ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15 Iomraidhean Croise

ᐊᑕᓃᑦ ᓯᕗᓪᓖᑦ 22:8

ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᖓ ᐅᖃᕐᐳᖅ ᔨᕼᐆᓴᐸᑦᒧᑦ, “ᐊᖑᑎᑕᖃᕐᐳᖅ ᓱᓕ, ᒤᑬᐊᒥᒃ ᐃᒻᓚᐅᑉ ᐃᕐᓂᖓᓂᒃ, ᐊᑕᓂᕐᒥᒃ ᖃᐅᔨᒋᐊᕐᕕᒋᔪᓐᓇᕐᒥᔭᕗᑦ, ᑭᓯᐊᓂᓕ ᑖᓐᓇ ᐆᒥᒋᕙᕋ, ᐱᐅᔪᓂᒃ ᐅᖃᐅᓯᒃᓴᖃᓚᐅᕐᓯᒪᖏᒻᒪᑦ ᐅᕙᓐᓄᑦ, ᐱᐅᖏᑦᑐᓂᒃ ᑭᓯᐊᓂ.” ᔨᕼᐆᓴᐸᑦᓗ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᑍᒫᒃ ᐅᖃᕐᑐᒃᓴᐅᓐᖏᓚᖅ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:22

ᓴᒡᓗᑐᔪᓂᒃ ᐅᖃᐅᓯᓖᑦ ᐊᑕᓂᐅᑉ ᓇᕐᕈᒋᕔᑦ, ᐱᓂᐊᕐᓂᖃᕐᑐᓪᓕ ᒪᓕᑦᓯᐊᖏᓐᓇᕐᓗᑎᒃ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:27

ᐊᕐᓇᐅᑉ ᑍᒤᑦᑑᑉ ᐃᒡᓗᖓ ᐃᓗᕕᕐᑕᐅᕕᖕᒧᑦ ᑐᕌᕐᐳᖅ, ᑐᖁᖓᔪᓪᓗ ᐃᓂᖓᓄᐊᕐᓂᕐᒧᑦ ᑐᕅᓐᓇᕈᑕᐅᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 47:12

ᐃᓕᓰᕐᓯᓇᓱᖕᓂᕐᒥᒃ ᑲᔪᓯᑐᐃᓐᓇᕆᑦᓯ, ᐊᖓᒃᑰᓵᕐᓂᕐᓂᒡᓗ ᐅᓄᕐᑐᓂᒃ, ᐱᓇᓱᐊᕐᓯᒪᔭᑦᓯᓐᓂᒃ ᓄᑕᕋᐅᓂᑦᓯᓐᓂᑦ; ᑕᒪᒃᑯᓂᖓ ᐃᒻᒪᖄ ᓵᓚᖃᕈᒫᕐᐳᓯ, ᐃᒻᒪᖄ ᑲᑉᐱᐊᓇᕐᑐᒥᒃ ᓴᖑᑎᑦᓯᔪᒫᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 47:9

ᐅᑯᓄᖓ ᒪᕐᕉᖕᓄᑦ ᑎᑭᑕᐅᔪᒫᕐᐳᑎᑦ ᐅᓪᓗᑦᓮᓐᓇᖅ; ᕿᑐᕐᖓᑎᑦ ᓄᖑᑦᓱᒫᕐᐳᑦ, ᐅᐃᒡᒐᕐᓗᑎᓪᓗ, ᑕᒪᒃᑯᐊ ᐃᓕᖕᓄᑦ ᑎᑭᐅᑎᔪᒫᕐᐳᑦ ᐊᒃᓱᕈᕐᓇᓪᓚᕆᒡᓗᑎᒃ, ᐊᖓᒃᑯᖁᑎᑎᑦ ᐅᓄᕐᑑᒐᓗᐊᕐᑎᓪᓗᒋᑦ, ᐊᖓᒃᑰᓵᕐᓂᖏᑦ ᐱᔪᓐᓇᕐᓂᓕᐊᓘᒐᓗᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 57:3

ᐃᓕᑦᓯᓕ ᕾᒋᑦᓯ ᒪᐅᖓ, ᐃᕐᓂᕆᔭᐅᔪᓯ ᐊᖓᒃᑯᓄᑦ, ᑭᖑᕚᖑᔪᓯᓗ ᐊᓯᓐᓂᐊᕐᑎᓄᑦ ᐊᑭᓕᕐᑕᐅᓗᑎᒡᓗ ᐊᖑᑎᓂᐊᕐᑎᓄᑦ.

