ᔪᐊᓇᓯᐅᑉ ᑕᑯᑎᑕᐅᓂᖏᑦ 18:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐃᓕᑦᓯᓐᓄᑦ ᐱᓂᐊᕐᓯᒪᓂᖓ ᒪᓕᒡᓗᒍ ᐱᓂᐊᕐᕕᒋᓯᐅᒃ, ᐱᓂᐊᕐᓂᕆᓚᐅᕐᑕᖏᓪᓗ ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᓗᒍ, ᖃᓪᓗᑎᖓ ᐃᒻᒥᕐᑕᐅᓕ ᒪᕐᕈᐃᕐᑐᓪᓗᐊᕐᓗᓂ ᓴᓐᖏᓂᕐᓴᒥᒃ ᐃᓕᑦᓯᓐᓂᒃ ᐃᒥᕐᑎᑦᓯᓯᒪᓂᖓᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:6 Iomraidhean Croise

ᐃᓐᖏᕈᑎᑦ 137:8

ᐃᓕᑦᓯ ᐹᐱᓘᓂᐅᑉ ᐸᓂᖏᑦ, ᐃᕝᕕᑦ ᓄᖑᑕᐅᔪᒃᓴᐅᔪᑎᑦ; ᖁᕕᐊᓱᒍᒫᕐᐳᖅ, ᐃᓕᖕᓂᒃ ᐊᑭᓂᐊᓕᕐᑐᖅ ᐱᓂᐊᕐᓂᕆᓚᐅᕐᑕᑦᓯᓐᓂᒃ ᐅᕙᑦᑎᓐᓄᑦ.

ᐃᓐᖏᕈᑎᑦ 28:4

ᐱᓂᐊᕐᕕᒋᒃᑭᑦ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᐅᖏᑦᑐᐊᓘᓂᖏᑦ ᒪᓕᒡᓗᒋᑦ; ᐊᒡᒐᒥᖕᓄᓪᓗ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ, ᐱᓂᐊᕐᕕᐅᔭᕆᐊᖃᕐᓂᖏᑦ ᒪᓕᒡᓗᒋᑦ ᐱᓂᐊᕐᕕᒋᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 40:2

“ᐅᖃᓪᓚᓕᕆᑦ ᒪᓂᒍᕐᑕᐅᓇᕐᑐᓂᒃ ᔨᕉᓴᓕᒧᑦ, ᐅᖃᓪᓚᒡᕕᒋᒃᑭᑦ ᐅᓇᑕᕐᓂᖓᑦ ᐃᓱᓕᒻᒪᑦ, ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕐᑕᐅᖕᒪᑕ, ᐊᑕᓂᕐᒧᑦ ᓱᒋᐊᕐᑕᐅᓯᒪᖕᒪᑕ ᐊᔪᕐᑐᓕᓂᖏᑕ ᒪᕐᕈᐃᕐᑑᑎᓪᓗᐊᖏᓐᓂᒃ.”

ᐂᓮᐊᓯᐅᑉ ᐊᒡᓚᖏᑦ 61:7

ᑲᓐᖑᓇᕐᑐᒦᓚᐅᕐᓂᑦᓯᓐᓄᑦ ᒪᕐᕈᐃᕐᑑᑎᓪᓗᐊᖓᓂᒃ ᐅᐱᒋᔭᐅᓂᖃᓕᕈᒫᕐᐳᓯ, ᓱᓇᒃᓴᐅᓐᖏᑎᑕᐅᓂᖅ ᑭᖑᕝᕕᕐᑕᐅᔪᒫᕐᐳᖅ ᓇᔪᕐᑕᓯᓐᓂᒃ ᖁᕕᐊᓲᑎᖃᓕᕐᓂᕐᒥᒃ, ᑍᒤᒻᒪᑦ ᓄᓇᖁᑎᒋᓕᕐᑕᑦᓯᓐᓂ ᐱᖃᓕᕈᒫᕐᐳᓯ ᒪᕐᕈᐃᕐᑑᑎᓪᓗᐊᖓᓂᒃ; ᖁᕕᐊᓱᖕᓂᕐᓗ ᐃᓱᖃᖏᑦᑐᒧᑦ ᐱᒋᓕᕈᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 16:18

ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᔪᒫᕐᐸᒃᑲ ᐱᐅᖏᑦᑐᓕᓂᖏᓐᓄᑦ ᐊᔪᕐᑐᓕᓂᖏᓐᓄᓪᓗ, ᓄᓇᖁᑎᒐ ᓇᕐᕈᓇᕐᓯᑎᑕᐅᓯᒪᖕᒪᑦ ᐆᒪᖏᑦᑐᓂᒃ ᒎᑎᓐᖑᐊᓕᐅᕐᕕᐅᓪᓗᑎᒃ, ᑭᖑᕐᖑᑎᔭᒃᓴᕋᓗ ᓇᕐᕈᓇᕐᑐᓂᒃ ᒎᑎᓐᖑᐊᓂᒃ ᑕᑕᑎᕐᓯᒪᕚᑦ.”

