ᔪᐊᓇᓯᐅᑉ ᑕᑯᑎᑕᐅᓂᖏᑦ 18:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑍᒤᒻᒪᑦ ᑲᑉᐱᐊᓱᒃᑎᑕᐅᓂᖏᑦ ᐅᓪᓗᒥ ᐊᑕᐅᓯᕐᒥ ᑎᑭᑦᓱᒫᕐᐳᑦ, ᐋᓐᓂᐊᓇᕐᑐᑦ ᕿᒃᓵᖕᓇᕐᑐᑦ ᑳᖕᓇᕐᑐᓪᓗ, ᐃᑯᒪᒧᓪᓗ ᐃᑭᑕᐅᔪᒫᕐᐳᖅ; ᐊᑕᓂᖅ ᒎᑎ ᑖᑦᓱᒪ ᐃᖅᑲᕐᑐᐃᔨᖓ ᐊᔪᒐᖃᖏᑦᑐᕐᔪᐊᖑᖕᒪᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:8 Iomraidhean Croise

ᔫᐱᐅᑉ ᐊᒡᓚᖏᑦ 9:19

ᓲᖑᓂᒃᑯᑦ ᐱᓇᓱᐊᕆᐊᖃᕋᔭᕈᒪ, ᑕᑯᒋᑦ ᓲᖑᓗᐊᕐᐳᖅ! ᐊᑦᔨᒌᒃᑎᑦᓯᓂᒃᑯᑦ ᐱᓇᓱᐊᕆᐊᖃᕋᔭᕈᒪ, ᓇᓪᓕᐊᑦᑕ ᐂᖁᔪᓐᓇᕋᔭᕐᐸᐅᒃ?

ᐃᓐᖏᕈᑎᑦ 62:11

ᐊᑕᐅᓯᐊᑐᐃᓐᓇᕐᓇᒍ ᒎᑎ ᐅᖃᕐᑐᖅ ᑐᓴᕐᓯᒪᕙᕋ, ᒪᕐᕈᐊᕐᑎᕐᓗᒍ ᑐᓴᓚᐅᕐᐸᕋ ᐃᒫᒃ: ᐊᔪᒐᖃᖏᓐᓂᖅ ᒎᑎᐅᑉ ᐱᒋᕚ.

ᐂᓮᐊᓯᐅᑉ ᐊᒡᓚᖏᑦ 27:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓴᕕᒡᔪᐊᓂ ᐊᖏᔪᖅ ᓴᓐᖏᔫᓪᓗᓂᓗ ᑲᑉᐱᐊᓇᕐᑐᖅ ᓱᒋᐊᕐᓯᑦᔪᑎᒋᔪᒫᕐᐹ ᓕᕔᐊᑕᓐᒥᒃ ᕿᒫᓯᒪᓪᓗᓂ ᖁᒡᓗᒋᐊᖅ, ᓕᕔᐊᑕᓐ ᖃᓄᑐᐃᓐᓇᖅ ᓂᒪᒡᓗᓂ ᐊᐅᓚᔪᓐᓇᕐᑐᖅ ᓂᒥᕆᐊᕐᔪᐊᖅ, ᐆᒪᔪᕐᓗᒃ ᑐᖁᑦᓱᒫᕐᐹ ᑕᕆᐅᕐᔪᐊᒥ.

ᐂᓮᐊᓯᐅᑉ ᐊᒡᓚᖏᑦ 9:14

ᑍᒤᒻᒪᑦ ᐊᑕᓂᐅᑉ ᐃᓴᕆᐊᓕᒥᐅᑦ ᓂᐊᖁᐃᕈᒫᕐᐰᑦ ᐸᒥᐅᖏᕐᓗᒋᓪᓗ, ᓇᐹᕐᑑᑉ ᐹᒥᐅᑉ ᐊᕙᓚᖓᔪᖏᑦ ᐃᕕᒡᔪᐊᓪᓗ ᓇᑲᑦᓱᒫᕐᐰᑦ ᐅᓪᓗᒥ ᐊᑕᐅᓯᕐᒥ.

