ᔪᐊᓇᓯᐅᑉ ᑕᑯᑎᑕᐅᓂᖏᑦ 2:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² “ᐴᕐᒐᒪᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐱᕗᑦ ᐃᒡᓗᒃᑐᑦ ᑮᓇᓕᖕᒥᒃ ᓴᕕᒡᔪᐊᖃᕐᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:12 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 11:4

ᐃᓱᐊᕐᑐᓕᓂᒃᑯᑦ ᐊᔪᕐᓴᕐᑐᑦ ᐊᑦᔨᒌᒃᑎᑦᓱᒫᕐᐰᑦ ᐊᑦᔨᒌᒃᑎᑦᓯᓂᕐᒥᒍᓪᓗ ᐱᓇᓱᐊᕐᕕᖃᕈᒫᕐᐳᖅ ᓄᓇᒥ ᒥᑭᒡᓕᑎᕐᓯᒪᔪᓂᒃ; ᓄᓇ ᐊᓇᐅᔪᒫᕐᐹ ᐊᓇᐅᑕᕐᒧᑦ ᖃᓂᕐᒥᓂᑦ ᐱᔪᒧᑦ, ᖃᓂᖓᑕᓗ ᓱᐱᓯᓂᖓᓄᑦ ᐊᔪᕐᑐᓕᔪᑦ ᑐᖁᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 49:2

ᖃᓂᕋᓗ ᐃᐱᒃᑑᑎᓚᐅᕐᐹ ᓴᕕᒡᔪᐊᑎᑐᑦ, ᐊᒡᒐᖕᒥᓗ ᑕᕐᕋᓕᓂᖓᓄᑦ ᐃᔨᕐᓯᒪᓚᐅᕐᐹᖓ; ᕿᓪᓚᕆᒃᓴᕐᓗᓂᖓᓗ ᖃᕐᔪᑎᑐᑦ, ᖃᕐᔪᖃᐅᑎᒥᓄᓪᓗ ᐴᓚᐅᕐᐹᖓ.

ᐄᑉᕈᐃᓄᑦ 4:12

ᒎᑎᐅᑉ ᐅᖃᐅᓯᖓ ᐆᒪᖕᒪᑦ ᐱᓇᓱᐊᕐᓗᓂᓗ, ᐃᒡᓗᒃᑐᑦ ᑮᓇᓕᖕᒥᑦ ᓴᕕᒡᔪᐊᒥᑦ ᐃᐱᖕᓂᕐᓴᐅᓪᓗᓂ, ᑭᓪᓕᒍᑎᔪᓐᓇᕐᐳᖅ ᑕᕐᓂᖅ ᐊᓂᕐᓂᕐᓗ ᑎᑭᓪᓗᒋᒃ, ᓇᒡᒍᐊᓪᓗ ᐸᑎᕐᓗ ᑎᑭᓪᓗᒋᒃ, ᓴᖅᑭᑎᑦᓯᔪᓐᓇᕐᓗᓂᓗ ᐃᓅᑉ ᐃᓱᒪᖓᓂᒃ ᐱᔪᒪᔭᖏᓐᓂᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:11

ᐅᖃᕐᓗᓂ, “ᑕᑯᔭᕐᓂᒃ ᑎᑎᕋᕆᑦ ᑎᑎᕋᕐᑕᑎᓪᓗ ᐊᐅᓪᓚᕐᑎᓪᓗᒋᑦ ᐅᒃᐱᕐᑑᖃᑎᒌᒃᑐᓄᑦ 7ᓄᑦ, ᐃᐱᓲᓯᒧᑦ ᓯᒨᕐᓇᒧᓪᓗ ᐴᕐᒐᒪᒻᒧᓪᓗ ᑍᐊᑍᕋᒧᓪᓗ ᓵᕐᑏᓯᒧᓪᓗ ᐱᓚᑕᐅᓪᕕᐊᒧᓪᓗ ᓚᐅᑏᓯᐊᒧᓪᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:16