ᔨᕆᒤᐊᐅᑉ ᐊᒡᓚᖏᑦ 17:18

ᐊᑭᕋᕐᑐᕐᑎᒃᑲ ᑲᓐᖑᓇᕐᑐᒧᐊᕐᑎᒃᑭᑦ, ᑲᓐᖑᓇᕐᑐᒧᐊᕐᑎᓐᓇᖓ; ᓴᐱᓕᕐᑎᒃᑭᑦ ᓴᐱᕐᓇᕐᑐᒧᐊᕐᑎᓐᓇᖓ, ᐱᐅᖏᑦᑐᒧᑦ ᑎᑭᕝᕕᐅᑎᒃᑭᑦ; ᐊᓯᕈᒃᑭᑦ ᐊᓯᕈᕐᑕᐅᓇᕐᑐᒧᑦ ᒪᕐᕈᕕᓪᓗᐊᕐᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 50:15

ᐊᕙᑖᓂᑦ ᓂᓪᓕᐊᓗᓯ ᐅᐸᓕᕐᓯᒋᒃ, ᓴᐱᓕᕈᑎᒃ ᐃᒻᒥᖕᓂᒃ ᑐᓂᑦᔪᑎᒋᓂᐊᕐᒪᑕ, ᓇᐸᔪᕐᔪᐊᖏᑦ ᐅᕐᕈᔪᒫᕐᐳᑦ, ᐊᕙᓗᕐᔪᐊᖏᓪᓗ ᓱᕋᒡᓗᑎᒃ ᐊᑕᓂᐅᑉ ᐊᑭᓂᐊᕐᓂᕆᖕᒪᒍ, ᐊᑭᓂᐊᕐᕕᒋᓕᕐᓯᐅᒃ ᑍᒫᓪᓗᐊᖅ ᐱᓂᐊᕐᓂᕆᖃᑦᑕᕐᓯᒪᔭᖏᑎᑐᑦ ᐃᓕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 50:29

“ᐱᑎᒃᓵᕐᑏᑦ ᐹᐱᓘᓂᒧᑦ ᐱᑎᒃᓵᕆᐊᕐᑐᖁᔭᐅᓕᑦ, ᐊᕙᑕᖏᕐᑕᐅᓯᒪᓗᑎᒃ ᓯᓂᒃᑕᕆᐊᕐᕕᐅᓕᑦ, ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᕐᑍᓕᓕ, ᐊᑭᓂᐊᕐᕕᐅᓕᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᒪᓕᒡᓗᒋᑦ, ᐊᑕᓂᖅ ᐊᑭᕋᕐᑐᓚᐅᕐᒪᑦᔪᒃ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦ.

ᔨᕆᒤᐊᐅᑉ ᐊᒡᓚᖏᑦ 51:24

ᐊᑕᓂᖅ ᐅᖃᕐᐳᖅ, “ᑕᐅᑐᒃᑎᓪᓗᓯ ᐹᐱᓘᓂ ᐊᑭᓂᐊᓛᕐᐸᕋ ᑕᕝᕙᓂᓗ ᓄᓇᖃᕐᑐᑦ ᑲᐅᓪᑎᐊᒥᐅᑦ, ᐱᐅᖏᑦᑐᓕᓂᕆᓚᐅᕐᑕᖏᓐᓄᑦ ᓮᐅᓂᒥ.

ᔨᕆᒤᐊᐅᑉ ᐊᒡᓚᖏᑦ 51:49

ᐃᓴᕆᐊᓕᒥᐅᓂ ᑐᖁᕋᕐᑕᐅᖃᑦᑕᕐᓯᒪᔪᑦ ᐱᓪᓗᒋᑦ ᐹᐱᓘᓂᒥᐅᑦ ᑲᑕᒍᑎᒋᔪᒫᕐᐰᑦ, ᑍᒫᒃᑕᐅᖅ ᓄᓇᖃᕐᑐᑦ ᐅᓄᕐᑐᑦ ᑲᑕᖃᑦᑕᕐᓯᒪᖕᒪᑕ ᐹᐱᓘᓂᒥᐅᑦ ᑐᖁᕅᖃᑦᑕᕐᓯᒪᓂᖏᓐᓄᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:64

ᐊᑕᓃᖅ ᓱᒋᐊᓚᐅᒃᑭᑦ ᐱᓂᐊᕐᓂᖏᑦ ᒪᓕᒡᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 9:12

ᐅᑎᓕᕆᑦᓯ ᐊᕙᓗᖃᕐᑐᒧᑦ ᓴᓐᖏᔪᒥᒃ ᓴᐳᑦᔭᐅᕕᖕᒧᑦ, ᓂᕆᐅᒋᔭᒃᓴᖃᓕᕐᑐᓯ: ᐅᓪᓗᒥ ᓇᓗᓁᕐᓯᕕᒋᕙᑦᓯ ᒪᕐᕈᐃᕐᑑᑎᓪᓗᐊᒥᒃ ᐅᑎᕐᑎᓯᕕᒋᔪᒪᕙᑦᓯ.