ᔨᕆᒤᐊᐅᑉ ᐊᒡᓚᖏᑦ 5:31

ᒎᑎᐅᑉ ᐅᖃᕐᑎᖏᑦ ᐅᖃᐅᓯᖃᕐᒪᑕ ᓱᓕᖏᑦᑐᓂᒃ, ᑐᓂᕐᕈᓯᕐᑎᑦᓯᔩᓪᓗ ᓇᖕᒥᓂᖅ ᐊᑐᕈᒪᔭᒥᖕᓂᒃ ᑭᓯᐊᓂ ᐊᐅᓚᑦᓯᔪᒪᖕᒪᑕ, ᐃᓄᖁᑎᒪᓗ ᑍᒫᒃ ᖁᕕᐊᒋᓪᓗᓂᑦᔪᒃ ᖃᓄᕐᓕ ᐱᔪᒫᕐᐹᑦ ᑕᒪᓐᓇ ᐃᓱᓕᑉᐸᑦ?”

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 7:6

“ᐃᑦᔪᕐᓁᑦᑐᒥᒃ ᑐᓂᓯᓂᐊᕋᓯ ᕿᒻᒥᓄᑦ; ᓴᐸᖓᖁᑎᓯᓗ ᐊᑭᑐᔪᑦ ᐃᒋᓐᓂᐊᕐᓇᒋᑦ ᑰᒃᑰᓰᑦ ᓯᕗᓂᖓᓐᓄᑦ, ᑖᒃᑯᓇᓐᖓᑦ ᑐᓪᓕᕋᕐᑕᐅᑐᐃᓐᓇᕋᔭᕐᒪᑕ ᐃᓕᖕᓄᓪᓗ ᓵᓪᓗᑎᒃ ᐹᔭᐅᑐᐃᓐᓇᕆᐊᖃᕋᕕᑦ.”

ᒫᑎᐅᓯᐅᑉ ᐊᒡᓚᖏᑦ 8:12

ᑖᒃᑯᐊ ᑕᕝᕗᓐᖓᕐᑐᒃᓴᐅᓚᐅᕐᑑᒐᓗᐊᑦ ᒎᑎᐅᑉ ᐊᑕᓂᐅᕕᖓᓄᑦ, ᐃᒋᑕᐅᔪᒫᕐᐳᑦ ᑖᕐᑐᕐᔪᐊᕐᒧᑦ, ᑕᕝᕙᓂ ᕿᐊᓂᖃᕈᒫᕐᐳᑦ ᐋᓐᓂᐊᓂᕐᒧᓪᓗ ᐊᒡᓕᕈᓛᓗᑎᒃ.”

ᔪᐊᓇᓯᐅᑉ ᐊᒡᓚᖏᑦ 8:46

ᓇᓪᓕᓯ ᐊᔪᕐᑐᓕᓂᓐᓂᒃ ᓇᓗᓁᕐᓯᔪᓐᓇᕐᐹ ᓱᓕᔪᒥᒡᓕ ᐅᖃᓪᓚᒃᑯᒪ, ᓱᖕᒪᑦ ᐅᒃᐱᕆᓐᖏᓚᑦᓯᓐᖓ?

ᐋᐴᓯᑕᓖᑦ ᐱᓂᐊᕐᓂᖏᑦ 8:11

ᓈᓚᑦᓯᐊᓚᐅᕐᐹᓪᓗ, ᐊᑯᓂᐅᓕᕐᑐᖅ ᑲᒪᓂᐊᕐᑎᖃᑦᑕᓚᐅᕐᒪᒋᑦ ᐊᖓᒃᑰᑦᔪᓯᕐᒥᓄᑦ.

