ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27 Iomraidhean Croise

ᐃᓐᖏᕈᑎᑦ 101:8

ᐅᓪᓛᑕᒫᑦ ᐱᐅᖏᑦᑐᓕᒫᑦ ᓄᓇᒥ ᓄᖑᓐᓂᐊᕐᐸᒃᑲ, ᓄᖅᑲᕐᑎᓐᓂᐊᕐᐸᒃᑲ ᐱᐅᖏᑦᑐᓕᔪᓕᒫᑦ ᐊᑕᓂᐅᑉ ᐃᒡᓗᒐᓴᖏᓐᓂ.

ᒨᓯᓯ ᐂᑉᐸᖏᑦ 32:32

ᒫᓐᓇ ᐃᓱᒪᒋᔪᓐᓁᕐᕕᒋᓚᐅᒃᑭᑦ ᐊᔪᕐᑐᓕᓂᖏᓐᓂᑦ; ᐃᓱᒪᒋᔪᓐᓁᕐᕕᒋᓂᐊᖏᒃᑯᕕᒋᑦ ᐊᔪᕐᑐᓕᓂᖏᓐᓂᑦ, ᑕᕝᕙ ᐊᑎᕋ ᐲᕐᑕᐅᔪᒃᓴᐅᕗᖅ ᑎᑎᕋᕐᓯᒪᔭᕐᓂᑦ ᐃᓄᖁᑎᕕᑦ ᐊᑎᒃᑯᕕᖏᓐᓂᑦ.”

ᐂᓮᐊᓯᐅᑉ ᐊᒡᓚᖏᑦ 35:8

ᐅᓄᕐᑐᓄᑦ ᐊᑐᕐᑕᐅᕙᒃᑐᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᑍᑲᓂ, ᑍᔭᐅᓗᓂ “ᐃᑦᔪᕐᓁᑦᑑᑉ ᐊᖅᑯᑎᖓ.” ᐊᔪᕐᑐᓕᔪᓄᑦ ᑕᒪᓐᓇ ᐊᑐᕐᑕᐅᔪᓐᓇᕈᒫᓐᖏᓚᖅ, ᒎᑎᐅᓪᓕ ᐃᓄᖁᑎᖏᓐᓄᑐᐊᖅ ᐊᑐᕐᑕᐅᔪᒫᕐᐳᖅ, ᓯᓔᑦᑐᓪᓘᓐᓃᑦ ᑕᒫᓂ ᑕᒻᒪᕈᒫᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 60:21

ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.

ᐃᓯᑭᐊᓕᐅᑉ ᐊᒡᓚᖏᑦ 44:9

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓄᓇᖃᕐᑐᑐᖃᐅᖏᑦᑐᖅ ᑭᐱᔭᐅᓯᒪᖏᒃᑯᓂ ᐆᒻᒪᑎᒃᑯᑦ ᑎᒥᒃᑯᓪᓗ, ᐃᓅᖃᑎᒋᔭᐅᔪᓕᒫᑦ ᐃᓴᕆᐊᓕᒥᐅᓄᑦ, ᐃᑦᔪᕐᓁᑦᑐᕕᖁᑎᓐᓄᑦ ᐃᑎᕐᑐᒃᓴᐅᓐᖏᓚᖅ.”

ᔪᐃᓕᐅᑉ ᐊᒡᓚᖏᑦ 3:17

“ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ. ᐃᓂᖃᕐᐳᖓ ᓮᐅᓂᒥ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ. ᔨᕉᓴᓕᒻ ᐃᑦᔪᕐᓁᑦᑑᔪᒫᕐᐳᖅ ᓄᓇᖃᕐᑐᑐᖃᐅᖏᑦᑐᑦ ᑎᑭᓪᓗᑎᒃ ᓵᓚᖃᓚᐅᕐᓯᒪᓂᐊᕈᓐᓁᕐᐳᑦ.

ᒨᓯᓯ ᐱᖓᔪᖏᑦ 13:46

ᑍᒫᒃ ᑖᓐᓇ ᐸᕐᑎᕐᓂᕐᒥᓂ ᑍᒪᓐᖓᑦ ᓴᓗᒤᑦᑑᓂᐊᕐᐳᖅ. ᐃᓄᑑᔭᕆᐊᖃᓕᕐᐳᖅ; ᓄᓇᓖᓪᓗ ᓯᓚᑖᓂ ᐃᓂᖃᕆᐊᓕᕐᐳᖅ ᐃᓄᖕᓄᑦ ᑲᑎᒪᔭᐅᖏᓪᓗᓂ.”

