ᔪᐊᓇᓯᐅᑉ ᑕᑯᑎᑕᐅᓂᖏᑦ 18:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓂᐊᖁᑎᒡᓗ ᓴᓂᕐᒥᒃ ᑲᑕᒑᕕᒋᓪᓗᒋᑦ, ᕿᐊᕗᑦ ᐅᒡᒍᐊᕐᓗᑎᒡᓗ, ᐅᖃᕐᐳᑦ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᔪᕐᓴᕈᓐᓃᕐᕕᐅᓯᒪᕗᑦ ᐅᒥᐊᕐᑐᕐᑎᓄᑦ! ᐃᑲᕐᕋᒥᒃ ᐊᑕᐅᓯᕐᒥᒃ ᓄᖑᑉᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:19 Iomraidhean Croise

ᓴᒧᐃᓕ ᐂᑉᐸᖏᑦ 13:19

ᑕᒫᕆᓕ ᐃᒻᒥᓂᒃ ᐊᕐᔭᓕᓂᕐᓂᒃ ᑲᑕᒑᑎᕝᕕᒋᓚᐅᕐᐳᖅ ᓂᐊᖁᕐᒥᓄᑦ, ᐅᓕᑯᑖᓂᓗ ᐊᓕᒃᑐᕐᓗᒍ; ᐊᒡᒐᒥᓄᑦ ᑮᓇᓂ ᒪᑐᓯᒪᓚᐅᕐᐹ, ᐊᓂᓚᐅᕐᐳᕐᓗ, ᕿᐊᓪᓗᓂ ᓂᐱᖅᑯᕐᑐᓪᓗᓂ.

ᓂᕼᐃᒤᐊᐅᑉ ᐊᒡᓚᖏᑦ 9:1

ᐅᓪᓗᑦ 24ᒋᓕᕐᑕᖓᓂ ᑕᖅᑭᒥ ᑕᕝᕙᓂᑦᓮᓐᓇᖅ ᐃᓴᕆᐊᓕᒥᐅᑦ ᐃᓄᖏᑦ ᑲᑎᓚᐅᕐᐳᑦ ᓂᕆᑦᑍᓕᔭᕐᑐᕐᓗᑎᒃ, ᐊᓐᓄᕌᕐᓗᑎᒃ ᐊᕐᔭᓕᓂᕐᓂᒡᓗ ᐳᔪᕋᕐᓂᒡᓗ ᓂᐊᖁᕐᒥᓅᕐᓯᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᖕᓂᕐᒥᖕᓂᒃ.

ᔫᐱᐅᑉ ᐊᒡᓚᖏᑦ 2:12

ᓱᓕᓕ ᐅᖓᓯᒃᑐᒦᓪᓗᑎᒃ ᔫᐱᒥᒃ ᑕᑯᒐᒥᒃ, ᐃᓕᑕᕆᓐᖏᓛᑦ; ᐃᓕᑕᕆᓕᕋᒥᑦᔪᒡᓗ ᕿᐊᓕᕐᐳᑦ; ᐊᓐᓄᕌᑎᒡᓗ ᐊᓕᒃᑐᕐᐰᑦ ᐳᔪᕋᕐᒥᒡᓗ ᖁᒻᒧᐊᒃᑎᑦᓯᓪᓗᑎᒃ ᓂᐊᖁᒥᖕᓂᒃ ᑕᒪᑐᒧᖓ ᑲᑕᒑᕕᐅᑎᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 13:19

ᐹᐱᓘᓂ ᐊᖓᔪᖅᑲᐅᕕᓕᒫᓂᑦ ᑕᑯᒥᓇᕐᓂᕐᐹᖑᔪᖅ, ᐅᐱᓐᓇᕐᓗᓂᓗ ᐃᓄᖏᓐᓄᑦ ᑲᐅᓪᑎᐊᒥᐅᓄᑦ, ᐊᑦᔨᖃᕈᒫᕐᐳᖅ ᓱᑑᒪᒥᒃ ᒍᒨᕋᒥᒡᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:10

ᓮᐅᓂᐅᓪᓗ ᐊᖓᔪᖅᑳᖏᑦ ᓂᓪᓕᐊᑦᔪᑎᒃᓴᖃᕈᓐᓁᕋᒥᒃ ᒪᓂᖅᑲᒥ ᐃᒃᓯᕚᑐᐃᓐᓇᓕᕐᐳᑦ, ᐊᕐᔭᓕᓂᕐᓂᒃ ᓂᐊᖁᕐᒥᓄᐊᖅᑬᕗᑦ ᐆᒪᔪᓪᓗ ᒥᖅᑯᕕᓂᖏᓐᓂᒃ, ᓴᓇᓯᒪᔪᓂᒃ ᐊᓐᓄᕌᑲᕐᓗᑎᒃ, ᔨᕉᓴᓕᐅᑉ ᐊᕐᓇᖁᑎᖏᑦ ᒪᓂᖅᑲᒧᑦ ᐅᑯᖓᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 27:30

ᓂᐱᕐᔪᐊᒧᑦ ᐅᒡᒍᐊᕈᒫᕐᐳᑦ, ᕿᐊᕕᒡᔪᐊᕐᓗᑎᒡᓗ. ᓴᓂᕐᓂᒃ ᓂᐊᖁᕐᒥᖕᓄᐊᕐᓯᓪᓗᑎᒃ ᐊᕐᔭᓕᓂᕐᓂ ᐊᒃᓴᑳᖃᑦᑕᕈᒫᕐᐳᑦ;

