ᔪᐊᓇᓯᐅᑉ ᑕᑯᑎᑕᐅᓂᖏᑦ 2:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᓄᖏᑦᑑᒐᓗᐊᓂᒡᓕ ᓈᒻᒪᒃᓴᖏᑦᔪᑎᒃᓴᖃᕐᐳᖓ ᐃᓕᖕᓄᑦ: ᓇᔪᕐᑕᕐᓂ ᒪᓕᒃᑐᕐᑕᖃᕐᒪᑦ ᐸᓛᒻᒥᐅᑉ ᐊᔪᕆᕐᑑᓯᖏᓐᓂᒃ, ᑖᓐᓇ ᐹᓚᒃ ᐊᔪᕆᕐᑐᐃᓚᐅᕐᒪᑦ ᐃᓴᕆᐊᓕᒥᐅᓂᒃ ᐊᒡᕕᐊᕈᑎᒃᓴᓕᐅᕆᓪᓗᓂ, ᓂᕆᑎᓪᓗᒋᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:14 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 57:14

ᐅᖃᕐᑐᖃᕈᒫᕐᐳᖅ, “ᓴᓇᒋᑦᓯ, ᓴᓇᒋᑦᓯ, ᐊᖅᑯᑎᒃᓴᖅ ᐱᔭᕇᓕᕐᓯᐅᒃ, ᐃᓄᖁᑎᒪ ᐊᑐᕐᓂᐊᕐᑕᖓᓂ ᐊᒡᕕᐊᕈᑎᒃᓮᑦ ᐲᔭᕐᑕᐅᓕᕐᓕᑦ.”

ᔨᕆᒤᐊᐅᑉ ᐊᒡᓚᖏᑦ 6:21

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, ‘ᑕᑯᒋᑦ, ᐃᓄᖁᑎᓐᓄᑦ ᐊᐳᕈᑎᒃᓴᖃᕐᑎᑦᓯᓂᐊᕐᐳᖓ ᐹᓪᓚᖁᓪᓗᒋᑦ, ᕿᑐᕐᖓᕇᓕᒫᑦ ᐊᐳᕈᑎᒃᓴᖃᕐᓂᐊᕐᐳᑦ, ᓯᓚᖅᑲᑎᒌᑦ ᐃᓚᓐᓈᕇᓪᓗ ᐊᓯᕈᕐᑕᐅᓂᐊᕐᐳᑦ.’”

ᐃᓯᑭᐊᓕᐅᑉ ᐊᒡᓚᖏᑦ 3:20

“ᓇᓛᒎᕐᑐᕐᓕ ᐊᑲᐅᔪᒥᒃ ᕿᒤᓗᓂ ᐊᔪᕐᑐᓕᒃᐸᑦ, ᐹᓪᓚᒍᑎᒃᓴᒧᑦ ᑎᑭᑎᒃᑯᒃᑯ, ᑐᖁᒃᐸᑦ ᐊᔪᕐᑐᓕᓂᕐᒦᓪᓗᓂ, ᐃᓂᕐᑎᓚᐅᖏᒃᑯᕕᐅᒃ, ᐱᐅᔪᑦ ᐱᓂᐊᓚᐅᕐᑕᖏᑦ ᐃᖅᑲᐅᒪᔭᐅᓂᐊᓐᖏᓚᑦ; ᑐᖁᓂᖓᓄᑦ ᐸᓯᔭᒃᓴᐅᑎᒃᑲᔭᕐᐸᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 44:12

ᐱᔨᑦᓯᖃᑦᑕᓚᐅᕐᒪᑕ ᒎᑎᓐᖑᐊᓄᑦ ᐊᒡᕕᐊᕈᑎᒃᓴᐅᓕᕐᓗᑎᒡᓗ ᐊᔪᕐᑐᓕᑎᑦᓯᓯᒪᓂᕐᒥᖕᓄᑦ ᐃᓴᕆᐊᓕᐅᑉ ᑭᖑᕚᖏᓐᓂᒃ, ᑍᒤᒻᒪᑦ ᐅᖃᕕᓚᐅᕐᐳᖓ ᑖᒃᑯᐊ ᐱᓪᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ, ᓱᒋᐊᕐᑕᐅᓂᒃᓴᒥᖕᓂᒃ ᓇᔪᕐᑎᖃᓕᕐᐳᑦ.

