ᔪᐊᓇᓯᐅᑉ ᑕᑯᑎᑕᐅᓂᖏᑦ 6:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓄᕐᕋᐅᔭᐅᓪᓗ ᓇᕿᑦᔪᑏᑦ ᑕᓪᓕᒪᖓᑦ ᒪᒃᐱᕐᒪᒍ, ᑕᑯᕗᖓ ᑐᓂᕐᕈᓯᕐᕕᐅᑉ ᐊᑖᓂ ᑐᖁᑕᐅᔪᕕᓃᑦ ᑕᕐᓂᖏᓐᓂᒃ ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᖕᓂᕐᒧᑦ ᓇᓗᓁᕐᓯᓂᕐᒥᒡᓗ ᑲᔪᓯᑦᓯᐊᕐᓂᕐᒧᑦ ᑐᖁᑕᐅᔪᕕᓂᕐᓂᒃ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:9 Iomraidhean Croise

ᒨᓯᓯ ᓯᕗᓪᓖᑦ 4:10

ᐊᑕᓂᕐᓗ ᐅᖃᕐᐳᖅ, “ᖃᓄᐃᓕᐅᕐᓂᕐᐲᑦ? ᓄᑲᕐᐱᑦ ᐊᐅᖓ ᐅᕙᓐᓄᑦ ᓂᓪᓕᐊᖕᒪᑦ ᓄᓇᒥᑦ.

ᒨᓯᓯ ᐂᑉᐸᖏᑦ 29:12

ᐸᖕᓂᐅᓪᓗ ᐊᐅᖓᑕ ᐃᓚᖓᓂᒃ ᐱᓗᑎᑦ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒃᑎᕐᑕᒃᓴᕆᕙᑎᑦ ᐊᒡᒐᖕᓄᑦ, ᐊᐅᓪᓕ ᐊᒥᐊᒃᑯᖓ ᑯᕕᔭᒃᓴᕆᕙᑦ ᑐᓂᕐᕈᓯᕐᕕᐅᑉ ᑐᓐᖓᕕᖓᑕ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 4:7

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᐅᑉ ᐃᓚᖓᓄᑦ, ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᑕᒃᓴᕆᕔᑦ ᐊᑕᓂᐅᑉ ᓵᖓᓂ ᑐᐱᕐᒥ ᑲᑎᒪᕕᖕᒥ. ᐊᖑᓴᓪᓘᓪᓗ ᐊᐅᖓ ᑯᕕᔭᕆᐊᖃᕐᐹ ᐃᑯᐊᓚᑦᓯᕕᐅᑉ ᑐᓂᕐᕈᓯᕐᕕᐅᑉ ᐊᑖᓄᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᐊᑕ ᖃᓂᒋᔭᖓᓃᑦᑐᒧᑦ.

ᔪᐊᓇᓯᐅᑉ ᐊᒡᓚᖏᑦ 16:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂᑦ ᐊᓂᑎᑕᐅᔪᒫᕐᐳᓯ; ᓇᓪᓕᐅᑎᔪᒫᕐᐳᖅ ᓇᓪᓕᐊᑦ ᐃᓕᑦᓯᓐᓂᒃ ᑐᖁᑦᓯᓗᑎᒃ ᒎᑎᒥᒃ ᐱᔨᑦᓯᕋᓱᒋᔪᒫᕐᓂᖓᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:8

ᓴᐱᓐᖏᓚᒍᑦ, ᑎᒥᕗᑦ ᕿᒪᖔᕐᓗᒍ ᐊᖏᕐᕋᕈᒪᓪᓗᑕ ᐊᑕᓂᕐᒧᑦ.

ᐱᓕᐱᒥᐅᓄᑦ 1:23

ᐅᖁᒤᒃᓴᕋᒪ ᑕᒪᑐᒥᖓ ᐊᕙᒻᒧᑦ ᓄᓱᐊᕐᑕᐅᓪᓗᖓ. ᙭ᔅᑑᓯ ᓇᔪᕈᒪᓪᓗᒍ ᐊᖏᔪᒥᒃ ᑲᔪᖏᕋᓗᐊᕐᐳᖓ, ᑕᒪᓐᓇ ᐱᐅᓂᕐᓴᒻᒪᕆᐊᓘᖕᒪᑦ;

ᐱᓕᐱᒥᐅᓄᑦ 2:17

ᐊᐅᒐᓕ ᑯᕕᓂᐊᕐᐸᓪᓘᓐᓃᑦ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᔪᑎᑐᑦ ᐅᒃᐱᕐᓂᑦᓯᓐᓄᑦ, ᖁᕕᐊᓱᒃᑲᔭᕐᐳᖓ ᐃᓘᓐᓇᓯᓗ ᖁᕕᐊᓱᖃᑎᒋᓗᓯ.

