ᔪᐊᓇᓯᐅᑉ ᑕᑯᑎᑕᐅᓂᖏᑦ 19:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᖁᕕᐊᓱᒡᓗᑕ ᐊᖏᒡᓕᑎᕐᓚᕗᑦ ᓂᕐᑐᕐᓗᒍᓗ, ᓄᕐᕋᐅᔭᐅᑉ ᑲᑎᑎᑕᐅᕕᒃᓴᖓ ᓇᓪᓕᐅᑎᖕᒪᑦ, ᓄᓕᐊᒃᓴᖓᓗ ᐊᑐᐃᓐᓇᕈᕐᓗᓂ ᑖᑦᓱᒧᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:7 Iomraidhean Croise

ᐃᓐᖏᕈᑎᑦ 107:42

ᐃᓱᐊᕐᑐᓕᔪᑦ ᑕᕝᕙ ᑕᒪᑐᒥᖓ ᑕᑯᓂᐊᕐᐳᑦ ᖁᕕᐊᓱᖕᓂᐊᕐᓗᑎᒡᓗ, ᐱᐅᖏᑦᑐᓕᒫᓪᓗ ᓂᐸᖏᕐᑎᑕᐅᓂᐊᕐᐳᑦ.

ᐃᓐᖏᕈᑎᑦ 48:11

ᖃᖅᑲᖅ ᓮᐅᓂ ᖁᕕᐊᓱᒡᓕ, ᔫᑕᐅᓪᓗ ᐸᓂᖏᑦ ᐊᓕᐊᓁᒍᓱᒡᓕᑦ, ᐃᖅᑲᕐᑐᐃᑦᓯᐊᕐᓂᑎᑦ ᐱᑦᔪᑎᒋᓗᒋᑦ.

ᐃᓐᖏᕈᑎᑦ 9:14

ᐅᖃᐅᓯᖃᕈᓐᓇᖁᓪᓗᖓ ᓂᕐᑐᕐᓇᕐᓂᕐᓂᒃ ᓱᓇᒥᒡᓗᒍ, ᓮᐅᓂᐅᑉ ᐸᓂᖏᑕ ᐃᑎᕐᑕᕐᕕᒡᔪᐊᖏᓐᓂ. ᐱᐅᓕᕐᓯᓂᕐᓂᒡᓗ ᐃᖀᕐᑐᕈᑎᖃᕈᒪᕗᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:2

ᐃᓱᐊᕐᑐᑦ ᐱᔪᓐᓇᕐᓂᖃᕐᓗᑎᒃ ᐊᐅᓚᑦᓯᓕᑐᐊᕐᒪᑕ, ᐃᓄᐃᑦ ᖁᕕᐊᓱᒃᐸᒃᐳᑦ; ᐱᐅᖏᑦᑐᓕᔪᑦ ᐊᖓᔪᖅᑲᐅᓕᑐᐊᕐᒪᑕ, ᐃᓄᐃᑦ ᐊᓂᕐᓴᐅᒥᕙᒃᐳᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 3:11

ᐂᓕᕆᑦᓯ, ᓮᐅᓂᐅᑉ ᐸᓂᖏᑦ, ᑕᑯᔭᕐᑐᓕᕐᓯᐅᒃ ᐊᖓᔪᖅᑳᕐᔪᐊᖅ ᓲᓗᒨᓂ, ᐊᖓᔪᖅᑳᕐᔪᐊᕐᓯᐅᑎᒥᒃ ᓇᓴᕐᓯᒪᔪᖅ ᐊᓈᓇᖓᑕ ᐊᑎᑎᓚᐅᕐᑕᖓᓂᒃ ᐅᓪᓗᒥ ᑲᑎᑎᑕᐅᕕᖓᓂ, ᐆᒻᒪᑎᖓ ᖁᕕᐊᓱᑦᓯᐊᕐᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 62:5

ᐃᓅᓱᒃᑑᑉ ᓄᓕᐊᓂᒃᐸᖕᓂᖓᑐᑦ ᐊᕐᓇᒥᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᒥᒃ, ᑍᒫᒃᑕᐅᖅ ᐃᕐᓂᓯ ᑲᑎᑎᑕᐅᖃᑎᒋᔪᒫᕆᕙᓯ, ᐊᖑᑎᐅᑉ ᐊᕐᓇᒧᑦ ᑲᑎᑎᑕᐅᔭᕌᖓᒥ ᖁᕕᐊᓱᖕᓂᕆᕙᒃᑕᖓᑐᑦ, ᑍᒫᒃ ᒎᑎᑦᓯ ᖁᕕᐊᓲᑎᒋᔪᒫᕆᕚᓯ.

