᖏᓐᓂᑦ ᓄᓱᒃᑕᐅᔪᒫᕐᒪᑦ, ᑐᓂᔭᐅᓗᓂᓗ ᐊᓯᖏᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 7:2

ᑖᓂᐊᓕ ᐅᖃᕐᐳᖅ, “ᐅᓐᓄᐊᒃᑯᑦ ᑕᑯᑎᑕᐅᓪᓗᖓ ᑕᑯᓚᐅᕐᐳᖓ, ᐊᓄᕆᓂᒃ ᓯᑕᒪᓂᒃ ᕿᓚᖕᒥᑦ ᐱᔪᓂᒃ ᐃᒪᕐᔪᐊᒥᒃ ᐊᐅᓚᑎᑦᓯᔪᓂᒃ.

ᑖᓂᐊᓕᐅᑉ ᐊᒡᓚᖏᑦ 8:8

ᒎᑦᓯ ᑖᓐᓇ ᐊᔪᕈᓐᓃᕐᐸᓪᓕᐊᑐᐃᓐᓇᕐᐳᖅ, ᐱᔪᓐᓇᕐᓂᖓᑕ ᐊᔪᖏᓐᓂᕐᐹᖓᓂ, ᓇᒡᔪᖓ ᓇᑲᓪᓗᓂ ᐲᕐᐳᖅ, ᐃᓂᖓᓂᓕ ᐱᕈᕐᑐᖃᕐᐳᖅ ᓇᒡᔪᖕᓂᒃ ᓯᑕᒪᓂᒃ ᖁᒻᒧᑦ ᓴᖕᒥᔪᓂᒃ ᑐᕌᕐᓗᑎᒡᓗ ᕿᓚᐅᑉ ᐊᓄᕆᖏᓐᓄᑦ ᓯᑕᒪᓄᑦ.

ᔫᓇᐅᑉ ᐊᒡᓚᖏᑦ 1:4

ᐊᑕᓂᐅᓪᓕ ᐃᒪᕐᕕᒃ ᑎᓕᒃᓕᕐᕕᒋᕚ ᐊᓄᕆᕐᔪᐊᒥᒃ, ᐊᖅᑯᓇᕐᑐᐊᓘᓚᐅᕐᐳᕐᓗ ᐅᒥᐊᕐᔪᐊᖅ ᓱᕋᑐᐃᓐᓇᕆᐊᖃᕐᓗᓂ ᐊᒡᓛᑦ.

ᓴᑲᕅᐊᐅᑉ ᐊᒡᓚᖏᑦ 6:1

ᖁᒻᒧᑦ ᑕᑯᓴᕐᒥᒐᒪ, ᑕᑯᒋᕗᖓ ᐊᒃᓴᓗᐊᓕᖕᓂᒃ ᕿᒧᒃᓯᐅᑎᓂᑦ ᐅᓂᐊᕐᑕᐅᔪᓂᒃ ᓯᑕᒤᓂᒃ, ᓄᐃᓕᕐᑐᓂᒃ ᖃᖄᒃ ᒪᕐᕈᒃ ᐊᑯᓐᓂᖓᓂᑦ, ᖃᖄᓗ ᑖᒃᑯᐊᒃ ᑲᓐᓄᔭᐅᕗᒃ.

ᓴᑲᕅᐊᐅᑉ ᐊᒡᓚᖏᑦ 6:5

ᐂᖏᓕᐅᑉ ᑭᐅᕚᖓ, “ᐅᑯᐊ ᐊᓂᕐᓃᑦ ᕿᓚᖕᒥᑦ ᐱᔪᑦ, ᓄᓇᕐᔪᐊᓕᒫᑉ ᐊᑕᓂᖓᑦᑕ ᓇᔪᒐᖓᓂᑦ ᑕᒪᐅᓐᖓᕐᑐᑦ.

ᒫᑎᐅᓯᐅᑉ ᐊᒡᓚᖏᑦ 24:31

ᑕᕝᕙ ᑎᑦᑐᓚᐅᑎᕐᔪᐊᑦ ᓂᐱᖏᑦ ᓂᓪᓕᕈᒫᕐᐳᑦ, ᐂᖏᓕᖁᑎᓂ ᑎᓕᔪᒫᕐᐰᑦ ᓄᓇᕐᔪᐊᓕᒫᒧᑦ ᓄᓇᐅᑉ ᐊᓄᕌᕐᕕᒋᓲᖏᓐᓄᑦ ᓯᑕᒪᓄᑦ, ᑖᒃᑯᐊ ᑲᑎᕐᓯᔪᒫᕐᐳᑦ ᑖᑦᓱᒪ ᓂᕈᐊᕐᓯᒪᔭᖏᓐᓂᒃ ᓄᓇᐅᑉ ᐃᓱᐊᓂᑦ ᐃᓱᐊᓄᑦ.”