ᑕᓕᕐᐱᖕᒥᓂᓗ ᐅᓪᓗᕆᐊᓂᒃ 7ᓂᒃ ᑎᒍᒥᐊᕐᐳᖅ, ᖃᓂᖓᓂᓪᓗ ᓄᐃᔪᖃᕐᐳᖅ ᓴᕕᒡᔪᐊᒥᒃ ᐃᒡᓗᒃᑐᑦ ᑮᓇᓕᖕᒥᒃ, ᑮᓇᖓᓗ ᓯᕿᓂᐅᑉ ᖃᐅᒻᒪᕆᖕᓂᕐᐹᖓᑎᑐᑦ ᖃᐅᒪᑎᒋᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:15

ᖃᓂᖓᓂᓪᓗ ᐊᓂᔪᖃᕐᐳᖅ ᓴᕕᒡᔪᐊᒥᒃ ᐃᐱᒃᑐᒥᒃ ᑖᑦᓱᒧᖓ ᐃᓅᖃᑎᒌᒡᔪᐊᑦ ᓵᓚᒋᔪᒫᕐᐰᑦ, ᐊᐅᓚᓐᓂᐊᕐᐰᓪᓗ ᐊᔭᐅᑉᐱᐊᒧᑦ ᓴᕕᕋᔭᖕᒧᑦ; ᑐᓪᓕᕋᕐᓗᒋᓪᓗ ᐅᐂᓃᑦ ᐃᑦᑏᔭᕐᓂᐊᕐᐰᑦ ᐃᑦᑏᔧᕕᖕᒦᑦᑐᑦ ᑕᒪᑦᔭ ᒎᑎᐅᑉ ᐊᔪᒐᖃᖏᑦᑑᑉ ᓂᓐᖓᐅᓯᕐᔪᐊᖓᑕ ᐃᑦᓯᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:21

ᐊᓯᖏᓪᓗ ᐅᓇᑕᕐᑐᒃᓴᖁᑎᖏᑦ ᓴᕕᒡᔪᐊᒧᑦ ᑐᖁᑕᐅᕗᑦ ᑖᑦᓱᒪ ᕿᒻᒥᕐᔪᐊᕐᒥ ᐃᑭᒪᔫᑉ ᖃᓂᖓᓂᑦ ᐊᓂᓯᒪᔪᒧᑦ; ᑎᖕᒥᐊᓕᒫᓄᓪᓗ ᑎᒥᕕᓂᖏᑦ ᓂᕆᔭᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:1

“ᐃᐱᓲᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐅᓪᓗᕆᐊᓂᒃ 7ᓂᒃ ᑕᓕᕐᐱᖕᒥᓄᑦ ᑎᒍᒥᐊᕐᑐᒥᑦ ᐱᕗᑦ, ᖃᐅᒻᒪᖅᑯᑏᓪᓗ ᒎᓗᐃᑦ ᐃᓂᖏᑦᑕ 7 ᐊᑯᕐᖓᑦᑎᒍᑦ ᐱᓱᒃᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:16

ᖃᕿᐊᓕᓕᕆᑦ. ᖃᕿᐊᓕᖏᒃᑯᕕᑦ, ᒫᓐᓇᒃᑯᑦ ᐅᐸᖕᓂᐊᕐᐸᒋᑦ ᐅᓇᑕᕆᐊᕐᑐᕐᓗᒋᑦ ᓴᕕᒡᔪᐊᕐᒧᑦ ᖃᓂᓐᓃᑦᑐᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 3:16

ᐃᕼᐅᓪᓕ ᓴᕕᓕᐅᓚᐅᕐᐳᖅ ᐃᒡᓗᒃᑐᑦ ᑮᓇᓕᖕᒥᒃ, ᑕᑭᓂᓕᖕᒥᒃ ᐃᑎᒐᒥᒃ ᐊᕝᕙᕐᒥᒡᓗ. ᐃᓂᓕᐅᕐᐹᓗ ᖁᒃᑐᕋᕐᒥᓂ ᑕᓕᕐᐱᖕᒥ ᐊᓐᓄᕌᒥ ᐃᑭᐊᖓᓂ.