ᔪᐊᓇᓯᐅᑉ ᑕᑯᑎᑕᐅᓂᖏᑦ 18:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᓯᓂᒪᓂᒡᓗ, ᓂᕿᒧᓪᓗ ᐃᓚᒃᓴᓂᒃ ᐆᓇᕐᑐᓂᒃ, ᐳᔫᕐᑎᑕᒃᓴᓂᒃ ᑎᐱᑦᓯᐊᕆᒃᑐᓂᒃ, ᑎᐱᑦᓯᐊᕆᒃᓴᐅᑏᓪᓗ ᒨᕐ, ᕗᕌᖕᑭᓐᓯᓐᓯ, ᐅᐂᓃᑦ, ᐅᕐᓱᒃᓴᓂᒡᓗ, ᓂᐊᖂᔭᓴᓂᒡᓗ ᐸᓚᐅᒑᒃᓴᓂᒡᓗ, ᐃᒻᒧᒃᓯᐅᒊᑦ ᓰᐲᓪᓗ, ᕿᒻᒥᕐᔪᐊᑦ ᑲᓕᒐᖏᓪᓗ ᐊᒃᓴᓗᐊᓖᑦ, ᓯᐊᓛᓪᓗ ᓂᐅᕕᐊᖑᓯᒪᔪᑦ, ᑕᕝᕙ ᐃᓄᐃᑦ ᑕᕐᓂᖏᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:13 Iomraidhean Croise

ᐊᑕᓃᑦ ᓯᕗᓪᓖᑦ 10:10

ᓰᐸᒥᐅᑦ ᑯᐃᓐᖓᑦ ᑐᓂᓯᕗᖅ ᐊᖓᔪᖅᑳᕐᔪᐊᒧᑦ 10,000ᐸᐅᓂᑦ ᐅᖁᒤᓐᓂᕐᓴᓂᒃ ᒎᓗᓂᒃ, ᓂᕿᓄᓪᓗ ᐃᓚᐅᕈᑎᒃᓴᓂᒃ ᐊᖏᔪᐊᓗᖕᓂᒃ, ᐅᔭᕋᖕᓂᒡᓗ ᐊᑭᑐᔪᓂᒃ; ᑍᒫᒃ ᐊᖏᑎᒋᔪᓂᒃ ᓂᕿᓄᑦ ᐃᓚᐅᕈᑎᒃᓴᓂᒃ ᑐᓂᓯᔪᖃᒃᑲᓐᓂᓚᐅᕐᓯᒪᓐᖏᓚᖅ ᓰᐸᒥᐅᑦ ᑯᐃᓐᖓᑕ ᑐᓂᓚᐅᕐᑕᖏᑎᑐᑦ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ.

ᐊᑕᓃᑦ ᓯᕗᓪᓖᑦ 10:15

ᑕᒪᒃᑯᐊ ᐊᓯᖏᑎᒍᑦ ᐱᑎᑕᐅᕙᓚᐅᕆᕗᖅ ᑖᒃᓯᑎᒍᑦ ᐊᑭᓕᐅᑕᐅᔪᓂᒃ ᓂᐅᕕᐅᑎᑎᒍᑦ ᑕᐅᕐᓯᓃᓪᓗ ᕿᑐᕐᖏᐅᕐᓂᖏᑎᒍᑦ, ᐊᕅᐱᐊᒥᐅᓪᓗ ᐊᖓᔪᖅᑳᕐᔪᐊᖏᑕ ᑐᓂᔭᖏᑦ ᓄᓇᓕᖕᓄᓪᓗ ᓯᕗᓕᕐᑎᐅᔪᓂᑦ ᐃᓴᕆᐊᓕᑎᑦ ᓄᓇᖏᓐᓂᑦ.

ᐊᑕᓃᑦ ᓯᕗᓪᓖᑦ 10:25

ᑎᑭᑎᒋᔭᓕᒫᖏᑦ ᓇᒃᓴᕐᐸᓚᐅᕐᐳᑦ ᑐᓂᕐᕈᑎᒥᖕᓂᒃ ᑖᑦᓱᒧᖓ ᓯᐅᓪᕕᕆᓂᒃ ᒎᓗᓂᒃ ᐊᓐᓄᕌᓂᒃ, ᐅᓇᑕᐅᑎᓂᒃ, ᑎᐱᑎᕈᑎᓂᒡᓗ ᕿᒻᒥᕐᔪᐊᓂᒃ ᓯᐅᑎᖅᑯᕐᑐᔪᓂᒡᓗ, ᑕᒪᓐᓇᓗ ᑍᒤᖏᓐᓇᖃᑦᑕᓚᐅᕐᐳᖅ ᐊᕐᕌᒍᑕᒫᑦ.

