ᔪᐊᓇᓯᐅᑉ ᑕᑯᑎᑕᐅᓂᖏᑦ 4:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐆᒪᔪᐃᑦ ᓂᕐᑐᐃᓕᕌᖓᒥᒃ ᐅᐱᒍᓱᖃᑦᑕᕐᐳᑦ ᖁᔭᓕᓪᓗᑎᒡᓗ ᑖᑦᓱᒥᖓ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᒥᒃ, ᐃᓅᑦᓮᓐᓇᕐᑐᒥᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:9 Iomraidhean Croise

ᐃᓐᖏᕈᑎᑦ 47:8

ᒎᑎ ᐊᐅᓚᑦᓯᕗᖅ ᐃᓅᖃᑎᒌᒡᔪᐊᓂᒃ; ᒎᑎ ᐃᒃᓯᕙᕗᖅ ᐃᒃᓯᕙᐅᑕᕐᔪᐊᒥ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 48:14

ᑖᓐᓇ ᒎᑎ, ᒎᑎᒋᒐᑦᑎᒍ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᑖᓐᓇᓗ ᑕᓯᐅᕐᑎᒋᓂᐊᕐᐸᕗᑦ ᑐᖁ ᑎᑭᓪᓗᒍ.

ᒨᓯᓯ ᐂᑉᐸᖏᑦ 15:18

ᐊᑕᓂᖅ ᐊᖓᔪᖅᑳᕐᔪᐊᖑᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᐂᓮᐊᓯᐅᑉ ᐊᒡᓚᖏᑦ 6:1

ᐊᕐᕌᒍᒥ ᐊᖓᔪᖅᑳᕐᔪᐊᑉ ᐅᓮᐊᐅᑉ ᑐᖁᕝᕕᐊᓂ, ᐊᑕᓂᖅ ᑕᑯᓚᐅᕐᐸᕋ ᐃᒃᓯᕙᐅᑕᕐᔪᐊᖕᒥᓂ ᐃᒃᓯᕙᔪᖅ, ᖁᑦᓯᒃᑐᒥ ᐳᕐᑐᔪᒥᓗ, ᐊᓐᓄᕌᖓᑕᓗ ᐅᓕᒡᔪᐊᖓᑕ ᑐᒃᓯᐊᕐᕕᒡᔪᐊᑉ ᐃᓗᐊ ᓈᓯᒪᕚ.

ᑖᓂᐊᓕᐅᑉ ᐊᒡᓚᖏᑦ 12:7

ᐊᖑᑎᐅᑉ ᖃᓪᓗᓈᕐᑕᓂᒃ ᐊᓐᓄᕌᓕᐅᑉ, ᑰᑉ ᖁᓛᓂ ᓇᖏᕐᑑᑉ, ᑕᓕᕐᐱᓂ ᐃᓴᒃᐹ ᓴᐅᒥᓂᓗ ᕿᓚᖕᒧᑦ ᐃᓴᓪᓗᒍ, ᑐᓴᕐᐸᕋᓗ ᐊᖏᕈᑎᒥᒃ ᐅᖃᕐᑐᖅ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒧᑦ ᐊᖏᕈᑎᒋᓪᓗᒍ, ᐅᖃᕐᓗᓂ, “ᓇᓪᓕᐅᓐᓂᖅ ᓇᓪᓕᐅᓐᓂᒃᑲᓐᓂᕐᓗ ᓇᑉᐸᕐᓗ ᐊᓂᒍᕐᐸᑕ, ᐃᓄᐃᑦ ᐃᑦᔪᕐᓁᑦᑐᑦ ᐱᔪᓐᓇᕐᓂᖃᕐᕕᐅᓂᖏᑦ ᐃᓱᓕᑉᐸᑕ, ᑕᒪᒃᑯᐊ ᑕᕝᕙ ᓇᓪᓕᐅᑎᔭᕇᕈᒫᕐᐳᑦ.”

