ᔪᐊᓇᓯᐅᑉ ᑕᑯᑎᑕᐅᓂᖏᑦ 22:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓇᓪᓕᐊᓐᓂᒡᓗ ᐃᓚᓐᖎᔪᖃᕐᐸᑦ ᐅᑯᓇᓂ ᐱᔪᒫᕐᑐᑦ ᐅᖃᐅᓯᕐᑕᖏᓐᓂᒃ ᐊᒡᓚᖕᓂ ᑎᑎᕋᕐᓯᒪᔪᓂ, ᑖᓐᓇ ᒎᑎᐅᑉ ᐃᓚᓐᖎᕕᒋᔪᒫᕆᕚ ᐱᔭᒃᓴᖓᓂᒃ ᓇᐹᕐᑐᒥᑦ ᐆᒪᓇᕐᑐᒥᑦ ᐃᒡᓗᒐᓴᒡᔪᐊᓂᓪᓗ ᐃᑦᔪᕐᓁᑦᑐᓂᑦ, ᑖᒃᑯᓇᓂ ᐅᖃᐅᓯᐅᓯᒪᔪᓂᒃ ᑕᕝᕙᓂ ᐊᒡᓚᖕᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:19 Iomraidhean Croise

ᐃᓐᖏᕈᑎᑦ 69:28

ᐃᓅᔪᑦ ᐊᒡᓚᖁᑎᖏᓐᓂᑦ ᐲᔭᓚᐅᒃᑭᑦ, ᐃᓱᐊᕐᑐᓪᓗ ᑎᑎᕋᕐᓯᒪᕕᖏᓐᓂ ᐃᓚᐅᖏᓪᓗᑎᒃ.

ᒨᓯᓯ ᐂᑉᐸᖏᑦ 32:33

ᐊᑕᓂᐅᓪᓕ ᒨᓯᓯ ᑭᐅᕚ, “ᐅᕙᓐᓄᑦ ᑭᓯᐊᓂ ᐊᔪᕐᑐᓕᓯᒪᔪᑦ ᐊᑎᖏᑦ ᐲᔭᕐᓂᐊᕐᐸᒃᑲ ᐊᑎᒃᑯᕕᖁᑎᓐᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:6

ᐅᖃᐅᓯᖏᓐᓂ ᐅᖃᕐᓯᒪᖏᑦᑐᒥᒃ ᐃᓚᓯᓂᐊᕐᓇᒃ, ᑖᑦᓱᒧᖓ ᓱᐊᒃᑕᐅᖁᓇᒃ, ᓴᒡᓗᓲᒥᒡᓗ ᑍᔭᐅᓕᖁᓇᒃ.

ᓘᑲᓯᐅᑉ ᐊᒡᓚᖏᑦ 11:52

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐃᓕᑦᓯ ᐱᖁᔭᓂᒃ ᐃᓕᓮᔩᑦ! ᐃᓕᓯᒪᓂᐅᑉ ᒪᑐᖓᑕ ᐲᕈᑖ ᐱᓯᒪᒐᑦᓯᐅᒃ; ᐃᓕᑦᓯᓕ ᓇᖕᒥᓂᖅ ᐃᑎᕐᓂᐊᓐᖏᓚᓯ, ᐃᑎᕈᒪᔪᓪᓗ ᐃᑎᕐᑎᑦᑍᓕᓪᓗᒋᑦ!”

ᒨᓯᓯ ᑕᓪᓕᒪᖏᑦ 12:32

“ᐱᖁᔨᑦᔪᑎᒋᓯᒪᔭᓕᒫᓐᓂᒃ ᐱᓇᓱᐊᕐᑐᒃᓴᐅᕗᓯ; ᐊᓯᖏᓐᓂᒃ ᐃᓚᓯᔪᒃᓴᐅᓐᖏᓚᓯ ᐃᓚᓐᖎᔪᒃᓴᐅᓇᓯᓗ ᑖᒃᑯᓂᖓ.”