ᑯᕉᓂᑲ ᓯᕗᓪᓖᑦ 5:21

ᐆᒪᔪᖁᑎᖏᑦ ᐊᐅᓪᓚᐅᑎᕔᑦ: 50,000 ᑳᒥᓖᑦ, 250,000 ᓰᐲᑦ, 2,000 ᓯᐅᑎᖅᑯᕐᑐᔪᑦ, 100,000ᓪᓗ ᐊᖑᑎᑦ ᑐᖁᓚᐅᓐᖏᑕᖏᑦ ᐱᖃᓯᐅᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 9:9

ᑕᕝᕙ ᐊᖓᔪᖅᑳᕐᔪᐊᖅ ᑐᓂᕚ ᓇᒃᓴᓚᐅᕐᑕᒥᓂᒃ ᑐᓂᕐᕈᑎᒃᓴᓂᒃ 10,000ᐸᐅᓂᒃ ᐅᖁᒤᓐᓂᓕᖕᓂᒃ ᒎᓗᓂᒃ, ᓂᕿᓄᓪᓗ ᐃᓚᐅᕈᑎᒃᓴᓂᒃ ᒪᒪᕐᑐᓂᒃ ᐊᒥᒐᖏᑦᑐᓂᒃ, ᐅᔭᕋᖕᓂᒡᓗ ᐱᕕᐊᕐᓇᕐᑐᓂᒃ; ᓂᕿᓄᑦ ᐃᓚᐅᕈᑎᒃᓴᓂᒃ ᐊᒥᒐᖏᑦᑐᕐᔪᐊᓂᒃ ᑯᐃᓐ ᓰᐸᒥᐅᖅ ᑐᓂᓯᓚᐅᕐᐳᖅ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 5:8

ᐅᖃᐅᑎᓕᓚᐅᕐᐸᒃᑲᓗ, “ᐱᔪᓐᓇᕐᓂᓕᒫᑦᑎᓐᓄᑦ, ᔫᑎᐅᖃᑎᕗᑦ ᐅᑎᕐᑎᓐᓇᓱᓚᐅᕐᐸᕗᑦ ᓂᐅᕕᐊᕆᓪᓗᒋᑦ ᐃᓅᖃᑎᒌᒡᔪᐊᓂᑦ, ᐃᒻᒥᖕᓂᒃ ᓂᐅᕐᕈᑎᒋᕙᓕᕐᓂᕐᒪᑕ ᔫᑎᐅᖏᑦᑐᓄᑦ, ᒫᓐᓇᓗ ᖃᑕᓐᖑᑎᓯ ᓇᖕᒥᓂᖅ ᓂᐅᕐᕈᑎᒋᓕᕆᕗᑦ ᐃᓕᑦᓯᓐᓄᑦ, ᔫᑎᐅᖃᑎᓯ!” ᓯᕗᓕᕐᑏᑦ ᓂᓪᓕᕐᑐᖃᓚᐅᓐᖏᓚᑦ ᐅᖃᐅᓯᒃᓴᖃᕋᑎᒡᓗ.

ᒨᓯᓯ ᐂᑉᐸᖏᑦ 21:16

“ᓇᓪᓕᐊᑦ ᐃᓅᖃᑎᒥᓂᒃ ᐃᓱᒪᓯᐅᕆᖏᓪᓗᓂ ᑎᒍᓯᑐᐃᓐᓇᕐᐸᑦ, ᓂᐅᕐᕈᑎᖃᕋᓱᐊᕐᓂᕐᒧᑦ ᐅᕝᕙᓗ ᓯᐊᓛᕐᑖᕆᔪᒪᓗᓂᐅᒃ, ᑖᓐᓇ ᑐᖁᑕᐅᔪᒃᓴᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:17

ᒪᒪᕐᓴᐅᑖᖅᑲᐅᕙᕋᓗ ᐱᖓᓱᐃᓄᑦ ᒫᕐᒧᑦ, ᐋᓘᒧᑦ ᓯᓂᒪᓐᒧᓪᓗ.

ᓲᓗᒨᓂᐅᑉ ᐃᓐᖏᕈᓯᖏᑦ 1:3

ᐅᕐᓱᕐᑎᕈᑏᑦ ᑎᐱᑦᓯᐊᕆᒃᑑᖕᒪᑦ, ᐊᑏᓪᓗ ᑍᓪᓗᒍ ᑎᐱᑦᓯᐊᕆᒃᑐᑐᑦ ᑯᕕᔭᐅᔪᑐᑦ ᑍᒤᑉᐳᖅ, ᑍᒤᒻᒪᑦ ᐅᐃᒡᒐᓱᐃᑦ ᐅᖓᕚᑎᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 3:6

ᑭᓇᐅᓇ ᐃᓄᖃᖏᑦᑐᒥᑦ ᑎᑭᑉᐸ? ᐳᔫᕐᑐᑎᑐᑦ ᖁᒻᒧᐊᒃᑐᑎᑐᑦ ᓲᕐᓗ, ᑎᐱᑦᓯᐊᕆᒃᓴᕐᓯᒪᓪᓗᓂ ᒧᕆᒥᒃ, ᕗᕌᑭᓐᓯᓐᓯᒥᒃᓗ, ᓂᐅᕕᕐᑎᑦᓯᔨᐅᕙᒃᑐᑦ ᑎᐱᑦᓯᐊᕆᒃᓴᐅᑎᖁᑎᓕᒫᖏᓐᓄᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 5:5

ᒪᑭᑉᐳᖓ ᓇᒡᓕᒋᔨᒐ ᐅᒃᑯᐃᕈᑎᔭᕐᑐᕐᓗᒍ, ᐊᒡᒐᒃᑲ ᑯᑐᓕᕐᐳᑦ ᒨᕆᒥᒃ, ᒨᕆᒧᓪᓗ ᐊᒡᒐᒃᑲ ᖃᐅᓯᕐᑎᑦᓯᕗᑦ ᓴᓐᓂᕈᐊᑉ ᑎᒍᓕᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 27:13

ᑕᐅᕐᓰᔭᕐᑐᖃᑦᑕᕐᐳᓯᓗ ᔭᕚᓇᒧᑦ, ᑐᐸᐅᓪᒧᑦ, ᒥᓯᑭᒧᓪᓗ; ᐃᓄᖁᑎᑖᕋᓱᐊᕐᓗᓯ ᓯᐊᓛᒃᓴᓂᒃ, ᑲᓐᓄᔭᓂᒡᓗ ᐃᒥᖃᐅᑎᓂᒃ ᓂᐅᕐᕈᑎᒃᓴᑦᓯᓐᓂᒃ.

ᐂᒨᓯᐅᑉ ᐊᒡᓚᖏᑦ 2:6

ᐊᑕᓂᖅ ᐃᒫᒃ ᐅᖃᕐᐳᖅ, “ᐃᓴᕆᐊᓕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᐃᓱᐊᕐᑐᓂᒃ ᓂᐅᕐᕈᑎᖃᓚᐅᕐᒪᑕ ᓯᐅᓪᕕᕆᒧᑦ, ᐊᔪᕐᓴᕐᑐᓂᒡᓗ ᓂᐅᕐᕈᑎᖃᓚᐅᕐᐳᑦ ᐃᑎᒐᒍᑎᓄᑦ.

ᐂᒨᓯᐅᑉ ᐊᒡᓚᖏᑦ 6:6

ᕔᓂᒥᒃ ᐃᒥᕐᑐᐊᓘᕙᒃᑐᓯ ᖃᑦᑕᕐᓄᑦ, ᐅᕐᓱᕐᑎᕐᐸᒃᑐᓯᓗ ᐅᕐᓱᕐᑎᕈᑎᑦᓯᐊᕙᐅᓂᕐᐹᓄᑦ ᑎᐱᑦᓯᐊᕆᒃᑐᓄᑦ, ᕿᒃᓵᒍᑎᖃᖏᑦᑐᓯᓗ ᐃᓴᕆᐊᓕᐅᑉ ᐊᓯᕈᕐᑕᐅᓂᖓᓂᒃ.

ᐂᒨᓯᐅᑉ ᐊᒡᓚᖏᑦ 8:6

ᐊᒃᓗᔪᑦ ᓂᐅᕕᕐᓂᐊᕋᑦᑎᒍᑦ ᓯᐅᓪᕕᕆᒧᑦ, ᐊᔪᕐᓴᕐᑐᓪᓗ ᐃᓯᒐᒍᑏᖕᓄᑦ ᓂᐅᕕᐊᕆᓗᒋᑦ, ᓂᐊᖂᔭᒃᓴᓂᒡᓗ ᐱᐅᖏᑦᑐᓂᒃ ᓂᐅᕐᕈᑎᖃᕐᓂᐊᕋᑦᑕ.”

