ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᐱᓚᑕᐅᓪᕕᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᐃᑦᔪᕐᓁᑦᑑᔪᒥᑦ, ᓱᓕᔪᒥᑦ, ᐅᒃᑯᐃᕈᑎᒥᒃ ᐱᓯᒪᔪᒥᑦ ᑍᕕᑎᐅᑉ ᐅᒃᑯᐃᕈᑎᖓᓂᒃ, ᐅᒃᑯᐊᖅ ᐅᒃᑯᐃᕐᐸᒍ ᑭᓇᒧᓪᓘᓐᓃᑦ ᐅᑯᐊᕐᑕᐅᓂᐊᓐᖏᓚᖅ, ᐅᒃᑯᐊᕐᐸᒍ ᑭᓇᒧᓪᓘᓐᓃᑦ ᐅᒃᑯᐃᕐᑕᐅᓂᐊᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7 Iomraidhean Croise

ᔫᐱᐅᑉ ᐊᒡᓚᖏᑦ 11:10

ᒎᑎᐅᑉ ᑎᒍᓗᓂᑎᑦ, ᐃᖅᑲᕐᑐᒐᒃᓴᓕᐊᕆᒃᐸᑎᑦ, ᑭᓇᒧᓪᓕ ᐊᒡᕕᐊᕐᑕᐅᔪᓐᓇᕋᔭᕐᐹ?

ᔫᐱᐅᑉ ᐊᒡᓚᖏᑦ 12:14

ᒎᑎ ᓯᖁᑦᑎᕆᒃᐸᑦ, ᓇᓪᓕᐊᓐᓄᑦ ᓴᓇᔭᐅᒃᑲᓐᓂᕈᓐᓇᓐᖏᓚᖅ; ᐃᓄᒡᓗ ᐊᑦᓱᖏᐅᑎᒃᐸᒍ, ᑭᓇᒧᓪᓘᓐᓃᑦ ᐊᓂᑎᑕᐅᔪᓐᓇᓐᖏᓚᖅ.

ᐃᓐᖏᕈᑎᑦ 145:17

ᐊᑕᓂᖅ ᓈᒻᒪᓈᑦᓯᐊᕐᐳᖅ ᑕᒤᑎᒍᑦ ᐱᓇᓱᐊᕐᓂᕐᒥᒍᑦ, ᐱᑦᓯᐊᕐᓂᖃᕐᓗᓂᓗ ᑕᒤᑎᒍᑦ ᐱᓂᐊᕐᓂᕐᒥᒍᑦ.

ᐃᓐᖏᕈᑎᑦ 16:10

ᑕᕐᓂᕋ ᑐᖁᖓᔪᑦ ᐃᓂᖓᓃᑦᓮᓐᓇᕐᓂᐊᓐᖏᓚᖅ, ᐃᑦᔪᕐᓁᑦᑐᖁᑎᕕᓪᓗ ᑎᒥᖓ ᓱᕈᕐᓂᕐᒥᒃ ᖃᐅᔨᑎᓐᓂᐊᓐᖏᓚᑦ.

ᐃᓐᖏᕈᑎᑦ 89:18

ᐊᑕᓂᖅ ᓴᐴᓗᑕᕆᒐᑦᑎᒍ, ᐃᓴᕆᐊᓕᒥᓗ ᐃᑦᔪᕐᓁᑦᑑᔪᖅ ᐊᖓᔪᖅᑳᕐᔪᐊᕆᕙᕗᑦ.

ᐂᓮᐊᓯᐅᑉ ᐊᒡᓚᖏᑦ 22:22

ᐱᔪᓐᓇᕐᓂᕆᔭᕆᐊᖃᕐᑕᓕᒫᖏᓐᓂᒃ ᐱᑎᑦᓱᒫᕐᑕᕋ ᐊᖓᔪᖅᑳᕐᔪᐊᑦ ᐊᑖᓂ ᑍᕕᑎᐅᑉ ᑭᖑᕚᖓ, ᑲᒪᔨᓪᓚᕆᐅᓂᕐᒥᓄᑦ ᐱᔪᓐᓇᐅᑎᖃᕐᓂᐊᕐᐳᖅ ᑕᒤᓐᓄᑦ ᐅᒃᑯᐃᕐᑕᖏᑦ ᐊᓯᐊᓄᑦ ᐅᒃᑯᐊᕐᑕᐅᔪᓐᓇᕐᓂᐊᓐᖏᓚᑦ, ᐅᒃᑯᐊᕐᑕᖏᓪᓗ ᐊᓯᐊᓄᑦ ᐅᒃᑯᐃᕐᑕᐅᔪᓐᓇᖏᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 30:11

ᐊᖅᑯᒻᒥᑦ ᐊᒡᕔᕆᑦᓯ, ᐊᖅᑯᑕᐅᕙᒃᑐᖅ ᐊᑐᕈᓐᓃᕐᓗᒍ, ᑐᓴᕐᑎᑦᓯᓂᐊᕋᓯ ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᖓᓂᒃ ᐅᕙᑦᑎᓐᓄᑦ.”

