ᔪᐊᓇᓯᐅᑉ ᑕᑯᑎᑕᐅᓂᖏᑦ 4:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᒃᓯᕙᐅᑕᕐᔪᐊᕐᓗ ᐊᕙᑕᖏᕐᑕᐅᓯᒪᕗᖅ ᐃᒃᓯᕙᐅᑕᕐᔪᐊᓄᑦ 24ᓄᑦ, ᑖᒃᑯᐊᓗ ᐃᒃᓯᕚᕐᕕᐅᕗᑦ ᐊᖓᔪᖅᑳᓄᑦ 24ᓄᑦ, ᐊᓐᓄᕌᕐᓯᒪᔪᓄᑦ ᖃᑯᕐᑕᓂᒃ, ᓂᐊᖂᓯᕐᓯᒪᔪᓄᑦ ᐊᖓᔪᖅᑳᕐᓯᐅᑎᓂᒃ ᒎᓗᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:4 Iomraidhean Croise

ᐃᔅᑕᐅᑉ ᐊᒡᓚᖏᑦ 8:15

ᑕᕝᕙ ᒧᐊᑎᑬ ᐊᖓᔪᖅᑳᕐᔪᐊᑉ ᓇᔪᕐᑕᖓᓂᑦ ᐊᓂᕗᖅ ᐊᖓᔪᖅᑳᕐᔪᐊᕐᓯᐅᑎᓂᒃ ᐊᓐᓄᕌᓂᒃ ᐊᑐᕐᓗᓂ ᑐᖑᔪᕐᑕᓂᒃ ᖃᖁᕐᑕᓂᒡᓗ ᑕᕐᓴᓕᖕᒥᒃ, ᓂᐊᖂᓯᕐᓯᒪᓪᓗᓂᓗ ᒎᓗᒥᒃ ᐊᖏᔪᒥᒃ ᐅᓕᒡᔪᐊᕐᓯᒪᕗᕐᓗ ᖃᓪᓗᓈᕐᑕᒥᒃ ᓵᑦᑐᒥᒃ ᐊᐅᐸᓪᓗᕆᒃᑐᒥᒃ, ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᕾᒐᓛᓚᐅᕐᐳᑦ ᖁᕕᐊᓱᖕᓂᕐᒧᑦ.

ᐃᓐᖏᕈᑎᑦ 21:3

ᑲᑎᒐᕕᐅᒃ ᓮᒻᒪᕐᑎᑦᑎᑦᔪᑎᓂᒃ ᐅᓄᕐᑐᓂᒃ ᑐᓂᓪᓗᒍ; ᓂᐊᖂᑎᓗ ᐱᐅᓂᕐᐹᖅ ᒎᓗ ᐃᓕᒐᕕᐅᒃ ᓂᐊᖁᐊᓄᑦ.

ᒫᑎᐅᓯᐅᑉ ᐊᒡᓚᖏᑦ 19:28

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ: ᐃᓅᑉ ᐃᕐᓂᖓ ᐃᒃᓯᕙᐅᑕᕐᔪᐊᕐᒥᓄᑦ ᐱᕕᐊᕐᓇᕐᑐᒧᑦ ᐃᖏᓪᓗᓂ ᓄᑖᒥᒃ ᐱᒋᐊᒃᑲᓐᓂᓕᕐᐸᑦ, ᑕᕝᕙ ᐃᓕᑦᓯ ᒪᓕᒃᑎᐅᔪᓯ ᐅᕙᓐᓄᑦ, ᐃᒃᓯᕙᖃᑕᐅᔪᒫᕐᐳᓯ ᐃᒃᓯᕙᐅᑕᕐᔪᐊᓂ 12ᓂ, ᐃᓴᕆᐊᓕᒥᐅᑦ ᑭᖑᕚᕇᑦ 12 ᐊᖓᔪᖅᑲᐅᕕᒋᓗᒋᑦ.

ᓘᑲᓯᐅᑉ ᐊᒡᓚᖏᑦ 22:30

ᓂᕆᖃᑎᒋᔪᒫᕋᑦᓯ ᐃᒥᖃᑎᒋᓗᓯᓗ ᐊᑕᓂᐅᕕᖕᒪ ᓂᕆᕕᐊᓂ, ᐃᒃᓯᕙᔪᒫᕐᐳᓯᓗ ᐃᒃᓯᕙᐅᑕᕐᔪᐊᓂ ᐊᖓᔪᖅᑳᖑᓗᓯ ᐃᓴᕆᐊᓕᒥᐅᑉ ᑭᖑᕚᖏᓐᓄᑦ 12ᓄᑦ.”