ᓴᑲᕅᐊᐅᑉ ᐊᒡᓚᖏᑦ 14:21

ᖃᑦᑍᑦ ᓂᕿᓕᐅᕈᑎᓕᒫᑦ ᔨᕉᓴᓕᒥ ᔫᑕᒥᓗ ᐃᑦᔪᕐᓁᑦᑑᔪᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ, ᑐᓂᕐᕈᓯᕆᐊᕐᑐᕐᑐᓕᒫᑦ ᖃᑦᑕᕐᓂᑦ ᑖᒃᑯᓇᓂ ᓂᕿᓕᐅᕈᒫᕐᐳᑦ, ᐅᓪᓗᓂ ᑍᒃᑯᓇᓂ ᓂᐅᕕᕋᓱᐊᕐᑐᖃᕈᓐᓁᕈᒫᕐᐳᖅ ᐊᑕᓂᐅᑉ ᐃᒡᓗᖓᓂ.

ᒨᓯᓯ ᓯᑕᒪᖏᑦ 12:15

ᑍᒤᒻᒪᑦ ᒥᕆᐊᒻ ᑕᖕᒫᕐᓯᒪᕕᖕᒥᑦ ᐊᐅᓪᓚᕐᑎᑕᐅᓯᒪᓚᐅᕐᐳᖅ ᐅᓪᓗᓂᒃ 7ᓂᒃ, ᐃᓄᐃᓪᓗ ᐊᐅᓪᓚᓚᐅᓐᖏᓚᑦ ᒥᕆᐊᒻ ᐅᑎᕐᑎᑕᐅᓚᐅᖏᓐᓂᖓᓂ.

ᒨᓯᓯ ᓯᑕᒪᖏᑦ 5:3

ᑕᒪᕐᒥᒃ ᑍᒤᑦᑐᑦ ᐊᐅᓪᓚᕐᑎᑕᒃᓴᕆᕙᓯ ᐊᖑᑎᑦ ᐊᕐᓁᓪᓗ; ᓄᓇᓖᑦ ᓯᓚᑖᓃᑦᓴᕆᐊᖃᕐᐳᑦ, ᑕᖕᒫᕐᓯᒪᕕᖕᒥᓂᒃ ᓇᕐᕈᓇᕐᓯᑎᑦᓯᖁᓇᒋᑦ, ᑖᒃᑯᐊ ᐊᑯᓐᓂᖓᓐᓂ ᐃᓂᖃᕋᒪ.”

ᒫᑎᐅᓯᐅᑉ ᐊᒡᓚᖏᑦ 13:41

ᐃᓅᑉ ᐃᕐᓂᖓ ᐂᖏᓖᖁᑎᒥᓂᒃ ᑎᓕᓯᔪᒫᕐᐳᖅ, ᑲᑎᕐᓱᐃᔭᕐᑐᖁᓪᓗᒋᑦ ᑕᕝᕙᓐᖓᑦ ᐊᑕᓂᐅᕕᖕᒥᓂᑦ, ᐃᓄᖕᓂᒃ ᐊᔪᕐᑐᓕᑎᑦᓯᔪᓂᒃ ᑕᒤᓐᓂᒃ, ᐊᓯᖏᓐᓂᒡᓗ ᐊᔪᕐᑐᓕᓂᕐᒥᒃ ᐱᓇᓱᐊᕐᑐᓂᒃ,

ᒫᑯᓯᐅᑉ ᐊᒡᓚᖏᑦ 7:2

ᑕᑯᒐᒥᒃ ᐃᓕᓐᓂᐊᕐᑎᖏᑕ ᐃᓚᖏᑦ ᓂᕆᖕᒪᑕ ᐊᒡᒐᖕᒥᖕᓂᒃ ᐅᐊᓴᕐᓯᒪᓇᑎᒃ.

ᓘᑲᓯᐅᑉ ᐊᒡᓚᖏᑦ 10:20

ᐊᓂᕐᓂᕐᓗᐃᑦ ᓈᓚᖕᒪᓯ ᑕᒪᓐᓇ ᖁᕕᐊᓲᑎᒋᓇᓯᐅᒃ, ᖁᕕᐊᓱᒋᑦᓯᓕ ᐊᑎᕐᓯ ᑎᑎᕋᕐᓯᒪᖕᒪᑕ ᕿᓚᖕᒥ.”

ᐃᐱᓯᒥᐅᓄᑦ 5:5

ᖁᓚᕐᓇᖏᑦᑐᒥᒃ ᖃᐅᔨᒪᒐᑦᓯᐅᒃ ᐊᕐᓇᕐᓂᐊᕐᐸᒃᑐᑦ ᐊᖑᓐᓂᐊᕐᐸᒃᑐᓪᓗ ᐱᐅᖏᑦᑐᓕᔪᓪᓘᓐᓃᑦ, ᐱᔪᒪᕕᒃᔪᐊᕐᐸᒃᑐᓪᓗ (ᐱᔪᒪᕕᒃᔪᐊᕐᓂᖅ ᒎᑎᐅᑉ ᐊᓯᐊᓂᒃ ᐱᔨᑦᓯᕐᓂᐅᖕᒪᑦ), ᑕᒪᒃᑯᐊ ᒎᑎᐅᑉ ᙭ᔅᑑᓯᐅᓪᓗ ᐊᑕᓂᐅᕕᖓᓂᒃ ᑭᖑᕐᖑᑦᔨᖃᑕᐅᓂᐊᖏᒻᒪᑕ.