ᒨᓯᓯ ᓯᑕᒪᖏᑦ 24:14

ᒫᓐᓇᓕ, ᐃᓄᖁᑎᓐᓄᑦ ᐂᓂᐊᓕᕐᐳᖓ. ᕾᒋᑦ, ᐅᖃᐅᑎᓂᐊᕋᒃᑭᑦ, ᐃᓄᒋᐊᒃᑐᕐᔪᐊᑦ ᐅᑯᐊ ᐃᓄᖁᑎᖕᓄᑦ ᖃᓄᐃᓕᐅᕐᓂᐊᕐᒪᖔᑕ ᐅᓪᓗᓂ ᑭᖑᓪᓕᕐᓂ.”

ᒨᓯᓯ ᓯᑕᒪᖏᑦ 31:16

ᑕᑯᒋᑦ, ᐊᕐᓁᑦ ᐅᑯᐊ ᐃᓴᕆᐊᓕᒥᐅᓂᒃ ᐱᐅᖏᑦᑐᓕᑎᑦᓯᓚᐅᕐᑐᑦ, ᐸᓛᒻᒥᐅᑉ ᐱᖁᔨᓂᖓᒍᑦ, ᐱᐅᖏᑦᑐᓕᖁᔨᓪᓗᓂ ᐊᑕᓂᕐᒧᑦ ᐱᐅᕆᒥ, ᓂᖓᐅᑦᔭᐅᓯᒪᓂᕐᒥᒡᓗ ᑐᖁᓮᔪᒥᒃ ᐱᔪᖃᓕᓚᐅᕐᐳᖅ ᐊᑕᓂᐅᑉ ᐃᓄᒋᐊᒃᑐᕐᔪᐊᖁᑎᖏᓐᓂ.

ᒨᓯᓯ ᓯᑕᒪᖏᑦ 31:8

ᒥᑎᐊᓂᒥᐅᓪᓗ ᐊᖓᔪᖅᑳᕐᔪᐊᖏᑦ ᑐᖁᑉᐰᑦ ᑐᖁᑕᐅᔪᑦ ᐃᓚᒋᓪᓗᒋᑦ ᐅᑯᐊ- ᐃᕕ, ᕆᑭᒻ, ᔫᕆ, ᕼᐊᕐ, ᐊᒻᒪᓗ ᕆᐸ, ᑕᓪᓕᒪᑦ ᒥᑎᐊᓂᒥᐅᑦ ᐊᖓᔪᖅᑳᕐᔪᐊᑦ. ᐸᓛᒻ-ᑕᐅᖅ ᐱᐅᕆᐅᑉ ᐃᕐᓂᖓ ᓴᕕᒃᔪᐊᒧᑦ ᑐᖁᓚᐅᕆᕚᑦ.

ᒫᑎᐅᓯᐅᑉ ᐊᒡᓚᖏᑦ 18:7

ᑲᑉᐱᐊᓇᒻᒪᕆᒃᐳᖅ ᓯᓚᕐᔪᐊᕐᒥᐅᓄᑦ ᑲᑕᒍᑕᐅᔪᓐᓇᕐᑐᓂᒃ ᐊᔪᕐᑐᓕᓂᕐᒧᑦ ᐱᓇᓱᐊᕐᐸᒃᑐᑦ! ᑍᒤᓕᐅᕐᑐᖃᑦᓮᓐᓇᕐᓂᐊᕋᓗᐊᕐᐳᖅ; ᑲᑉᐱᐊᓐᓇᒦᒡᓕ ᐃᓄᒃ ᑲᑕᒍᑕᐅᔪᓐᓇᕐᑐᓂᒃ ᐊᖅᑯᑎᒋᔭᐅᔪᖅ!

ᐋᐴᓯᑕᓖᑦ ᐱᓂᐊᕐᓂᖏᑦ 15:29

ᒎᑎᓐᖑᐊᓄᑦ ᑐᓂᕐᕈᑎᕕᓂᕐᓂᑦ ᓂᕆᖁᓇᓯ, ᐆᒪᔫᓪᓗ ᕿᒥᑕᕕᓂᐅᑉ ᐊᐅᖓᓂᒃ ᓂᕿᖓᓂᒡᓗ ᓂᕆᖁᓇᓯ; ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓇᓯ. ᑕᒪᒃᑯᓂᖓ ᐊᑐᕐᑍᓕᒍᑦᓯ ᐊᑲᐅᔪᒥᒃ ᐱᓂᐊᕐᐳᓯ. ᑕᕝᕙᐅᕗᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 21:25

