ᔪᐊᓇᓯᐅᑉ ᑕᑯᑎᑕᐅᓂᖏᑦ 6:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓂᓐᖓᖕᓂᕐᔪᐊᖓᑕ ᑲᑉᐱᐊᓇᕐᓂᖓ ᓇᓪᓕᐅᑎᖕᒪᑦ, ᑭᓇᓗ ᑖᑦᓱᒧᖓ ᓵᓐᖓᓗᓂ ᓇᖏᕈᓐᓇᕐᐹ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:17 Iomraidhean Croise

ᐃᓐᖏᕈᑎᑦ 110:5

ᐊᑕᓂᖅ ᑕᓕᕐᐱᖕᓃᑉᐳᖅ; ᐊᖓᔪᖅᑳᕐᔪᐊᑦ ᓯᖁᒥᑦᓱᒫᕐᐰᑦ ᓂᓐᖓᖕᓂᖓᑕ ᐅᓪᓗᖏᓐᓂ.

ᐃᓐᖏᕈᑎᑦ 2:12

ᐃᑎᒐᖏᑦ ᑯᓂᒃᑭᑦ ᓂᓐᖓᖁᓇᒍ, ᓂᓐᖓᒃᐸᑦ ᐊᓯᕈᕐᑕᐅᔪᓐᓇᕋᑦᓯ ᐱᓂᐊᕐᓂᑦᓯᓐᓂᑦ, ᓂᓐᖓᖕᓂᖓ ᕿᓚᒥᐊᐱᒃ ᓄᐃᔪᓐᓇᕐᒪᑦ. ᖁᕕᐊᓱᑦᓯᐊᕐᐳᑦ ᑖᑦᓱᒥᖓ ᑕᑎᖃᕐᑐᑦ.

ᐃᓐᖏᕈᑎᑦ 76:7

ᐃᕝᕕᑐᐊᖅ ᓯᕘᕋᒋᔭᐅᔪᒃᓴᐅᕗᑎᑦ; ᑭᓇ ᓇᔪᕐᑕᕐᓂ ᓇᖏᕈᓐᓇᕐᐹ ᓂᓐᖓᒃᑎᓪᓗᑎᑦ?

ᐂᓮᐊᓯᐅᑉ ᐊᒡᓚᖏᑦ 63:4

ᐅᓪᓗᖅ ᐊᑭᓂᐊᕐᕕᒃᓴᕋ ᐆᒻᒪᒻᒥᐅᑕᕆᓕᕋᒃᑯ, ᐊᕐᕌᒍᓗ ᐱᐅᓕᒃᓯᕕᒃᓴᕋ ᑎᑭᓯᒪᓕᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 30:7

ᐅᓪᓗᖅ ᑍᓐᓇ ᑲᑉᐱᐊᓇᕐᑐᖃᕐᑐᖅ ᐊᑦᔨᖃᕈᒫᓐᖏᓚᖅ ᔧᑯᒃᑯᑦ ᐊᒃᓱᕈᕐᓇᕐᑐᒦᑦᓱᒫᕐᐳᑦ, ᑭᓯᐊᓂᓕ ᑕᕝᕙᓐᖓᑦ ᐱᐅᓕᔭᐅᔪᒫᕐᐳᑦ.”

ᔪᐃᓕᐅᑉ ᐊᒡᓚᖏᑦ 1:15

ᐊᑕᓂᐅᑉ ᐅᓪᓗᖓ ᖃᒡᓕᕗᖅ; ᑎᑭᓐᓂᐊᕐᐳᖅ ᐊᓯᕈᐃᔭᕐᑐᕐᑐᑐᑦ ᐊᔪᒐᖃᖏᑦᑐᕐᔪᐊᕐᒥᓐᖔᕐᓗᓂ.

ᔪᐃᓕᐅᑉ ᐊᒡᓚᖏᑦ 2:1

ᑎᑦᑐᓚᐅᑏᑦ ᓂᓪᓕᕐᑎᓯᒋᑦ ᓮᐅᓂᒥ, ᐊᑕᓂᐅᑉ ᖃᖅᑲᖓᓂ ᐃᑦᔪᕐᓁᑦᑐᒥ, ᓄᓇᓕᓕᒫᓪᓗ ᓴᔪᒡᓕᑦ, ᐊᑕᓂᐅᑉ ᐅᓪᓗᖓ ᑎᑭᓕᕐᒪᑦ, ᖃᓂᑦᑑᓕᕐᓗᓂ.