ᒨᓯᓯ ᑕᓪᓕᒪᖏᑦ 4:2

ᐃᓕᑦᓯᓐᓄᑦ ᐱᖁᓚᐅᕐᑕᒃᑲ ᐃᓚᔭᒃᓴᕆᓐᖏᓚᓯ, ᐃᓚᓐᖓᕐᑕᒃᓴᕆᓇᒋᓪᓗ. ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᐃᓕᑦᓯᓐᓄᑦ ᓈᓚᒐᒃᓴᕆᕙᓯ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:3

ᓮᒪᓇᕐᑐᒦᑉᐳᖅ ᑖᒃᑯᓂᖓ ᐅᖃᓕᒫᕐᑐᖅ ᓇᓚᐅᑦᑍᔪᑕᐅᓯᒪᔪᓂᒃ, ᓮᒪᓇᕐᑐᒦᑭᕗᑦ ᑕᒪᒃᑯᓂᖓ ᐱᔪᒫᕐᑐᒃᓴᓂᒃ ᑐᓴᕐᑐᑦ, ᓈᓚᒃᑐᓪᓗ ᑕᕝᕙᓂ ᑎᑎᕋᕐᑕᐅᓯᒪᔪᓂᒃ, ᓇᓪᓕᐅᓐᓂᒃᓴᖏᑦ ᖃᓂᑦᑑᓕᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:2

ᑐᒃᓯᐊᕐᕕᒡᔪᐊᓪᓕ ᓯᓚᑖᓃᑦᑐᖅ ᑐᕐᓲᖑᔭᖓ ᐆᒃᑐᕋᕐᓂᐊᕐᓇᒍ; ᑲᒪᒋᔭᒃᓴᕆᓐᖏᓔᑦ, ᑖᓐᓇ ᑐᓂᔭᐅᓯᒪᖕᒪᑦ ᐃᓅᖃᑎᒌᒡᔪᐊᓄᑦ, ᑐᓪᓕᕋᒐᒃᓴᐅᖁᓪᓗᒍ ᑕᖅᑭᓂᒃ 42ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:13

ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑎᑎᕋᕆᑦ ᐅᑯᓂᖓ: ᓮᒪᓇᑐᒦᑉᐳᑦ ᐊᑕᓂᖅ ᐱᓪᓗᒍ ᐱᔨᑦᓯᕐᓗᑎᒃ ᑐᖁᔪᑦ.” ᐊᓂᕐᓂᖅ ᐅᖃᕐᐳᖅ, “ᐃᓛᒃ ᑐᓱᓐᓇᒻᒪᕆᒃᐳᑦ, ᑕᕾᕐᓯᕐᓂᐊᓕᕐᒪᑕ ᐱᓇᓱᐊᕐᓂᕆᓯᒪᔭᒥᖕᓂᑦ, ᐱᓂᐊᕐᓂᕆᓯᒪᔭᖏᑕ ᐃᓚᒋᓂᐊᕐᒪᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:11

“‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ, ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᐋᓐᓂᕐᑕᐅᓂᐊᓐᖏᓚᑦ ᑐᖂᑉ ᐂᑉᐸᖓᓄᑦ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:26

ᓵᓚᖃᕐᑐᖅ ᐱᓇᓱᐊᕐᑕᐅᖁᔭᓐᓂᒡᓗ ᐱᓇᓱᐊᖏᓐᓇᕐᓗᓂ ᐃᓱᓕᑦᑎᔪᖅ, ᐱᔪᓐᓇᕐᓂᕐᑖᕐᑎᑦᓱᒪᕙᕋ ᐃᓅᖃᑎᒌᒡᔪᐊᓄᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:7

“‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᓂᕆᔪᓐᓇᕐᑎᓐᓂᐊᕐᐸᒃᑲ ᓇᐹᕐᑐᒥᑦ ᐃᓅᓯᖃᕐᓇᕐᑐᒥᒃ ᐱᕈᕐᑐᓕᖕᒥᑦ, ᒎᑎᐅᑉ ᐸᕋᑍᓯᖓᓂ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:2

ᐃᒡᓗᒐᓴᒡᔪᐊᓪᓗ ᐃᑦᔪᕐᓁᑦᑐᑦ ᑕᑯᕙᒃᑲ, ᔨᕉᓴᓕᒻ ᓄᑖᖅ, ᕿᓚᖕᒥᑦ ᐊᖅᑲᕐᑐᖅ ᒎᑎᒥᑦ, ᐊᑐᐃᓐᓇᕈᕐᓯᒪᓕᕐᑐᖅ ᓄᓕᐊᒃᓴᑐᑦ ᐊᓐᓄᕌᕐᓯᒪᑦᓯᐊᓕᕐᑐᑎᑐᑦ ᐅᐃᒃᓴᒥᓄᑦ ᐊᑐᐃᓐᓇᐅᓕᕐᑐᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:5

ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕙᔪᖅ ᐅᖃᕐᐳᖅ, “ᑕᑯᒋᑦ ᓱᓇᓕᒫᓂᒃ ᓄᑖᓐᖑᕐᑎᑦᓯᕗᖓ.” ᐅᖃᒃᑲᓐᓂᕐᐳᕐᓗ, “ᐅᑯᐊ ᑎᑎᕋᒃᑭᑦ, ᐅᖃᐅᓰᑦ ᑖᒃᑯᐊ ᐅᒃᐱᕆᔭᒃᓴᐅᕗᑦ ᓱᓕᓪᓗᑎᒡᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:12

ᔩᓱᓯᓗ ᐅᖃᕐᐳᖅ, “ᑕᑯᒋᑦ, ᐊᑯᓂᐅᖏᑦᑐᖅ ᕾᓂᐊᕐᐳᖓ, ᐊᑭᓕᐅᑎᒃᓴᕋ ᓇᒃᓴᕐᓗᒍ, ᐱᓂᐊᕐᓂᖏᑦ ᒪᓕᒡᓗᒋᑦ ᐊᑭᓕᕐᑕᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:2

ᐃᒡᓗᒐᓴᒡᔪᐊᑦ ᐊᖅᑯᑎᖓᑕ ᕿᑎᖓᒎᖓᔪᒥᒃ; ᑰᒡᓗ ᑕᒪᓐᓇ ᐊᑭᓕᕇᓂᒃ, ᓇᐹᕐᑐᖃᕐᐳᖅ ᐆᒪᓇᕐᑐᓂᒃ, ᐸᐅᕐᖓᖃᕐᑐᓂᒃ ᐊᑦᔨᒌᖏᑦᑐᓂᒃ 12ᓂᒃ, ᑕᖅᑭᑕᒫᑦ ᐸᐅᕐᖓᕐᑖᖃᑦᑕᕐᑐᓂᒃ; ᓇᐹᕐᑐᐃᓪᓗ ᐅᖃᐅᔭᖏᑦ ᐋᖅᑭᒃᑕᐅᑦᔪᑎᒃᓴᐅᕗᑦ ᐃᓅᖃᑎᒌᒡᔪᐊᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:7

ᔩᓱᓯᓗ ᐅᖃᕐᐳᖅ, “ᑕᑯᒋᑦ ᐊᑯᓂᐅᖏᑦᑐᖅ ᕾᓂᐊᓕᕐᐳᖓ. ᓮᒪᓇᕐᑐᒦᐳᖅ ᑖᓐᓇ ᓇᓚᐅᑦᑍᓂᕐᓂᒃ ᑎᑎᕋᕐᓯᒪᔪᓂᒃ ᐅᑯᓇᓂ ᓈᓚᒃᑐᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:12

ᓵᓚᖃᕐᑐᖅ, ᓱᑲᓐᖑᕐᑎᑦᓱᒪᕙᕋ ᒎᑎᒪ ᑐᒃᓯᐊᕐᕕᒡᔪᐊᖁᑎᖓᓂ; ᑖᑦᓱᒪᓗ ᕿᒪᓚᐅᕐᓯᒪᓂᐊᓐᖏᓛ, ᐊᑎᓕᐅᕐᕕᒋᓂᐊᕐᐸᕋᓗ ᒎᑎᒪ ᐊᑎᖓᓂᒃ, ᒎᑎᒪᓗ ᐃᒡᓗᒐᓴᒡᔪᐊᖁᑎᖏᓐᓂᒃ, ᔨᕉᓴᓕᒥᒃ ᓄᑖᒥᒃ ᕿᓚᖕᒥᑦ ᐊᖅᑲᕈᒫᕐᑐᒥᒃ ᒎᑎᓐᓂᑦ ᐱᔪᒥᒃ, ᐊᑎᓕᐅᕐᕕᒋᓂᐊᕆᕙᕋᓗ ᐊᑎᓐᓂᒃ ᓄᑖᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.