ᔪᐊᓇᓯᐅᑉ ᑕᑯᑎᑕᐅᓂᖏᑦ 18:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᖓᓯᒋᔮᓂ ᓇᖏᕐᓗᑎᒃ ᑕᑯᓐᓇᕈᒫᕐᐹᑦ, ᐋᓐᓂᐊᑎᑕᐅᓂᖓᓄᑦ ᐱᖃᓯᐅᑦᔭᐅᔪᒪᖏᓐᓂᕐᒧᑦ, ᐅᖃᕐᓗᑎᒡᓗ, “ᑲᑉᐱᐊᓐᓇᒦᒃ! ᑲᑉᐱᐊᓐᓇᒦᒃ! ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ! ᐃᑲᕐᕋᕐᒥᒃ ᐊᑕᐅᓯᕐᒥᒃ ᐃᖅᑲᕐᑐᕐᑕᐅᖕᒪᑦ ᓄᖑᑎᑕᐅᓪᓗᓂᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:10 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 21:9

ᐊᓱᐃᓛᒃ, ᑕᑯᓕᓚᐅᕐᐸᒃᑲ ᓴᖅᑭᑦᑐᑦ ᕿᒻᒥᕐᔪᐊᒃᑰᕐᑐᑦ ᒪᕐᕉᓈᕐᑎᕐᑐᑦ ᓴᓂᓕᕇᒃᓗᑎᒃ!” ᐊᑕᓂᖅ ᑭᐅᓕᕐᐳᖅ, “ᐹᐱᓘᓂ ᓵᓚᐅᕗᖅ; ᒎᑎᓐᖑᐊᓕᒫᖏᓪᓗ ᐅᕐᕉᕋᕐᑎᑕᐅᓪᓗᑎᒃ ᒪᓂᖅᑲᒧᑦ ᓯᖁᑦᑎᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 47:9

ᐅᑯᓄᖓ ᒪᕐᕉᖕᓄᑦ ᑎᑭᑕᐅᔪᒫᕐᐳᑎᑦ ᐅᓪᓗᑦᓮᓐᓇᖅ; ᕿᑐᕐᖓᑎᑦ ᓄᖑᑦᓱᒫᕐᐳᑦ, ᐅᐃᒡᒐᕐᓗᑎᓪᓗ, ᑕᒪᒃᑯᐊ ᐃᓕᖕᓄᑦ ᑎᑭᐅᑎᔪᒫᕐᐳᑦ ᐊᒃᓱᕈᕐᓇᓪᓚᕆᒡᓗᑎᒃ, ᐊᖓᒃᑯᖁᑎᑎᑦ ᐅᓄᕐᑑᒐᓗᐊᕐᑎᓪᓗᒋᑦ, ᐊᖓᒃᑰᓵᕐᓂᖏᑦ ᐱᔪᓐᓇᕐᓂᓕᐊᓘᒐᓗᐊᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 30:7

ᐅᓪᓗᖅ ᑍᓐᓇ ᑲᑉᐱᐊᓇᕐᑐᖃᕐᑐᖅ ᐊᑦᔨᖃᕈᒫᓐᖏᓚᖅ ᔧᑯᒃᑯᑦ ᐊᒃᓱᕈᕐᓇᕐᑐᒦᑦᓱᒫᕐᐳᑦ, ᑭᓯᐊᓂᓕ ᑕᕝᕙᓐᖓᑦ ᐱᐅᓕᔭᐅᔪᒫᕐᐳᑦ.”

ᐃᓯᑭᐊᓕᐅᑉ ᐊᒡᓚᖏᑦ 32:9

“ᐃᓅᖃᑎᒌᒡᔪᐊᑦ ᐅᓄᕐᑐᑦ ᐃᓱᒫᓗᓕᕐᑎᑦᓱᒫᕐᐸᒃᑲ, ᐃᓅᖃᑎᒌᒡᔪᐊᓂᑦ ᐊᐅᓪᓚᐅᑎᓕᕈᒃᑭᑦ, ᓄᓇᓕᒡᔪᐊᓄᑦ ᖃᐅᔨᒪᓚᐅᕐᓯᒪᓐᖏᑕᕐᓄᑦ.

