ᔪᐊᓇᓯᐅᑉ ᑕᑯᑎᑕᐅᓂᖏᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᒃᓱᕈᕐᓇᕐᑐᒦᓐᓂᕆᔭᓯ ᖃᐅᔨᒪᕙᒃᑲ ᐊᔪᕐᓴᕐᓂᕆᔭᓯᓗ ᑭᓯᐊᓂᓕ ᐊᔪᕐᓴᓐᖏᑲᓗᐊᕐᐳᓯ ᐅᖃᐅᓯᐅᓂᕐᓗᖃᑦᑕᕐᓂᓯᓗ ᖃᐅᔨᒪᕙᒃᑲ ᔫᑎᐅᓂᕋᕐᑐᓄᑦ ᔫᑎᐅᓇᑎᒡᓗ, ᓵᑖᓇᓯᒥᒡᓕ ᐱᔨᑦᓯᕐᑎᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:9 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 4:10

ᑕᕝᕙ ᔩᓱᓯᐅᑉ ᑭᐅᕚ, “ᓵᑖᓇᓰ ᐅᕙᓐᓂᑦ ᐊᐅᓪᓚᕆᑦ! ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐊᑕᓂᕐᒧᑦ ᒎᑎᖕᓄᑦ ᑐᒃᓯᐊᕐᑐᒃᓴᐅᕗᑎᑦ ᑖᓐᓇ ᑭᓯᒥ ᐱᔨᑦᓯᕐᑕᒃᓴᕆᕙᑦ!’”

ᓘᑲᓯᐅᑉ ᐊᒡᓚᖏᑦ 12:21

“ᑍᒤᓐᓂᕗᕐᑕᐅᖅ ᐃᒻᒥᓄᑦ ᐱᒃᓴᒥᓂᒃ ᑲᑎᕐᓱᐃᔪᖅ, ᐊᒃᖢᔪᑎᑐᑦ ᑕᑯᓐᓈᕐᑕᐅᕗᑦ ᒎᑎᒧᑦ.”

ᓘᑲᓯᐅᑉ ᐊᒡᓚᖏᑦ 22:65

ᐊᓯᖏᓐᓂᒡᓗ ᐊᒥᓱᓂᒃ ᐅᖃᐅᓯᖃᕐᐳᑦ ᐅᖃᕐᓂᕐᓗᒡᓗᑎᒃ ᐊᑭᕋᕐᑐᕐᓗᒍ.

ᓘᑲᓯᐅᑉ ᐊᒡᓚᖏᑦ 4:18

“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ,

ᓘᑲᓯᐅᑉ ᐊᒡᓚᖏᑦ 6:20

ᔩᓱᓯᐅᑉ ᐃᓕᓐᓂᐊᕐᑎᓂ ᑕᑯᓴᕐᓗᒋᑦ ᐅᖃᐅᑎᕔᑦ: “ᓮᒪᕐᑎᑕᐅᓇᕐᑐᒦᑉᐳᓯ ᐊᔪᕐᓴᕐᑐᓯ; ᒎᑎᐅᑉ ᐊᑕᓂᐅᕕᖓ ᐱᒋᓕᕋᑦᓯᐅᒃ.

ᔪᐊᓇᓯᐅᑉ ᐊᒡᓚᖏᑦ 16:33

ᑕᒪᒃᑯᓂᖓ ᐅᖃᐅᑎᓚᐅᕐᐸᑦᓯ, ᐅᕙᓐᓃᓪᓗᓯ ᐃᓱᒪᔮᖁᓇᓯ. ᓯᓚᕐᔪᐊᕐᒥ ᐅᖁᒤᒃᓴᕐᓇᕐᑐᒦᑉᐳᓯ; ᓯᕘᕋᓇᓯᓕ, ᓯᓚᕐᔪᐊᖅ ᓵᓚᒋᓯᒪᒐᒃᑯ.”

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:11

ᐅᓄᕐᑐᐃᕐᓱᕐᖢᖓ ᓱᒋᐊᕐᑕᐅᑎᖃᑦᑕᓚᐅᕐᐸᒃᑲ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᔩᓱᓯᒥᒃ ᐅᒃᐱᕆᔭᖃᕈᓐᓃᖁᓪᓗᒋᑦ ᐅᖃᕐᑎᓐᓇᓱᖃᑦᑕᓚᐅᕐᐸᒃᑲ; ᐊᖏᔪᒥᒃ ᓂᓐᖓᐅᑎᓯᒪᒐᒃᑭᑦ ᐊᑭᕋᕐᑐᕐᓂᕐᒧᑦ ᐊᒡᓛᑦ ᓄᓇᓖᑦ ᐊᓯᖏᓐᓄᑦ ᐅᖓᓯᒃᑐᓄᑦ ᕿᓂᖃᑦᑕᓚᐅᕐᐸᒃᑲ.”

