ᔪᐊᓇᓯᐅᑉ ᑕᑯᑎᑕᐅᓂᖏᑦ 17:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᕐᓇᕐᓗ ᐊᓐᓄᕌᕐᓯᒪᕗᖅ ᓵᑦᑐᒥᒃ ᐊᐅᐸᓪᓚᕆᒃᑐᒥᒃ ᐊᐅᐸᕐᑐᒥᒡᓗ, ᒎᓗᓂᒡᓗ ᐅᔭᕋᖕᓂᒡᓗ ᐱᐅᔪᓂᒃ ᓴᐸᖓᕐᓂᒡᓗ ᐊᓐᓄᕌᒥ ᖄᖓᒍᑦ ᐱᐅᓴᐅᑎᖃᕐᐳᖅ, ᑎᒍᒥᐊᕐᓗᓂᓗ ᖃᓪᓗᑎᒥᒃ ᒎᓗᒥᒃ ᐃᒪᖃᕐᑐᒥᒃ ᓇᕐᕈᓇᕐᑐᓂᒃ ᐊᖑᓐᓂᐊᖃᑦᑕᕐᓂᖓᑕᓗ ᓴᓗᒤᓐᓂᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:4 Iomraidhean Croise

ᐊᑕᓃᑦ ᓯᕗᓪᓖᑦ 14:24

ᐊᖑᑎᓂᒡᓗ ᐊᕐᓇᓂᒡᓗ ᐊᑐᕐᑐᐊᒐᖁᑎᖃᐅᓚᐅᕐᐳᖅ ᑐᒃᓯᐊᕐᕕᖕᒥᖕᓂ. ᔫᑕᐅᑉ ᐃᓄᖏᑦ ᐱᐅᖏᑦᑐᓂᒃ ᐱᓇᓱᐊᓚᐅᕐᐳᑦ ᐊᑕᓂᐅᑉ ᓯᖏᑕᐅᑎᓚᐅᕐᑕᖏᑎᑐᑦ ᐃᓅᖃᑎᒌᒡᔪᐊᑎᑐᑦ ᓇᕐᕈᓇᕐᑐᒥᒃ ᐱᓇᓱᐊᖃᑦᑕᕐᓂᖏᓐᓄᑦ ᐃᓴᕆᐊᓕᒥᐅᑦ ᓄᓇᑖᕐᐸᓪᓕᐊᓕᕐᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 21:2

ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᐳᖅ, ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᐅᓪᓚᕐᑎᓚᐅᕐᑕᖏᑕ ᐃᓕᖅᑯᓯᕆᓚᐅᕐᑕᖏᓐᓂᒃ ᓇᕐᕈᓇᕐᑐᓂᒃ ᐱᓂᐊᓚᐅᕐᒪᑕ ᐃᓴᕆᐊᓕᒥᐅᓂᑦ ᓄᓁᑕᐅᓚᕐᑐᓂᒃ.

ᐄᓱᕋᐅᑉ ᐊᒡᓚᖏᑦ 9:11

ᑐᓂᓚᐅᕐᑕᑎᑦ ᐅᕙᑦᑎᓐᓄᑦ ᐱᔨᒃᑯᑦ, ᐅᖃᕐᑎᒃᑯᓪᓗ, ᐅᖃᐅᑦᔭᐅᓚᐅᕐᐳᒍᑦ ᓄᓇᑖᕆᓂᐊᕐᑕᕗᑦ ᐃᑦᔪᕐᓇᕐᑑᖕᒪᑦ ᑕᒫᓂ ᓄᓇᓖᑦ ᐃᓄᐃᑦ ᐃᓱᐊᓂᑦ ᐃᓱᐊᓄᑦ ᐃᓅᓯᖃᕐᒪᑕ ᐱᐅᖏᑦᑐᓂᒃ ᐃᑦᔪᕐᓇᕐᑐᓂᒡᓗ.