ᔪᐃᓕᐅᑉ ᐊᒡᓚᖏᑦ 2:11

ᐊᑕᓂᐅᑉ ᓂᐱᒥᓄᑦ ᐅᓇᑕᕐᑐᒃᓴᖁᑎᓂ ᐊᐅᓚᑉᐰᑦ, ᐅᓇᑕᕐᑐᒃᓴᖁᑎᖏᑦ ᐅᓄᕐᑐᕐᔪᐊᖑᕗᑦ; ᓂᐱᖓᓂᒃ ᓈᓚᒃᑐᖅ ᓲᖑᔪᕐᔪᐊᖑᕗᖅ. ᐊᑕᓂᐅᑉ ᐅᓪᓗᖓ ᑲᑉᐱᐊᓇᕐᐳᖅ; ᑭᓇᓖ ᑕᒪᑐᒥᖓ ᐊᓂᒍᐃᔪᓐᓇᕐᐹ?

ᔪᐃᓕᐅᑉ ᐊᒡᓚᖏᑦ 2:31

ᓯᕿᓂᕐᓗ ᑖᕐᓯᔪᒫᕐᐳᖅ, ᑕᖅᑭᕐᓗ ᐊᐅᒃᑎᑐᑦ ᐊᐅᐸᕐᓯᓗᓂ, ᐊᑕᓂᐅᑉ ᐅᓪᓗᕐᔪᐊᖓ ᑲᒪᓇᕐᑐᕐᔪᐊᖅ ᓇᓪᓕᐅᑎᖅᑳᕐᑎᓐᓇᒍ.

ᓇᕼᐅᒥᐅᑉ ᐊᒡᓚᖏᑦ 1:6

ᓂᓐᖓᓕᕐᐸᑦ, ᑭᓇ ᐊᓐᓇᒍᓐᓇᕋᔭᕐᐹ? ᑭᓇᓗ ᐊᓐᓇᒍᓐᓇᕐᐹ ᓂᓐᖓᐅᒪᕕᒡᔪᐊᕐᓂᖓᓂᑦ? ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ; ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.

ᒪᓚᑬᑉ ᐊᒡᓚᖏᑦ 3:2

“ᑭᐊ ᐊᑐᕈᓐᓇᕈᒫᕐᐸᐅᒃ ᐅᓪᓗᖅ ᑖᑦᓱᒪ ᑎᑭᕝᕕᒃᓴᖓ? ᑭᓇᓗ ᓇᖏᕈᓐᓇᕈᒫᕐᐸ ᓴᖅᑭᑉᐸᑦ? ᑖᓐᓇ ᐃᑯᒪᑐᑦ ᓴᕕᕋᔭᒃᓴᓂᒃ ᐊᐅᒃᑎᑦᓯᔪᑎᑎᑐᑦ ᑍᒤᑦᓱᒫᕐᒪᑦ ᐊᓐᓄᕌᓂᒡᓗ ᐅᐊᓴᐅᑎᑎᑐᑦ;

ᓘᑲᓯᐅᑉ ᐊᒡᓚᖏᑦ 21:36

ᑍᒪᓐᖓᑦ ᖃᐅᔨᓴᑦᓮᓐᓇᕆᑦᓯ, ᑐᒃᓯᐊᖃᑦᑕᕐᓗᓯ ᐱᔪᓐᓇᕐᓂᖃᕐᑎᑕᐅᖁᓪᓗᓯ ᐊᓂᒍᐃᔪᓐᓇᖁᓪᓗᓯ ᑕᒪᒃᑯᐊ ᐱᔪᒫᕐᑐᑦ ᐊᑐᓕᕐᐸᑕ, ᓇᖏᕈᓐᓇᖁᓪᓗᓯᓗ ᐃᓅᑉ ᐃᕐᓂᖓᑕ ᓵᖓᓂ.”

