ᔪᐊᓇᓯᐅᑉ ᑕᑯᑎᑕᐅᓂᖏᑦ 19:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓱᓕ ᐅᖃᒃᑲᓐᓂᕆᕗᑦ, “ᐋᓕᓘᔭ! ᐃᒡᓗᒐᓴᒡᔪᐊᑦ ᐃᑯᐊᓚᓂᖏᑕ ᐳᔪᖓ ᖁᒻᒧᐊᑦᓮᓐᓇᕐᓂᐊᕐᐳᖅ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:3 Iomraidhean Croise

ᒨᓯᓯ ᓯᕗᓪᓖᑦ 19:28

ᐳᕐᑐᔪᒥᑦ ᐊᒻᒧᑦ ᑕᑯᓐᓇᕋᒥᒋᑦ ᓱᑑᒪ ᒍᒨᕋᓗ ᓄᓇᓕᒫᕐᓗ ᓇᕐᓴᖅ, ᑕᑯᕚ ᐳᔪᖅ ᖁᒻᒧᐊᒃᑐᖅ ᓲᕐᓗ ᐃᑯᐊᓚᑦᓯᕕᐊᓗᖕᒥᑦ ᐳᔫᕐᑐᖅ.

ᐃᓐᖏᕈᑎᑦ 104:35

ᐊᔪᕐᑐᓕᔪᑦ ᓄᖑᑕᐅᓕᕐᓕᑦ ᓄᓇᕐᔪᐊᕐᒥ, ᐱᐅᖏᑦᑐᓪᓗ ᐱᑕᖃᕈᓐᓃᕐᓗᑎᒃ. ᑕᕐᓃᒃ ᐊᑕᓂᖅ ᓂᕐᑐᕈᒃ! ᐊᑕᓂᖅ ᓂᕐᑐᕐᑕᐅᓕ!

ᐂᓮᐊᓯᐅᑉ ᐊᒡᓚᖏᑦ 34:10

ᖃᒥᔪᐃᑦᑑᓕᕈᒫᕐᐳᖅ ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐳᔫᖏᓐᓇᓕᕐᓗᓂ ᐃᓱᖃᖏᑦᑐᒧᑦ, ᑭᖑᕚᕇᑦ ᐅᓄᕐᑐᑦ ᑎᑭᓪᓗᒋᑦ ᓄᓇᒋᔭᒃᓴᐅᔪᓐᓃᕈᒫᕐᐳᖅ, ᐃᖏᕐᕋᔪᓄᓪᓗ ᐊᖅᑯᑕᐅᕙᒍᓐᓃᕐᓗᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔫᑎᐅᑉ ᐊᒡᓚᖏᑦ 1:7

ᐃᖅᑲᐅᒪᓯᐅᒃᑕᐅᖅ ᓱᑑᒪ ᒍᒨᕋᓗ ᖃᓂᒋᔭᖓᓃᑦᑐᓪᓗ ᓄᓇᓖᑦ, ᑖᒃᑯᐊ ᑖᒃᑯᑎᑐᓇᕐᑕᐅᖅ ᐃᒃᖠᒎᕐᓂᖃᓚᐅᕐᑐᑦ ᐊᖑᑏᑦ ᐊᕐᓁᓪᓗ ᐱᐅᓯᐅᕙᖏᑦᑐᓄᑦ ᓄᓕᐊᖃᑦᑕᓚᐅᕐᑐᑦ, ᓱᒋᐊᕐᑕᐅᓚᐅᕐᐳᑦ ᐃᑯᒪᒧᑦ ᖃᒥᓱᐃᑦᑐᒧᑦ ᐅᓗᕆᐊᒋᔭᒃᓴᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:11

ᐳᔪᕐᓗ ᐋᓐᓂᐊᑎᑕᐅᑦᔪᑎᒋᔭᖓᑦ ᖁᒻᒧᐊᖕᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᑕᕾᕐᓯᕐᕕᒃᓴᖃᕐᓂᐊᓐᖏᓚᑦ, ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐆᒪᔪᐊᓗᖕᒥᒃ ᐊᑦᔨᖓᓂᒡᓗ ᓴᓇᓯᒪᔪᒥᒃ ᑐᒃᓯᐊᕐᕕᖃᕐᐸᒃᑐᑦ, ᓇᓗᓁᒃᑯᓯᕐᑕᐅᓯᒪᔪᓕᒫᑦ ᐆᒪᔪᐊᓘᑉ ᐊᑎᖓᑕ ᓇᓗᓁᒃᑯᑕᖓᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:18

ᐅᖃᕐᓗᑎᒃ, ᐃᑯᐊᓚᓂᖓᑕ ᐳᔪᖓᓂᒃ ᑕᑯᓐᓇᓕᕋᒥᒃ, “ᑖᒃᑯᑎᑐᓇᖅ ᐊᔪᖏᑦᑐᕐᔪᐊᖑᑎᒋᔪᓂᒃ ᐃᒡᓗᒐᓴᒡᔪᐊᕐᑕᖃᓚᐅᕐᓯᒪᓐᖏᓚᖅ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:9

ᓄᓇᕐᔪᐊᕐᒥᓗ ᐊᖓᔪᖅᑳᕐᔪᐊᑦ ᐊᕐᓇᕐᓂᐊᖃᑦᑕᓚᐅᕐᑐᑦ ᐃᒃᓯᒎᕐᓂᕐᔪᐊᖃᓚᐅᕐᑐᓪᓗ ᑖᑦᓱᒥᖓ, ᑕᑯᓕᕈᑎᒃ ᐃᑯᐊᓚᓂᖓᑕ ᐳᔪᖓᓂᒃ ᕿᐊᑦᔪᑎᒋᔪᒫᕐᐹᑦ ᐅᒡᒍᐊᕈᑎᒋᓗᒍᓗ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:1

ᑕᒪᑐᒪ ᑭᖑᕐᖓᒍᑦ ᑐᓴᕐᐳᖓ ᐃᓄᒋᐊᒃᑐᕐᔪᐊᓄᑦ ᓂᐱᒋᔭᐅᔮᕐᑐᓂᒃ ᓂᐱᖅᑯᕐᑐᓪᓗᑎᒃ ᐅᖃᕐᑐᓂᒃ, “ᐋᓕᓘᔭ! ᐱᐅᓕᔭᐅᓂᖅ ᐱᓐᓇᕐᓇᕐᓂᕐᓗ ᐱᔪᓐᓇᕐᓂᕐᓗ ᒎᑎᑦᑕ ᐱᒋᕔᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:4

ᐊᖓᔪᖅᑳᓪᓗ 24 ᐆᒪᔪᐃᓪᓗ ᓯᑕᒪᑦ ᐹᒻᒪᒡᓗᑎᒃ ᒎᑎ ᐅᐱᒋᕚᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᖅ, ᐅᖃᕐᓗᑎᒃ, “ᐋᒥᓐ ᐋᓕᓘᔭ!”