ᔪᐊᓇᓯᐅᑉ ᑕᑯᑎᑕᐅᓂᖏᑦ 3:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑍᒤᒻᒪᑦ ᐅᖃᐅᑎᕙᒋᑦ, ᓂᐅᕕᖁᓪᓗᑎᑦ ᒎᓗᒥᒃ ᐅᕙᓐᓂᑦ ᒎᓗᓪᓚᕆᖕᒥᒃ ᐃᑯᒪᒧᑦ ᐱᐅᖏᓐᓃᔭᕐᑕᐅᓯᒪᔪᒥᒃ, ᐊᔪᕐᓴᕈᓐᓃᖁᓪᓗᑎᑦ, ᐊᓐᓄᕌᕐᓗᑎᓪᓗ ᖃᑯᕐᑕᒥᒃ ᐊᓐᓄᕌᖃᖏᓐᓂᕐᒧᑦ ᑲᓐᖑᓇᕐᓃᑦ ᓴᖅᑭᔮᕈᓐᓃᖁᓪᓗᒍ, ᐃᔨᓯᐅᒻᒧᓪᓗ ᐃᔩᒃᑭᒃ ᒥᖑᐊᕐᓗᒋᒃ, ᑕᐅᑐᓕᕐᓂᐊᕋᕕᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:18 Iomraidhean Croise

ᐃᓐᖏᕈᑎᑦ 107:11

ᒎᑎᐅᑉ ᐅᖃᐅᓯᖏᓐᓂᒃ ᐊᑭᕋᕐᑐᓚᐅᕐᓂᕐᒥᖕᓄᑦ, ᓇᕐᕈᓚᐅᕐᓗᑎᒡᓗ ᖁᑦᓯᖕᓂᕐᐹᖑᔫᑉ ᐅᖃᐅᑦᔪᐃᓂᖏᓐᓂᒃ:

ᐃᓐᖏᕈᑎᑦ 16:7

ᐊᑕᓂᖅ ᓂᕐᑐᕐᐸᕋ, ᐋᖅᑭᒃᓲᑎᒥᒃ ᐅᖃᕐᕕᒋᖕᒪᖓ; ᐅᓐᓄᐊᒃᑯᓪᓘᓐᓃᑦ ᐆᒻᒪᑎᒪ ᐊᔪᕆᕐᑐᕐᐹᖓ.

ᐃᓐᖏᕈᑎᑦ 32:8

ᐊᔪᕆᕐᑐᕐᓂᐊᕐᐸᒋᑦ ᐃᓕᓐᓂᐊᕐᑎᓪᓗᑎᓪᓗ ᐊᖅᑯᑎᒃᑯᑦ ᓇᐅᒃᑰᕆᐊᖃᕐᒪᖔᕐᐱᑦ; ᐃᓱᒻᒥᕐᑐᕐᓂᐊᕐᐸᒋᑦ ᐃᔨᓐᓄᑦ ᑕᑯᓐᓇᕐᓗᑎᑦ.

ᐃᓐᖏᕈᑎᑦ 73:24

ᑕᓯᐅᕋᕕᖓ ᐅᖃᐅᑦᔪᐃᖃᑦᑕᕐᓂᒃᑯᑦ, ᐱᓐᓇᕐᓇᕐᑐᕐᔪᐊᒧᓪᓗ ᐃᓚᓕᐅᕈᒫᕋᕕᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:25

ᐅᖃᐅᑦᔪᐃᑦᔪᑎᒋᔭᓕᒫᒃᑲ ᑲᒪᒋᓇᓱᐊᓚᐅᓐᖏᓚᑎᑦ ᐃᓂᕐᑎᕆᑦᔪᑎᒃᑲ ᐊᑐᕈᒪᓇᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:30

ᐅᕙᓐᓄᓪᓗ ᐅᖃᐅᑦᔪᕐᑕᐅᔪᒪᓐᖏᓚᑦ, ᐃᓂᕐᑎᕆᑦᔪᑎᒃᑲᓗ ᓇᕐᕈᒋᕔᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:20

ᒪᓕᒐᒃᓴᓕᐅᕐᑕᐅᒍᕕᑦ ᓈᓚᑦᓯᐊᕆᑦ ᐃᓕᓴᕐᑕᐅᓃᑦ ᓈᒻᒪᒋᒍᒃ, ᓯᕗᓂᕐᒥ ᓯᓚᑐᓂᕐᑖᕈᑎᒋᓛᕋᕕᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:23

ᓱᓕᔪᖅ ᓂᐅᕕᐊᕆᒍᒃ, ᓂᐅᕐᕈᑎᒋᓂᐊᕐᓇᒍᓗ; ᓯᓚᑐᓂᕐᓗ ᓂᐅᕕᐊᕆᒍᒃ, ᐃᓕᓐᓂᐊᕐᑎᑕᐅᓂᕐᓗ, ᑐᑭᓯᑦᓯᐊᕐᓂᕐᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:2