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:16

ᑕᕝᕙ ᐊᖓᔪᖅᑳᑦ 24 ᐃᒃᓯᕙᐅᑕᕐᔪᐊᒥᖕᓂ ᐃᒃᓯᕙᔪᑦ ᒎᑎᐅᑉ ᓵᖓᓂ ᐹᒻᒪᒃᐳᑦ ᒎᑎ ᑐᒃᓯᐊᕐᕕᒋᓪᓗᒍ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:3

ᐃᓐᖏᕐᐳᓪᓗ ᐃᓐᖏᕈᒻᒥᒃ ᓄᑖᒥᒃ ᐃᒃᓯᕙᐅᑕᕐᔪᐊᑉ ᓵᖓᓂ ᐆᒪᔪᓪᓗ ᓯᑕᒪᑦ ᐊᖓᔪᖅᑳᖑᔪᓪᓗ ᓵᖏᓐᓂ. 144,000 ᐊᓯᖏᓐᓄᑦ ᐃᓕᑕᐅᔪᓐᓇᖏᑦᑐᒥᒃ ᐃᓐᖏᕐᐳᑦ ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᔪᑦ ᓄᓇᕐᔪᐊᕐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:14

ᕿᓚᖕᒥᐅᓪᓗ ᐅᓇᑕᕐᑐᒃᓴᖁᑎᖏᑕ ᒪᓕᒃᐹᑦ, ᕿᒻᒥᕐᔪᐊᖃᕐᓗᑎᒃ ᖃᑯᕐᑕᓂᒃ, ᐊᓐᓄᕌᕐᓯᒪᓪᓗᑎᒡᓗ ᓵᑦᑐᓂᒃ ᓴᓗᒪᔪᓂᒃ ᖃᑯᕐᑕᓂᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:4

ᐊᖓᔪᖅᑳᓪᓗ 24 ᐆᒪᔪᐃᓪᓗ ᓯᑕᒪᑦ ᐹᒻᒪᒡᓗᑎᒃ ᒎᑎ ᐅᐱᒋᕚᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᖅ, ᐅᖃᕐᓗᑎᒃ, “ᐋᒥᓐ ᐋᓕᓘᔭ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:18

ᑍᒤᒻᒪᑦ ᐅᖃᐅᑎᕙᒋᑦ, ᓂᐅᕕᖁᓪᓗᑎᑦ ᒎᓗᒥᒃ ᐅᕙᓐᓂᑦ ᒎᓗᓪᓚᕆᖕᒥᒃ ᐃᑯᒪᒧᑦ ᐱᐅᖏᓐᓃᔭᕐᑕᐅᓯᒪᔪᒥᒃ, ᐊᔪᕐᓴᕈᓐᓃᖁᓪᓗᑎᑦ, ᐊᓐᓄᕌᕐᓗᑎᓪᓗ ᖃᑯᕐᑕᒥᒃ ᐊᓐᓄᕌᖃᖏᓐᓂᕐᒧᑦ ᑲᓐᖑᓇᕐᓃᑦ ᓴᖅᑭᔮᕈᓐᓃᖁᓪᓗᒍ, ᐃᔨᓯᐅᒻᒧᓪᓗ ᐃᔩᒃᑭᒃ ᒥᖑᐊᕐᓗᒋᒃ, ᑕᐅᑐᓕᕐᓂᐊᕋᕕᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:10

ᑍᒤᓕᐅᓕᕌᖓᑕ, ᐊᖓᔪᖅᑳᑦ 24 ᐃᒃᓯᕙᐅᑕᕐᔪᐊᕐᒦᑦᑑᑉ ᓵᖓᓄᑦ ᓰᖅᑯᕐᓗᑎᒃ ᐅᑯᖃᑦᑕᕐᐳᑦ, ᓂᕐᑐᕐᓗᒍᓗ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᓂᐊᖂᑎᑎᒡᓗ ᐊᖓᔪᖅᑳᕐᓯᐅᑏᑦ ᐃᒃᓯᕙᐅᑕᕐᔪᐊᑉ ᓵᖓᓄᑦ ᐃᓕᓪᓗᒋᑦ, ᐅᖃᕐᐸᒃᐳᑦ:

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:6

ᐃᒃᓯᕙᐅᑕᕐᔪᐊᓪᓗ ᓯᕗᕌ ᐃᒪᕐᔪᐊᑎᑐᑦ ᐊᓕᒍᕐᑎᑐᑦ ᑍᒤᒻᐳᖅ, ᕿᓪᓕᕐᓗᓂ ᑕᑯᒃᓴᐅᓇᑦᓯᐊᕐᐳᖅ. ᐃᒃᓯᕙᐅᑕᕐᔪᐊᓪᓗ ᓴᓂᕌᓃᑦᑐᖃᕐᐳᖅ ᐊᕙᑎᖏᖕᓂ, ᐆᒪᔪᕐᔪᐊᓂᒃ ᓯᑕᒪᓂᒃ, ᓵᒥᒃᑎᒍᑦ ᑐᓄᒥᒃᑎᒍᓪᓗ ᑕᒤᑎᒍᑦ ᐃᔨᓕᖕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:11