ᐂᓮᐊᓯᐅᑉ ᐊᒡᓚᖏᑦ 66:10

ᔨᕉᓴᓕᒻ ᖁᕕᐊᓲᑎᒋᓯᐅᒃ, ᐊᓕᐊᓁᒍᓲᑎᒋᓗᒍ ᐃᓕᑦᓯ ᐅᖓᒋᔭᖃᕐᑐᓯ ᔨᕉᓴᓕᒥᒃ; ᐊᖏᔪᒥᒃ ᖁᕕᐊᓱᒍᑎᒋᓕᕐᓯᐅᒃ ᐃᓗᑦᓯᒍᑦ ᖁᕕᐊᓱᒡᓗᓯ, ᕿᒃᓵᒍᑎᖃᖃᑦᑕᓚᐅᕐᑐᓯ ᑖᑦᓱᒥᖓ;

ᐂᓮᐊᓯᐅᑉ ᐊᒡᓚᖏᑦ 66:14

ᑕᒪᓐᓇ ᑕᑯᓕᕈᑦᓯᐅᒃ, ᐆᒻᒪᑎᓯ ᖁᕕᐊᓱᒃᑐᐊᓘᔪᒫᕐᐳᑦ; ᑎᒥᓯᓗ ᐱᕈᑦᓯᐊᕈᒫᕐᐳᑦ ᐃᕕᒃᓱᒐᕐᑎᑐᑦ; ᖃᐅᔨᒪᔭᐅᓕᕈᒫᕐᒪᑦ ᐊᑕᓂᐅᑉ ᐊᒡᒐᖕᒥᓄᑦ ᐱᔨᓂ ᓇᔪᕐᒪᒋᑦ, ᓂᓐᖓᕕᒡᔪᐊᕐᓂᐊᓗᐊᓗ ᓴᖅᑭᔮᕈᒫᕆᕗᖅ ᐊᑭᕋᕐᑐᕐᑎᖏᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒫᑎᐅᓯᐅᑉ ᐊᒡᓚᖏᑦ 1:20

ᑕᒪᑐᒥᖓ ᐃᓱᒪᖃᓕᕐᑎᓪᓗᒍ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᔫᓯᐲ, ᑍᕕᑎᐅᑉ ᐃᕐᓂᖓ, ᓯᕘᕋᓂᐊᕐᓇᒃ ᒥᐊᕆᒥᒃ ᓄᓕᐊᕐᑖᕆᐊᒃᓴᖅ, ᓄᑕᕋᒃᓴᖓ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ ᐱᖕᒪᑦ.

ᒫᑎᐅᓯᐅᑉ ᐊᒡᓚᖏᑦ 22:2

“ᒎᑎᐅᑉ ᐊᑕᓂᐅᕕᖓ ᐊᑦᔨᖃᕈᓐᓇᕐᐳᖅ, ᐊᖓᔪᖅᑳᕐᔪᐊᒥᒃ ᓂᕆᕕᒃᔪᐊᒃᓴᓕᐅᕐᑐᒥᒃ ᐃᕐᓂᖓ ᑲᑎᑎᑕᐅᓂᐊᓕᕐᒪᑦ.

