ᔪᐊᓇᓯᐅᑉ ᑕᑯᑎᑕᐅᓂᖏᑦ 4:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐃᒃᓯᕙᐅᑕᕐᔪᐊᓪᓗ ᓯᕗᕌ ᐃᒪᕐᔪᐊᑎᑐᑦ ᐊᓕᒍᕐᑎᑐᑦ ᑍᒤᒻᐳᖅ, ᕿᓪᓕᕐᓗᓂ ᑕᑯᒃᓴᐅᓇᑦᓯᐊᕐᐳᖅ. ᐃᒃᓯᕙᐅᑕᕐᔪᐊᓪᓗ ᓴᓂᕌᓃᑦᑐᖃᕐᐳᖅ ᐊᕙᑎᖏᖕᓂ, ᐆᒪᔪᕐᔪᐊᓂᒃ ᓯᑕᒪᓂᒃ, ᓵᒥᒃᑎᒍᑦ ᑐᓄᒥᒃᑎᒍᓪᓗ ᑕᒤᑎᒍᑦ ᐃᔨᓕᖕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:6 Iomraidhean Croise

ᐊᑕᓃᑦ ᓯᕗᓪᓖᑦ 7:23

ᕼᐅᕋᒻ ᓴᓇᕗᖅ ᐊᖕᒪᓗᑭᓵᒥᒃ ᑲᓐᓄᔭᐅᓪᓗᓂ ᐃᑎᒐᖕᓂᒃ 7ᓂᒃ ᐃᑎᓂᖃᕐᓗᓂ 15ᓂᒃ ᐃᑎᒐᖕᓂᒃ ᓂᕈᑐᓂᖃᕐᓗᓂ 45ᓂᒃ ᐃᑎᒐᖕᓂᒃ ᐳᕐᑐᓂᖃᕐᓗᓂ.

ᔫᐱᐅᑉ ᐊᒡᓚᖏᑦ 28:17

ᒎᓗᒧᑦ ᐊᓕᒍᕐᒧᓪᓗ ᐊᑭᑐᔪᒧᑦ ᓇᓪᓕᕐᑕᐅᔪᓐᓇᓐᖏᓚᖅ, ᑕᐅᕐᓯᕐᑕᐅᔪᓐᓇᕋᓂᓗ ᐱᐅᓴᐅᑎᓄᑦ ᒎᓗᑦᓯᐊᕙᐅᓂᕐᐹᓄᓪᓗ.

ᒨᓯᓯ ᐂᑉᐸᖏᑦ 38:8

ᐴᒍᑕᕐᒥᒃ ᑲᓐᓄᔭᒥᒃ ᓴᓇᒋᕗᖅ ᑲᓐᓄᔭᒥᒡᓗ ᐊᓪᓕᕋᖃᕐᓗᒍ ᐊᕐᓁᑦ ᑕᕐᕋᕐᑑᑎᖏᓐᓂᑦ ᓴᓇᓚᐅᕐᐳᖅ ᐊᑕᓂᐅᑉ ᓇᔪᒐᖓᑕ ᑐᐱᐅᑉ ᐃᑎᕐᑕᕐᕕᖓᓂ ᐱᓇᓱᐊᕐᑎᐅᔫᑉ ᐱᖁᑎᕕᓂᖓᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 10:12

ᑎᒥᖏᑦ ᑐᓄᖏᓪᓗ, ᐊᒡᒐᖏᓪᓗ, ᐃᓴᕈᖏᓪᓗ, ᐊᒃᓴᓗᐊᓪᓗ ᐃᔨᓂᒃ ᓈᓯᒪᕗᑦ, ᑖᒃᑯᐊ ᓯᑕᒪᑦ ᐊᒃᓴᓗᐊᖁᑎᖏᑦ.

