ᔪᐊᓇᓯᐅᑉ ᑕᑯᑎᑕᐅᓂᖏᑦ 3:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ “ᓚᐅᑏᓯᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐂᒦᓐᖑᔪᒥᑦ ᐱᕗᑦ, ᓱᖁᓯᔪᐃᑦᑑᓪᓗᓂ ᓱᓕᔪᒥᒃ ᓇᓗᓁᕐᓯᔨᒥᑦ, ᐱᒋᐊᕐᓂᐅᔪᒥᑦ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:14 Iomraidhean Croise

ᒨᓯᓯ ᓯᕗᓪᓖᑦ 49:3

ᕉᐱᓃ, ᐃᕝᕕᑦ ᐊᖓᔪᒃᓯᕐᐹᖁᑎᒋᒐᒃᑭᑦ, ᓄᑭᖃᑦᓯᐊᕐᑎᓪᓗᖓ ᐱᔪᓐᓇᑦᓯᐊᓕᕐᓗᖓᓗ ᕿᑐᕐᖓᕐᑖᕆᓚᐅᕐᐸᒋᑦ, ᐅᐱᒪᑦᔪᑎᒋᓯᒪᕙᒋᑦ ᐊᖑᑎᕈᕐᐸᓪᓕᐊᓕᕐᓂᓐᓄᑦ ᐅᐱᒪᑦᔪᑎᒋᓯᒪᓪᓗᑎᓪᓗ ᐱᔪᓐᓇᕐᓂᓐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:5

ᓱᓕᔪᒥᒃ ᖃᐅᔨᓯᒪᔪᖅ ᓴᒡᓗᓗᓂ ᐅᖃᕐᓂᐊᓐᖏᓚᖅ, ᖃᐅᔨᒪᔫᓐᖑᐊᕐᑐᕐᓕ ᓱᓕᓗᓂ ᐅᖃᓪᓚᒍᓐᓇᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:22

ᐊᑕᓂᐅᑉ ᐱᓐᖑᕐᑎᓚᐅᕐᐹᖓ ᓯᕗᓪᓕᕐᐹᖑᓪᓗᖓ, ᐱᓐᖑᕐᑎᑦᓯᕙᓪᓕᐊᓕᕐᑎᓪᓗᒍ ᑍᑦᓱᒪᓂᐊᓗᒃ.

ᐂᓮᐊᓯᐅᑉ ᐊᒡᓚᖏᑦ 55:4

ᑕᑯᒋᑦᓯ, ᐃᓄᖕᓄᑦ ᖃᐅᔨᓯᒪᔪᖁᑎᒋᓪᓗᒍ ᓇᓗᓁᕐᓯᔨᒋᓚᐅᕐᐸᕋ, ᐊᖓᔪᖅᑳᓐᖑᕐᑎᓪᓗᒍ ᓯᕗᓕᕐᑎᐅᑎᓚᐅᕐᐸᕋ ᐃᓄᒐᓴᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 65:16

ᓇᓪᓕᐊᑦ ᓄᓇᒥᓂᒃ ᓮᒻᒪᕐᑎᑕᐅᖁᔨᓗᓂ ᕿᓄᔪᖅ, ᓮᒻᒪᕐᑎᑕᐅᔪᒫᕐᐳᖅ ᒎᑎᒧᑦ ᓱᓕᑦᓯᐊᕐᑐᒧᑦ; ᐅᖃᕕᒍᒪᔪᖅ ᓴᖑᑎᓐᓂᐊᖏᓪᓗᒍ, ᐅᖃᕕᖕᓂᐊᕐᐳᖅ ᒎᑎᐅᑉ ᓱᓕᑦᓯᐊᕐᓂᖓᒍᑦ; ᐃᓱᐊᖏᑦᑐᕐᓯᐅᕐᓂᐅᓚᐅᕐᑐᑦ ᐃᖅᑲᐅᒪᔭᐅᔪᒫᖏᒻᒪᑕ, ᐃᔨᒪᓗ ᓵᖓᓂ ᑕᑯᒃᓴᐅᔪᓐᓃᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 42:5

ᑖᒃᑯᐊᓗ ᔨᕆᒤᐊᒧᑦ ᐅᖃᕐᐳᑦ, “ᐊᑕᓂᐅᑉ ᖃᐅᔨᑦᔪᑎᒃᓴᕆᓂᐊᓕᕐᐹᑎᒍᑦ ᐊᖅᑯᑎᒋᓗᓂᑎᑦ ᐅᕙᑦᑎᓐᓄᑦ ᒪᓕᒃᑕᐅᖁᔭᖏᓐᓂᒃ ᓈᓚᖏᒃᑯᑦᑕ.

ᔪᐊᓇᓯᐅᑉ ᐊᒡᓚᖏᑦ 1:3

ᓱᓇᓕᒫᑦᓯᐊᑦ ᑖᑦᓱᒨᓇ ᐱᓐᖑᕐᑎᑕᐅᓚᐅᕐᓯᒪᕗᑦ; ᑖᑦᓱᒪᓗ ᐊᓯᐊᒍᑦ ᐱᓐᖑᕐᑎᑕᐅᓯᒪᔪᖃᓐᖏᓚᖅ ᐱᓐᖑᕐᑎᑕᐅᓯᒪᔪᓂᒃ.

ᔪᐊᓇᓯᐅᑉ ᐊᒡᓚᖏᑦ 8:14

ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓇᓗᓁᕋᓗᐊᕈᒪ, ᓇᓗᓁᔭᕐᓂᕋ ᓱᓕᕗᖅ, ᖃᐅᔨᒪᒐᒪ ᓇᑭᑦ ᐱᓯᒪᖕᒪᖔᕐᒪ ᓇᒧᓪᓗ ᐂᓂᐊᕐᒪᖔᕐᒪ, ᐃᓕᑦᓯᓕ ᖃᐅᔨᒪᓐᖏᓚᓯ ᓇᑭᑦ ᐱᖕᒪᖔᕐᒪ ᓇᒧᓪᓗ ᐂᓂᐊᕐᒪᖔᕐᒪ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:20

ᑖᑦᓱᒪᓂ ᒎᑎᐅᑉ ᐊᖏᕈᑎᒋᓯᒪᔭᓕᒫᖏᑦ ᐊᖏᕐᓂᐅᕗᑦ, ᑖᑦᓱᒨᓇ ᑕᕝᕙ “ᐋᒦᓐᕈᓐᓇᕐᐳᒍᑦ”, ᒎᑎᐅᑉ ᓂᕐᑐᕐᑕᐅᑦᔪᑎᒃᓴᖓᓄᑦ.

ᒨᓯᓯ ᑕᓪᓕᒪᖏᑦ 21:17

ᐊᖓᔪᒃᓯᕐᐹᖁᑎᓂ ᐅᐱᒋᔭᒃᓴᕆᕚ, ᓄᓕᐊᖓᑕ ᐅᖓᒋᓂᕐᓴᖓᑕ ᐃᕐᓂᕆᖏᒃᑲᓗᐊᕐᑎᓪᓗᓂᐅᒃ, ᐱᖁᑎᒥᓕ ᐊᕕᒋᐊᖃᕐᑕᖏᓐᓂᑦ ᒪᕐᕈᐃᕐᓱᓪᓗᐊᕐᑐᓂᒃ ᐃᕐᓂᓂ ᐊᖓᔪᒃᓯᖅ ᑐᓂᓯᕕᒋᔭᒃᓴᕆᕚ, ᑖᓐᓇ ᐱᔪᓐᓇᕐᓂᖓᓂᒃ ᓯᕗᓪᓕᕐᒥᑦ ᐱᓯᒪᖕᒪᑦ; ᐊᖓᔪᒃᓯᐅᓂᖅ ᑖᑦᓱᒪ ᐱᒋᖕᒪᒍ.”

ᑯᓘᓯᐊᒥᐅᓄᑦ 1:15

ᔩᓱᓯ ᑕᑯᒃᓴᐅᓪᓗᓂ ᐊᑦᔨᒋᔭᐅᖕᒪᑦ ᒎᑎᒧᑦ ᑕᑯᒃᓴᐅᖏᑦᑐᒧᑦ, ᐃᕐᓂᐊᖑᖅᑳᕐᓯᒪᕗᖅ ᐱᓐᖑᕐᑎᑕᐅᓯᒪᔪᓕᒫᓂᑦ;

ᑯᓘᓯᐊᒥᐅᓄᑦ 1:18

ᑖᓐᓇ ᑎᒥᐅᑉ ᓂᐊᖁᕆᕚ, ᑕᕝᕙ ᐅᒃᐱᕐᑑᖃᑎᒌᑦ; ᑖᓐᓇ ᐱᒋᐊᕐᓂᐅᕗᖅ, ᐊᖓᔪᒃᖠᕐᐹᒍᕗᕐᓗ ᑐᖁᖓᔪᓂᑦ ᒪᑭᑎᑕᐅᔪᓂᑦ, ᓱᓇᑐᐃᓐᓇᕐᓄᑦ ᓯᕗᓪᓕᕐᐹᖑᓗᓂ ᐊᖓᔪᖅᑳᖑᖁᓪᓗᒍ.

ᑯᓘᓯᐊᒥᐅᓄᑦ 2:1

ᖃᐅᔨᒪᖁᕙᑦᓯ ᐱᔭᕐᓂᖏᑦᑐᒃᑰᕈᑎᒋᓚᐅᕋᑦᓯ, ᓚᐅᑏᓯᐊᒥᐅᓪᓗ ᐱᖃᑕᐅᓪᓗᑎᒃ, ᑍᒃᑯᐊᓗ ᐅᕙᓐᓂᒃ ᑕᑯᓚᐅᕐᓯᒪᖏᑦᑐᑦ.

