ᔪᐊᓇᓯᐅᑉ ᑕᑯᑎᑕᐅᓂᖏᑦ 4:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᒃᓯᕙᐅᑕᕐᔪᐊᕐᒥᓪᓗ ᖃᐅᒻᒫᓪᓚᒃᑐᖃᖃᑦᑕᕐᐳᖅ, ᑐᓴᕐᓴᐅᔪᖃᕐᐳᕐᓗ ᑲᓪᓕᕐᒥᒃ ᐃᒃᑑᓕᔮᒥᒡᓗ, ᐃᒃᓯᕙᐅᑕᕐᔪᐊᓪᓗ ᓯᕗᕌᓃᑦᑐᖃᕐᐳᖅ ᖃᐅᒻᒪᖅᑯᑎᓂ 7ᓂᒃ ᐃᑯᒪᔪᓂᒃ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:5 Iomraidhean Croise

ᒨᓯᓯ ᓯᕗᓪᓖᑦ 15:7

ᐅᖃᐅᑎᓪᓗᒍᓗ, “ᐅᕙᖓᐅᕗᖓ ᐊᑕᓂᖅ, ᓄᓇᒥᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᐊᐅᓪᓚᕐᑎᓚᐅᕐᐸᒋᑦ, ᑕᒪᓐᓇ ᓄᓇ ᑐᓂᔪᒪᓪᓗᒍ ᐃᓕᖕᓄᑦ ᓄᓇᑖᕆᔭᐅᖁᓪᓗᒍ.”

ᑯᕉᓂᑲ ᐂᑉᐸᖏᑦ 4:20

ᓇᓂᕈᐊᑦ ᐃᓂᖏᓪᓗ ᒎᓗᓪᓚᕆᐅᕗᑦ ᐃᑯᒪᔪᒃᓮᑦ ᐃᓂᓕᐅᕐᑕᐅᓯᒪᕗᑦ ᐃᑦᔪᕐᓁᑦᑐᕕᐅᑉ ᐃᓗᐊᓂ, ᑖᒃᑯᐊ ᓇᓗᓁᕐᑕᐅᓯᒪᕗᑦ.

ᐃᓐᖏᕈᑎᑦ 68:35

ᒎᑎ, ᑲᒪᓇᕐᑐᕐᔪᐊᖑᕗᖅ ᐃᓂᒋᔭᒥᓂ ᐃᑦᔪᕐᓁᑦᑐᒥ, ᐃᓴᕆᐊᓕᑏᑦ ᒎᑎᖓᑦ ᑐᓂᓯᕗᖅ ᓴᓐᖏᓂᕐᒥᒃ ᐱᔪᓐᓇᕐᓂᕐᒥᒡᓗ ᐃᓄᖁᑎᒥᓄᑦ. ᒎᑎ ᓂᕐᑐᕐᑕᐅᓕ!

ᒨᓯᓯ ᐂᑉᐸᖏᑦ 19:16

ᐅᓪᓗᓪᓕ ᐱᖓᔪᖓᑦᑕ ᐅᓪᓛᕆᔭᖓᓂ ᑲᓪᓕᕐᐳᖅ ᖃᐅᒻᒪᓪᓛᓪᓗᓂᓗ, ᓄᕗᔭᓗ ᐃᒻᒥᒎᕐᑐᖅ ᓴᖅᑭᑉᐳᖅ ᖃᖅᑳᓘᑉ ᖄᖓᒍᑦ. ᑎᑦᑐᓚᐅᑎᐅᓪᓗ ᓂᐱᖓ ᓂᐱᑑᓪᓗᓂ ᑐᓴᕐᑕᐅᕗᖅ, ᐃᓄᓕᒫᓪᓗ ᓄᓇᓕᖕᓃᑦᑐᑦ ᑲᑉᐱᐊᓱᓕᕐᐳᑦ ᖁᐊᕐᓵᕐᓗᑎᒡᓗ.

ᒨᓯᓯ ᐂᑉᐸᖏᑦ 20:18

ᐃᓄᐃᓪᓗ ᑲᓪᓕᖅ ᑎᑦᑐᓚᐅᓪᓗ ᓂᓪᓕᕐᑐᖅ ᑐᓴᕋᒥᑦᔪᒃ, ᖃᐅᒻᒪᓪᓚᒃᑐᕐᓗ ᑕᑯᓪᓗᒍ, ᖃᖅᑳᓗᒡᓗ ᐳᔫᕐᑐᖅ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ ᐅᖓᓯᒋᔮᓂᓗ ᓇᖏᕐᓗᑎᒃ.

ᒨᓯᓯ ᐂᑉᐸᖏᑦ 25:37

ᓇᓂᕈᐊᖃᕐᕕᒃ ᑖᓐᓇ 7ᓂᒃ ᑲᑎᓪᓗᒋᑦ ᓇᓂᕈᐊᖃᕐᕕᖃᕐᑐᒃᓴᐅᕗᖅ; ᐃᓕᓯᒪᔭᐅᔪᒃᓴᐅᕗᕐᓗ ᑕᑉᐹᓂ ᓯᕗᕌᓂ ᖃᐅᒪᑎᑦᓯᖁᓪᓗᒍ.