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 41:16

ᓴᓃᔭᕈᒫᕐᐸᓯ ᖁᒻᒧᐊᒃᑎᑐᐊᕈᑦᓯᐅᒃ ᐊᓄᕆᒧᑦ ᑎᒃᑕᐅᕙᒡᓗᑎᒃ, ᐊᖅᑯᓇᕐᒧᑦ ᐊᓄᕆᕐᔪᐊᒧᑦ ᓯᐊᒻᒪᕐᑎᑕᐅᔪᒫᕐᐳᑦ; ᐊᑕᓂᕐᒥᒡᓕ ᖁᕕᐊᓲᑎᖃᕈᒫᕐᐳᑎᑦ; ᓂᕐᑐᐃᓗᑎᓪᓗ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 41:20

ᐃᓄᐃᑦ ᑕᑯᖁᓪᓗᒋᑦ ᖃᐅᔨᓗᑎᒡᓗ, ᐃᓱᒪᒃᓴᕐᓯᐅᖁᓪᓗᒋᑦ ᑐᑭᓯᖃᑎᒌᒡᓗᑎᒡᓗ, ᐊᑕᓂᐅᑉ ᑕᒪᓐᓇ ᑍᒤᑎᒻᒪᒍ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑕ ᐱᓐᖑᕐᑎᓯᒪᔭᖓ.”

ᐂᓮᐊᓯᐅᑉ ᐊᒡᓚᖏᑦ 47:4

ᓂᐅᕕᐊᕆᓪᓗᑕ ᐅᑎᕐᑎᑦᓯᔨᕗᑦ, ᐊᑎᖃᕐᐳᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 48:17

ᐊᑕᓂᖅ ᐃᒫᒃ ᐅᖃᕐᐳᖅ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ: “ᐅᕙᖓᐅᕗᖅ ᐊᑕᓂᖅ ᒎᑎᓯ, ᐃᓕᓐᓂᐊᕐᑎᑉᐸᑦᓯ ᐱᕚᓪᓕᖁᓪᓗᓯ, ᑕᓯᐅᕐᐸᑦᓯᓗ ᐊᖅᑯᒻᒧᑦ ᐊᑐᕆᐊᖃᕐᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 49:7

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐅᑎᕐᑎᑦᓯᔨᖓᑦ ᐃᑦᔪᕐᓁᑦᑐᖁᑎᒋᓪᓗᒍᓗ, ᐊᖏᔪᒥᒃ ᐊᑭᕋᕐᑐᕐᑕᐅᓪᓗᓂ ᓇᕐᕈᒋᔭᐅᔪᒧᑦ ᐃᓅᖃᑎᒌᒡᔪᐊᓄᑦ, ᐊᐅᓚᑦᓯᔩᑦ ᐱᔨᖏᓐᓂᑦ: “ᐊᖓᔪᖅᑳᕐᔪᐊᑦ ᑕᑯᔪᒫᕐᐳᑦ ᒪᑭᓪᓗᑎᒡᓗ, ᐊᖓᔪᖅᑳᖁᑎᖏᓪᓗ ᐹᒻᒪᒃᑎᕈᒫᕐᐳᑦ, ᐊᑕᓂᐅᑉ ᓱᖁᓯᔪᐃᑦᑑᑉ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦᑕ ᓂᕈᐊᕐᓯᒪᖕᒪᑎᑦ.”

ᐂᓮᐊᓯᐅᑉ ᐊᒡᓚᖏᑦ 54:5

ᐱᓐᖑᕐᑎᑦᑎᔨᓯ ᐅᐃᒋᒐᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ ᐊᑎᖃᕐᑐᖅ; ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐃᒻᒥᓄᑦ ᐅᑎᕐᑎᑦᓯᔨᒋᒐᑦᓯᐅᒃ, ᓄᓇᕐᔪᐊᕐᒥᐅᓕᒫᑦ ᒎᑎᖓᓂᒃ ᑍᔭᐅᔪᖅ.

