ᔪᐊᓇᓯᐅᑉ ᑕᑯᑎᑕᐅᓂᖏᑦ 22:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᕙᖓ ᔪᐊᓇᓯ ᖃᐅᔨᒪᖁᔨᕗᖓ ᑕᒤᓐᓂᒃ ᑐᓴᕐᑐᓂᒃ ᐅᑯᓂᖓ ᐱᔪᒫᕐᑐᓂᒃ ᐅᕙᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᓂᒃ: ᓇᓪᓕᐊᑦ ᑖᒃᑯᓂᖓ ᐃᓚᓯᒃᐸ ᒎᑎᐅᑉ ᓱᒋᐊᕐᓯᓂᕆᒐᔭᕐᑕᖓᓂᒃ ᐃᓚᒋᐊᕈᒫᐰᑦ ᑲᑉᐱᐊᓇᕐᑐᓂᒃ ᐅᑯᓇᓂ ᐊᒡᓚᖕᓂ ᐅᖃᐅᑕᐅᓯᒪᔪᓂ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:18 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:6

ᐅᖃᐅᓯᖏᓐᓂ ᐅᖃᕐᓯᒪᖏᑦᑐᒥᒃ ᐃᓚᓯᓂᐊᕐᓇᒃ, ᑖᑦᓱᒧᖓ ᓱᐊᒃᑕᐅᖁᓇᒃ, ᓴᒡᓗᓲᒥᒡᓗ ᑍᔭᐅᓕᖁᓇᒃ.

ᒨᓯᓯ ᐱᖓᔪᖏᑦ 26:18

“ᑕᒪᒃᑯᐊ ᐊᑐᓚᐅᕐᑎᓪᓗᒋᑦ ᓱᓕ ᓈᓚᖏᒃᑯᑦᓯ, ᓱᒋᐊᒃᑲᓐᓂᕈᒫᕐᐸᑦᓯ 7ᐃᕐᑑᑎᓪᓗᐊᖏᓐᓂᑦ ᐱᐅᖏᓐᓂᕐᓴᓂᒃ.

ᒨᓯᓯ ᐱᖓᔪᖏᑦ 26:28

ᓂᓐᖓᐅᒪᓂᕐᒧᑦ ᐃᓕᑦᓯᓐᓄᑦ ᓵᓐᓂᐊᕐᐳᖓ, ᓱᒋᐊᕐᓂᐊᕐᐸᑦᓯᓗ ᐊᖏᓂᕐᓴᒥᒃ ᓯᕗᓪᓕᕐᓂᑦ 7ᐃᕐᑐᕐᓗᒋᑦ ᐱᐅᖏᓐᓂᕐᓴᐅᔪᓂᒃ.

ᒨᓯᓯ ᐱᖓᔪᖏᑦ 26:37

ᐊᓯᒥᓄᓪᓗ ᓈᓪᓗᑎᒃ ᐹᓪᓚᖃᑦᑕᓕᕐᓗᑎᒃ, ᕿᒫᑎᑕᐅᔪᑎᑐᑦ, ᒪᓕᒃᑕᐅᖏᒃᑲᓗᐊᕐᓗᑎᒃ, ᐊᑭᕋᑦᓯᓐᓂᒡᓗ ᐊᑭᒪᔪᓐᓁᓪᓕᒐᔭᕐᐳᓯ.

ᒫᑎᐅᓯᐅᑉ ᐊᒡᓚᖏᑦ 15:13

ᔩᓱᓯᐅᑉ ᑭᐅᕔᑦ, “ᐱᕈᕐᑐᑦ ᐊᑖᑕᒪ ᕿᓚᖕᒦᑦᑑᑉ ᑲᓐᖓᕐᓲᑎᒋᓚᐅᓐᖏᑕᖏᑦ ᐊᒫᖏᑎᒍᑦ ᓄᓱᒃᑕᐅᔪᒫᕐᐳᑦ,

ᐃᐱᓯᒥᐅᓄᑦ 4:17

ᐊᑕᓂᐅᑉ ᐱᖁᔨᓂᖓᒍᑦ ᐃᓂᕐᑎᕐᐸᑦᓯ, ᐅᒃᐱᖏᑦᑐᑎᑐᑦ ᐃᓅᔭᕆᐊᖃᕈᓐᓃᕋᑦᓯ, ᐊᑐᖏᑦᑐᓂᒃ ᐃᓱᒪᖃᕐᓗᑎᒃ ᐃᓅᓇᓱᐊᕐᑐᑎᑐᑦ;

ᒨᓯᓯ ᑕᓪᓕᒪᖏᑦ 12:32

“ᐱᖁᔨᑦᔪᑎᒋᓯᒪᔭᓕᒫᓐᓂᒃ ᐱᓇᓱᐊᕐᑐᒃᓴᐅᕗᓯ; ᐊᓯᖏᓐᓂᒃ ᐃᓚᓯᔪᒃᓴᐅᓐᖏᓚᓯ ᐃᓚᓐᖎᔪᒃᓴᐅᓇᓯᓗ ᑖᒃᑯᓂᖓ.”