ᒨᓯᓯ ᐂᑉᐸᖏᑦ 37:23

ᓇᓂᕈᐊᖃᕐᕕᒃ ᑖᓐᓇ 7ᓂᒃ ᑲᑎᓪᓗᒋᑦ ᓇᓂᕈᐊᖃᕐᕕᖃᕐᓗᒍ ᓴᓇᕚ, ᐃᑯᒪᖏᓐᓄᓪᓗ ᖃᒥᑦᓯᑦᔪᑎᖓ ᐊᓪᓕᕋᖓᓗ ᒎᓗᓪᓚᕆᐅᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 1:13

ᐆᒪᔪᐊᓗᐃᓪᓗ ᐊᑯᕐᖓᓐᓃᑦᑐᖃᕐᐳᖅ ᐊᐅᒪᐅᔮᕐᑐᓂᒃ ᐃᑯᐊᓚᔪᓂᒃ, ᓇᓂᕈᐊᑎᑐᑦ ᑍᒤᑦᑐᒥᒃ ᐃᖏᕐᕋᔪᖃᕐᐳᖅ ᐆᒪᔪᐊᓗᐃᑦ ᐊᑯᕐᖓᓐᓂ; ᐃᑯᒪᖓᓗ ᖃᐅᒻᒪᕆᒃᐳᖅ, ᐃᑯᒪᔪᒥᓪᓗ ᑕᕝᕙᓐᖓᑦ ᖃᐅᒻᒪᓪᓚᒃᑐᖃᖃᑦᑕᕐᐳᖅ.

ᔪᐃᓕᐅᑉ ᐊᒡᓚᖏᑦ 3:16

ᐊᑕᓂᖅ ᐃᕐᓯᓵᕆᔪᑎᑐᑦ ᓂᓪᓕᐊᔪᒫᕐᐳᖅ ᓮᐅᓂᒥ, ᓂᐱᖓᓗ ᑐᓴᕐᓴᐅᔪᒫᕐᐳᖅ ᔨᕉᓴᓕᒥᑦ; ᕿᓚᒡᓗ ᓄᓇᓗ ᓴᔪᒍᒫᕐᐴᒃ; ᐊᑕᓂᕐᓕ ᕿᒫᕕᒃᓴᐅᔪᒫᕐᐳᖅ ᐃᓄᖁᑎᒥᓄᑦ, ᐃᓴᕆᐊᓕᒥᐅᓄᓪᓗ ᑭᖑᕚᖑᖃᑎᒌᓄᑦ ᓴᓐᖏᑦᔪᑕᐅᔪᒫᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 4:2

ᐅᖃᐅᑎᕚᖓᓗ, “ᓱᓇᒥᒃ ᑕᑯᕕᑦ?” ᑭᐅᕙᕋᓗ, “ᑕᑯᕗᖓ ᓇᓂᕈᐊᑉ ᐃᓂᖓᓂᒃ ᒎᓗᒥᒃ ᓴᓇᓯᒪᔪᒥᒃ, ᖄᖓᓂ ᐊᓪᓕᕋᐅᔭᕐᑕᓕᒃ ᐅᕐᓱᖃᕐᕕᖕᒥᒃ. ᓇᓂᕈᐊᓪᓗ ᐊᑐᓂᑦ ᐃᓂᖏᓐᓂᒃ 7ᓂᒃ ᓇᓂᕈᐊᕐᑕᖃᕐᐳᖅ, ᐊᑐᓂᓪᓗ ᑖᒃᑯᐊ 7ᓂᒃ ᐃᑯᐊᓚᒍᑎᖃᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 25:1

“ᒎᑎᐅᑉ ᐊᑕᓂᐅᕕᖓ ᐊᑦᔨᖃᕈᓐᓇᕐᐳᖅ ᐊᕐᓇᓂᒃ ᖁᓕᓂᒃ ᓇᓂᕈᐊᒥᖕᓂᒃ ᓇᒃᓴᕐᓗᑎᒃ ᐅᐃᒃᓴᒥᒃ ᐸᕐᕆᐊᕐᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 3:11

ᐃᒪᕐᒧᑦ ᐹᑉᑎᑉᐸᑦᓯ ᖃᕿᐊᓕᕐᓂᑦᓯᓐᓄᑦ ᓇᓗᓁᒃᑯᑕᐅᖁᓪᓗᒍ, ᑭᖑᓂᒃᑯᓪᓕ ᕾᓂᐊᕐᑐᖅ ᐅᕙᓐᓂᑦ ᐊᔪᖏᓐᓂᕐᓴᕐᔪᐊᖑᕗᖅ, ᓇᓗᖅᑯᑎᕗᖓ, ᐊᒡᓛᑦ ᐃᑎᒐᒍᑎᖏᓐᓂᒃ ᑎᒍᒥᐊᕆᐊᒃᓴᖅ, ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 2:3