ᐅᖃᕐᐳᖓ, ᐊᖓᔪᖅᑳᕐᔪᐊᑉ ᐱᖁᔭᖏᑦ ᒪᓕᑦᓯᐊᒃᑭᑦ ᒎᑎᒧᑦ ᐊᖏᕐᓯᒪᓂᕆᔧᑦ ᐱᑦᔪᑎᒋᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 47:3

ᐊᓐᓄᕅᓐᖔᕐᑎᓪᓗᑎᑦ ᑕᑯᔭᐅᔪᒫᓕᕐᐳᑎᑦ, ᑲᓐᖑᓇᕐᓃᓪᓗ ᐅᓕᒃᓯᒪᔪᒫᓐᖏᓚᖅ; ᐊᑭᓂᐊᕈᒫᕋᒪ ᑭᓇᒥᒡᓘᓐᓃᑦ ᓂᑲᒍᓱᖕᓂᐊᕐᓇᖓ.

ᐂᓮᐊᓯᐅᑉ ᐊᒡᓚᖏᑦ 55:1

“ᐊᑏ ᐃᒥᕈᒃᑐᓕᒫᑦ, ᐃᒪᖃᕐᑐᒧᑦ ᕾᓕᕐᓕᑦ; ᑮᓇᐅᔭᖃᖏᑦᑐᓪᓗ, ᕾᓕᕐᓕᑦ, ᓂᐅᕕᕐᓗᑎᒃ ᓂᕆᓕᕐᓕᑦ! ᕾᓗᓯ ᓂᐅᕕᓕᕆᑦᓯ ᕔᓂᒥᒃ ᐃᒻᒧᖕᒥᒡᓗ ᑮᓇᐅᔮᓄᖏᑦᑐᖅ ᐊᑭᖃᖏᑦᑐᓂᒡᓕ.

ᔨᕆᒤᐊᐅᑉ ᐊᒡᓚᖏᑦ 13:26

ᐊᓐᓄᕌᓯ ᐲᔭᕐᓗᒋᑦ ᑮᓇᑦᓯᓐᓄᑦ ᒪᑑᑎᒋᔪᒫᕐᐸᒃᑲ, ᑲᓐᖑᒋᔭᓯ ᑕᑯᔭᐅᖁᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 12:2

ᐅᓄᕐᑐᕐᔪᐊᑦ ᓄᓇᐅᑉ ᐃᓗᐊᓂ ᓯᓂᒃᑐᑦ ᒪᑭᑦᓱᒫᕐᐳᑦ: ᐃᓚᖏᑦ ᐃᓅᓯᕐᒧᑦ ᐃᓱᖃᖏᑦᑐᒧᑦ, ᐃᓚᖏᓪᓗ ᑲᓐᖑᓇᕐᑐᒧᑦ ᑲᑉᐱᐊᓇᕐᑐᒧᑦ ᐃᓱᖃᖏᑦᑐᒧᑦ.

ᒤᑲᐅᑉ ᐊᒡᓚᖏᑦ 1:11

ᐊᐅᓪᓚᓕᕆᑦᓯ ᑲᓐᖑᓱᒡᓗᓯ ᐊᓐᓄᕌᖃᖏᓪᓗᓯ ᐃᓕᑦᓯ ᓴᐱᕆᒥᐅᖑᔪᓯ; ᔮᓇᓐᒥᐅᖑᔪᓯ ᑖᒃᑯᓇᓐᖓᑦ ᐊᓂᓇᓱᐊᕐᑍᓕᒋᑦᓯ; ᐱᑦ-ᐃᔨᐅᓪᒥᐅᑦ ᕿᒃᓵᖕᓂᖏᓐᓄᑦ ᖃᐅᔨᓂᐊᕋᑦᓯ ᐃᓂᒃᓴᕐᑕᖃᕈᓐᓃᕐᓂᖓᓂᒃ.

ᓇᕼᐅᒥᐅᑉ ᐊᒡᓚᖏᑦ 3:5

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑕᑯᒋᑦ ᓵᓐᖓᓕᕐᐸᒋᑦ, ᐊᓐᓄᕌᑦ ᐊᕐᓇᕐᓯᐅᑦ ᖁᒻᒧᒃᑎᓐᓂᐊᕐᐸᕋ ᑮᓁᑦ ᐅᓕᒡᓗᒍ; ᐃᓅᖃᑎᒌᒡᔪᐊᓄᑦ ᑕᑯᔭᐅᖁᓪᓗᑎᑦ ᐊᓐᓄᕌᖃᓐᖏᑎᓪᓗᑎᑦ ᐊᖓᔪᖅᑳᕐᔪᐊᖃᕐᕖᓪᓗ ᑕᑯᖁᓪᓗᒋᑦ ᑲᓐᖑᓇᕐᑐᒦᓐᓂᕐᓂᒃ.