ᒨᓯᓯ ᑕᓪᓕᒪᖏᑦ 23:18

ᑍᒤᑦᑐᒧᓪᓗ ᑮᓇᐅᔧᕈᑕᐅᔪᕕᓃᑦ ᐊᑕᓂᐅᑉ ᒎᑎᑦᓯ ᐃᒡᓗᖓᓄᑦ ᑐᓂᕐᕈᑕᐅᔪᒃᓴᐅᓐᖏᓚᑦ ᐊᖏᒻᒪᕆᒍᑎᐅᓯᒪᔪᒧᑦ ᐊᑭᓕᐅᑎᒋᔭᐅᓇᓱᒡᓗᑎᒃ. ᐊᑕᓂᐅᑉ ᒎᑎᑦᓯ ᑍᒤᑦᑐᑦ ᓇᕐᕈᓇᕐᑐᐊᓘᓂᕋᕐᒪᒋᑦ.

ᐱᓕᐱᒥᐅᓄᑦ 3:2

ᓯᓔᕐᕆᔭᐅᑦᑍᓕᒋᑦᓯ ᕿᒻᒥᓄᑦ, ᓯᓔᕐᕆᔭᐅᑦᑍᓕᒋᑦᓯ ᐱᐅᖏᑦᑐᒥᒃ ᐱᓇᓱᐊᕐᑐᓄᑦ, ᓯᓔᕐᕆᔭᐅᑦᑍᓕᒋᑦᓯ ᑎᒥᐅᑉ ᐃᓚᖓᓂᒃ ᓇᑲᑎᕆᔨᓄᑦ.

ᑯᓘᓯᐊᒥᐅᓄᑦ 3:6

ᑕᒪᒃᑯᐊ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᑦᓱᒫᕐᒪᑦ ᒎᑎᒥᒃ ᓈᓚᖏᑦᑐᓄᑦ.

ᑎᒧᑎᒧᑦ ᓯᕗᓪᓖᑦ 1:10

ᓄᓕᐊᕐᓂᒃᑯᑦ ᐊᔪᕐᑐᓕᔪᑦ, ᐊᑦᔨᒥᖕᓅᕐᑐᑦ, ᑎᒡᓕᒃᐸᒃᑐᑦ, ᓴᒡᓗᕙᒃᑐᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᒃᑐᑦ, ᖃᓄᑐᐃᓐᓇᕐᓗ ᓱᓕᔪᒥᒃ ᐊᔪᕆᕐᑑᓯᕐᒥᒃ ᐊᑭᕋᕐᑐᕐᐸᒃᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:23

ᖃᐅᒻᒪᖅᑯᑎᐅᓪᓗ ᐃᑯᒪᖓ ᐃᓕᑦᓯᓐᓂ ᑕᑯᔭᐅᒃᑲᓐᓂᕐᓂᐊᕈᓐᓃᕐᐳᖅ; ᑲᑎᑎᑕᐅᕋᑖᕐᑐᓪᓗ ᓂᐱᖏᑦ ᑐᓴᕐᑕᐅᒃᑲᓐᓂᕐᓂᐊᕈᓐᓃᕐᐳᑦ; ᑮᓇᐅᔭᓕᐅᕋᓱᐊᕐᑎᖁᑎᓯᓗ ᐱᔪᓐᓇᕐᓂᖃᕐᓂᕐᐹᖑᓚᐅᕐᑐᑦ ᓄᓇᕐᔪᐊᕐᒥ, ᐊᖓᒃᑰᓐᖑᐊᕐᓂᑦᓯᒍᓪᓗ ᐅᐃᕕᕆᒃᓯᓚᐅᕐᐳᓯ ᐃᓅᖃᑎᒌᒡᔪᐊᓕᒫᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27

ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”