ᕉᒪᒥᐅᓄᑦ 12:12

ᓂᕆᐅᖕᓂᑦᓯᓄᑦ ᖁᕕᐊᓱᒃᑎᑕᐅᒋᑦᓯ, ᐊᒃᓱᕈᑎᑕᐅᓂᕐᒥᒃ ᕿᓄᐃᓵᕆᑦᓯ, ᑐᒃᓯᐊᑦᓮᓐᓇᕐᓗᓯ.

ᕉᒪᒥᐅᓄᑦ 2:17

ᐃᕝᕕᓪᓕ ᔫᑎᐅᓂᕋᕐᑐᑎᑦ ᐱᖁᔭᓂᒡᓗ ᑕᑎᖃᕐᑐᑎᑦ, ᒎᑎᒥᒡᓗ ᐃᓚᖃᑦᓯᐊᕐᓂᕐᓂᒃ ᓂᕐᑑᑎᖃᕐᑐᑎᑦ.

ᕉᒪᒥᐅᓄᑦ 5:3

ᑕᒪᑐᒥᖓᑐᐊᖑᖏᑦᑐᖅ, ᐊᒃᓱᕈᕐᑎᑕᐅᓂᑦᑎᓐᓂᒡᓕ ᖁᕕᐊᓲᑎᖃᕐᐳᒍᑦ, ᖃᐅᔨᒪᒐᑦᑕ ᐊᒃᓱᕈᕐᑎᑕᐅᓂᖅ ᕿᓄᐃᓵᕐᓂᕐᒥᒃ ᐱᑎᑦᓯᖕᒪᑦ.

ᕉᒪᒥᐅᓄᑦ 8:35

ᑭᐊ ᐊᕕᑎᔪᓐᓇᕐᐹᑎᒍᑦ ᙭ᔅᑑᓯᐅᑉ ᓇᒡᓕᖕᓂᖓᓂᑦ? ᐃᓗᐊᖏᑦᔪᑎᒃᓴᖃᕐᓂᖅ ᐊᕕᑎᑦᓯᔪᓐᓇᕐᐹ, ᐅᕝᕙᓗ ᐅᖁᒤᒃᓴᕐᓂᖅ, ᐊᑭᕋᕐᑐᕐᑕᐅᓂᖅ, ᐅᕝᕙᓗ ᑳᖕᓇᕐᑐᕐᔪᐊᖅ, ᐋᓐᓄᕋᖃᖏᓐᓂᖅ ᐅᕝᕙᓗ ᑲᑉᐱᐊᓇᕐᑐᒦᓐᓂᖅ, ᑐᖁᑕᐅᓂᕐᓘᓐᓃᑦ?

ᕉᒪᒥᐅᓄᑦ 9:6

ᒎᑎᐅᑉ ᐅᖃᐅᓯᖏᑦ ᓱᓕᖏᓐᓂᕋᕐᓗᒋᑦ ᐅᖃᓐᖏᓚᖓ; ᑕᒪᕐᒥᒃ ᐃᓴᕆᐊᓕᒥᐅᑦ ᑭᖑᕚᕆᖏᒻᒪᒋᑦ ᐃᓴᕆᐊᓔᑎᐅᔪᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10

ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:2

ᐅᖁᒤᑦᑐᓄᑦ ᐊᖏᔪᒥᒃ ᐆᒃᑐᕐᑕᐅᒐᓗᐊᕋᒥᒃ; ᖁᕕᐊᓱᖕᓂᕐᔪᐊᖃᕐᐳᑦ, ᐊᔪᕐᓴᕐᑐᒻᒪᕆᐅᒐᓗᐊᕐᓗᑎᒡᓗ ᐊᓐᓂᕈᓱᖏᑦᓯᐊᕐᓗᑎᒃ ᑐᓂᓯᑦᓯᐊᓚᐅᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:4

ᐃᓕᑦᓯᓐᓃᓪᓗᑕ ᓱᓕ, ᓯᕗᕐᖓᒍᑦ ᐃᓕᑦᓯᓐᓂᒃ ᐅᖃᐅᑦᔨᓚᐅᕋᑦᑕ ᐅᖁᒤᒃᓴᕐᑎᑕᐅᓛᕐᓂᑦᑎᓐᓂᒃ; ᑕᒪᓐᓇᓗ ᑍᒤᓚᐅᕐᐳᖅ, ᑕᒪᓐᓇ ᖃᐅᔨᒪᕙᓯ.

ᑎᒧᑎᒧᑦ ᓯᕗᓪᓖᑦ 1:13

ᓯᕗᕐᖓᒍᑦ ᐅᖃᕐᓂᕐᓘᑎᖃᕐᐸᓚᐅᕐᑎᓪᓗᖓ ᑖᑦᓱᒥᖓ, ᐊᑭᕋᕐᑐᕐᑎᐅᓪᓗᖓ, ᐃᓴᒍᓱᖃᕐᓇᖓᓗ. ᒎᑎᐅᓪᓕ ᓂᑲᒋᓚᐅᕐᐹᖓ ᑍᑦᓱᒪᓂ ᐅᒃᐱᕐᓂᖃᓚᐅᖏᓐᓇᒪ ᖃᓄᐃᓕᐅᕐᓂᒃᑲᓗ ᖃᐅᔨᒪᓚᐅᕐᓇᒋᑦ.