ᐂᓮᐊᓯᐅᑉ ᐊᒡᓚᖏᑦ 55:5

ᑕᑯᒋᑦᓯ, ᕾᖁᔨᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᖃᐅᔨᒪᓐᖏᑕᑦᓯᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᒪᔨᒋᓐᖏᑕᓯ ᑐᐊᕕᕐᓗᑎᒃ ᐃᓕᑦᓯᓐᓄᑦ ᕾᔪᒫᕐᐳᑦ, ᐊᑕᓂᖅ ᒎᑎᓯ ᐱᑦᔪᑎᒋᓗᒍ, ᐃᓴᕆᐊᓕᒥᐅᓪᓗ ᐃᑦᔪᕐᓁᑦᑐᖁᑎᖓᑦ, ᑖᑦᓱᒪ ᓂᕐᑐᕐᓇᕐᓯᑎᓚᐅᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 6:3

ᑖᒃᑯᐊᓗ ᐃᒻᒥᖕᓄᑦ ᕾᒐᓛᖃᑦᑕᐅᑎᕗᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ! ᐱᓐᓇᕐᓇᕐᓂᕐᔪᐊᖓ ᑕᑍᓯᒪᕗᖅ ᓄᓇᕐᔪᐊᕐᒥᒃ!”

ᒫᑎᐅᓯᐅᑉ ᐊᒡᓚᖏᑦ 16:19

ᑐᓂᓯᕕᒋᓂᐊᕐᐸᒋᑦ ᒎᑎᐅᑉ ᐊᑕᓂᐅᕕᖓᑕ ᐅᒃᑯᐃᕈᑎᖏᓐᓂᒃ; ᓄᓇᕐᔪᐊᒥ ᕿᓚᒃᓱᕐᓂᐊᕐᑕᑎᑦ ᕿᓚᖕᒥ ᕿᓚᒃᓱᕐᑕᐅᓯᒪᔪᒫᕆᕗᑦ, ᓄᓇᕐᔪᐊᒥᓗ ᑕᒫᓂ ᕿᓚᕈᑦᔮᕐᓂᐊᕐᑕᑎᑦ ᕿᓚᖕᒥᑦᑕᐅᖅ ᕿᓚᕈᑦᔮᕐᑕᐅᔪᒫᕆᕗᑦ.”

ᒫᑎᐅᓯᐅᑉ ᐊᒡᓚᖏᑦ 24:35

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᒫᑯᓯᐅᑉ ᐊᒡᓚᖏᑦ 1:24

ᕾᒐᓛᓕᕐᐳᖅ, “ᐅᕙᑦᑎᓐᓂᒃ ᖃᓄᐃᓕᐅᕆᐊᕐᑐᕐᐲᑦ ᔩᓱᓯ ᓈᓴᕇᑎᒥᐅᖅ? ᐅᕙᑦᑎᓐᓂᒃ ᐊᓯᕈᐃᔭᕐᑐᕐᐲᑦ? ᖃᐅᔨᒪᕗᖓ ᑭᓇᐅᖕᒪᖔᕐᐱᑦ; ᒎᑎᐅᑉ ᐃᑦᔪᕐᓁᑦᑐᖁᑎᒋᕚᑎᑦ.”

ᓘᑲᓯᐅᑉ ᐊᒡᓚᖏᑦ 1:32

ᑖᓐᓇ ᐊᖏᓂᕐᐹᖑᔪᒫᕐᐳᖅ, ᑍᔭᐅᔪᒫᕐᓗᓂᓗ ᖁᓪᓕᕐᐸᐅᔫᑉ ᐃᕐᓂᖓᓂᒃ; ᐊᑕᓂᐅᑉ ᒎᑎᐅᑉ ᐊᖓᔪᖅᑳᕐᔪᐊᓐᖑᕐᑎᑦᓱᒫᕐᐹ ᓯᕗᓕᕕᓂᖓᑐᑦ ᑍᕕᑎᑐᑦ.

ᓘᑲᓯᐅᑉ ᐊᒡᓚᖏᑦ 4:34

“ᐋᖅ! ᔩᓱᓯ ᓈᓴᕇᑎᒥᐅᖅ, ᖃᓄᐃᓕᐅᕆᐊᕐᑐᕐᐱᑎᒎᑦ, ᑐᖁᕋᕆᐊᕐᑐᕐᐱᑎᒎᑦ? ᑭᓇᐅᖕᒪᖔᕐᐱᑦ ᖃᐅᔨᒪᒐᒃᑭᑦ, ᒎᑎᐅᑉ ᐃᑦᔪᕐᓁᑦᑐᖁᑎᒋᖕᒪᑎᑦ.”