ᒨᓯᓯ ᑕᓪᓕᒪᖏᑦ 24:7

“ᓇᓪᓕᐊᑦ ᐃᓴᕆᐊᓕᒥᐅᖑᖃᑎᒥᓂᒃ ᐃᔨᕋᕐᑐᕐᓗᓂ ᑎᒍᓯᒃᐸᑦ ᑖᓐᓇᓗ ᓯᐊᓛᕐᑖᕆᓗᓂᐅᒃ ᐅᕝᕙᓗ ᓯᐊᓛᕐᑕᕆᔭᐅᖁᓪᓗᒍ ᓂᐅᕐᕈᑎᒋᒃᐸᒍ ᑖᓐᓇ ᑍᒤᓕᐅᕐᑐᖅ ᑐᖁᑕᐅᔪᒃᓴᐅᕗᖅ; ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐊᔪᕐᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 28:68

ᐊᑕᓂᐅᑉ ᐄᑦᔨᑉᑎᒧᑦ ᐅᑎᕐᑎᑦᓱᒫᕐᐹᓯ ᐅᒥᐊᕐᔪᐊᑎᒍᑦ, ᑕᕝᕗᖓ ᓄᓇᒧᑦ ᐅᑎᓚᐅᕐᓯᒫᑦᔮᖏᓐᓂᕋᕐᓗᓯ ᐅᖃᕐᓯᒪᒐᓗᐊᕐᑎᓪᓗᒍ. ᑕᕝᕙᓂᓗ ᐊᑭᕋᑦᓯᓐᓄᑦ ᐃᓕᑦᓯᓐᓂᒃ ᓂᐅᕐᕈᑎᒋᓇᓱᐊᕈᒫᕐᐳᓯ ᓯᐊᓛᕐᑕᕆᔭᐅᔪᒪᓗᓯ, ᓇᓪᓕᐊᓐᓄᓪᓘᓐᓃᓪᓕ ᓂᐅᕕᕐᑕᐅᔪᒪᓛᓐᖏᓚᓯ.”

ᑎᒧᑎᒧᑦ ᓯᕗᓪᓖᑦ 1:10

ᓄᓕᐊᕐᓂᒃᑯᑦ ᐊᔪᕐᑐᓕᔪᑦ, ᐊᑦᔨᒥᖕᓅᕐᑐᑦ, ᑎᒡᓕᒃᐸᒃᑐᑦ, ᓴᒡᓗᕙᒃᑐᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᒃᑐᑦ, ᖃᓄᑐᐃᓐᓇᕐᓗ ᓱᓕᔪᒥᒃ ᐊᔪᕆᕐᑑᓯᕐᒥᒃ ᐊᑭᕋᕐᑐᕐᐸᒃᑐᑦ.

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:14

ᑮᓇᐅᔭᓕᐅᕋᓱᐊᕐᑏᑦ ᐅᖃᕈᒫᕐᐳᑦ, “ᓂᐅᕕᐊᒃᓮᑦ ᐱᒋᔪᒪᔭᓕᒫᑎᑦ ᓄᖑᑉᐳᑦ, ᐊᔪᕐᓴᖏᓐᓂᕐᔪᐊᑦ ᑕᑯᒥᓇᕐᓃᓪᓗ ᑕᒪᕐᒥᒃ ᓄᖑᑉᐳᑦ, ᐅᑎᕐᓂᐊᕈᓐᓃᕐᓗᑎᒡᓗ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:15

ᑮᓇᐅᔭᓕᐅᕋᓱᐊᕐᑏᑦ, ᐊᔪᕐᓴᕈᓐᓃᕐᓯᒪᔪᖅ ᓂᐅᕐᕈᑎᖃᖃᑦᑕᕐᓂᕐᒧᑦ ᐃᒡᓗᒐᓴᒡᔪᐊᓂ ᑖᒃᑯᓇᓂ, ᐅᖓᓯᒋᔮᓂ ᓇᖏᕈᒫᕐᐳᑦ, ᐊᓯᕈᕐᑕᐅᓂᖓᓄᑦ ᐱᖃᓯᐅᑎᔭᐅᔪᒪᖏᓪᓗᑎᒃ, ᕿᐊᓗᑎᒃ ᐅᒡᒍᐊᕐᓗᑎᒡᓗ ᓂᓪᓕᐊᔪᒫᕐᐳᑦ,