ᑖᓂᐊᓕᐅᑉ ᐊᒡᓚᖏᑦ 4:34

“ᐅᓪᓗᐃᑦ ᑍᒃᑯᐊ ᐃᓱᓕᒻᒪᑕ, ᐅᕙᖓ ᓂᐱᑯᓁᓴ, ᕿᓚᖕᒧᑦ ᐋᕐᓗᕐᓗᖓ, ᖃᐅᔨᒪᓂᕋᓗ ᐅᑎᑦᓯᐊᓚᐅᕐᐳᖅ; ᖁᑦᓯᖕᓂᕐᐹᕐᓗ ᓂᕐᑐᕐᓇᕐᓯᑎᓚᐅᕐᐸᕋ, ᓂᕐᑐᓚᐅᕐᐸᕋᓗ ᐅᐱᒋᓚᐅᕐᐸᕋᓗ ᐃᓅᔪᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. “ᑖᑦᓱᒪ ᐊᑕᓂᐅᕕᖓ ᐃᓱᖃᖏᑦᑐᒧᑦ ᐊᑕᓂᐅᕕᐅᖕᒪᑦ, ᐊᖓᔪᖅᑲᐅᓂᖓᓗ ᓱᖁᓯᕐᓂᐊᓐᖏᓚᖅ ᑭᖑᕚᖑᖃᑎᒌᓂᑦ ᑭᖑᕚᖑᖃᑎᒌᓄᑦ.

ᒨᓯᓯ ᑕᓪᓕᒪᖏᑦ 32:40

ᐊᒡᒐᒃᑲ ᖁᒻᒧᑦ ᐃᓵᒡᓗᒋᑦ, ᐅᖃᕕᒡᓗᖓ ᐊᖏᒻᒪᕆᒃᐳᖓ, ᐃᓅᒐᒪ ᐃᓱᖃᖏᑦᑐᒧᑦ,

ᐄᑉᕈᐃᓄᑦ 7:25

ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.

ᐄᑉᕈᐃᓄᑦ 7:8

ᑐᓂᕐᕈᓯᕐᑎᑦᓯᔩᓪᓕ ᑕᓪᓕᒪᐅᔪᕐᑐᐃᕈᑎᓂᒃ ᑎᒍᓯᕙᓚᐅᕐᐳᑦ ᐃᓄᑐᐃᓐᓇᐅᓪᓗᑎᒃ ᑐᖁᕙᒃᓗᑎᒡᓗ; ᒥᓪᑭᓯᑎᓕ ᑕᓪᓕᒪᐅᔪᕐᑐᐃᕈᑎᓂᒃ ᑎᒍᓯᓚᐅᕐᐳᖅ ᐃᓅᖏᓐᓇᕐᓂᕋᕐᑕᐅᔪᖅ, ᐅᖃᐅᓯᐅᓯᒪᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:18

ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:6

ᐅᖃᕕᒃᐳᕐᓗ ᑖᑦᓱᒪ ᐃᓅᑦᓮᓐᓇᕐᑑᑉ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐊᑎᖓᓂ, ᐱᓐᖑᕐᑎᑦᓯᓚᐅᕐᑑᓪᓗ ᕿᓚᖕᒥᒃ ᓄᓇᒥᒡᓗ ᐃᓗᓕᓕᒫᖏᓐᓂᒡᓗ, ᐃᒪᕐᕕᖕᓂᒡᓗ ᐃᓗᓕᓕᒫᖏᓐᓂᒡᓗ, ᓇᓪᓕᐅᑦᑐᒃᓴᐅᑉ ᑭᖑᕙᕆᐊᕐᓂᐊᕈᓐᓃᕐᓂᖓᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:7

ᐆᒪᔪᓪᓗ ᓯᑕᒪᑦ ᐃᓚᖓᑦᑕ ᐂᖏᓖᑦ 7 ᑐᓂᓯᕕᒋᕔᑦ 7ᓂᒃ ᖃᓪᓗᑎᓂᒃ ᒎᓗᓂᒃ ᒎᑎᐅᑉ ᐃᓅᑦᓮᓐᓇᕐᑑᑉ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᓂᓐᖓᐅᓯᖓᓂᒃ ᑕᑕᑦᑐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:5

ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕙᔪᖅ ᐅᖃᕐᐳᖅ, “ᑕᑯᒋᑦ ᓱᓇᓕᒫᓂᒃ ᓄᑖᓐᖑᕐᑎᑦᓯᕗᖓ.” ᐅᖃᒃᑲᓐᓂᕐᐳᕐᓗ, “ᐅᑯᐊ ᑎᑎᕋᒃᑭᑦ, ᐅᖃᐅᓰᑦ ᑖᒃᑯᐊ ᐅᒃᐱᕆᔭᒃᓴᐅᕗᑦ ᓱᓕᓪᓗᑎᒡᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:2

ᑕᕝᕔᓐᓇᕐᓗ ᐊᓂᕐᓂᕐᒦᓕᕐᐳᖓ, ᑕᑯᒋᓪᓗ, ᕿᓚᖕᒦᑦᑐᒥᒃ ᑕᑯᕗᖓ ᐃᒃᓯᕙᐅᑕᕐᔪᐊᕐᒥᒃ, ᑕᕝᕙᓂᓗ ᐃᒃᓯᕙᔪᖃᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:8

ᐆᒪᔪᑦ ᓯᑕᒪᑦ, ᐃᓴᕈᖃᕐᐳᑦ ᐊᑐᓂᑦ ᐱᖓᓲᔪᕐᑐᓂᒃ, ᐃᔨᖃᕐᓗᑎᒡᓗ ᐃᓗᒥᒃᑎᒍᑦ ᓯᓚᑎᓕᒫᒥᒃᑎᒍᓪᓗ, ᐅᓪᓘᑎᓪᓗᒍᓗ ᐅᓐᓄᐊᒥᓗ ᓄᖅᑲᔪᐃᑦᑑᓪᓗᑎᒃ ᐃᓐᖏᕐᐳᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ, ᑍᒤᓚᐅᕋᒥ ᒫᓐᓇᓗ ᑍᒤᑦᑐᖅ ᑍᒤᖏᓐᓇᕐᓂᐊᕐᑐᕐᓗ ᓯᕗᓂᕐᒥ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:1

ᑕᑯᕗᖓᓗ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᕐᑑᑉ ᑕᓕᕐᐱᖕᒥᓄᑦ ᑎᒍᒥᐊᕐᑕᖏᓐᓂᒃ ᐊᒡᓚᖕᓂᒃ ᐃᒧᓯᒪᔪᓂᒃ ᐃᒡᓗᒃᑐᑦ ᑎᑎᕋᕐᕕᒋᓯᒪᔪᓂᒃ, ᑖᒃᑯᐊ 7ᓂᒃ ᓇᕿᑦᔪᓯᕐᓯᒪᕗᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:16

ᖃᖅᑳᓗᖕᓄᓪᓗ ᐅᔭᕋᓱᒡᔪᖕᓄᓪᓗ ᐅᖃᕐᐳᑦ, “ᓯᑑᒡᕕᒋᓗᑕ ᐃᔨᓚᐅᕐᑎᒍᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔫᑉ ᑮᓇᖓᓂᑦ, ᓄᕐᕋᐅᔭᐅᓪᓗ ᓂᓐᖓᖕᓂᖓᓂᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:15

ᑍᒤᒻᒪᑦ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᓵᖓᓃᑉᐳᑦ, ᐱᔨᑦᓯᕐᓗᒍ ᐅᓪᓗᖅ ᐅᓐᓄᐊᕐᓗ ᓈᓗᒍ ᑐᒃᓯᐊᕐᕕᒡᔪᐊᖁᑎᖓᓂ; ᐃᒃᓯᕙᐅᑕᕐᔪᐊᒥᓗ ᐃᒃᓯᕚᕐᑑᑉ ᐱᓯᒤᓐᓇᕐᓂᐊᕐᐰᑦ ᓴᐳᑎᓯᒪᓗᒋᑦ ᓇᔫᑎᓂᕐᒥᓄᑦ.