ᑖᒃᑯᓄᖓ ᓴᖅᑭᑦᑐᖃᕐᐳᖅ ᐃᑯᒪᑎᑐᑦ ᐃᒻᒥᒃᑯᐊᕐᑎᕐᑐᓂᒃ ᐅᖃᕐᑎᑐᑦ ᑍᒤᑦᑐᓂᒃ, ᑖᒃᑯᐊ ᐊᑐᓂᑦ ᑐᑉᕕᐅᕗᑦ ᑕᒪᒃᑯᓄᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:4

ᔪᐊᓇᓯᒥᑦ ᐅᒃᐱᕐᑑᖃᑎᒌᓄᑦ 7ᓄᑦ ᐂᓯᐊᒦᑦᑐᓄᑦ: ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓕᓯ ᒫᓐᓇ ᑍᒤᓕᖓᔪᖅ, ᑍᒤᓚᐅᕐᑐᖅ, ᐱᔪᒫᕐᑐᒥᓗ ᑍᒤᓱᒫᕐᒥᔪᖅ, ᐊᓂᕐᓂᕐᓂᓪᓗ 7ᓂᑦ ᐃᒃᓯᕙᐅᑕᕐᔪᐊᖓᑕ ᓵᖓᓃᑦᑐᓂᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:3

ᓂᐱᖅᑯᕐᑐᓪᓗᓂᓗ ᓂᓪᓕᕐᐳᖅ, ᓔᔭᐅᑉ ᓂᓪᓕᐊᓂᖓᑐᑦ; ᓂᓪᓕᕇᕐᒪᑦ, ᑲᓪᓗᐃᑦ 7 ᑐᓴᕐᓴᕉᑎᕗᑦ ᐃᒃᑑᓕᔮᕐᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19

ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:1

“ᓵᕐᑏᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ, ᒎᑎᐅᑉ ᐊᓂᕐᓂᖏᓐᓂᒃ 7ᓂᒃ ᐱᖃᕐᑐᒥᑦ ᐅᓪᓗᕆᐊᓂᒡᓗ 7ᓂᒃ ᐱᖃᕐᑐᒥᑦ. ᐱᓂᐊᕐᓂᑎᑦ ᖃᐅᔨᒪᕙᒃᑲ; ᐅᒃᐱᕐᓂᒃᑯᑦ ᐆᒪᓂᕋᕐᑕᐅᒐᕕᑦ, ᑐᖁᖓᒐᓗᐊᕐᑎᓪᓗᑎᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:6

ᑕᕝᕙ ᑕᑯᕗᖓ ᓄᕐᕋᐅᔭᒥᒃ ᓇᖏᕐᑐᒥᒃ ᐃᒃᓯᕙᐅᑕᕐᔪᐊᑦ ᐊᑯᕐᖓᓐᓂ ᐆᒪᔪᓄᑦ ᓯᑕᒪᓄᑦ ᐊᖓᔪᖅᑳᓄᓪᓗ ᐊᕙᓗᔭᐅᓯᒪᔪᒥᒃ, ᑖᓐᓇ ᓄᕐᕋᐅᔭᖅ ᑐᖁᑕᐅᓯᒪᔪᕕᓂᐅᔮᕐᐳᖅ, 7ᓂᒃ ᓇᒡᔪᖃᕐᐳᖅ 7ᓂᒡᓗ ᐃᔨᖃᕐᓗᓂ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7 ᑎᓕᔭᐅᓯᒪᔪᑦ ᓄᓇᕐᔪᐊᓕᒫᒧᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:5

ᑕᕝᕙ ᐂᖏᓕᐅᑉ ᐳᔪᕐᑎᑦᓯᕕᐅᑉ ᐃᓂᖓ ᑎᒍᓪᓗᒍ ᐃᓗᓪᓕᕐᓱᕐᐹ ᐃᑯᒪᓂᒃ ᑐᓂᕐᕈᓯᕐᕕᖕᒥᑦ ᐱᔪᓂᒃ ᐃᒋᓪᓗᒋᓪᓗ ᓄᓇᕐᔪᐊᕐᒧᑦ; ᑕᕝᕙ ᓂᐱᕐᔪᐊᕐᑕᖃᓕᕐᐳᖅ ᐃᒃᑐᓚᐅᕐᑐᒥᒃ, ᑲᓪᓕᕐᕙᓗᒃᑐᒥᒡᓗ, ᖃᐅᒻᒪᓪᓚᖕᒥᒡᓗ, ᓄᓇᐅᓪᓗ ᓴᔪᒃᐱᓪᓚᖕᓂᖓᓂᒃ.