ᐂᓮᐊᓯᐅᑉ ᐊᒡᓚᖏᑦ 66:3

“ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᖁᑦᓯᔪᖅ ᐊᑦᔨᖃᕐᐳᖅ ᐃᓄᖕᒥᒃ ᑐᖁᑦᓯᔪᒥᒃ; ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᑐᖅ ᕿᒻᒥᐅᑉ ᖁᖓᓯᖓᓂᒃ ᓇᑲᑦᓯᔪᑎᑐᑦ ᑍᒤᑉᐳᖅ; ᓂᐊᖂᔭᒃᓮᑦ ᐱᕈᕐᑐᖏᓐᓂᒃ ᑐᓂᕐᕈᓯᕐᑐᖅ ᑰᒃᑰᓯᐅᑉ ᐊᐅᖓᓂᒃ ᑐᓂᕐᕈᓯᕐᑐᑎᑐᑦ ᑍᒤᑉᐳᖅ; ᐳᔫᕐᑎᑕᒐᕐᓂᒡᓗ ᑐᓂᕐᕈᓯᕐᑐᖅ ᒎᑎᓐᖑᐊᒥᒃ ᑐᒃᓯᐊᕐᕕᖃᕐᑐᑎᑐᑦ ᑍᒤᒃᑭᓪᓗᓂ, ᑖᒃᑯᐊ ᓇᖕᒥᓂᖅ ᐊᑐᕈᒪᔭᒥᖕᓂᒃ ᐊᑐᑐᐃᓐᓇᕐᒪᑕ, ᑕᕐᓂᖏᓪᓗ ᖁᕕᐊᒋᔭᖃᕐᓗᑎᒃ ᓇᕐᕈᓇᐅᑎᒃᓴᓂᒃ.

ᔨᕆᒤᐊᐅᑉ ᐊᒡᓚᖏᑦ 51:7

ᐹᐱᓘᓂᒥᐅᑦ ᑏᑐᑎᑎᑐᑦ ᒎᓗᑎᑐᑦ ᑍᒤᓚᐅᕐᐳᑦ ᐊᑕᓂᐅᑉ ᐊᒡᒐᖏᓐᓂ ᓄᓇᕐᔪᐊᕐᒥᐅᓂᒡᓗ ᐋᖓᔮᓕᕐᑎᑦᓯᓚᐅᕐᐳᑦ, ᐃᓅᖃᑎᒌᒡᔪᐊᑦ ᐃᒥᕐᑎᓚᐅᕐᒪᑦᔪᒃ ᕔᓂᖁᑎᒥᖕᓂᑦ ᑐᑭᖃᕈᓐᓃᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:9

ᓴᓗᒪᖏᓐᓂᖏᑦ ᐃᔨᕐᓯᒪᔭᒃᓴᐅᓐᖏᓚᑦ, ᓯᕗᓂᒃᓴᒥᖕᓂ ᐃᓱᒪᓚᐅᖏᓐᓇᒥᒃ ᐊᓯᕈᕐᑕᐅᓂᖓ ᑲᒪᓇᕐᐳᖅ, ᓮᒻᒪᕐᓴᕐᑎᒃᓴᖃᓚᐅᓐᖏᓚᕐᓗ, ᐊᑕᓃᖅ ᐅᖁᒤᒃᓴᕐᓂᕆᔭᒃᑲ ᑕᑯᓐᓈᓚᐅᒃᑭᑦ, ᐊᑭᕋᕐᑐᕐᑎᑦᑎᓐᓄᑦ ᓵᓚᐅᒐᑦᑕ!

ᐃᓯᑭᐊᓕᐅᑉ ᐊᒡᓚᖏᑦ 20:30

ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᖕᒪᑦ ᐃᓕᑦᓯᓐᓂᒃ ᓴᓗᒤᓕᑎᑉᐱᓰ ᓯᕗᓕᓯ ᐱᐅᓯᖏᑦ ᒪᓕᒡᓗᒋᑦ ᑕᒻᒪᕐᑎᑕᐅᓪᓗᓯᓗ ᓇᕐᕈᓇᕐᑐᓄᑦ?

ᐃᓯᑭᐊᓕᐅᑉ ᐊᒡᓚᖏᑦ 24:11

ᐅᒃᑯᓯᒃ ᑲᓐᓄᔭ ᐃᓗᓕᖃᕈᓐᓃᕐᑎᓪᓗᒍ ᕿᔪᒃᓴᑦ ᖄᖓᓄᑦ ᐃᓕᔭᐅᓕ, ᐊᐅᒪᕈᕐᑎᓪᓗᒍ ᓴᓗᒪᖏᓐᓂᖓ ᐊᐅᖕᓂᐊᕐᒪᑦ, ᒪᓐᖏᕐᑐᕆᐅᓂᖓᓗ ᐲᔭᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 24:13

ᓴᓗᒤᑦᑑᓂᓯ ᐃᒃᓯᒎᕐᓂᖅ ᒪᓐᖏᕐᑐᕆᐅᖕᒪᑦ. ᐃᓕᑦᓯᓐᓂᒃ ᓴᓗᒻᒤᔪᓐᓇᓚᐅᕋᓗᐊᕐᐳᖓ ᓴᓗᒻᒪᕈᒪᓚᐅᓐᖏᓚᓯᓕ ᓴᓗᒤᓐᓂᑦᓯᓐᓂᑦ, ᓴᓗᒻᒪᕐᓴᕐᑕᐅᓂᐊᕈᓐᓃᕐᐳᓯ ᓂᓐᖓᐅᓯᕋ ᐃᓕᑦᓯᓐᓄᑦ ᐃᓱᓕᓚᐅᖏᓐᓂᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 28:13