ᒫᑯᓯᐅᑉ ᐊᒡᓚᖏᑦ 13:27

ᑖᑦᓱᒪ ᐂᖏᓖᑦ ᑎᓕᔪᒫᕐᐰᑦ, ᑲᑎᕐᓱᐃᖁᓪᓗᒋᑦ ᓂᕈᐊᕐᓯᒪᔭᖏᓐᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᑦ ᓯᑕᒪᓂᑦ, ᓄᓇᕐᔪᐊᑉ ᐃᓱᐊᓂᑦ ᕿᓚᐅᑉ ᐃᓱᐊᓄᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:8

ᐃᓅᖃᑎᒌᒡᔪᐊᓂᒡᓗ ᓇᓂᑐᐃᓐᓈᕐᑐᓂᒃ ᑕᒻᒪᕐᑎᑦᓯᔭᕐᑐᕈᒫᕐᐳᖅ ᓯᐊᒻᒪᕐᑎᑕᐅᓯᒪᔪᓂᒃ, ᐅᒃᑯᓇᓂ, ᓄᓇᓕᖕᓂ ᒑᒡᒥ ᒪᒑᒡᒥᓗ, ᓵᑖᓇᓯᐅᑉ ᑲᑎᑎᑦᓱᒫᕐᐰᑦ ᐅᓇᑕᕆᐊᖁᓪᓗᒋᑦ; ᑖᒃᑯᐊᓗ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᓂᖃᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:6

ᓂᐱᒥᒡᓗ ᑐᓴᕐᐳᖓ ᐆᒪᔪᐊᓗᖕᓂᑦ ᓯᑕᒪᓂᑦ ᓂᐱᒋᔭᐅᔫᔮᕐᑐᓂᒃ, ᐅᖃᕐᑐᒥᒃ, “ᓂᐊᖂᔭᒃᓴᐅᑉ ᐅᖁᒤᓐᓂᖓᑕ ᐊᑕᐅᓯᐅᑉ ᐊᕝᕙᖓᑕ ᐊᕝᕙᖓ ᐊᑭᖃᕐᓕ ᐅᓪᓗᓕᒫᖅ ᑮᓇᐅᔭᓕᐊᖑᕙᒃᑐᑎᑐᑦ, ᕿᕐᓈᖓᔫᓪᓗ ᓂᐊᖂᔭᒃᓴᐅᑉ ᐅᖁᒤᓐᓂᖓᑕ ᐊᑕᐅᓯᐅᑉ ᓇᑉᐸᖓᓂᑦ ᐊᖏᓂᕐᓴᖅ ᐊᑭᖃᕐᓕ ᐅᓪᓗᓕᒫᖅ ᑮᓇᐅᔭᓕᐊᖑᕙᒃᑐᑎᑐᑦ; ᐸᐅᕐᒊᓪᓕ ᐅᕐᓱᖏᑦ ᐸᐅᕐᒊᓪᓗ ᐃᑦᑎᖏᑦ ᐊᓯᕈᕐᑎᓐᓂᐊᕐᓇᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:3

ᐅᖃᕐᓗᓂ, “ᓄᓇᕐᔪᐊᖅ ᐊᓯᕈᕐᑍᓕᓯᐅᒃ ᐃᒪᕕᒡᓘᓐᓃᑦ ᓇᐹᕐᑐᐃᓪᓘᓐᓃᑦ, ᒎᑎᑦᑕ ᐱᔨᖏᓐᓂᒃ ᖃᐅᖏᑎᒍᑦ ᓇᕿᑦᔪᓯᕐᓯᓚᐅᖏᓐᓂᑦᑎᓐᓂ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:7

ᓯᕗᓪᓕᕐᐹᓪᓗ ᐂᖏᓕᐅᑉ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᓇᑕᖅᑯᕐᓁᑦ ᐃᑯᒤᓪᓗ, ᐊᐅᒥᒃ ᐃᓚᖃᕐᓗᑎᒃ, ᓄᓇᕐᔪᐊᕐᒧᑦ ᑲᑕᒐᓕᕐᐳᑦ; ᓄᓇᕐᔪᐊᕐᓗ ᐊᕝᕙᖓᑕ ᐅᖓᑖᓄᑦ ᐃᑭᑕᐅᕗᖅ, ᓇᐹᕐᑐᐃᓪᓗ ᐊᕝᕙᖏᑕ ᐅᖓᑖᓄᑦ ᐃᑯᐊᓪᓚᒃᑭᕗᑦ, ᐃᕕᒃᓱᒐᓕᒫᓪᓗ ᑐᖑᔪᕐᑐᑦ ᐃᑯᐊᓪᓚᒃᑕᐅᒋᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:14

ᓂᐱᓗ ᐂᖏᓖᑦ ᐱᖓᓲᔪᕐᑐᖓᓐᓄᑦ ᑎᑦᑐᓚᐅᑎᖃᕐᑐᒧᑦ ᐅᖃᕐᐳᖅ, “ᐂᖏᓖᑦ ᓯᑕᒪᑦ ᕿᓚᕈᑦᔮᒃᑭᑦ ᐊᑦᓱᖏᕐᑕᐅᓯᒪᔪᑦ ᑰᒑᓗᖕᒥ ᐃᕗᕅᑎᒥ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:4

ᐅᖃᐅᑎᔭᐅᕗᓪᓗ ᐊᓯᕈᐃᖁᓇᒋᑦ ᐃᕕᒃᓱᒐᕐᓂᒃ ᓄᓇᕐᔪᐊᕐᒦᑦᑐᓂᒃ ᑐᖑᔪᕐᑐᓕᒫᓂᒃ ᓇᐹᕐᑐᓂᒡᓗ ᐱᕈᕐᑐᓂᒡᓗ, ᐃᓄᖕᓂᒡᓕ ᑭᓯᐊᓂ ᐊᓯᕈᐃᖁᓪᓗᒋᑦ ᒎᑎᐅᑉ ᓇᕿᑦᔪᑎᖓᓂᒃ ᖃᐅᕐᒥᒍᑦ ᓇᓗᓁᒃᑯᑕᖃᖏᑦᑐᓂᒃ;