ᒨᓯᓯ ᑕᓪᓕᒪᖏᑦ 4:2

ᐃᓕᑦᓯᓐᓄᑦ ᐱᖁᓚᐅᕐᑕᒃᑲ ᐃᓚᔭᒃᓴᕆᓐᖏᓚᓯ, ᐃᓚᓐᖓᕐᑕᒃᓴᕆᓇᒋᓪᓗ. ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᐃᓕᑦᓯᓐᓄᑦ ᓈᓚᒐᒃᓴᕆᕙᓯ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:6

ᑍᒤᒻᒪᑦ ᐃᓄᒃ ᐅᒃᐱᕐᑑᖃᑎᒥᓂᒃ ᙭ᔅᑑᓯᒥ ᐅᖁᒤᑎᑦᓯᑦᑍᓕᓕ ᓄᓕᐊᕐᓂᕐᒧᑦ ᐅᐃᕕᕐᕆᓇᒍᓗ ᓱᓇᑐᐃᓐᓇᕐᒧᑦ, ᑕᒪᑐᒥᖓ ᐅᖃᐅᑎᓚᐅᕐᐸᑦᓯ, ᐅᓗᕆᐊᓇᕐᓂᖓᓂᒃ ᐊᑕᓂᖅ ᓱᒋᐊᕐᓯᕙᖕᒪᑦ ᑍᒤᓕᐅᕐᑐᓕᒫᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:3

ᓮᒪᓇᕐᑐᒦᑉᐳᖅ ᑖᒃᑯᓂᖓ ᐅᖃᓕᒫᕐᑐᖅ ᓇᓚᐅᑦᑍᔪᑕᐅᓯᒪᔪᓂᒃ, ᓮᒪᓇᕐᑐᒦᑭᕗᑦ ᑕᒪᒃᑯᓂᖓ ᐱᔪᒫᕐᑐᒃᓴᓂᒃ ᑐᓴᕐᑐᑦ, ᓈᓚᒃᑐᓪᓗ ᑕᕝᕙᓂ ᑎᑎᕋᕐᑕᐅᓯᒪᔪᓂᒃ, ᓇᓪᓕᐅᓐᓂᒃᓴᖏᑦ ᖃᓂᑦᑑᓕᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:1

ᕿᓚᖕᒥ ᑕᑯᓕᕆᕗᖓ ᑕᑯᓕᒪᓇᖏᑦᑐᒥᒃ, ᐊᖏᔪᒥᒃ ᐱᐅᔪᐊᓗᖕᒥᒃ, ᐂᖏᓕᓂᒃ 7ᓂᒃ ᑲᑉᐱᐊᓇᕐᑐᓂᒃ 7ᓂᒃ ᐱᖃᕐᑐᓂᒃ, ᑖᒃᑯᐊᓗ ᑭᖑᓪᓕᕐᐹᒃᓴᐅᕗᑦ, ᒎᑎᐅᑉ ᓂᓐᖓᐅᓯᖓᑕ ᑭᖑᓪᓕᕐᐹᖓᓂᒃ ᐱᓯᒪᔪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:6

ᐂᖏᓖᓪᓗ 7 ᑲᑉᐱᐊᓇᕐᑐᓂᒃ 7ᓂᒃ ᐱᖃᕐᑐᑦ ᑐᒃᓯᐊᕐᕕᒡᔪᐊᕐᒥᑦ ᐊᓂᕗᑦ; ᐊᓐᓄᕌᕐᓯᒪᔪᓂᒃ ᐃᑦᔪᕐᓁᑦᑐᓂᒃ ᓵᑦᑐᓂᒃ ᖃᐅᒪᔪᓂᒃ, ᓴᒡᕕᖕᒥᒃᑎᒍᓪᓗ ᐅᕕᖓᔪᒥᒃ ᑕᑦᓯᕈᑕᐅᔭᕐᓯᒪᓪᓗᑎᒃ ᒎᓗᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:10