ᓘᑲᓯᐅᑉ ᐊᒡᓚᖏᑦ 12:36

ᐱᔨᑎᑐᑦ ᐊᖓᔪᖅᑳᒥᖕᓂᒃ ᐅᑕᖅᑭᔪᑎᑐᑦ ᑲᑎᑎᑕᐅᔪᓂ ᓂᕆᕕᒡᔪᐊᕆᐊᕐᑐᕐᓯᒪᓚᐅᕐᓗᓂ ᐊᖏᕐᕋᒥᓄᑦ ᐅᑎᕐᓂᐊᕐᑐᒥᒃ, ᐅᑎᕐᐸᑦ ᑎᒡᓗᒃᑐᕐᐸᑦ ᐱᔩᑦ ᒪᑐᐃᕈᑦᔨᑐᐃᓐᓇᕐᓂᐊᕐᐳᑦ ᑖᑦᓱᒥᖓ.

ᔪᐊᓇᓯᐅᑉ ᐊᒡᓚᖏᑦ 3:29

ᐅᐃᒃᓴᖅ ᑖᓐᓇᐅᕗᖅ ᓄᓕᐊᒃᓴᒥᒃ ᓇᖕᒥᓂᓕᒃ; ᐅᐃᒃᓴᐅᓪᓕ ᐱᖃᓐᓇᕆᔭᖓᑕ, ᓴᓂᐊᓂ ᓇᖏᕐᑑᑉ ᑐᓴᕐᑑᓪᓗ, ᖁᕕᐊᓱᒍᑎᒋᕚ ᐅᐃᒃᓴᐅᑉ ᓂᐱᖓᓂᒃ ᑐᓴᕋᒥ; ᑍᒫᒃ ᑕᕝᕙ ᐅᕙᖓ ᓇᖕᒥᓂᖅ ᖁᕕᐊᓱᖕᓂᕋ ᓈᒻᒪᒃᓯᑦᓯᐊᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:2

ᒎᑎᒥᑦ ᐱᔪᒥᒃ ᓯᖕᓇᓂᕐᒥᒃ ᐃᒃᐱᒍᓱᒃᑲᒪ ᐃᓕᑦᓯᓐᓄᑦ, ᐊᕐᓇᑐᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᓄᓕᐊᒃᓴᐅᖁᓪᓗᓯ ᑐᓂᔪᒪᒐᑦᓯ ᙭ᔅᑑᓯᒧᑦ ᑖᑦᓱᒥᖓ ᐅᐃᑖᖁᓪᓗᓯ.

ᐃᐱᓯᒥᐅᓄᑦ 5:23

ᐊᖑᑦ ᓂᐊᖂᖕᒪᑦ ᓄᓕᐊᒥᓄᑦ ᙭ᔅᑑᓯᑦᑕᐅᖅ ᓂᐊᖁᕆᔭᐅᖕᒪᑦ ᐅᒃᐱᕐᑑᖃᑎᒌᓄᑦ, ᑕᕝᕙ ᑎᒥᒥᓄᑦ, ᓇᖕᒥᓂᕐᓗ ᐱᐅᓕᔨᐅᓪᓗᓂ ᑖᒃᑯᓄᖓ.

ᐃᐱᓯᒥᐅᓄᑦ 5:32

ᑕᕝᕙᓂ ᐅᖃᐅᓯᐅᔪᒥ ᓇᓗᓇᕐᓂᖓ ᐃᑎᔫᒐᓗᐊᖅ ᓇᓗᓇᕈᓐᓃᕐᑎᑕᐅᕗᖅ, ᑐᑭᓯᒐᒃᑯ ᐅᖃᐅᓯᖃᕐᒪᑦ ᙭ᔅᑑᓯᒥᒃ ᐅᒃᐱᕐᑑᖃᑎᒌᓂᒡᓗ.

ᒨᓯᓯ ᑕᓪᓕᒪᖏᑦ 32:43

ᓂᕐᑐᕐᓯᐅᒃ ᑖᑦᓱᒪ ᐃᓄᖁᑎᖏᑦ, ᐃᓅᖃᑎᒌᒡᔪᐊᖑᔪᓯ; ᓴᐳᑎᖕᒪᒋᑦ ᐱᔨᒥ ᐊᐅᖏᑦ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᖕᒪᒋᑦ, ᐃᓄᖁᑎᒥ ᓄᓇᖓ ᓴᓗᒻᒪᕐᓴᕐᒪᒍ.”