ᑎᒧᑎᒧᑦ ᓯᕗᓪᓖᑦ 6:18

ᐱᐅᔪᒥᒃ ᐱᓇᓱᐊᖁᒃᑭᑦ, ᐱᓇᓱᐊᑦᓯᐊᕐᓂᒃᑯᑦ ᐊᔪᕐᓴᓐᖏᑦᑑᖁᓪᓗᒋᑦ, ᐊᓐᓂᕈᓱᖁᓇᒋᑦ ᐱᒋᔭᒥᖕᓂᒃ ᐃᑲᔪᖁᓪᓗᒋᓪᓗ ᐃᓅᖃᑎᒥᖕᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:9

ᔪᐊᓇᓯᐅᕗᖓ, ᐅᒃᐱᑑᖃᑎᓯ, ᔩᓱᓯᒥᒃ ᒪᓕᒃᑎᐅᓂᓐᓄᑦ ᐃᓕᑦᓯᓐᓄᑦ ᐋᓐᓂᐊᓇᕐᑐᑎᒎᖃᑕᐅᕗᖓ ᕿᓄᐃᓵᖃᑕᐅᓪᓗᖓᓗ ᑎᑭᐅᑎᕙᒃᑐᑎᒍᑦ ᑖᑦᓱᒪ ᐊᑕᓂᐅᕕᖓᓂ ᐃᓅᔪᓄᑦ, ᕿᑭᕐᑕᒧᑦ ᐹᑦᒨᓯᒥᒃ ᐊᑎᓕᖕᒧᐊᕐᑕᐅᓚᐅᕐᐳᖓ ᒎᑎᐅᑉ ᐅᖃᐅᓯᖓᓂᒃ ᐱᑦᔪᑎᖃᕐᓗᑎᒃ ᔩᓱᓯᒥᒡᓗ ᓇᓗᓁᕐᓯᖃᑦᑕᕐᓂᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:13

ᐃᓂᒋᔧᑦ ᖃᐅᔨᒪᕙᕋ, ᑕᕝᕙᓂ ᓵᑖᓇᓯ ᐃᒃᓯᕙᐅᑕᕐᔪᐊᖃᕐᐳᖅ; ᐅᕙᓐᓂᒡᓕ ᓱᓕ ᐃᒃᐱᒍᓱᑦᓯᐊᕐᐳᑎᑦ ᐅᒃᐱᕐᓂᕆᔧᓪᓗ ᐅᕙᓐᓄᑦ ᑲᔪᓯᑎᓯᒪᕙᑦ ᐋᓐᑎᐸᔅ ᐃᓅᑎᓪᓗᒍ ᓇᓗᓁᕐᓯᓂᕆᓚᐅᕐᑍᑦ, ᑖᓐᓇ ᓱᖁᓯᔪᐃᑦᑐᖁᑎᒋᓚᐅᕐᑕᕋ, ᐊᑯᓐᓇᑦᓯᓐᓂ ᑐᖁᑕᐅᓚᐅᕐᑐᖅ, ᓵᑖᓇᓯᐅᑉ ᐃᓂᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:2

ᐱᓂᐊᕐᓂᑎᑦ ᖃᐅᔨᒪᕙᒃᑲ, ᐊᒃᓱᕈᕐᓗᑎᑦ ᐱᓇᓱᐊᕐᓯᒪᓃᑦ ᕿᓄᐃᓵᕐᓯᒪᓃᓪᓗ, ᐱᐅᖏᑦᑐᓕᔪᓂᒡᓗ ᓈᒪᒃᓴᓕᕈᓐᓇᖏᓐᓇᕕᑦ ᐋᐴᓯᑕᓕᐅᓂᕋᕐᑐᓪᓗ ᐋᐴᓯᑕᓕᐅᓇᑎᒃ ᖃᐅᔨᓴᕐᓯᒪᒐᕕᒋᑦ, ᖃᐅᔨᓯᒪᓪᓗᒋᓪᓗ ᓱᓕᖏᓐᓂᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:24

“‘ᑍᐊᑍᕋᒥᐅᑕᐅᔪᓯᓕ, ᐊᔪᕆᕐᑐᐃᓂᕐᓗᖕᓂᕐᒥᒃ ᑕᒪᑐᒥᖓ ᒪᓕᓐᖏᓚᓯ, ᖃᐅᔨᓚᐅᖏᑦᑐᓯᓗ ᓵᑖᓇᓯᐅᑉ ᐃᔨᕐᓯᒪᓪᓚᕆᒃᑐᒃᑯᑦ ᐱᓇᓱᐊᕐᓂᖓᓂᒃ, ᐃᓕᑦᓯᓐᓄᑦ ᐅᖁᒤᑦᑐᒋᐊᓪᓚᖕᒥᒃ ᐱᑎᑦᓯᓂᐊᓐᖏᓚᖓ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9

ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.