ᔪᐊᓇᓯᐅᑉ ᑕᑯᑎᑕᐅᓂᖏᑦ 18:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓂᐅᕕᐊᒃᓴᖁᑎᖃᕐᒪᑕ ᒎᓗᓂᒃ, ᓯᐅᓪᕕᕆᓂᒃ, ᐅᔭᕋᖕᓂᒡᓗ ᐱᐅᓴᐅᑎᓂᒃ, ᓴᐸᖓᕐᓂᒡᓗ, ᖃᓪᓗᓈᕐᑕᑦᓯᐊᓂᒃ ᓵᑦᑐᓂᒃ, ᐊᐅᐸᓪᓚᕆᒃᑐᓂᒃ, ᐱᐊᒃᑐᓂᒡᓗ, ᐊᑭᑐᔪᒃᓴᔭᓂᒡᓗ ᐊᐅᐸᕐᑐᓂᒃ, ᕿᔪᖕᓂᒡᓗ ᐊᑦᔨᒌᖏᑦᑐᓂᒃ ᕿᔪᓯᐊᕙᖕᓂᒃ, ᑑᒑᕐᓂᒡᓗ ᓴᓇᓯᒪᔪᓂᒃ ᐊᒥᓱᓂᒃ, ᕿᔪᖕᓂᒡᓗ ᐊᑭᑐᔪᒃᓴᔭᓂᒃ ᓴᓇᓯᒪᔪᓂᒃ, ᑲᓐᓄᔭᓂᒃ, ᓴᕕᕋᔭᖕᓂᒃ, ᐅᔭᕋᖕᓂᒡᓗ ᒫᕐᐳᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:12 Iomraidhean Croise

ᑯᕉᓂᑲ ᐂᑉᐸᖏᑦ 2:8

ᓇᒃᓯᐅᑦᔨᓗᑎᓪᓗ ᓰᑕᕆᓂᒃ, ᓮᐳᕋᔅᓂᒡᓗ, ᓇᐹᕐᑐᕕᓂᕐᓂᒡᓗ ᐰᓂᓂᒃ ᓕᐸᓇᓂᒥᐅᑕᕐᓂᒃ, ᖃᐅᔨᒪᒐᒪ ᓴᓇᔨᑎᑦ ᓇᑲᑎᕆᔪᓐᓇᕐᒪᑕ ᓇᐹᕐᑐᓂᒃ ᓕᐸᓇᓂᒥ. ᓴᓇᔨᖁᑎᒃᑲᓗ ᑎᓕᔪᒫᕐᐸᒃᑲ ᓴᓇᔨᖁᑎᖕᓂᒃ ᐃᑲᔪᖁᓗᒋᑦ.

ᓇᕼᐅᒥᐅᑉ ᐊᒡᓚᖏᑦ 2:9

ᓯᐅᓪᕕᕆᓂᒃ ᓇᒡᕚᕐᑕᓕᕆᑦᓯ, ᒎᓗᓂᒃ ᓇᒡᕚᕐᑕᓕᕆᑦᓯ! ᐱᓐᓇᕐᓇᕐᑐᑦ ᓇᓂᑐᐃᓐᓈᕐᐳᑦ, ᐊᔪᕐᓴᖏᑦᔪᑎᒃᓴᑦ ᐱᐅᔫᑎᐊᓗᐃᑦ ᓇᓂᑐᐃᓐᓈᓕᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:3

ᑕᕝᕙ ᐂᖏᓕᐅᑉ ᐊᓂᕐᓂᒃᑯᑦ ᐂᑎᑉᐹᖓ ᐃᓄᖃᖏᑦᑐᒧᑦ, ᑕᕝᕙᓂᓗ ᑕᑯᕗᖓ ᐊᕐᓇᒥᒃ ᐆᒪᔪᐊᓗᖕᒥ ᐊᐅᐸᕐᑐᒥ ᐃᑭᒪᔪᒥᒃ ᑖᓐᓇᓗ ᐆᒪᔪᐊᓗᒃ ᑎᑎᕋᕐᕕᒋᓯᒪᕗᖅ ᑎᒥᓕᒫᒥᒍᑦ ᒎᑎᒥᒃ ᐅᖃᕐᓂᕐᓘᑎᖃᕐᑐᓂᒃ, ᓂᐊᖁᖃᕐᐳᕐᓗ 7ᓂᒃ ᓇᒡᔪᖃᕐᓗᓂᓗ ᖁᓕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:4

ᐊᕐᓇᕐᓗ ᐊᓐᓄᕌᕐᓯᒪᕗᖅ ᓵᑦᑐᒥᒃ ᐊᐅᐸᓪᓚᕆᒃᑐᒥᒃ ᐊᐅᐸᕐᑐᒥᒡᓗ, ᒎᓗᓂᒡᓗ ᐅᔭᕋᖕᓂᒡᓗ ᐱᐅᔪᓂᒃ ᓴᐸᖓᕐᓂᒡᓗ ᐊᓐᓄᕌᒥ ᖄᖓᒍᑦ ᐱᐅᓴᐅᑎᖃᕐᐳᖅ, ᑎᒍᒥᐊᕐᓗᓂᓗ ᖃᓪᓗᑎᒥᒃ ᒎᓗᒥᒃ ᐃᒪᖃᕐᑐᒥᒃ ᓇᕐᕈᓇᕐᑐᓂᒃ ᐊᖑᓐᓂᐊᖃᑦᑕᕐᓂᖓᑕᓗ ᓴᓗᒤᓐᓂᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:15

ᑮᓇᐅᔭᓕᐅᕋᓱᐊᕐᑏᑦ, ᐊᔪᕐᓴᕈᓐᓃᕐᓯᒪᔪᖅ ᓂᐅᕐᕈᑎᖃᖃᑦᑕᕐᓂᕐᒧᑦ ᐃᒡᓗᒐᓴᒡᔪᐊᓂ ᑖᒃᑯᓇᓂ, ᐅᖓᓯᒋᔮᓂ ᓇᖏᕈᒫᕐᐳᑦ, ᐊᓯᕈᕐᑕᐅᓂᖓᓄᑦ ᐱᖃᓯᐅᑎᔭᐅᔪᒪᖏᓪᓗᑎᒃ, ᕿᐊᓗᑎᒃ ᐅᒡᒍᐊᕐᓗᑎᒡᓗ ᓂᓪᓕᐊᔪᒫᕐᐳᑦ,