ᑕᑯᓴᕐᒥᒐᒪ, ᑐᓵᓕᕐᐳᖓ ᐃᒃᓯᕙᐅᑕᕐᔪᐊᑉ ᐊᕙᑖᓂᑦ ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ ᐂᖏᓖᓪᓗ ᐅᓄᕐᑐᕐᔪᐊᑦ ᓂᐱᖏᓐᓂᒃ, ᒥᓕᐊᓐ ᒥᓕᐊᖏᕐᑐᕐᓗᒋᑦ ᓈᓴᒐᒃᓴᐅᖏᑦᑐᕐᔪᐊᓂᒃ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:14

ᐆᒪᔪᓪᓗ ᓯᑕᒪᑦ ᐅᖃᕐᐳᑦ, “ᐋᒦᓐ!” ᐊᖓᔪᖅᑳᓪᓗ ᐅᑯᓪᓗᑎᒃ ᐹᒻᒪᒃᐳᑦ ᑐᒃᓯᐊᕐᕕᒋᓪᓗᒍᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:6

ᑕᕝᕙ ᑕᑯᕗᖓ ᓄᕐᕋᐅᔭᒥᒃ ᓇᖏᕐᑐᒥᒃ ᐃᒃᓯᕙᐅᑕᕐᔪᐊᑦ ᐊᑯᕐᖓᓐᓂ ᐆᒪᔪᓄᑦ ᓯᑕᒪᓄᑦ ᐊᖓᔪᖅᑳᓄᓪᓗ ᐊᕙᓗᔭᐅᓯᒪᔪᒥᒃ, ᑖᓐᓇ ᓄᕐᕋᐅᔭᖅ ᑐᖁᑕᐅᓯᒪᔪᕕᓂᐅᔮᕐᐳᖅ, 7ᓂᒃ ᓇᒡᔪᖃᕐᐳᖅ 7ᓂᒡᓗ ᐃᔨᖃᕐᓗᓂ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7 ᑎᓕᔭᐅᓯᒪᔪᑦ ᓄᓇᕐᔪᐊᓕᒫᒧᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8

ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:11

ᐊᑐᓂᓪᓗ ᐊᓐᓄᕌᕐᑖᕐᑎᑕᐅᕗᑦ ᖃᑯᕐᑕᓂᒃ ᑕᑭᔪᓂᒃ ᐅᑕᖅᑭᒃᑲᓐᓂᖁᔭᐅᕗᓪᓗ ᓱᓕ ᓯᕕᑭᑦᑐᒥᒃ, ᐱᔨᐅᖃᑎᖏᑦ ᐅᒃᐱᑑᖃᑎᖏᓪᓗ ᑖᒃᑯᑎᑐᓇᖅ ᑐᖁᑕᐅᔪᒃᓮᑦ ᓈᒻᒪᒃᓯᓚᐅᖏᓐᓂᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:11

ᐂᖏᓕᓕᒫᓪᓗ ᐃᒃᓯᕙᐅᑕᕐᔪᐊᑉ ᐊᕙᑖᓂ ᓇᖏᕐᐳᑦ ᐊᖓᔪᖅᑳᓪᓗ ᐆᒪᔪᓪᓗ ᓯᑕᒪᑦ ᐊᕙᑖᓃᖃᑕᐅᕗᑦ, ᑖᒃᑯᐊᓗ ᐹᒻᒪᒡᓗᑎᒃ ᐃᒃᓯᕙᐅᑕᕐᔪᐊᑉ ᓵᖓᓄᑦ ᒎᑎ ᓂᕐᑐᕐᐹᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:7

ᐱᒃᓕᕐᑕᐅᔮᕐᑐᓪᓗ ᑕᐅᑦᑐᖃᕐᐳᑦ ᕿᒻᒥᕐᔪᐊᑎᑐᑦ ᐅᓇᑕᕐᓂᕐᒧᑦ ᐸᕐᓇᒃᓯᒪᔪᑎᑐᑦ; ᓂᐊᖁᕐᒥᒃᑎᒍᑦ ᓂᐊᖂᑎᖃᕐᐳᑦ ᒎᓘᔮᕐᑐᓂᒃ; ᑮᓇᖃᕐᓗᑎᒡᓗ ᐃᓄᒃᑎᑐᑦ,