ᒪᓚᑬᑉ ᐊᒡᓚᖏᑦ 3:3

ᑖᓐᓇ ᐃᒃᓯᕙᔪᒫᕐᐳᖅ ᐃᑯᒪᒧᑦ ᐊᐅᒃᑎᑦᓯᔨᑎᑐᑦ ᓯᐅᓪᕕᕆᓂᒡᓗ ᓴᓗᒻᒪᕐᓮᔨᑎᑐᑦ, ᓕᕔᑉ ᑭᖑᕚᖏᓐᓂᒃ ᓴᓗᒻᒪᕐᓮᔪᒫᕐᐳᖅ ᐊᐅᒃᑎᑦᓱᒫᕐᐰᑦ ᒎᓗᑎᑐᑦ ᓯᐅᓪᕕᕆᑎᑐᓪᓗ, ᑐᓂᕐᕈᓯᕈᓐᓇᕐᓯᓚᐅᖏᓐᓂᖏᓐᓂ ᐊᑕᓂᐅᑉ ᓈᒻᒪᒋᔭᖏᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 13:44

“ᒎᑎᐅᑉ ᐊᑕᓂᐅᕕᖓ ᐊᑦᔨᖃᕐᐳᖅ ᐱᖁᑎᒥᒃ ᐃᓪᓕᕐᓇᕐᑐᒥᒃ ᐃᔨᕐᓯᒪᔪᒥᒃ ᐱᕈᕐᓰᕕᖕᒥ, ᐊᖑᑎᐅᑉ ᓇᓂᒐᒥᐅᒃ ᐃᔨᒃᑲᓐᓂᕆᕚ; ᐊᒃᓱᐊᓗᒃ ᖁᕕᐊᓱᓕᕋᒥ ᐱᖁᑎᓕᒫᓂ ᓂᐅᕐᕈᑎᒋᕔᑦ ᐅᑎᕋᒥ ᑖᓐᓇ ᐱᕈᕐᓰᕕᒃ ᓂᐅᕕᐊᕆᕚ.”

ᒫᑎᐅᓯᐅᑉ ᐊᒡᓚᖏᑦ 25:9

ᓯᓚᑐᔪᓪᓕ ᑭᐅᕗᑦ, ‘ᐅᕐᓱᒃᓴᕗᑦ ᐊᒥᒐᑐᐃᓐᓇᕆᐊᖃᕐᒪᑕ ᐊᕕᒐᓱᒃᑯᑎᒍ; ᓂᐅᕕᕐᕕᖕᓄᑦ ᐅᕐᓱᒃᓴᑦᓯᓐᓂᖅ ᓇᖕᒥᓂᖅ ᓂᐅᕕᕆᐊᓕᕆᑦᓯ.’

ᓘᑲᓯᐅᑉ ᐊᒡᓚᖏᑦ 12:21

“ᑍᒤᓐᓂᕗᕐᑕᐅᖅ ᐃᒻᒥᓄᑦ ᐱᒃᓴᒥᓂᒃ ᑲᑎᕐᓱᐃᔪᖅ, ᐊᒃᖢᔪᑎᑐᑦ ᑕᑯᓐᓈᕐᑕᐅᕗᑦ ᒎᑎᒧᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:3

ᑕᕝᕙ ᐊᑎᒍᑦᑎᒍ ᑕᑯᔭᐅᓂᐊᓐᖏᓚᒍᑦ ᐊᓐᓄᕌᖃᓐᖏᑎᓪᓗᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᑎᒧᑎᒧᑦ ᓯᕗᓪᓖᑦ 6:18

ᐱᐅᔪᒥᒃ ᐱᓇᓱᐊᖁᒃᑭᑦ, ᐱᓇᓱᐊᑦᓯᐊᕐᓂᒃᑯᑦ ᐊᔪᕐᓴᓐᖏᑦᑑᖁᓪᓗᒋᑦ, ᐊᓐᓂᕈᓱᖁᓇᒋᑦ ᐱᒋᔭᒥᖕᓂᒃ ᐃᑲᔪᖁᓪᓗᒋᓪᓗ ᐃᓅᖃᑎᒥᖕᓄᑦ.

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᐲᑦᑐᕉᓯ ᓯᕗᓪᓖᑦ 1:7

ᑕᒪᒃᑯᐊ ᐱᑦᔪᑎᖃᕐᐳᑦ ᐅᒃᐱᕐᓂᐅᑉ ᓇᓚᒍᑦᓯᐊᕐᓂᖓᓂᒃ, ᐱᕕᐊᕐᓇᕐᓂᕐᓴᐅᓪᓗᓂ ᒎᓗᒥᑦ ᓄᖑᔪᒫᕐᑐᒥᑦ ᐃᑯᒪᒧᑦ ᖃᐅᔨᓴᕐᑕᐅᕙᒃᑐᒥᑦ, ᐅᐱᒋᔭᐅᖁᓪᓗᓯ, ᐱᓐᓇᕐᓇᕐᑎᑕᐅᓗᓯᓗ ᐅᐱᒋᔭᐅᓗᓯᓗ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:15

“ᑕᑯᒋᑦ, ᑎᑭᓐᓂᐊᕐᐳᖓ ᑎᒡᓕᒐᕆᐊᑐᕐᑐᑎᑐᑦ! ᖁᕕᐊᓱᒻᒪᕆᖕᓂᐊᕐᐳᖅ ᐃᖅᑯᒪᔪᖅ, ᐊᓐᓄᕌᕐᓯᒪᓗᓂᓗ ᐊᓐᓄᕌᖃᖏᓪᓗᓂ ᐱᓱᑲᑕᖁᓇᒍ ᑲᓐᖑᓲᑎᒃᓴᖃᖁᓇᒍᓗ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:8

ᐊᓐᓄᕌᕈᓐᓇᕐᑎᑕᐅᕗᖅ ᓵᑦᑐᒥᒃ, ᑕᑯᒥᓇᕐᑐᒥᒃ ᓴᓗᒻᒪᑦᓯᐊᕐᑐᒥᒃ.” ᐊᓐᓄᕌᖅ ᑖᓐᓇ ᓵᑦᑐᖅ ᐊᓐᓄᕌᒃᓴᐅᕗᖅ ᐃᑦᔪᕐᓁᑦᑐᓄᑦ ᐃᓗᐊᕐᑐᒥᒃ ᐃᓅᓯᖃᕐᓗᑎᒃ ᐱᓇᓱᐊᓚᐅᕐᑐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:9

ᐊᒃᓱᕈᕐᓇᕐᑐᒦᓐᓂᕆᔭᓯ ᖃᐅᔨᒪᕙᒃᑲ ᐊᔪᕐᓴᕐᓂᕆᔭᓯᓗ ᑭᓯᐊᓂᓕ ᐊᔪᕐᓴᓐᖏᑲᓗᐊᕐᐳᓯ ᐅᖃᐅᓯᐅᓂᕐᓗᖃᑦᑕᕐᓂᓯᓗ ᖃᐅᔨᒪᕙᒃᑲ ᔫᑎᐅᓂᕋᕐᑐᓄᑦ ᔫᑎᐅᓇᑎᒡᓗ, ᓵᑖᓇᓯᒥᒡᓕ ᐱᔨᑦᓯᕐᑎᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:17

ᐅᖃᕐᐳᑎᑦ, ᐊᔪᕐᓴᓐᖏᑑᕗᖓ, ᐱᖁᑎᖃᑦᓯᐊᕐᓗᖓ, ᑭᓐᖒᒪᔭᖃᕈᓐᓃᕐᓗᖓᓗ; ᖃᐅᔨᒪᓐᖏᓚᑎᓪᓕ ᐊᔪᕐᓴᕐᓂᕐᓂᒃ, ᑕᑯᑦᓱᓇᕐᑐᐊᓘᓂᕐᓂᒃ, ᐊᔪᕐᓴᕐᐳᑎᑦ, ᑕᐅᑐᖏᑦᑑᓪᓗᑎᑦ, ᐊᓐᓄᕌᖃᕐᓇᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:4

ᐃᒃᓯᕙᐅᑕᕐᔪᐊᕐᓗ ᐊᕙᑕᖏᕐᑕᐅᓯᒪᕗᖅ ᐃᒃᓯᕙᐅᑕᕐᔪᐊᓄᑦ 24ᓄᑦ, ᑖᒃᑯᐊᓗ ᐃᒃᓯᕚᕐᕕᐅᕗᑦ ᐊᖓᔪᖅᑳᓄᑦ 24ᓄᑦ, ᐊᓐᓄᕌᕐᓯᒪᔪᓄᑦ ᖃᑯᕐᑕᓂᒃ, ᓂᐊᖂᓯᕐᓯᒪᔪᓄᑦ ᐊᖓᔪᖅᑳᕐᓯᐅᑎᓂᒃ ᒎᓗᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:13

ᐊᖓᔪᖅᑳᓪᓗ ᐃᓚᖓᑦᑕ ᐊᐱᕆᕚᖓ, ᐅᖃᕐᓗᓂ, “ᐅᑯᐊ ᑭᓇᒃᑯᑦ, ᖃᑯᕐᑕᓂᒃ ᑕᑭᔪᓂᒃ ᐊᓐᓄᕌᕐᓯᒪᔪᑦ, ᓇᑭᓪᓗ ᐱᓯᒪᕙᑦ?”