ᔪᐊᓇᓯᐅᑉ ᑕᑯᑎᑕᐅᓂᖏᑦ 20:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑕᕝᕙ ᓵᑖᓇᓯ ᑖᒃᑯᓂᖓ ᑕᒻᒪᕐᑎᑦᓯᓚᐅᕐᑐᖅ ᐃᒋᑕᐅᔪᒫᕐᐳᖅ ᑕᓯᕐᔪᐊᒧᑦ ᐃᒃᑭᕆᑦᑐᕐᔪᐊᒥᒃ ᓲᓪᕕᕆᒧᑦ ᐃᑯᒪᔪᒧᑦ ᑕᕝᕙᓂ ᐆᒪᔪᐊᓘᑉ ᓇᓚᐅᑦᑍᓂᕐᓗᒃᑑᓪᓗ ᐃᒋᑕᐅᕕᒋᓯᒪᔭᖓᓄᑦ, ᑖᒃᑯᐊᓗ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᑦ ᐅᓪᓗᖅ ᐅᓐᓄᐊᕐᓗ ᓈᓗᒋᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:10 Iomraidhean Croise

ᑖᓂᐊᓕᐅᑉ ᐊᒡᓚᖏᑦ 7:11

“ᑕᑯᓐᓇᕐᑎᓪᓗᖓ, ᑐᓵᓚᐅᕐᐳᖓ ᓇᒡᔫᑉ ᒥᑭᔫᑉ ᓂᓪᓕᐊᓪᓗᓂ ᐱᐅᔪᕆᓂᖓᓂᒃ: ᑕᑯᓐᓇᕐᑎᓪᓗᖓᓗ ᐆᒪᔪᐊᓗᒃ ᑐᖁᑕᐅᕗᖅ ᑎᒥᖓᓗ ᑐᖁᖓᓕᕐᒪᑦ ᐃᒋᑕᐅᕗᖅ ᐃᑯᒪᒧᑦ ᐃᑯᐊᓚᔪᒧᑦ.

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᒫᑎᐅᓯᐅᑉ ᐊᒡᓚᖏᑦ 25:46

ᑖᒃᑯᐊ ᓱᒋᐊᕐᑕᐅᕕᖕᒧᑦ ᓄᖑᓱᐃᑦᑐᒧᑦ ᐱᑎᑕᐅᔪᒫᕐᐳᑦ, ᐃᓗᐊᕐᑐᓪᓕ ᐃᓅᓯᕐᒧᑦ ᓄᖑᓱᐃᑦᑐᒧᑦ ᐱᑎᑕᐅᓕᕐᑎᓪᓗᒋᑦ.”

ᒫᑎᐅᓯᐅᑉ ᐊᒡᓚᖏᑦ 7:15

“ᖃᐅᔨᓴᑦᓯᐊᕆᑦᓯ ᓇᓚᐅᑦᑍᔫᔮᕐᑐᓂᒃ ᓱᓕᖏᑦᑐᓂᒃ; ᑍᒃᑯᐊ ᓯᓚᑎᒥᒃᑎᒍᑦ ᓰᐱᐅᖅᑰᔨᓇᓱᐊᕐᓗᑎᒃ ᐃᓕᑦᓯᓐᓄᐊᕐᓂᐊᕐᒪᑕ, ᐃᓗᒥᒃᑎᒍᓪᓕ ᐹᔪᒪᔪᑎᑐᑦ ᐊᒪᕈᕐᑎᑐᑦ ᑍᒤᑉᐳᑦ.

ᒫᑯᓯᐅᑉ ᐊᒡᓚᖏᑦ 9:44

ᑕᕝᕙᓂ ᖁᒡᓗᒋᐊᖅ ᑖᒃᑯᓂᖓ ᓂᕆᔪᖅ ᑐᖁᓂᐊᓐᖏᓚᖅ, ᐃᑯᒪᓗ ᐆᑎᑦᓯᔪᖅ ᖃᒥᓐᓂᐊᕋᓂ.]

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:13

ᑕᑯᒋᕗᖓᓗ, ᐊᓂᕐᓂᕐᓂᒃ ᐱᖓᓱᓂᒃ ᐱᐅᖏᑦᑐᓂᒃ ᓈᕌᔨᑎᑐᑦ ᑍᒤᑦᑐᓂᒃ, ᑖᒃᑯᐊᓗ ᑐᕌᒍᓂᐅᑉ ᖃᓂᖓᓂᑦ ᐊᓂᕗᑦ ᐆᒪᔪᐊᓘᓪᓗ ᖃᓂᖓᓂᑦ ᓇᓚᐅᑦᑍᓂᕐᓗᒃᑑᓪᓗ ᖃᓂᖓᓂᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:8

ᐃᓅᖃᑎᒌᒡᔪᐊᓂᒡᓗ ᓇᓂᑐᐃᓐᓈᕐᑐᓂᒃ ᑕᒻᒪᕐᑎᑦᓯᔭᕐᑐᕈᒫᕐᐳᖅ ᓯᐊᒻᒪᕐᑎᑕᐅᓯᒪᔪᓂᒃ, ᐅᒃᑯᓇᓂ, ᓄᓇᓕᖕᓂ ᒑᒡᒥ ᒪᒑᒡᒥᓗ, ᓵᑖᓇᓯᐅᑉ ᑲᑎᑎᑦᓱᒫᕐᐰᑦ ᐅᓇᑕᕆᐊᖁᓪᓗᒋᑦ; ᑖᒃᑯᐊᓗ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᓂᖃᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:17

ᑕᑯᑎᑕᐅᓂᒃᑯᓪᓗ ᑕᑯᕙᒃᑲ ᕿᒻᒥᕐᔪᐊᑦ ᖄᖓᓂᓗ ᐃᑭᒪᔪᑦ; ᓴᒡᕕᖕᒥᐅᑕᖃᕐᐳᑦ ᐃᑯᐊᓚᔪᑎᑐᑦ ᐊᐅᐸᕐᑎᒋᔪᓂᒃ ᐅᔭᕋᒃᑎᑐᓪᓗ ᓴᐰᕋᑎᑐᑦ ᑐᖑᔪᕐᑎᒋᔪᓂᒃ, ᐃᑭᓴᕅᑦᑐᑎᑐᓪᓗ ᖁᕐᓱᕐᑎᒋᓪᓗᑎᒃ ᓲᓪᕙᑎᑐᑦ, ᕿᒻᒥᕐᔪᐊᖏᓪᓗ ᓂᐊᖁᖃᕐᐳᑦ ᓔᔭᓐᐅᑉ ᓂᐊᖁᖏᑎᑐᑦ, ᖃᓂᖏᓐᓂᓪᓗ ᐊᓂᔪᖃᕐᐳᖅ ᐃᑯᒪᒥᒃ, ᐃᓯᕐᓗᖕᒥᒡᓗ, ᐳᔪᕐᒥᒡᓗ ᑍᔭᐅᔪᒥᒃ ᓲᓪᕙᒥᒃ.