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᔫᑎᐅᑉ ᐊᒡᓚᖏᑦ 1:6

ᐂᖏᓖᓪᓗ ᐱᔪᓐᓇᕐᓂᕐᒥᓃᖏᓐᓇᓚᐅᓐᖏᓚᑦ ᐃᓂᒋᔭᒥᖕᓂᒡᓗ ᕿᒤᓚᐅᕐᐳᑦ ᑖᑦᓱᒧᖓᓗ ᕿᓚᒃᑕᐅᓚᐅᕐᐳᑦ ᓴᕕᕋᔭᖕᓄᑦ ᐃᓱᖃᖏᑦᑐᒧᑦ ᕿᓚᒃᓯᒪᓂᐊᓕᕐᓗᑎᒃ ᑖᕐᑐᕐᔪᐊᕐᒥ ᐊᒃᐸᓯᖕᓂᕐᐹᒥ ᑕᕝᕙᓂᓗ ᐅᑕᖅᑭᑎᑕᐅᕗᑦ ᐅᓪᓗᕐᔪᐊᕐᒧᑦ ᐃᖅᑲᕐᑐᐃᓂᐅᓛᕐᑐᒧ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:18

ᐃᓅᖃᑎᒌᒡᔪᐊᑦ ᓂᓐᖓᕕᒡᔪᐊᕐᐳᑦ, ᓂᓐᖓᐅᓰᓪᓕ ᓇᓪᓕᐅᑎᓕᕐᐳᖅ, ᑐᖁᖓᔪᓪᓗ ᐃᖅᑲᕐᑐᕐᑕᐅᕕᒃᓴᖏᑦ ᓇᓪᓕᐅᑎᕗᑦ, ᐱᔨᕕᓪᓗ ᐊᑭᓕᕐᑕᐅᓂᒃᓴᖏᑦ ᓇᓪᓕᐅᑎᕗᑦ, ᓇᓚᐅᑦᑍᔨᖁᑎᑎᑦ, ᐃᑦᔪᕐᓁᑦᑐᖁᑎᑎᓪᓗ, ᐃᓕᖕᓂᒡᓗ ᐅᐱᒍᓱᒃᑐᑦ, ᐱᓪᓚᕆᐅᒃᐸᑕ ᐱᓪᓚᕆᐅᖏᑉᐸᑕᓘᓐᓃᑦ. ᓄᓇᕐᔪᐊᕐᒥᒡᓗ ᐊᓯᕈᕐᓮᔩᑦ ᐊᓯᕈᕐᑕᐅᕕᒃᓴᖓᑦ ᓇᓪᓕᐅᑎᕗᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:14

ᑖᒃᑯᐊ ᐊᓂᕐᓂᕐᓘᕗᑦ ᓵᑖᓇᓯᒥᓐᖔᕐᓯᒪᔪᑦ, ᑲᒪᓇᕐᑐᓂᒃ ᓴᖅᑭᑎᑦᓯᖃᑦᑕᕐᐳᑦ, ᐊᓂᕐᓃᓪᓗ ᑖᒃᑯᐊ ᐱᖓᓱᑦ ᓯᓚᕐᔪᐊᕐᒥᐅᓕᒫᑦ ᐊᖓᔪᖅᑳᕐᔪᐊᖏᓐᓄᐊᕐᐳᑦ, ᑖᒃᑯᐊ ᑲᑐᑦᔨᓗᑎᒃ ᐅᓇᑕᖅᑯᓪᓗᒋᑦ ᒎᑎᐅᑉ ᐊᔪᒐᖃᖏᑦᑐᕐᔪᐊᑉ ᐅᓪᓗᕐᔪᐊᖓᑕ ᓇᓪᓕᐅᓐᓂᖓᓂ.

ᓴᒧᐃᓕ ᓯᕗᓪᓖᑦ 6:20

ᐱᑦ-ᓯᒥᔅᓯᐅᑉ ᐃᓄᖏᑦ ᐅᖃᓚᐅᕐᐳᑦ, “ᑭᓇ ᓇᖏᕈᓐᓇᕐᐹ ᐊᑕᓂᐅᑉ ᐃᑦᔪᕐᓁᑦᑑᑉ ᒎᑎᐅᑉ ᓵᖓᓂ? ᓇᒧᑦ ᐊᐅᓪᓚᕐᑎᑦᓱᓐᓇᕐᐸᕘᑦ ᐅᕙᑦᑎᓐᓂᒃ ᕿᒪᕉᑎᖁᓪᓗᒍ?”