ᐃᓯᑭᐊᓕᐅᑉ ᐊᒡᓚᖏᑦ 10:14

ᑖᒃᑯᐊ ᓯᑕᒪᓂᒃ ᐊᑐᓂᑦ ᑮᓇᖃᕐᐳᑦ: ᓯᕗᓪᓕᕐᐹᖅ ᑮᓇᖓ ᑕᐅᑦᑐᖃᕐᐳᖅ ᓯᕈᐱᐅᑉ ᑮᓇᖓᓂᒃ, ᑮᓇᖓᑕ ᐂᑉᐸᖓ ᐃᓅᑉ ᑮᓇᖓᓂᒃ, ᐱᖓᔪᖓᑦ ᓛᔭᒥᒃ, ᓯᑕᒪᖓᑦ ᓇᒃᑐᕋᓕᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:3

ᐃᓐᖏᕐᐳᓪᓗ ᐃᓐᖏᕈᒻᒥᒃ ᓄᑖᒥᒃ ᐃᒃᓯᕙᐅᑕᕐᔪᐊᑉ ᓵᖓᓂ ᐆᒪᔪᓪᓗ ᓯᑕᒪᑦ ᐊᖓᔪᖅᑳᖑᔪᓪᓗ ᓵᖏᓐᓂ. 144,000 ᐊᓯᖏᓐᓄᑦ ᐃᓕᑕᐅᔪᓐᓇᖏᑦᑐᒥᒃ ᐃᓐᖏᕐᐳᑦ ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᔪᑦ ᓄᓇᕐᔪᐊᕐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:2

ᑕᑯᓕᕆᕗᖓ ᐃᒪᐅᔮᕐᑐᒥᒃ ᐊᓕᒍᕐᒥᒃ ᐃᑯᐊᓚᔫᔮᕐᑐᒥᒃ, ᓵᓚᖃᕐᓯᒪᔪᓪᓗ ᐆᒪᔪᐊᓗᖕᒥᒃ ᐊᑦᔨᓐᖑᐊᖓᓂᒡᓗ ᓴᓇᓯᒪᔪᒥᒃ ᐊᑎᖓᓂᒡᓗ ᓈᓴᐅᑎᓕᖕᒥᒃ, ᑖᒃᑯᐊᓗ ᓇᖏᕐᐳᑦ ᐃᒪᐅᔮᕐᑑᑉ ᐊᓕᒍᕐᑐᑦ ᑍᒤᑦᑑᑉ ᓯᓈᓂ ᑯᑭᑦᑕᐸᐅᑎᐅᔮᕐᑐᓂᒃ ᕼᐊᕐᐱᓂᒃ ᑎᒍᒥᐊᕐᓗᑎᒃ ᒎᑎᐅᑉ ᐱᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:7

ᐆᒪᔪᓪᓗ ᓯᑕᒪᑦ ᐃᓚᖓᑦᑕ ᐂᖏᓖᑦ 7 ᑐᓂᓯᕕᒋᕔᑦ 7ᓂᒃ ᖃᓪᓗᑎᓂᒃ ᒎᓗᓂᒃ ᒎᑎᐅᑉ ᐃᓅᑦᓮᓐᓇᕐᑑᑉ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᓂᓐᖓᐅᓯᖓᓂᒃ ᑕᑕᑦᑐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:4

ᐊᖓᔪᖅᑳᓪᓗ 24 ᐆᒪᔪᐃᓪᓗ ᓯᑕᒪᑦ ᐹᒻᒪᒡᓗᑎᒃ ᒎᑎ ᐅᐱᒋᕚᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᖅ, ᐅᖃᕐᓗᑎᒃ, “ᐋᒥᓐ ᐋᓕᓘᔭ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:11

ᒎᑎᐅᓪᓗ ᐱᓐᓇᕐᓇᕐᓂᕐᔪᐊᖓᓄᑦ ᖃᐅᒪᕗᑦ, ᕿᓪᓕᕐᐳᑦ ᐅᔭᕋᒃᑎᑐᑦ ᐱᐅᓂᕐᐹᑎᑐᑦ, ᔮᓯᐸᕆᑐᑦ, ᐊᓕᒍᕐᑎᑐᓪᓗ ᕿᓪᓚᕆᒃᑐᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:18

ᐊᕙᓗᕐᔪᐊᕐᓗ ᔮᓯᐸᕆᐅᕗᖅ, ᐃᒡᓗᒐᓴᒡᔪᐊᓪᓗ ᒎᓗᐃᓐᓇᐅᕗᑦ, ᐊᓕᒍᕐᑎᑐᓪᓗ ᑕᑯᒃᓴᐅᑦᓯᐊᕐᓇᕐᑎᒋᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:21