ᑎᒧᑎᒧᑦ ᐂᑉᐸᖏᑦ 1:8

ᑍᒤᒻᒪᑦ ᐊᑕᓂᕐᒥᒃ ᓇᓗᓁᕐᓯᔨᐅᓃᑦ ᑲᓐᖑᓲᑎᒋᓂᐊᕐᓇᒍ, ᑎᒍᔭᐅᓯᒪᕕᖕᒦᓐᓂᕋᓗ ᑖᓐᓇ ᐱᓪᓗᒍ. ᐊᒃᓱᕈᕐᓇᕐᑐᒥᒡᓕ ᐱᓇᓱᐊᖃᑕᐅᓕᕆᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓗᒋᑦ ᒎᑎᐅᑉ ᐱᔪᓐᓇᕐᓂᖓᓂ.

ᑎᒧᑎᒧᑦ ᐂᑉᐸᖏᑦ 4:6

ᐅᕙᖓᓕ ᑐᓂᕐᕈᑎᒃᓴᑐᑦ ᑐᖁᑕᐅᓂᒃᓴᕋ ᓇᓪᓕᐅᑎᓕᕐᐳᖅ; ᐃᓅᔪᓐᓂᕐᕕᒃᓴᕋ ᒫᓐᓇ ᓇᓪᓕᐅᑎᕗᖅ.

ᐄᑉᕈᐃᓄᑦ 12:23

ᑕᒪᓐᓇ ᐅᐸᒃᑕᓯ ᒎᑎᐅᑉ ᐊᖓᔪᒃᓕᕐᐹᖁᑎᖏᑕ ᑲᑎᒪᕕᖓ, ᑕᕝᕙᓃᑦᑐᓪᓗ ᐊᑎᖏᑦ ᑎᑎᕋᕐᓯᒪᕗᑦ ᕿᓚᖕᒥ, ᒎᑎᒧᓪᓗ ᑎᑭᑉᐳᓯ, ᑕᒤᓐᓂᒃ ᐃᖅᑲᕐᑐᐃᔪᒧᑦ, ᐃᓄᐃᓪᓗ ᓇᓛᒎᕐᑐᑦ ᐊᓂᕐᓂᖏᑕ ᓈᒻᒪᒃᓯᑎᑕᐅᕕᖏᓐᓄᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:2

ᔪᐊᓇᓯ ᓇᓗᓁᕐᓯᓚᐅᕐᐳᖅ ᒎᑎᐅᑉ ᐅᖃᐅᓯᖓᓂᒃ ᐅᓐᓂᕐᓯᐅᕈᑎᖃᕐᓗᓂᓗ ᔩᓱᓯ ᙭ᔅᑑᓯᒥᒃ, ᑕᒤᓐᓂᒃ ᑕᑯᓚᐅᕐᑕᒥᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:9

ᔪᐊᓇᓯᐅᕗᖓ, ᐅᒃᐱᑑᖃᑎᓯ, ᔩᓱᓯᒥᒃ ᒪᓕᒃᑎᐅᓂᓐᓄᑦ ᐃᓕᑦᓯᓐᓄᑦ ᐋᓐᓂᐊᓇᕐᑐᑎᒎᖃᑕᐅᕗᖓ ᕿᓄᐃᓵᖃᑕᐅᓪᓗᖓᓗ ᑎᑭᐅᑎᕙᒃᑐᑎᒍᑦ ᑖᑦᓱᒪ ᐊᑕᓂᐅᕕᖓᓂ ᐃᓅᔪᓄᑦ, ᕿᑭᕐᑕᒧᑦ ᐹᑦᒨᓯᒥᒃ ᐊᑎᓕᖕᒧᐊᕐᑕᐅᓚᐅᕐᐳᖓ ᒎᑎᐅᑉ ᐅᖃᐅᓯᖓᓂᒃ ᐱᑦᔪᑎᖃᕐᓗᑎᒃ ᔩᓱᓯᒥᒡᓗ ᓇᓗᓁᕐᓯᖃᑦᑕᕐᓂᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:18

ᐂᖏᓕᐅᑦᑕᐅᖅ ᑖᑦᓱᒪ ᐊᓯᐊ ᓴᖅᑭᒃᑭᕗᖅ ᑐᓂᕐᕈᓯᕐᕕᖕᒥᑦ ᐊᓂᔪᖅ, ᑖᓐᓇ ᐃᑯᒪᒧᑦ ᐱᔪᓐᓇᕐᓂᖃᕐᑐᖅ, ᓂᐱᖅᑯᕐᑐᓪᓗᓂᓗ ᐂᖏᓕᒧᑦ ᐃᐱᒃᑐᒥᒃ ᓇᑲᑎᕆᑦᔪᑎᓕᔭᕐᑐᒧᑦ ᐅᖃᕐᐳᖅ, “ᓇᑲᑎᕆᑦᔪᑎᖕᓄᑦ ᐸᐅᕐᒊᑦ ᑲᑎᓐᖓᔪᑦ ᑲᑎᕐᓱᓕᒃᑭᑦ ᓄᓇᕐᔪᐊᑉ ᐱᕈᕐᓰᕕᖏᓐᓃᑦᑐᑦ, ᐸᐅᕐᒊᑦ ᐱᕈᕇᕐᓗᑎᒃ ᓇᑲᑎᕐᑕᐅᑐᐃᓐᓇᕆᐊᖃᓕᕐᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:7