ᐱᓕᐱᒥᐅᓄᑦ 3:3

ᐅᕙᒍᑦ ᓱᓕᔪᒥᒃ ᑭᐱᔭᐅᓯᒪᕗᒍᑦ, ᒎᑎᒥᒃ ᐱᔨᑦᓯᕐᑐᒍᑦ ᐊᓂᕐᓂᒃᑯᑦ, ᖁᕕᐊᓲᑎᖃᕐᓗᑕᓗ ᔩᓱᓯ ᙭ᔅᑑᓯᒥ, ᑎᒥᐅᑉ ᐱᐅᓯᖓᓂᒃ ᑕᑎᖃᕐᒥᓇᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:13

ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:9

ᐂᖏᓕᐅᓪᓗ ᐅᖃᐅᑎᕚᖓ, “ᐅᓇ ᑎᑎᕋᕈᒃ: ᓮᒪᕐᑎᑕᐅᓯᒪᕗᑦ ᓄᕐᕋᐅᔭᐅᑉ ᑲᑎᑎᑕᐅᓂᖓᑕ ᓂᕆᕕᒡᔪᐊᕈᑕᐅᓂᐊᕐᓂᖓᓄᑦ ᕾᖁᔭᐅᔪᑦ.” ᐂᖏᓕᓗ ᐅᖃᒃᑲᓐᓂᕐᐳᖅ, “ᑕᒪᒃᑯᐊ ᓱᓕᔪᒥᒃ ᒎᑎᐅᑉ ᐅᖃᐅᓯᕆᕔᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:2

ᐃᒡᓗᒐᓴᒡᔪᐊᓪᓗ ᐃᑦᔪᕐᓁᑦᑐᑦ ᑕᑯᕙᒃᑲ, ᔨᕉᓴᓕᒻ ᓄᑖᖅ, ᕿᓚᖕᒥᑦ ᐊᖅᑲᕐᑐᖅ ᒎᑎᒥᑦ, ᐊᑐᐃᓐᓇᕈᕐᓯᒪᓕᕐᑐᖅ ᓄᓕᐊᒃᓴᑐᑦ ᐊᓐᓄᕌᕐᓯᒪᑦᓯᐊᓕᕐᑐᑎᑐᑦ ᐅᐃᒃᓴᒥᓄᑦ ᐊᑐᐃᓐᓇᐅᓕᕐᑐᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:9

ᐂᖏᓖᓪᓗ 7ᐅᓚᐅᕐᑐᑦ ᖃᓪᓗᑎᓂᒃ 7ᓂᒃ ᑎᒍᒥᐊᕐᓗᑎᒃ ᑲᑉᐱᐊᓇᕐᑐᕐᔪᐊᓂᒃ 7ᓂᒃ ᐃᒪᖃᕐᑐᓂᒃ, ᐃᓚᖓᑦᑕ ᕾᓪᓗᓂ ᐅᖃᐅᑎᕚᖓ, “ᕾᒋᑦ, ᓄᓕᐊᒃᓴᒥᒃ ᑕᑯᑎᓐᓂᐊᕋᒃᑭᑦ, ᓄᕐᕋᐅᔭᐅᑉ ᓄᓕᐊᒃᓴᖓᓂᒃ.”

ᓴᒧᐃᓕ ᓯᕗᓪᓖᑦ 2:1

ᕼᐋᓇ ᑐᒃᓯᐊᓚᐅᕐᐳᖅ ᐅᖃᕐᓗᓂ: “ᐊᑕᓂᐅᑉ ᐆᒻᒪᑎᒐ ᑕᑕᑎᑉᐹ ᖁᕕᐊᓱᖕᓂᕐᒥᒃ; ᐱᔪᓐᓇᕐᓂᕋ ᐊᑕᓂᐅᑉ ᖁᕝᕙᕐᑎᑉᐹ. ᐊᑭᕋᕐᑐᕐᑎᒃᑲ ᖁᖓᑦᔪᑎᒋᔪᓐᓇᓕᕐᐸᒃᑲ; ᖁᕕᐊᓱᒻᒪᕆᓕᕐᐳᖓ ᒎᑎᐅᑉ ᐱᐅᓕᓚᐅᕐᒪᖓ!