ᑕᕝᕙ ᓵᑖᓇᓯ ᑖᒃᑯᓂᖓ ᑕᒻᒪᕐᑎᑦᓯᓚᐅᕐᑐᖅ ᐃᒋᑕᐅᔪᒫᕐᐳᖅ ᑕᓯᕐᔪᐊᒧᑦ ᐃᒃᑭᕆᑦᑐᕐᔪᐊᒥᒃ ᓲᓪᕕᕆᒧᑦ ᐃᑯᒪᔪᒧᑦ ᑕᕝᕙᓂ ᐆᒪᔪᐊᓘᑉ ᓇᓚᐅᑦᑍᓂᕐᓗᒃᑑᓪᓗ ᐃᒋᑕᐅᕕᒋᓯᒪᔭᖓᓄᑦ, ᑖᒃᑯᐊᓗ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᑦ ᐅᓪᓗᖅ ᐅᓐᓄᐊᕐᓗ ᓈᓗᒋᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:15

ᓇᓪᓕᐊᓪᓗ ᑎᑎᕋᕐᕕᒃᓴᓂ ᐃᓅᓯᕾᓐᓇᕐᓇᕐᑐᓂ ᐊᑎᖓ ᑎᑎᕋᕐᑕᐅᓯᒪᖏᑦᑐᖅ, ᑖᓐᓇ ᐃᒋᑕᐅᕗᖅ ᑕᓯᕐᒧᑦ ᐃᑯᒪᕐᔪᐊᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:10

ᑖᑦᓱᒪᓗ ᐅᖃᐅᑎᕚᖓ, “ᑖᒃᑯᓇᓂ ᑎᑎᖅᑲᓂ ᐱᔪᒫᕐᑐᑦ ᐅᖃᐅᓯᐅᓂᖏᑦ ᐃᔨᕐᓯᒪᑦᑍᓕᒃᑭᑦ, ᑕᒪᒃᑯᐊ ᓇᓪᓕᐅᑎᕕᒃᓴᖓᑦ ᖃᒡᓕᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:16

“ᐅᕙᖓ ᔩᓱᓯ ᐂᖏᓕᖁᑎᓐᓂᒃ ᑎᓕᓯᓚᐅᕐᐳᖓ ᐅᖃᐅᑦᔨᖁᓪᓗᒍ ᐃᓕᖕᓂᒃ ᐅᖃᐅᓯᕆᔭᒃᓴᕐᓂᒃ ᐅᒃᐱᕐᑑᖃᑎᒌᓄᑦ. ᑍᕕᑎᐅᑉ ᐃᓚᒌᖕᓂᖏᑕ ᑭᖑᕚᖏᓐᓂᑦ ᐱᓯᒪᕗᖓ, ᐅᓪᓗᕆᐊᖑᕗᖓ ᖃᐅᒻᒪᕆᒃᑐᖅ ᖃᐅᓕᓵᕐᑐᕐᓯᐅᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:7

ᔩᓱᓯᓗ ᐅᖃᕐᐳᖅ, “ᑕᑯᒋᑦ ᐊᑯᓂᐅᖏᑦᑐᖅ ᕾᓂᐊᓕᕐᐳᖓ. ᓮᒪᓇᕐᑐᒦᐳᖅ ᑖᓐᓇ ᓇᓚᐅᑦᑍᓂᕐᓂᒃ ᑎᑎᕋᕐᓯᒪᔪᓂᒃ ᐅᑯᓇᓂ ᓈᓚᒃᑐᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:9

ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕐᑐᒃᓴᐅᓐᖏᓚᑎᑦ! ᐱᔨᐅᖃᑕᐅᑐᐃᓐᓇᕋᒪ ᐃᓕᒃᑐᑦ ᐅᒃᐱᑑᖃᑎᒃᑐᓪᓗ ᓇᓚᐅᑦᑍᔪᑎᑐᑦ, ᑖᒃᑯᑎᑑᓇᕐᓗ ᐅᕙᓂ ᑎᑎᕋᕐᓯᒪᔪᓂ ᓈᓚᒃᑐᑎᑐᑦ. ᒎᑎᓕ ᐅᐱᒋᓗᒍ ᓂᕐᑐᕈᒃ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:14

“ᓚᐅᑏᓯᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐂᒦᓐᖑᔪᒥᑦ ᐱᕗᑦ, ᓱᖁᓯᔪᐃᑦᑑᓪᓗᓂ ᓱᓕᔪᒥᒃ ᓇᓗᓁᕐᓯᔨᒥᑦ, ᐱᒋᐊᕐᓂᐅᔪᒥᑦ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ.