ᔪᐊᓇᓯᐅᑉ ᑕᑯᑎᑕᐅᓂᖏᑦ 22:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᕝᕙᓂ ᐃᒡᓗᒐᓴᖕᓂ ᐆᒥᓇᕐᑎᑕᐅᓯᒪᔪᖃᕐᓂᐊᕈᓐᓃᕐᐳᖅ ᓱᓇᒥᒡᓘᓐᓃᑦ. ᒎᑎᐅᓪᓕ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓ ᑕᕝᕙᑑᔪᒫᕐᐳᖅ ᑕᕝᕙᓂ, ᐱᔨᖏᑕᓗ ᐅᐱᒌᓐᓇᕈᒫᕐᐹᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:3 Iomraidhean Croise

ᐃᓐᖏᕈᑎᑦ 16:11

ᖃᐅᔨᑎᓐᓂᐊᕐᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓱᐊᕐᑐᒥᒃ ᐱᑕᖃᕐᒪᑦ, ᐊᒡᒐᖕᓂᓗ ᑕᓕᕐᐱᖕᓂ ᖁᕕᐊᓇᕐᑐᖃᕐᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 17:15

ᐅᕙᖓᓕ ᑮᓁᑦ ᑕᑯᓐᓇᕈᒫᕐᐸᕋ ᐃᓱᐊᕐᓂᕐᒥ, ᑐᐸᒍᒪᓗ ᓈᒻᒪᒃᓯᑦᓯᐊᕈᒫᕐᐳᖓ, ᑕᑯᓐᓇᕐᓗᖓ ᐊᑦᔨᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 51:11

ᐊᑕᓂᐅᑉ ᐊᑭᓕᕐᓗᒋᑦ ᐱᑖᕆᒃᑲᓐᓂᕐᓯᒪᔭᖏᑦ ᐅᑎᕈᒫᕐᐳᑦ, ᓮᐅᓂᒧᑦ ᐃᑎᓕᕈᒫᕐᐳᑦ ᐃᓐᖏᕐᓗᑎᒃ; ᐃᓱᖃᖏᑦᑐᒧᑦ ᖁᕕᐊᓱᖕᓂᕐᔪᐊᖃᕈᒫᕐᐳᑦ, ᐊᓕᐊᓁᒍᓱᒡᓗᑎᒃ ᖁᕕᐊᓱᖕᓂᐊᓗᖕᒧᑦ, ᕿᒃᓵᖕᓂᖅ ᐊᓂᕐᓴᐅᒥᓂᕐᓗ ᕿᒫᔪᒫᕐᐴᒃ.

ᐃᓯᑭᐊᓕᐅᑉ ᐊᒡᓚᖏᑦ 37:27

ᑖᒃᑯᓇᓂ ᐃᓂᖃᕈᒫᕐᐳᖓ; ᑖᒃᑯᓄᖓᓗ ᒎᑎᒋᔭᐅᓗᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 48:35

ᐊᕙᓗᕐᔪᐊᑉ ᐊᖏᓂᖓ ᑐᑭᒧᑦ ᓴᓂᒧᓪᓗ 10,080ᓂᒃ ᐆᒃᑑᑎᓂᒃ ᐊᖏᓂᖃᕐᑐᒃᓴᐅᕗᖅ; ᒫᓐᓇᒥᑦ ᐱᒋᐊᕐᓗᒍ ᐃᒡᓗᒐᓴᒡᔪᐊᑦ ᑖᒃᑯᐊ ᐊᑎᖃᕐᑐᒃᓴᐅᕗᑦ, ᐊᑕᓂᖅ ᑕᕝᕙᓃᑉᐳᖅ.”

ᓴᑲᕅᐊᐅᑉ ᐊᒡᓚᖏᑦ 14:11

ᑕᒪᓐᓇ ᐃᓄᖏᓐᓂᒃ ᐃᓄᖃᕈᒫᕐᐳᖅ, ᓱᕋᑦᑎᔭᐅᒃᑲᓐᓂᕐᓂᐊᕈᓐᓁᕐᓗᓂ; ᔨᕉᓴᓕᒥ ᑲᑉᐱᐊᓇᕐᑐᖃᒃᑲᓐᓂᕈᒫᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 25:21

ᐊᖓᔪᖅᑳᖓᑕ ᐅᖃᐅᑎᕚ, ‘ᓈᒻᒪᒋᕙᒋᑦ ᐱᔨᐅᓪᓗᑎᑦ ᐱᓇᓱᐊᑦᓯᐊᕐᑐᑎᑦ ᓱᖁᓯᔪᐃᑦᑑᒐᕕᑦ; ᑮᓇᐅᔭᓂᒃ ᒥᑭᔪᓂᒃ ᓱᖁᓯᔪᐃᑦᑑᓪᓗᑎᑦ ᑲᒪᑦᓯᐊᓚᐅᕋᕕᑦ, ᒫᓐᓇ ᑮᓇᐅᔭᓂᒃ ᐊᖏᓂᕐᓴᓂᒃ ᑲᒪᔨᓐᖑᕐᑎᓐᓂᐊᕐᐸᒋᑦ; ᕾᓗᑎᑦ ᐊᖓᔪᖅᑳᑦ ᖁᕕᐊᓱᖃᑎᒋᓕᕈᒃ.’

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᔪᐊᓇᓯᐅᑉ ᐊᒡᓚᖏᑦ 12:26

ᓇᓪᓕᐊᑦ ᐅᕙᓐᓂᒃ ᐱᔨᑦᓯᕐᑐᖅ, ᐅᕙᓐᓂᒃ ᒪᓕᒃᑐᒃᓴᐅᕗᖅ; ᓇᔪᒐᓐᓂᓗ, ᓇᔫᑎᔪᒃᓴᐅᕗᖅ; ᐅᕙᓐᓂᒃ ᐱᔨᑦᓯᕐᓂᐊᕐᑐᖅ, ᐊᑖᑕᒪ ᓂᕐᑐᕐᓇᕐᑎᑦᓱᒫᕐᐹ.”

ᔪᐊᓇᓯᐅᑉ ᐊᒡᓚᖏᑦ 13:32

ᒎᑎ ᓂᕐᑐᕐᓇᕐᑎᑕᐅᒃᐸᑦ ᑖᑦᓱᒨᓇ, ᑕᕝᕙ ᐃᓅᑉ ᐃᕐᓂᖓ ᒎᑎᐅᑉ ᓂᕐᑐᕐᓇᕐᑎᓐᓂᐊᕆᕚ ᐃᒻᒥᒍᑦ, ᓂᕐᑐᕐᓇᕐᑎᑲᐅᑎᒋᓂᐊᕐᐹᓗ.

ᔪᐊᓇᓯᐅᑉ ᐊᒡᓚᖏᑦ 14:3

ᐂᓂᐊᕈᒪᓕ ᐃᓂᒃᓴᓕᐅᕆᐊᕐᑐᕐᓗᓯ, ᐅᑎᕈᒫᕆᕗᖓ ᐂᓗᓯ ᐅᕙᓐᓃᖁᓪᓗᓯ, ᓇᔪᒐᓐᓂ.

ᔪᐊᓇᓯᐅᑉ ᐊᒡᓚᖏᑦ 17:24

“ᐊᑖᑖᒃ, ᐱᔪᒪᕗᖓ ᑖᒃᑯᐊ ᐅᕙᓐᓄᑦ ᑐᓂᓚᐅᕐᑕᑎᑦ, ᐅᕙᓐᓃᖁᓪᓗᒋᑦ ᓇᔪᕐᑕᓐᓂ, ᓂᕐᑐᕐᓇᕐᓂᕐᒥᒡᓗ ᐅᕙᓐᓄᑦ ᑐᓂᓚᐅᕐᑕᕐᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᓄᑦ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ.

ᒨᓯᓯ ᑕᓪᓕᒪᖏᑦ 27:26

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᒎᑎᐅᑉ ᐱᖁᔭᖏᓐᓂᒃ ᓈᓚᖏᑦᑐᖅ ᐊᔪᕆᕐᑐᐃᑦᔪᑎᖏᓐᓂᒡᓗ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:10

ᓂᐱᖅᑯᕐᑐᓪᓗᑎᒡᓗ ᐅᖃᕐᐳᑦ, “ᐱᐅᓕᔭᐅᓂᖅ ᒎᑎᑦᑎᓐᓂᑦ ᐱᕗᖅ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᒥᑦ ᓄᕐᕋᐅᔭᕐᒥᓪᓗ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.