ᐃᑎᕐᑕᕐᕕᖏᓪᓗ 12 ᓴᐸᖓᒃᓴᔭᐅᕗᑦ ᐃᒫᓂᑦ ᐱᓯᒪᔪᑦ, ᐃᑎᕐᑕᕐᕖᑦ ᐊᑐᓂᑦ ᐊᑕᐅᓯᕐᒥᑦ ᓴᐸᖓᒃᓴᔭᒥᑦ ᓴᓇᓯᒪᓪᓗᑎᒃ, ᐃᒡᓗᒐᓴᒡᔪᐊᓪᓗ ᐊᖅᑯᑎᖏᑦ ᒎᓘᕗᑦ ᐃᓚᓯᒪᓇᑎᒃ, ᐊᓕᒍᕐᑎᑐᑦ ᑕᑯᒃᓴᐅᓇᑦᓯᐊᕐᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:1

ᑕᕝᕙ ᐂᖏᓕᐅᑉ ᑕᑯᑎᒃᑭᕚᖓ ᑰᖕᒥᒃ ᐃᓅᓯᖃᕐᓇᕐᑐᒥᒃ ᐃᒪᓕᖕᒥᒃ, ᐊᓕᒍᕐᑐᑦ ᑍᒤᑦᑐᒥᒃ ᑲᑭᐊᒃᑐᒥᒃ ᐃᒪᓕᖕᒥᒃ, ᒎᑎᐅᑉ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓᓐᓂᑦ ᑰᒃᑐᒥᒃ

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:4

ᐃᒃᓯᕙᐅᑕᕐᔪᐊᕐᓗ ᐊᕙᑕᖏᕐᑕᐅᓯᒪᕗᖅ ᐃᒃᓯᕙᐅᑕᕐᔪᐊᓄᑦ 24ᓄᑦ, ᑖᒃᑯᐊᓗ ᐃᒃᓯᕚᕐᕕᐅᕗᑦ ᐊᖓᔪᖅᑳᓄᑦ 24ᓄᑦ, ᐊᓐᓄᕌᕐᓯᒪᔪᓄᑦ ᖃᑯᕐᑕᓂᒃ, ᓂᐊᖂᓯᕐᓯᒪᔪᓄᑦ ᐊᖓᔪᖅᑳᕐᓯᐅᑎᓂᒃ ᒎᓗᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:11

ᑕᑯᓴᕐᒥᒐᒪ, ᑐᓵᓕᕐᐳᖓ ᐃᒃᓯᕙᐅᑕᕐᔪᐊᑉ ᐊᕙᑖᓂᑦ ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ ᐂᖏᓖᓪᓗ ᐅᓄᕐᑐᕐᔪᐊᑦ ᓂᐱᖏᓐᓂᒃ, ᒥᓕᐊᓐ ᒥᓕᐊᖏᕐᑐᕐᓗᒋᑦ ᓈᓴᒐᒃᓴᐅᖏᑦᑐᕐᔪᐊᓂᒃ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:14

ᐆᒪᔪᓪᓗ ᓯᑕᒪᑦ ᐅᖃᕐᐳᑦ, “ᐋᒦᓐ!” ᐊᖓᔪᖅᑳᓪᓗ ᐅᑯᓪᓗᑎᒃ ᐹᒻᒪᒃᐳᑦ ᑐᒃᓯᐊᕐᕕᒋᓪᓗᒍᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:6