ᐄᑕᓂᒥ ᓄᓇᖃᓚᐅᕐᐳᑎᑦ, ᒎᑎᐅᑉ ᐱᕈᕐᓰᕕᖁᑎᖓᓂ; ᐅᔭᕋᖕᓂᒃ ᐱᐅᔪᓂᒃ ᐊᑦᔨᒌᖏᑦᑐᓂᒃ ᐱᐅᓴᐅᑎᖃᕐᐸᒡᓗᑎᑦ, ᑲᕐᓃᓕᐊᓂᒃ, ᑑᐹᑦᓯᓂᒃ, ᔭᓯᐸᕆᓂᒡᓗ, ᑯᕅᓱᓕᐊᓂᒃ ᐳᕅᓕᓂᒃ, ᐆᓂᒡᓯᓂᒡᓗ, ᓴᐰᕋᓂᒃ, ᑳᐳᕐᓐᑯᓪᓂᒃ, ᐃᒪᕆᐅᓪᓂᒡᓗ; ᐊᓐᓄᕌᑎᑦ ᒎᓗᓂᒃ ᑕᕐᓴᖃᐅᕐᐸᒡᓗᑎᒃ ᓴᓇᓐᖑᐊᕐᓯᒪᔪᓂᒃ ᐃᑎᕐᓴᓕᐅᕈᑎᓯᒪᔪᓂᒃ. ᑕᒪᒃᑯᐊᓗ ᐊᓐᓄᕌᒃᓴᐅᑕᐅᓚᐅᕐᐳᑦ ᐃᓕᖕᓄᑦ ᐱᓐᖑᕐᑎᑕᐅᕕᖕᓂᑦ ᐱᒋᐊᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᑖᓂᐊᓕᐅᑉ ᐊᒡᓚᖏᑦ 11:38

ᑕᒪᒃᑯᐊ ᐊᓯᖏᑎᒍᑦ ᐅᐱᒍᓱᒍᒫᕐᐳᖅ ᒎᑎᓐᖑᐊᒥᒃ ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖏᓐᓂ ᓴᐳᑦᔨᔪᒥᒃ; ᒎᑎ ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓐᖏᑕᖓᑦ, ᐅᐱᒋᔪᒫᕐᐹ ᑐᓂᓯᕕᒋᕙᒡᓗᒍ ᒎᓗᒥᒃ, ᓯᐅᓪᕕᕆᒥᒡᓗ, ᐅᔭᕋᖕᓂᒡᓗ ᐱᓐᓇᕐᓇᕐᑐᓂᒃ, ᐱᖁᑎᓂᒡᓗ ᐊᑭᑐᔪᓂᒃ.

ᕼᐆᓯᐊᑉ ᐊᒡᓚᖏᑦ 9:10

“ᐃᓴᕆᐊᓕ ᓇᓂᕙᕋ, ᐸᐅᕐᖓᑎᑐᑦ ᐃᓄᖃᔪᐃᑦᑐᒦᑦᑐᑎᑐᑦ, ᓇᐹᕐᑑᑉ ᐱᒋᓕᖕᓂᒃ ᐸᐅᕐᖓᓕᐅᑉ ᓯᕗᓪᓕᕐᐹᒥᒃ ᐱᕈᕐᑎᑕᖏᑎᑐᑦ ᐊᕐᕌᒍᖏᑕ ᓯᕗᓪᓕᕐᐹᖓᓂ, ᓯᕗᓕᓯ ᑕᑯᓚᐅᕐᐸᒃᑲ. ᐂᓚᐅᕐᐳᓪᓕ ᐰᓕ-ᐱᐅᕆᒧᑦ, ᐃᒻᒥᖕᓂᒡᓗ ᓴᓂᕐᕙᒃᑎᓚᐅᕐᐳᑦ ᐰᓕᒧᑦ, ᐃᒻᒥᖕᓂᒡᓗ ᐱᐅᖏᑦᑐᒧᐊᕐᑎᓚᐅᕐᐳᑦ ᐱᐅᒋᔭᒥᓂ ᐊᑐᕐᓂᕐᒥᖕᓄᑦ.