ᑎᒧᑎᒧᑦ ᐂᑉᐸᖏᑦ 4:14

ᐊᓕᒃᓵᓐᑐᕆᐅᓪᓗ ᑲᓐᓄᔭᒃᓴᓂᒃ ᓴᓇᕙᒃᑑᑉ ᓈᒻᒪᖏᑦᑐᐊᓗᖕᒥᒃ ᐱᓂᐊᕐᕕᒋᓯᒪᕚᖓ; ᐊᑕᓂᐅᓪᓕ ᐱᓂᐊᕐᕕᒋᔪᒫᕐᐹ ᐱᓂᐊᕐᓯᒪᔭᖏᑦ ᒪᓕᒡᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:10

ᓇᓪᓕᐊᑦ ᑎᒍᔭᐅᓂᐊᕐᓂᕈᓂ, ᑎᒍᔭᐅᓗᓂ ᑭᓯᐊᓂᐅᓂᐊᕐᐳᖅ; ᓇᓪᓕᐊᓪᓗ ᓴᕕᒡᔪᐊᒧᑦ ᑐᖁᑕᐅᓂᐊᕐᓂᕈᓂ ᑐᖁᑕᐅᓗᓂ ᑭᓯᐊᓂᐅᓂᐊᕆᕗᖅ. ᑕᕝᕙᓂ ᐃᑦᔪᕐᓁᑦᑐᑦ ᕿᓄᐃᓵᖁᔭᐅᕗᑦ ᐅᒃᐱᕐᓂᖃᕐᓗᑎᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:10

ᑖᓐᓇᑦᑕᐅᖅ ᐃᒥᕐᑐᒃᓴᐅᕗᖅ ᐅᐂᓂᒥᒃ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓕᖕᒥᒃ, ᑯᕕᔭᐅᓯᒪᔪᒥᒃ ᓴᓐᖐᓕᒋᐊᕐᓯᒪᖏᑦᑐᒥᒃ ᒎᑎᐅᑉ ᓂᓐᖓᐅᓯᖓᑕ ᖃᓪᓗᑎᖓᓄᑦ, ᐋᓐᓂᐊᑎᑕᐅᔪᒫᕐᐳᖅ ᐃᑯᒪᒧᑦ ᐳᔪᕐᒧᓪᓗ ᐃᑯᐊᓪᓚᕆᒃᑐᒧᑦ ᖃᒃᑭᓐᓇᕐᑐᒧᑦ ᐂᖏᓖᑦ ᐃᑦᔪᕐᓁᑦᑐᑦ ᓄᕐᕋᐅᔭᐅᓪᓗ ᓵᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:19

ᐃᒡᓗᒐᓴᒡᔪᐊᓪᓗ ᐊᕕᒃᐳᑦ ᐱᖓᓲᓕᓪᓗᑎᒃ, ᐃᓅᖃᑎᒌᒡᔪᐊᓪᓗ ᐃᒡᓗᒐᓴᒡᔪᐊᖏᑦ ᓯᖁᑦᑎᕐᐳᑦ, ᒎᑎᐅᓪᓗ ᐃᖅᑲᐅᒪᕚ ᐹᐱᓘᓂ ᐊᖏᔪᕐᔪᐊᖅ, ᑕᕝᕙ ᐃᒤᕐᓯᑎᑉᐹ ᖃᓪᓗᑎᒥᒃ ᓂᓐᖓᖕᓂᕐᔪᐊᖓᓂᒃ ᐃᒪᓕᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:2

ᐊᖓᔪᖅᑳᕐᔪᐊᓪᓗ ᓄᓇᕐᔪᐊᕐᒦᑦᑐᑦ ᐊᕐᓇᕐᓂᐊᖃᑦᑕᓚᐅᕐᐹᑦ, ᓄᓇᕐᔪᐊᕐᒥᐅᓪᓗ ᐋᖓᔮᓕᕐᑎᓚᐅᕐᐰᑦ ᐊᓯᓐᓂᐊᕐᓂᐅᑉ ᐅᐂᓂᖓᓂᒃ ᐃᒥᕐᑎᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:4

ᐊᕐᓇᕐᓗ ᐊᓐᓄᕌᕐᓯᒪᕗᖅ ᓵᑦᑐᒥᒃ ᐊᐅᐸᓪᓚᕆᒃᑐᒥᒃ ᐊᐅᐸᕐᑐᒥᒡᓗ, ᒎᓗᓂᒡᓗ ᐅᔭᕋᖕᓂᒡᓗ ᐱᐅᔪᓂᒃ ᓴᐸᖓᕐᓂᒡᓗ ᐊᓐᓄᕌᒥ ᖄᖓᒍᑦ ᐱᐅᓴᐅᑎᖃᕐᐳᖅ, ᑎᒍᒥᐊᕐᓗᓂᓗ ᖃᓪᓗᑎᒥᒃ ᒎᓗᒥᒃ ᐃᒪᖃᕐᑐᒥᒃ ᓇᕐᕈᓇᕐᑐᓂᒃ ᐊᖑᓐᓂᐊᖃᑦᑕᕐᓂᖓᑕᓗ ᓴᓗᒤᓐᓂᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”