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 3:14

ᑖᓐᓇ ᐃᑦᔪᕐᓁᑦᑐᖅ ᐊᑲᐅᔪᕐᓗ ᓇᕐᕈᒋᓚᐅᕐᐸᓯ, ᐃᓄᐊᕐᓯᒪᔪᒥᒃ ᐊᓂᑎᑕᐅᖁᔨᖔᓚᐅᕐᐳᓯ,

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:11

ᐅᖃᕐᓗᓂ, “ᑕᑯᔭᕐᓂᒃ ᑎᑎᕋᕆᑦ ᑎᑎᕋᕐᑕᑎᓪᓗ ᐊᐅᓪᓚᕐᑎᓪᓗᒋᑦ ᐅᒃᐱᕐᑑᖃᑎᒌᒃᑐᓄᑦ 7ᓄᑦ, ᐃᐱᓲᓯᒧᑦ ᓯᒨᕐᓇᒧᓪᓗ ᐴᕐᒐᒪᒻᒧᓪᓗ ᑍᐊᑍᕋᒧᓪᓗ ᓵᕐᑏᓯᒧᓪᓗ ᐱᓚᑕᐅᓪᕕᐊᒧᓪᓗ ᓚᐅᑏᓯᐊᒧᓪᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:18

ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:3

ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ: “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ! ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ, ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ, ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:7

ᑕᕝᕙ ᓂᐱᒥᒃ ᑐᓴᓕᕆᕗᖓ ᑐᓂᕐᕈᓯᕐᕕᖕᒥᑦ ᐅᖃᕐᑐᒥᒃ, “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ, ᓱᓕᕗᑦ ᓈᒻᒪᓈᑦᓯᐊᕐᓗᑎᒡᓗ ᐃᖅᑲᕐᑐᐃᓂᕆᔭᑎᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:2

ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:1

“ᐃᐱᓲᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐅᓪᓗᕆᐊᓂᒃ 7ᓂᒃ ᑕᓕᕐᐱᖕᒥᓄᑦ ᑎᒍᒥᐊᕐᑐᒥᑦ ᐱᕗᑦ, ᖃᐅᒻᒪᖅᑯᑏᓪᓗ ᒎᓗᐃᑦ ᐃᓂᖏᑦᑕ 7 ᐊᑯᕐᖓᑦᑎᒍᑦ ᐱᓱᒃᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:5

ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕙᔪᖅ ᐅᖃᕐᐳᖅ, “ᑕᑯᒋᑦ ᓱᓇᓕᒫᓂᒃ ᓄᑖᓐᖑᕐᑎᑦᓯᕗᖓ.” ᐅᖃᒃᑲᓐᓂᕐᐳᕐᓗ, “ᐅᑯᐊ ᑎᑎᕋᒃᑭᑦ, ᐅᖃᐅᓰᑦ ᑖᒃᑯᐊ ᐅᒃᐱᕆᔭᒃᓴᐅᕗᑦ ᓱᓕᓪᓗᑎᒡᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:14

“ᓚᐅᑏᓯᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐂᒦᓐᖑᔪᒥᑦ ᐱᕗᑦ, ᓱᖁᓯᔪᐃᑦᑑᓪᓗᓂ ᓱᓕᔪᒥᒃ ᓇᓗᓁᕐᓯᔨᒥᑦ, ᐱᒋᐊᕐᓂᐅᔪᒥᑦ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:8

ᐆᒪᔪᑦ ᓯᑕᒪᑦ, ᐃᓴᕈᖃᕐᐳᑦ ᐊᑐᓂᑦ ᐱᖓᓲᔪᕐᑐᓂᒃ, ᐃᔨᖃᕐᓗᑎᒡᓗ ᐃᓗᒥᒃᑎᒍᑦ ᓯᓚᑎᓕᒫᒥᒃᑎᒍᓪᓗ, ᐅᓪᓘᑎᓪᓗᒍᓗ ᐅᓐᓄᐊᒥᓗ ᓄᖅᑲᔪᐃᑦᑑᓪᓗᑎᒃ ᐃᓐᖏᕐᐳᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ, ᑍᒤᓚᐅᕋᒥ ᒫᓐᓇᓗ ᑍᒤᑦᑐᖅ ᑍᒤᖏᓐᓇᕐᓂᐊᕐᑐᕐᓗ ᓯᕗᓂᕐᒥ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:10

ᓂᐱᖅᑯᕐᑐᓪᓗᑎᒡᓗ ᓂᓪᓕᐊᕗᑦ, “ᐊᔪᒐᖃᖏᑦᑐᑎᑦ ᐊᑕᓃᖅ, ᐃᑦᔪᕐᓁᑦᑐᑎᑦ ᓱᓕᔪᑎᓪᓗ, ᖃᓄᖅ ᓱᓕ ᓯᕕᑐᑎᒋᕚ? ᓄᓇᕐᔪᐊᕐᒥᐅᓂᒃ ᐃᖅᑲᕐᑐᐃᓂᒃᓮᑦ ᐅᕙᑦᑎᓐᓂᒃ ᑐᖁᑦᓯᓚᐅᕐᑐᑦ ᐊᑭᓂᐊᕐᓗᒋᑦ?”