ᒨᓯᓯ ᑕᓪᓕᒪᖏᑦ 29:17

ᑕᑯᖃᑦᑕᓚᐅᕐᐸᓯᓗ ᒎᑎᓐᖑᐊᖏᑦ ᓇᕐᕈᓇᕐᑐᑦ ᕿᔪᐃᑦ, ᐅᔭᕅᑦ, ᓯᐅᓪᕕᕇᑦ, ᒎᓗᐃᓪᓗ ᐱᖁᑎᒋᓚᐅᕐᑕᖏᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:8

ᑕᕝᕙ ᐂᖏᓕᐅᑉ ᐂᑉᐸᖓ ᑭᖑᓂᖓᒍᑦ ᓴᖅᑭᒃᑭᕗᖅ, ᐅᖃᕐᓗᓂᓗ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ, ᐃᓅᖃᑎᒌᒡᔪᐊᓕᒫᓂᒃ ᐃᒥᕐᑎᑦᓯᓯᒪᔪᖅ ᐅᐂᓂᒥᒃ ᓴᓐᖏᔪᒥᒃ ᐃᒃᓯᒎᕐᑎᑦᓯᔪᒥᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:12

ᓂᐅᕕᐊᒃᓴᖁᑎᖃᕐᒪᑕ ᒎᓗᓂᒃ, ᓯᐅᓪᕕᕆᓂᒃ, ᐅᔭᕋᖕᓂᒡᓗ ᐱᐅᓴᐅᑎᓂᒃ, ᓴᐸᖓᕐᓂᒡᓗ, ᖃᓪᓗᓈᕐᑕᑦᓯᐊᓂᒃ ᓵᑦᑐᓂᒃ, ᐊᐅᐸᓪᓚᕆᒃᑐᓂᒃ, ᐱᐊᒃᑐᓂᒡᓗ, ᐊᑭᑐᔪᒃᓴᔭᓂᒡᓗ ᐊᐅᐸᕐᑐᓂᒃ, ᕿᔪᖕᓂᒡᓗ ᐊᑦᔨᒌᖏᑦᑐᓂᒃ ᕿᔪᓯᐊᕙᖕᓂᒃ, ᑑᒑᕐᓂᒡᓗ ᓴᓇᓯᒪᔪᓂᒃ ᐊᒥᓱᓂᒃ, ᕿᔪᖕᓂᒡᓗ ᐊᑭᑐᔪᒃᓴᔭᓂᒃ ᓴᓇᓯᒪᔪᓂᒃ, ᑲᓐᓄᔭᓂᒃ, ᓴᕕᕋᔭᖕᓂᒃ, ᐅᔭᕋᖕᓂᒡᓗ ᒫᕐᐳᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:16

ᐅᖃᕐᓗᑎᒃ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᓐᓄᕌᕐᓯᒪᕙᓚᐅᕐᐳᑦ ᐊᓐᓄᕌᓯᐊᓂᒃ ᓵᑦᑐᓂᒃ, ᐊᐅᐸᓪᓚᕆᒃᑐᓂᒃ ᐊᐅᑉᐸᕆᒃᑐᓂᒡᓗ ᐱᐅᓴᐅᑎᖃᕐᓗᓂ, ᒎᓗᓂᒃ ᐅᔭᕋᖕᓂᒡᓗ ᐱᐅᔪᓂᒃ, ᓴᐸᖓᓂᒡᓗ ᖄᒥᐅᑕᓕᖕᓂᒃ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:2

ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:21

ᐃᑎᕐᑕᕐᕕᖏᓪᓗ 12 ᓴᐸᖓᒃᓴᔭᐅᕗᑦ ᐃᒫᓂᑦ ᐱᓯᒪᔪᑦ, ᐃᑎᕐᑕᕐᕖᑦ ᐊᑐᓂᑦ ᐊᑕᐅᓯᕐᒥᑦ ᓴᐸᖓᒃᓴᔭᒥᑦ ᓴᓇᓯᒪᓪᓗᑎᒃ, ᐃᒡᓗᒐᓴᒡᔪᐊᓪᓗ ᐊᖅᑯᑎᖏᑦ ᒎᓘᕗᑦ ᐃᓚᓯᒪᓇᑎᒃ, ᐊᓕᒍᕐᑎᑐᑦ ᑕᑯᒃᓴᐅᓇᑦᓯᐊᕐᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:21

ᖃᕿᐊᓕᓚᐅᓐᖏᓚᑦᑕᐅᖅ ᐃᓄᐊᕐᓂᕐᒥᑦ ᐊᖓᒃᑰᓇᓱᐊᕐᓂᕐᒥᑦ ᐅᕝᕙᓗ ᓄᓕᐊᕐᓂᕐᒥᑦ ᑎᒡᓕᖕᓂᕐᒥᓪᓗ.