ᔪᐃᓕᐅᑉ ᐊᒡᓚᖏᑦ 1:15

ᐊᑕᓂᐅᑉ ᐅᓪᓗᖓ ᖃᒡᓕᕗᖅ; ᑎᑭᓐᓂᐊᕐᐳᖅ ᐊᓯᕈᐃᔭᕐᑐᕐᑐᑐᑦ ᐊᔪᒐᖃᖏᑦᑐᕐᔪᐊᕐᒥᓐᖔᕐᓗᓂ.

ᐂᒨᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᑕᓂᖅ, ᕿᓚᖕᒥᐅᒐᓴᒡᔪᐊᑦ ᐊᑕᓂᖓ ᒎᑎ ᐅᖃᕐᐳᖅ: “ᕿᐊᓂᕐᔪᐊᖃᕈᒫᕐᐳᖅ ᓄᓇᓖᑦ ᑲᑎᑕᕐᕕᖏᓐᓂ, ᓂᓪᓕᐊᔪᒫᕐᐳᓪᓗ ᐊᖅᑯᑎᓕᒫᓂ, ᐱᕈᕐᓰᕕᓕᕆᔩᓪᓗ ᕿᒃᓵᖁᔭᐅᓂᐊᕐᐳᑦ ᐃᓚᓐᖓᕐᑐᑎᑐᑦ ᕿᐊᖃᑎᖃᕐᓗᑎᒃ ᐊᑭᓕᕐᑕᐅᓗᑎᒃ ᕿᒃᓵᒃᑎᓂᒃ.

ᒨᓯᓯ ᓯᑕᒪᖏᑦ 16:34

ᐃᓴᕆᐊᓕᐅᓪᓕ ᖃᓂᒋᔭᖓᓃᑦᑐᓕᒫᑦ ᕿᒫᕗᑦ ᓂᓪᓕᐊᓂᖏᓐᓂᒃ ᑐᓵᓕᕋᒥᒃ, ᐅᖃᕐᓗᑎᒡᓗ, “ᐅᕙᒍᑦᑕᐅᖅ ᓄᓇᒧᑦ ᐄᔭᐅᑦᑍᓕᑕ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:8

ᑎᒥᖏᒡᓗ ᐃᒡᓗᒐᓮᑦ ᐊᖏᔪᕐᔪᐊᑦ ᐊᖅᑯᑎᖏᓐᓂ ᑍᒤᓕᖓᑐᐃᓐᓇᕈᒫᕐᐴᒃ ᐊᑕᓂᖓᒃᑕ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᑕᐅᕕᒋᓚᐅᕐᑕᖓᓂ, ᐃᒡᓗᒐᓴᒡᔪᐊᒡᓗ ᒪᕐᕉᒃ ᓇᓗᓁᒃᑯᑕᖃᕐᑎᑕᐅᕘᒃ ᓱᑑᒪᒥᒃ ᐄᑦᔨᑉᑎᒥᒡᓗ ᑍᔭᐅᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:8

ᑕᕝᕙ ᐂᖏᓕᐅᑉ ᐂᑉᐸᖓ ᑭᖑᓂᖓᒍᑦ ᓴᖅᑭᒃᑭᕗᖅ, ᐅᖃᕐᓗᓂᓗ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ, ᐃᓅᖃᑎᒌᒡᔪᐊᓕᒫᓂᒃ ᐃᒥᕐᑎᑦᓯᓯᒪᔪᖅ ᐅᐂᓂᒥᒃ ᓴᓐᖏᔪᒥᒃ ᐃᒃᓯᒎᕐᑎᑦᓯᔪᒥᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:19

ᐃᒡᓗᒐᓴᒡᔪᐊᓪᓗ ᐊᕕᒃᐳᑦ ᐱᖓᓲᓕᓪᓗᑎᒃ, ᐃᓅᖃᑎᒌᒡᔪᐊᓪᓗ ᐃᒡᓗᒐᓴᒡᔪᐊᖏᑦ ᓯᖁᑦᑎᕐᐳᑦ, ᒎᑎᐅᓪᓗ ᐃᖅᑲᐅᒪᕚ ᐹᐱᓘᓂ ᐊᖏᔪᕐᔪᐊᖅ, ᑕᕝᕙ ᐃᒤᕐᓯᑎᑉᐹ ᖃᓪᓗᑎᒥᒃ ᓂᓐᖓᖕᓂᕐᔪᐊᖓᓂᒃ ᐃᒪᓕᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:12