ᔮᓱᐊᑉ ᐊᒡᓚᖏᑦ 7:6

ᑕᕝᕙ ᔮᓱᐊ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐊᓐᓄᕌᑎᒃ ᐊᓕᒃᐰᑦ ᕿᒃᓵᖕᓂᕐᒧᑦ, ᐹᒻᒪᒃᐳᓪᓗ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᑕ ᓵᖓᓄᑦ, ᑕᕝᕙᓃᓚᐅᕐᐳᓪᓗ ᐅᓐᓄᒃ ᑎᑭᓪᓗᒍ; ᐊᕐᔭᓕᓂᕐᓂᒡᓗ ᓂᐊᖁᕐᒥᓅᕆᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᕕᒡᔪᐊᕐᓂᕐᒥᖕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:16

ᓇᒡᔪᐃᓪᓗ ᖁᓖᑦ ᑕᑯᓯᒪᔭᑎᑦ, ᑖᒃᑯᐊ ᐆᒪᔪᐊᓗᒡᓗ ᐊᕐᓇᖅ ᐊᖑᓐᓂᐊᕐᑎ ᐊᑭᕋᕐᑐᓕᕈᒫᕐᐹᑦ; ᐱᒋᔭᓕᒫᖏᓐᓂᒡᓗ ᐱᖁᑍᒍᑎᔪᒫᕐᐹᑦ ᐊᓐᓄᕌᖃᕈᓐᓃᕐᑎᓪᓗᒍᓗ ᕿᒪᒍᒫᕐᐹᑦ, ᑎᒥᖓᓗ ᓂᕆᔪᒫᕐᐹᑦ ᐃᑯᒪᒧᓪᓗ ᓄᖑᑕᐅᑎᓪᓗᒍ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:10

ᐅᖓᓯᒋᔮᓂ ᓇᖏᕐᓗᑎᒃ ᑕᑯᓐᓇᕈᒫᕐᐹᑦ, ᐋᓐᓂᐊᑎᑕᐅᓂᖓᓄᑦ ᐱᖃᓯᐅᑦᔭᐅᔪᒪᖏᓐᓂᕐᒧᑦ, ᐅᖃᕐᓗᑎᒡᓗ, “ᑲᑉᐱᐊᓐᓇᒦᒃ! ᑲᑉᐱᐊᓐᓇᒦᒃ! ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ! ᐃᑲᕐᕋᕐᒥᒃ ᐊᑕᐅᓯᕐᒥᒃ ᐃᖅᑲᕐᑐᕐᑕᐅᖕᒪᑦ ᓄᖑᑎᑕᐅᓪᓗᓂᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:3

ᐃᓄᒐᓴᒡᔪᐊᓕᒫᑦ ᐃᒥᕐᓯᒪᖕᒪᑕ ᐅᐂᓂᖁᑎᖓᓂᒃ ᐃᒃᓯᒎᕐᓂᖓᑕ ᓴᓐᖏᓂᖓᓂᒃ, ᓄᓇᕐᔪᐊᓪᓗ ᐊᖓᔪᖅᑳᕐᔪᐊᖏᑦ ᑖᑦᓱᒥᖓ ᐊᕐᓇᕐᓂᐊᓚᐅᕐᐳᑦ, ᓄᓇᕐᔪᐊᕐᒥᐅᓪᓗ ᑮᓇᐅᔭᓕᐅᕋᓱᐊᕐᑐᖁᑎᖏᑦ ᐊᔪᕐᓴᕈᓐᓃᓚᐅᕐᐳᑦ ᐃᒃᓯᒎᕐᓂᖓᑕ ᓄᖅᑲᕈᓐᓇᖏᓐᓂᖓᓄᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:8

ᑍᒤᒻᒪᑦ ᑲᑉᐱᐊᓱᒃᑎᑕᐅᓂᖏᑦ ᐅᓪᓗᒥ ᐊᑕᐅᓯᕐᒥ ᑎᑭᑦᓱᒫᕐᐳᑦ, ᐋᓐᓂᐊᓇᕐᑐᑦ ᕿᒃᓵᖕᓇᕐᑐᑦ ᑳᖕᓇᕐᑐᓪᓗ, ᐃᑯᒪᒧᓪᓗ ᐃᑭᑕᐅᔪᒫᕐᐳᖅ; ᐊᑕᓂᖅ ᒎᑎ ᑖᑦᓱᒪ ᐃᖅᑲᕐᑐᐃᔨᖓ ᐊᔪᒐᖃᖏᑦᑐᕐᔪᐊᖑᖕᒪᑦ.”

ᓴᒧᐃᓕ ᓯᕗᓪᓖᑦ 4:12

ᐊᖑᑦ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᔪᖅ ᐅᓪᓔᓐᓇᕐᓗᓂᖅ ᐅᓇᑕᕐᕕᐅᔪᒥᑦ ᓮᓗᐊᒧᑦ ᑎᑭᑉᐳᖅ, ᐊᓐᓄᕌᖏᑦ ᐊᓕᒃᑐᕐᓯᒪᓪᓗᑎᒃ ᓂᐊᖁᖓᓗ ᐳᔪᕋᒥᑎᕐᓯᒪᓪᓗᓂ.