ᑕᕝᕙ ᑕᑯᕗᖓ ᓄᕐᕋᐅᔭᒥᒃ ᓇᖏᕐᑐᒥᒃ ᐃᒃᓯᕙᐅᑕᕐᔪᐊᑦ ᐊᑯᕐᖓᓐᓂ ᐆᒪᔪᓄᑦ ᓯᑕᒪᓄᑦ ᐊᖓᔪᖅᑳᓄᓪᓗ ᐊᕙᓗᔭᐅᓯᒪᔪᒥᒃ, ᑖᓐᓇ ᓄᕐᕋᐅᔭᖅ ᑐᖁᑕᐅᓯᒪᔪᕕᓂᐅᔮᕐᐳᖅ, 7ᓂᒃ ᓇᒡᔪᖃᕐᐳᖅ 7ᓂᒡᓗ ᐃᔨᖃᕐᓗᓂ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7 ᑎᓕᔭᐅᓯᒪᔪᑦ ᓄᓇᕐᔪᐊᓕᒫᒧᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8

ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:1

ᑕᑯᕗᖓ ᓇᕿᑦᔪᑎᐅᑉ 7ᖓᑦᑕ ᐃᓚᖓᓐᓂᒃ ᓄᕐᕋᐅᔭᖅ ᒪᒃᐱᕐᓯᑎᓪᓗᒍ, ᐆᒪᔪᐃᓪᓗ ᓯᑕᒪᑦ ᐃᓚᖓᑦ ᑐᓴᕐᐸᕋ ᑲᓪᓕᐅᑉ ᐃᒃᑐᓚᐅᕐᓂᖓᑐᑦ ᓂᐱᖃᕐᓗᓂ ᐅᖃᕐᑐᖅ, “ᕾᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:6

ᓂᐱᒥᒡᓗ ᑐᓴᕐᐳᖓ ᐆᒪᔪᐊᓗᖕᓂᑦ ᓯᑕᒪᓂᑦ ᓂᐱᒋᔭᐅᔫᔮᕐᑐᓂᒃ, ᐅᖃᕐᑐᒥᒃ, “ᓂᐊᖂᔭᒃᓴᐅᑉ ᐅᖁᒤᓐᓂᖓᑕ ᐊᑕᐅᓯᐅᑉ ᐊᕝᕙᖓᑕ ᐊᕝᕙᖓ ᐊᑭᖃᕐᓕ ᐅᓪᓗᓕᒫᖅ ᑮᓇᐅᔭᓕᐊᖑᕙᒃᑐᑎᑐᑦ, ᕿᕐᓈᖓᔫᓪᓗ ᓂᐊᖂᔭᒃᓴᐅᑉ ᐅᖁᒤᓐᓂᖓᑕ ᐊᑕᐅᓯᐅᑉ ᓇᑉᐸᖓᓂᑦ ᐊᖏᓂᕐᓴᖅ ᐊᑭᖃᕐᓕ ᐅᓪᓗᓕᒫᖅ ᑮᓇᐅᔭᓕᐊᖑᕙᒃᑐᑎᑐᑦ; ᐸᐅᕐᒊᓪᓕ ᐅᕐᓱᖏᑦ ᐸᐅᕐᒊᓪᓗ ᐃᑦᑎᖏᑦ ᐊᓯᕈᕐᑎᓐᓂᐊᕐᓇᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:11

ᐂᖏᓕᓕᒫᓪᓗ ᐃᒃᓯᕙᐅᑕᕐᔪᐊᑉ ᐊᕙᑖᓂ ᓇᖏᕐᐳᑦ ᐊᖓᔪᖅᑳᓪᓗ ᐆᒪᔪᓪᓗ ᓯᑕᒪᑦ ᐊᕙᑖᓃᖃᑕᐅᕗᑦ, ᑖᒃᑯᐊᓗ ᐹᒻᒪᒡᓗᑎᒃ ᐃᒃᓯᕙᐅᑕᕐᔪᐊᑉ ᓵᖓᓄᑦ ᒎᑎ ᓂᕐᑐᕐᐹᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:17

ᓄᕐᕋᐅᔭᐅᑉ ᐃᒃᓯᕙᐅᑕᕐᔪᐊᑉ ᕿᑎᖓᓃᑦᑑᑉ ᐰᕆᓂᐊᕐᒪᒋᑦ, ᑕᓯᐅᕐᓂᐊᕐᐰᓪᓗ ᐃᒥᕐᒧᑦ ᐃᓅᓯᖃᕐᓇᕐᑐᒥᒃ ᑯᕕᔪᒧᑦ; ᒎᑎᐅᓪᓗ ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ.”