ᔫᑎᐅᖏᑦᑐᑦ ᐅᒃᐱᕐᑑᓕᕐᑐᑦ, ᐅᖃᐅᓯᕆᓯᒪᔭᑦᑎᓐᓂᒃ ᑎᑎᕋᕐᕕᒋᓯᒪᕙᕗᑦ, ᓂᕆᖃᑦᑕᖁᓇᒋᑦ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ, ᐊᐅᖏᔭᕐᑕᐅᓯᒪᖏᑦᑐᓂᒃ ᕿᒥᑕᐅᓯᒪᔪᕕᓂᕐᓂᒡᓗ ᓂᕆᖁᓇᒋᑦ, ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓇᒋᑦ.”

ᕉᒪᒥᐅᓄᑦ 11:9

ᑍᕕᑎᓗ ᐅᖃᕐᒥᖕᒪᑦ, “ᓂᕆᕝᕕᖏᑦ ᓂᒐᕐᕕᐅᓕᕐᓕᑦ ᒥᑭᒋᐊᕐᕕᐅᓕᕐᓗᑎᒃᓗ, ᐹᓪᓚᒡᕕᒃᓴᐅᓕᕐᓕᑦ ᓱᒋᐊᕐᑕᐅᑦᔪᑎᒃᓴᐅᓗᑎᒡᓗ ᑖᒃᑯᓄᖓ;

ᕉᒪᒥᐅᓄᑦ 14:13

ᑍᒤᒻᒪᑦ ᐃᖅᑲᕐᑐᖃᑦᑕᐅᑎᔪᓐᓃᕐᑕ ᐅᕙᑦᑎᓐᓄᑦ, ᐃᓱᒪᑖᓕᕆᑦᓯ ᐅᒃᐱᕐᑑᖃᑎᑦᑎᓐᓄᑦ ᐹᓪᓚᒡᕕᒃᓴᒥᒃ ᐊᐳᕐᕕᒡᓴᒥᒡᓘᓐᓃᑦ ᐊᖅᑯᑖᓄᑦ ᐃᓕᓯᓚᐅᕐᓯᒪᔪᒪᖏᓪᓗᑕ.

ᕉᒪᒥᐅᓄᑦ 14:21

ᐱᐅᓂᕐᓴᐅᕗᖅ ᓂᕿᒥᒃ ᓂᕆᖏᒃᑯᕕᒃ ᐅᐂᓂᒥᒡᓘᓐᓃᑦ ᐃᒥᖏᒃᑯᕕᑦ ᐊᓯᖏᓐᓂᒡᓘᓐᓃᑦ ᐅᒃᐱᕐᑑᖃᑎᕕᑦ ᑲᑕᒍᑎᒋᒐᔭᕐᑕᖓᓂᒃ.

ᕉᒪᒥᐅᓄᑦ 9:32

ᓱᖕᒪᑦ ᐃᓗᐊᕐᓯᑎᑕᐅᓚᐅᓐᖏᓚᑦ? ᐅᒃᐱᕐᓂᑯᑦ ᕿᓂᓚᐅᖏᒻᒪᑕ, ᐱᓂᐊᕐᓂᒃᑯᓪᓕ ᕿᓂᓚᐅᕐᒪᑕ. ᑍᒤᒻᒪᑦ ᐹᓪᓚᓚᐅᕐᐳᑦ ᐅᔭᕋᖕᒧᑦ ᓈᑎᑕᐅᓪᓗᑎᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:23

ᐅᕙᒍᓪᓕ ᐊᔪᕆᕐᑐᐃᑦᔪᑎᖃᕐᐳᒍᑦ ᙭ᔅᑑᓯᒥᒃ ᑭᑭᐊᒃᑐᕐᑕᐅᓚᐅᕐᑐᒥᒃ, ᔫᑎᓄᑦ ᐅᒃᐱᕈᒪᖏᑦᔪᑕᐅᔪᒥᒃ, ᔫᑎᐅᖏᑦᑐᓄᓪᓗ ᓯᓔᓐᓂᐅᓇᓱᒋᔭᐅᓪᓗᓂ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:2

ᓄᓕᐊᕈᒪᓂᑯᓪᓕ ᐱᔪᒥᓵᕐᑕᐅᓇᕐᑐᖃᕐᓂᖓᓄᑦ, ᐊᖑᑏᑦ ᓇᖕᒥᓂᖅ ᐊᑐᓂᑦ ᓄᓕᐊᖃᕐᑐᒃᓴᐅᕗᑦ; ᐊᕐᓁᓪᓗ ᓇᖕᒥᓂᖅ ᐊᑐᓂᑦ ᐅᐃᖃᕐᓗᑎᒃ.