ᔨᕆᒤᐊᐅᑉ ᐊᒡᓚᖏᑦ 50:31

“ᑕᑯᒋᑦ ᐊᑭᕋᕐᑐᕐᐸᒋᑦ ᐱᔪᓐᓇᕋᓱᒋᓗᐊᓚᐅᕋᕕᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐅᓪᓗᖅ ᓱᒋᐊᕐᑕᐅᕕᒃᓴᖅ ᓇᓪᓕᐅᑎᕗᖅ.

ᔨᕆᒤᐊᐅᑉ ᐊᒡᓚᖏᑦ 50:34

ᐱᐅᓕᔨᒃᓴᖓᑦ ᐱᔪᓐᓇᕐᓂᕐᔪᐊᖃᕐᐳᖅ, ᐊᑎᖃᕋᒥ ᐊᑕᓂᕐᒥᒃ ᐊᔪᒐᖃᖏᑦᑐᕐᔪᐊᕐᒥᒃ. ᓴᐳᑦᔨᓇᓱᒡᓗᓂ ᐊᔪᐃᓐᓇᕈᓐᓇᕐᑐᖅ, ᓮᓕᑦᓯᐊᕐᓂᕐᒥᒃ ᑎᑭᑎᑦᓯᔪᒫᕐᐳᖅ ᓄᓇᕐᔪᐊᕐᒧᑦ, ᐹᐱᓘᓂᒦᑦᑐᓪᓕ ᓮᓕᑦᓯᐊᕈᓐᓇᕈᒫᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 51:58

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐹᐱᓘᓂᒥᐅᑦ ᐊᕙᓗᕐᔪᐊᖓ ᐃᑦᔪᔪᐊᓘᒐᓗᐊᖅ ᓄᖑᑎᑕᐅᓗᓂ ᒪᓂᖅᑲᒦᓕᕈᒫᕐᐳᖅ, ᐃᑎᕐᑕᕐᕕᖏᓪᓗ ᐃᑯᐊᓪᓚᒃᑕᐅᓗᑎᒃ. ᐃᓄᐃᑦ ᐱᓇᓱᐊᕕᒃᔪᐊᕐᓂᕆᓚᐅᕐᑕᖏᑦ ᐊᑐᕐᓇᕐᓂᖃᓐᖏᓚᑦ, ᐃᓅᖃᑎᒌᒡᔪᐊᓪᓗ ᓴᓇᖃᑦᑕᕐᓯᒪᔭᖏᑦ ᐃᑯᐊᓪᓚᖅᑯᑎᒃᓴᓐᖑᕐᐳᑦ.”

ᔨᕆᒤᐊᐅᑉ ᐊᒡᓚᖏᑦ 51:6

ᐹᐱᓘᓂᒥᑦ ᕿᒫᓕᕆᑦᓯ ᐃᓅᔪᒪᒍᑦᓯ, ᐊᔪᕐᑐᓕᓂᖏᓐᓄᑦ ᐊᓯᕈᕐᑕᐅᑦᔪᑎᖃᕐᑍᓕᒋᑦᓯ, ᐊᑕᓂᐅᑉ ᐊᑭᓂᐊᕐᓂᒃᓴᖓ ᓇᓪᓕᐅᑎᖕᒪᑦ, ᐊᑕᓂᐅᑉ ᐊᑭᓂᐊᕐᕕᒋᓂᐊᕐᒪᒋᑦ ᐊᑭᓂᐊᕐᕕᐅᔭᕆᐊᖃᕐᓂᖏᑦ ᒪᓕᒡᓗᒋᑦ.

ᔪᐃᓕᐅᑉ ᐊᒡᓚᖏᑦ 2:11

ᐊᑕᓂᐅᑉ ᓂᐱᒥᓄᑦ ᐅᓇᑕᕐᑐᒃᓴᖁᑎᓂ ᐊᐅᓚᑉᐰᑦ, ᐅᓇᑕᕐᑐᒃᓴᖁᑎᖏᑦ ᐅᓄᕐᑐᕐᔪᐊᖑᕗᑦ; ᓂᐱᖓᓂᒃ ᓈᓚᒃᑐᖅ ᓲᖑᔪᕐᔪᐊᖑᕗᖅ. ᐊᑕᓂᐅᑉ ᐅᓪᓗᖓ ᑲᑉᐱᐊᓇᕐᐳᖅ; ᑭᓇᓖ ᑕᒪᑐᒥᖓ ᐊᓂᒍᐃᔪᓐᓇᕐᐹ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:22

ᐊᑕᓂᕐᒥᒃ ᓂᓐᖓᒃᑎᑦᓯᓇᓱᐊᕐᐱᑖ? ᑖᑦᓱᒪᖓᑦ ᐱᔪᓐᓇᕐᓂᕐᓴᐅᕕᑖ?