ᐱᓕᐱᒥᐅᓄᑦ 4:3

ᐃᕝᕕᓪᓗᑦᑕᐅᖅ ᑲᔪᓯᑦᓯᐊᕐᑐᒥᒃ ᐱᓇᓱᐊᖃᑎᒐ, ᕿᓄᕕᒋᕙᒋᑦ ᑖᒃᑯᐊᒃ ᐊᕐᓈᒃ ᐃᑲᔪᕐᑕᐅᖁᓪᓗᒋᒃ, ᐊᒃᓱᕈᒻᒪᕆᒃᓗᑎᒃ ᐱᓇᓱᐊᖃᑎᒋᓯᒪᒐᒃᑭᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓯᐊᒻᒪᕐᑎᑦᓯᖃᑎᒋᓪᓗᒋᒃ, ᒃᓕᒥᓐᑎ ᐃᓚᒋᓪᓗᒍ ᐊᓯᖏᓪᓗ ᐱᓇᓱᐊᖃᑎᒃᑲ ᐃᓚᒋᓪᓗᒋᑦ, ᐊᑎᖏᑦ ᑎᑎᕋᕐᓯᒪᔪᑦ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖓᓐᓂ.

ᑎᒧᑎᒧᑦ ᓯᕗᓪᓖᑦ 1:10

ᓄᓕᐊᕐᓂᒃᑯᑦ ᐊᔪᕐᑐᓕᔪᑦ, ᐊᑦᔨᒥᖕᓅᕐᑐᑦ, ᑎᒡᓕᒃᐸᒃᑐᑦ, ᓴᒡᓗᕙᒃᑐᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᒃᑐᑦ, ᖃᓄᑐᐃᓐᓇᕐᓗ ᓱᓕᔪᒥᒃ ᐊᔪᕆᕐᑑᓯᕐᒥᒃ ᐊᑭᕋᕐᑐᕐᐸᒃᑐᑦ.

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.

ᐲᑦᑐᕉᓯ ᐂᑉᐸᖏᑦ 3:13

ᐅᕙᒍᓪᓕ ᓂᕆᐅᒃᐳᒍᑦ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᕿᓚᖕᒥᒃ ᓄᑖᒥᒃ ᓄᓇᒥᒡᓗ ᓄᑖᒥᒃ ᐃᓗᐊᕐᑐᓕᔪᓄᑦ ᐃᓂᒋᔭᐅᔪᒫᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:12

ᑐᖁᓯᒪᔪᓪᓗ ᑕᑯᒋᕙᒃᑲ, ᐊᖏᔪᑦ ᒥᑭᔪᓪᓗ, ᐃᒃᓯᕙᐅᑕᕐᔪᐊᑉ ᓵᖓᓂ ᓇᖏᕐᑐᑦ, ᑎᑎᕋᕐᕕᒃᓮᓪᓗ ᒪᒃᐱᕐᑕᐅᕗᑦ. ᐊᓯᖏᓪᓗ ᐊᑎᖃᕐᕖᑦ ᒪᒃᐱᕐᑕᐅᒋᕗᑦ, ᑖᒃᑯᐊ ᐊᑎᖃᕐᕖᑦ ᐃᓅᓯᕾᓐᓇᕐᓇᕐᑐᑦ. ᑐᖁᓯᒪᔪᓪᓗ ᐊᑐᓂᑦ ᐃᖅᑲᕐᑐᕐᑕᐅᓕᕐᐳᑦ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ, ᑎᑎᕋᕐᕕᒃᓴᓂ ᑎᑎᕋᕐᑕᐅᓯᒪᔪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:15

ᓇᓪᓕᐊᓪᓗ ᑎᑎᕋᕐᕕᒃᓴᓂ ᐃᓅᓯᕾᓐᓇᕐᓇᕐᑐᓂ ᐊᑎᖓ ᑎᑎᕋᕐᑕᐅᓯᒪᖏᑦᑐᖅ, ᑖᓐᓇ ᐃᒋᑕᐅᕗᖅ ᑕᓯᕐᒧᑦ ᐃᑯᒪᕐᔪᐊᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:5

ᓵᓚᖃᕐᑐᑦ ᖃᑯᕐᑕᓂᒃ ᐊᓐᓄᕌᕐᑕᐅᔪᒫᕐᒪᑕ, ᐊᑎᖏᓪᓗ ᐲᕐᓂᐊᓐᖏᓚᒃᑲ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖏᓐᓂᑦ; ᐊᑖᑕᒪ ᐂᖏᓖᖁᑎᖏᑕᓗ ᓵᖓᓂ ᐊᑎᖏᑦ ᐅᖃᐅᓯᕆᔪᒪᕙᒃᑲ.