ᑯᓘᓯᐊᒥᐅᓄᑦ 4:16

ᑖᒃᑯᐊ ᑎᑎᕋᕐᑕᕗᑦ ᐅᖃᓕᒫᕇᕈᑦᓯᐅᒃ, ᐅᖃᓕᒫᕐᑕᐅᑎᑦᓱᒫᕆᕙᓯ ᐅᒃᐱᕐᑑᖃᑎᒌᓄᑦ ᓚᐅᑏᓯᐊᒥᐅᓄᑦ. ᐃᓕᑦᓯᓗᑦᑕᐅᖅ ᑎᑎᖅᑲᑦ ᓚᐅᑏᓯᐊᒧᐊᕐᑐᑦ ᐅᖃᓕᒫᕈᒫᕆᕙᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:11

ᐅᖃᕐᓗᓂ, “ᑕᑯᔭᕐᓂᒃ ᑎᑎᕋᕆᑦ ᑎᑎᕋᕐᑕᑎᓪᓗ ᐊᐅᓪᓚᕐᑎᓪᓗᒋᑦ ᐅᒃᐱᕐᑑᖃᑎᒌᒃᑐᓄᑦ 7ᓄᑦ, ᐃᐱᓲᓯᒧᑦ ᓯᒨᕐᓇᒧᓪᓗ ᐴᕐᒐᒪᒻᒧᓪᓗ ᑍᐊᑍᕋᒧᓪᓗ ᓵᕐᑏᓯᒧᓪᓗ ᐱᓚᑕᐅᓪᕕᐊᒧᓪᓗ ᓚᐅᑏᓯᐊᒧᓪᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:1

“ᐃᐱᓲᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐅᓪᓗᕆᐊᓂᒃ 7ᓂᒃ ᑕᓕᕐᐱᖕᒥᓄᑦ ᑎᒍᒥᐊᕐᑐᒥᑦ ᐱᕗᑦ, ᖃᐅᒻᒪᖅᑯᑏᓪᓗ ᒎᓗᐃᑦ ᐃᓂᖏᑦᑕ 7 ᐊᑯᕐᖓᑦᑎᒍᑦ ᐱᓱᒃᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:6

ᐅᖃᐅᑎᒋᕚᖓᓗ, “ᐱᔭᕇᕐᐳᖅ! ᐋᓪᐸᐅᕗᖓ ᐅᒥᒐᐅᓪᓗᖓᓗ, ᐱᒋᐊᕐᓂᐅᕗᖓ ᐃᓱᓕᓐᓂᐅᓪᓗᖓᓗ. ᐃᒥᕈᒃᑐᖅ ᐃᒥᕐᑎᓐᓂᐊᕐᐸᕋ ᐃᒥᕐᒥᒃ ᐃᓅᓯᖃᕐᓇᕐᑐᒥᑦ ᑯᕕᔪᒥᑦ ᐊᑭᖃᖏᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:13

ᐋᓪᐸᐅᕗᖓ ᐅᒥᒐᐅᓪᓗᖓᓗ, ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ, ᐱᒋᐊᕐᓂᐅᓪᓗᖓᓗ ᐃᓱᓕᕝᕕᐅᕗᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:6

ᐂᖏᓕᐅᓪᓗ ᐅᖃᐅᑎᕚᖓ, “ᐅᖃᐅᓰᑦ ᑕᒪᒃᑯᐊ ᓱᓕᕗᑦ ᐅᒃᐱᕆᔭᒃᓴᐅᓪᓗᑎᒡᓗ. ᐊᑕᓂᕐᓗ, ᒎᑎ ᐊᓂᕐᓂᕐᒥᓂᒃ ᑐᓂᓯᓚᐅᕐᑐᖅ ᓇᓚᐅᑦᑍᔪᖁᑎᒥᓄᑦ, ᐂᖏᓕᖁᑎᒥᓂᒃ ᑎᓕᓯᕗᖅ ᐱᔨᖓᓂᒃ ᖃᐅᔨᑎᑦᓯᖁᓪᓗᒍ ᓇᓪᓕᐅᑎᓂᐊᓕᕐᑐᓂᒃ ᐊᑯᓂᐅᖏᑦᑐᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7

“ᐱᓚᑕᐅᓪᕕᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᐃᑦᔪᕐᓁᑦᑑᔪᒥᑦ, ᓱᓕᔪᒥᑦ, ᐅᒃᑯᐃᕈᑎᒥᒃ ᐱᓯᒪᔪᒥᑦ ᑍᕕᑎᐅᑉ ᐅᒃᑯᐃᕈᑎᖓᓂᒃ, ᐅᒃᑯᐊᖅ ᐅᒃᑯᐃᕐᐸᒍ ᑭᓇᒧᓪᓘᓐᓃᑦ ᐅᑯᐊᕐᑕᐅᓂᐊᓐᖏᓚᖅ, ᐅᒃᑯᐊᕐᐸᒍ ᑭᓇᒧᓪᓘᓐᓃᑦ ᐅᒃᑯᐃᕐᑕᐅᓂᐊᓐᖏᓚᖅ.