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:17

ᐅᖃᕐᓗᑎᒃ: “ᖁᔭᒋᕙᑦᑎᒋᑦ, ᐊᑕᓃᖅ ᒎᑏ ᐊᔪᒐᖃᖏᑦᑐᑎᑦ, ᑍᒤᑦᑑᔪᑎᑦ ᑍᒤᑦᑑᓚᐅᕐᑐᑎᓪᓗ, ᐱᔪᓐᓇᕐᓂᕐᔪᐊᑦ ᐊᑐᕐᓗᒍ ᐊᐅᓚᑦᓯᑦᔪᑎᒋᓕᕋᕕᐅᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:16

ᓇᒡᔪᐃᓪᓗ ᖁᓖᑦ ᑕᑯᓯᒪᔭᑎᑦ, ᑖᒃᑯᐊ ᐆᒪᔪᐊᓗᒡᓗ ᐊᕐᓇᖅ ᐊᖑᓐᓂᐊᕐᑎ ᐊᑭᕋᕐᑐᓕᕈᒫᕐᐹᑦ; ᐱᒋᔭᓕᒫᖏᓐᓂᒡᓗ ᐱᖁᑍᒍᑎᔪᒫᕐᐹᑦ ᐊᓐᓄᕌᖃᕈᓐᓃᕐᑎᓪᓗᒍᓗ ᕿᒪᒍᒫᕐᐹᑦ, ᑎᒥᖓᓗ ᓂᕆᔪᒫᕐᐹᑦ ᐃᑯᒪᒧᓪᓗ ᓄᖑᑕᐅᑎᓪᓗᒍ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:18

“ᐊᕐᓇᖅ ᑕᑯᓯᒪᔧᑦ ᑖᒃᑯᐊᖑᕗᑦ ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᐅᓚᑦᓯᔪᒫᕐᑐᑦ ᐊᖓᔪᖅᑳᕐᔪᐊᓂᒃ ᓄᓇᕐᔪᐊᕐᒦᑦᑐᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:17

ᐃᑲᕐᕋᒥᒃ ᐊᑕᐅᓯᕐᒥᒃ ᐊᔪᕐᓴᖏᑦᔪᑎᖏᑦ ᓄᖑᑉᐳᑦ.” ᐅᒥᐊᕐᔪᐊᓂᓗ ᐊᖓᔪᖅᑳᓕᒫᑦ ᐅᒥᐊᕐᑐᕐᑏᓪᓗ, ᐅᒥᐊᕐᔪᐊᓂᓗ ᓴᓇᔩᑦ ᐊᓯᖏᓪᓗ ᐅᒥᐊᕐᔪᐊᕐᑎᒎᕐᑐᓂᒃ ᐃᓅᑦᔪᑎᒃᓴᓕᐅᕐᐸᒃᑐᑦ, ᐅᖓᓯᒋᔮᓂ ᓇᖏᕐᐳᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:19

ᓂᐊᖁᑎᒡᓗ ᓴᓂᕐᒥᒃ ᑲᑕᒑᕕᒋᓪᓗᒋᑦ, ᕿᐊᕗᑦ ᐅᒡᒍᐊᕐᓗᑎᒡᓗ, ᐅᖃᕐᐳᑦ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᔪᕐᓴᕈᓐᓃᕐᕕᐅᓯᒪᕗᑦ ᐅᒥᐊᕐᑐᕐᑎᓄᑦ! ᐃᑲᕐᕋᒥᒃ ᐊᑕᐅᓯᕐᒥᒃ ᓄᖑᑉᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:3

ᓱᓕ ᐅᖃᒃᑲᓐᓂᕆᕗᑦ, “ᐋᓕᓘᔭ! ᐃᒡᓗᒐᓴᒡᔪᐊᑦ ᐃᑯᐊᓚᓂᖏᑕ ᐳᔪᖓ ᖁᒻᒧᐊᑦᓮᓐᓇᕐᓂᐊᕐᐳᖅ ᐃᓱᖃᖏᑦᑐᒧᑦ.”