“ᓇᒡᔪᐃᓪᓗ ᖁᓖᑦ ᑕᑯᔭᑎᑦ ᐊᖓᔪᖅᑳᕐᔪᐊᖑᕗᑦ ᖁᓕᑦ ᓱᓕ ᐊᖓᔪᖅᑳᕐᔪᐊᓐᖑᓚᐅᖏᑦᑐᑦ, ᑭᓯᐊᓂᓕ ᐱᔪᓐᓇᕐᓯᑎᑕᐅᔪᒫᕐᐳᑦ ᐊᖓᔪᖅᑳᕐᔪᐊᖑᖁᓪᓗᒋᑦ ᐃᑲᕐᕋᕐᒥᒃ ᐊᑕᐅᓯᕐᒥᒃ, ᐊᐅᓚᑦᓯᖃᑎᖃᕐᓗᑎᒃ ᐆᒪᔪᐊᓗᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:18

ᐅᖃᕐᓗᑎᒃ, ᐃᑯᐊᓚᓂᖓᑕ ᐳᔪᖓᓂᒃ ᑕᑯᓐᓇᓕᕋᒥᒃ, “ᑖᒃᑯᑎᑐᓇᖅ ᐊᔪᖏᑦᑐᕐᔪᐊᖑᑎᒋᔪᓂᒃ ᐃᒡᓗᒐᓴᒡᔪᐊᕐᑕᖃᓚᐅᕐᓯᒪᓐᖏᓚᖅ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:19

ᓂᐊᖁᑎᒡᓗ ᓴᓂᕐᒥᒃ ᑲᑕᒑᕕᒋᓪᓗᒋᑦ, ᕿᐊᕗᑦ ᐅᒡᒍᐊᕐᓗᑎᒡᓗ, ᐅᖃᕐᐳᑦ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᔪᕐᓴᕈᓐᓃᕐᕕᐅᓯᒪᕗᑦ ᐅᒥᐊᕐᑐᕐᑎᓄᑦ! ᐃᑲᕐᕋᒥᒃ ᐊᑕᐅᓯᕐᒥᒃ ᓄᖑᑉᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:21

ᐂᖏᓕᓗ ᓲᖑᔪᕐᔪᐊᖅ ᐅᔭᕋᒃᔪᐊᕐᒥᒃ ᑭᕕᒃᓯᓪᓗᓂ ᓯᖃᓪᓕᓯᕕᐅᑉ ᐅᔭᕌᓗᒃᑕᖓᑐᑦ ᐊᖏᑎᒋᔪᒥᒃ ᑖᓐᓇ ᐃᒪᕐᔪᐊᕐᒧᑦ ᐃᒋᑉᐹ, ᐅᖃᕐᓗᓂᓗ, “ᑍᒫᒃ ᑕᕝᕙ ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ ᓂᑲᒋᔭᐅᖏᓪᓗᑎᒃ ᐃᒋᑕᐅᔪᒫᕐᐳᑦ ᑕᑯᔭᐅᒃᑲᓐᓂᕐᓂᐊᕈᓐᓃᕐᓗᑎᒡᓗ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:8

ᑍᒤᒻᒪᑦ ᑲᑉᐱᐊᓱᒃᑎᑕᐅᓂᖏᑦ ᐅᓪᓗᒥ ᐊᑕᐅᓯᕐᒥ ᑎᑭᑦᓱᒫᕐᐳᑦ, ᐋᓐᓂᐊᓇᕐᑐᑦ ᕿᒃᓵᖕᓇᕐᑐᑦ ᑳᖕᓇᕐᑐᓪᓗ, ᐃᑯᒪᒧᓪᓗ ᐃᑭᑕᐅᔪᒫᕐᐳᖅ; ᐊᑕᓂᖅ ᒎᑎ ᑖᑦᓱᒪ ᐃᖅᑲᕐᑐᐃᔨᖓ ᐊᔪᒐᖃᖏᑦᑐᕐᔪᐊᖑᖕᒪᑦ.”