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.

ᔮᓱᐊᑉ ᐊᒡᓚᖏᑦ 24:9

ᒧᐊᐱᒥᐅᓪᓗ ᐊᖓᔪᖅᑳᕐᔪᐊᖓ ᐰᓚᒃ ᔨᐴᕆᐅᑉ ᐃᕐᓂᖓ, ᐅᓇᑕᓕᓚᐅᕐᐳᑦ ᐃᓴᕆᐊᓕᒥᐅᓂᒃ, ᐅᖃᕆᐊᕐᑐᕐᑎᑦᓯᓚᐅᕐᐳᕐᓗ ᐸᓛᒻᒧᑦ ᐱᐅᕆᐅᑉ ᐃᕐᓂᖓᓄᑦ ᓱᒋᐊᕐᑕᐅᖁᔨᓪᓗᓂ ᐃᓕᑦᓯᓐᓂᒃ,

ᐲᑦᑐᕉᓯ ᓯᕗᓪᓖᑦ 2:8

ᐊᓯᖏᓐᓂ ᐅᖃᕐᓯᒪᔪᖃᕆᕗᖅ, “ᑖᓐᓇ ᐅᔭᕋᒃ ᐃᓄᖕᓂᒃ ᓈᑎᑦᓯᔪᒫᕐᐳᖅ ᐹᓪᓚᒃᑎᑦᓯᔪᒫᕐᓗᓂᓗ.” ᑖᒃᑯᐊ ᐹᓪᓚᒃᐳᑦ ᐅᒃᐱᖏᓐᓇᒥᒃ ᐅᖃᐅᓯᐅᔪᓂᒃ, ᑖᒃᑯᓄᖓ ᑐᕌᖓᔫᒐᓗᐊᓂᒃ.

ᐲᑦᑐᕉᓯ ᐂᑉᐸᖏᑦ 2:15

ᐊᖅᑯᒻᒥᒃ ᓇᓛᒎᕐᑐᒥᒃ ᕿᒤᓪᓗᑎᒃ ᑕᒻᒪᕐᓇᕐᑐᒧᑦ ᑐᕌᓕᕐᐳᑦ; ᒪᓕᒃᐳᑦ ᐊᖅᑯᒻᒥᒃ ᐸᓛᒥᐅᑉ ᐱᐅᕆᐅᑉ ᐃᕐᓂᖓᑕ ᐊᑐᓚᐅᕐᑕᖓᓂᒃ, ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᓈᒻᒪᖏᑦᑐᒃᑯᑦ ᐱᑖᕆᓯᒪᕔᑦ,

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:20

ᓈᒻᒪᒃᓴᖏᑦᔪᑎᖃᕐᐳᖓᓕ ᐃᓕᖕᓄᑦ ᐃᒤᑦᑐᒥᒃ, ᐊᕐᓇᖅ ᔨᓴᐱᐊᓕ ᓱᖁᑎᒋᓐᖏᓐᓇᕕᐅᒃ, ᓇᓚᐅᑦᑍᔫᓂᕋᕐᑎᓪᓗᒍ ᐊᔪᕆᕐᑐᐃᓂᕐᒥᒍᑦ ᑕᒻᒪᕐᑎᑦᓯᓕᕐᒪᑦ ᐱᔨᓐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᓪᓗᓂᒋᑦ ᓂᕆᑎᑦᓯᕙᒡᓗᓂᓗ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:4

ᐆᒥᖓᓕ ᓈᒻᒪᒃᓴᖏᑦᔪᑎᖃᕐᐳᖓ ᐃᓕᖕᓄᑦ, ᓯᕗᓪᓕᕐᒥᒃ ᓇᒡᓕᖕᓂᕆᓚᐅᕐᑕᕐᑐᑦ ᓇᒡᓕᖕᓂᖃᕈᓐᓃᕋᕕᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.