ᑕᕝᕙ ᓂᐱᒥᒃ ᑐᓴᓕᕆᕗᖓ ᑐᓂᕐᕈᓯᕐᕕᖕᒥᑦ ᐅᖃᕐᑐᒥᒃ, “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ, ᓱᓕᕗᑦ ᓈᒻᒪᓈᑦᓯᐊᕐᓗᑎᒡᓗ ᐃᖅᑲᕐᑐᐃᓂᕆᔭᑎᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:10

ᑕᕝᕙ ᐃᑎᒐᖏᓐᓄᑦ ᐹᒻᒪᒃᐳᖓ ᒥᑭᒡᓕᑎᕐᓗᖓ ᐅᐱᒋᕕᒃᔪᐊᕈᒪᓪᓗᒍ, ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕆᐊᖃᓐᖏᓚᑎᑦ! ᐱᔨᑐᐃᓐᓇᐅᖃᑕᐅᕗᖓ ᐃᓕᒃᑐᑦ ᐅᒃᐱᖃᑎᒃᑐᓪᓗ ᐅᖅᑲᕆᒃᓴᐅᑦᔨᔪᓄᑦ ᔩᓱᓯᒥᒃ. ᒎᑎᓕ ᐅᐱᒋᕕᒃᔪᐊᕆᐊᖃᕐᐸᑦ.” ᔩᓱᓯᐅᑉ ᓇᓗᓁᔭᓚᐅᕐᑕᖓ ᐊᓂᕐᓂᐅᕗᖅ ᓇᓚᐅᑦᑍᔪᑦ ᐱᔪᓐᓇᐅᑎᒋᓚᐅᕐᑕᖓᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:13

ᐃᓂᒋᔧᑦ ᖃᐅᔨᒪᕙᕋ, ᑕᕝᕙᓂ ᓵᑖᓇᓯ ᐃᒃᓯᕙᐅᑕᕐᔪᐊᖃᕐᐳᖅ; ᐅᕙᓐᓂᒡᓕ ᓱᓕ ᐃᒃᐱᒍᓱᑦᓯᐊᕐᐳᑎᑦ ᐅᒃᐱᕐᓂᕆᔧᓪᓗ ᐅᕙᓐᓄᑦ ᑲᔪᓯᑎᓯᒪᕙᑦ ᐋᓐᑎᐸᔅ ᐃᓅᑎᓪᓗᒍ ᓇᓗᓁᕐᓯᓂᕆᓚᐅᕐᑍᑦ, ᑖᓐᓇ ᓱᖁᓯᔪᐃᑦᑐᖁᑎᒋᓚᐅᕐᑕᕋ, ᐊᑯᓐᓇᑦᓯᓐᓂ ᑐᖁᑕᐅᓚᐅᕐᑐᖅ, ᓵᑖᓇᓯᐅᑉ ᐃᓂᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:3

ᐂᖏᓕᑦᑕᐅᖅ ᐊᓯᐊ ᑕᒪᐅᓐᖓᕐᐳᖅ ᑐᓂᕐᕈᓯᕐᕕᐅᑉ ᓵᖓᓄᐊᕐᓗᓂ ᒎᓗᒥᒃ ᐳᔫᑦᑎᑦᓯᕕᖕᒥᒃ ᑎᒍᒥᐊᕐᑐᖅ; ᑐᓂᓯᕕᐅᕗᕐᓗ ᐳᔫᕐᑎᑕᒃᓴᖏᓐᓂᒃ ᐊᒥᓱᓂᒃ ᐃᓚᓕᐅᑎᔭᐅᖁᓪᓗᒋᑦ ᐃᑦᔪᕐᓁᑎᑕᐅᓯᒪᔪᓕᒫᑦ ᑐᒃᓯᐊᕐᓂᖏᓐᓄᑦ ᑐᓂᕐᕈᑕᐅᖁᓪᓗᒋᑦ ᒎᓗᒧᑦ ᑐᓂᕐᕈᓯᕐᕕᖕᒧᑦ ᐃᒃᓯᕙᐅᑕᕐᔪᐊᑉ ᓵᖓᓃᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:13

ᑕᕝᕙ ᐂᖏᓕᐅᑉ ᐱᖓᓲᔪᕐᑐᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᓂᐱᒥᒡᓗ ᑐᓴᕐᐳᖓ ᑐᓂᕐᕈᓯᕐᕕᐅᑉ ᒎᓘᑉ ᑎᕆᖅᑯᖏᓐᓂᑦ ᓯᑕᒪᓂᑦ ᐱᔪᒥᒃ ᒎᑎᐅᑉ ᓵᖓᓃᑦᑐᒥᑦ,