ᔪᐊᓇᓯᐅᑉ ᑕᑯᑎᑕᐅᓂᖏᑦ 17:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐂᖏᓕᐅᓪᓗ ᐅᖃᐅᑎᕚᖓ, “ᐃᒪᕐᔪᐊᑦ ᑕᑯᓯᒪᔭᑎᑦ, ᐊᕐᓇᐅᑉ ᐊᖑᓐᓂᐊᕐᑎᐅᑉ ᐃᒃᓯᕚᕐᕕᒋᔭᖏᑦ, ᐃᓅᕗᑦ ᐃᓄᒐᓴᒡᔪᐊᖑᓪᓗᑎᒡᓗ ᐃᓅᖃᑎᒌᒡᔪᐊᖑᕗᑦ ᐅᖃᐅᓯᖃᖃᑎᒌᖏᑦᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:15 Iomraidhean Croise

ᐃᓐᖏᕈᑎᑦ 18:4

ᑐᖂᑉ ᕿᓚᕈᑎᖏᑦ ᐊᕙᑎᓐᓃᑉᐳᑦ, ᒎᑎᖃᖏᑦᑐᓪᓗ ᐅᓄᕐᑐᕐᔪᐊᑦ ᐅᕙᓐᓄᑦ ᕾᔪᑦ, ᑲᑉᐱᐊᓱᒃᑎᑉᐹᖓ.

ᐃᓐᖏᕈᑎᑦ 65:7

ᐃᒪᕐᔪᐃᑦ ᒥᕿᑦᑕᕐᕙᓗᖏᑦ ᓂᐸᖏᕐᑎᑉᐸᑎᑦ, ᐃᖏᐅᓕᖕᓂᖏᑕ ᒥᑭᑦᑕᕐᕙᓗᒡᔪᐊᖏᑦ, ᐃᓅᖃᑎᒌᓪᓗ ᐅᐃᒪᔮᕐᓂᖏᑦ ᓄᖅᑲᕐᑎᑉᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 47:2

“ᐃᒫᒃ ᐊᑕᓂᖅ ᐅᖃᕐᐳᖅ: ᑕᑯᒋᑦ ᐅᓐᓄᐊᓪᓗᐊᑉ ᓇᓛᓂᑦ ᐃᒪᕐᑎᑐᑦ ᐅᓕᑉᐸᓪᓕᐊᔪᑎᑐᑦ ᑍᒤᑦᑐᕐᑕᖃᓕᕐᐳᖅ. ᓄᓇᓕᓕᒫᑦ ᐃᒪᐅᑦᔭᐅᓂᐊᕐᐳᑦ, ᐃᓄᖏᓪᓗ ᕾᒐᓛᕐᓂᐊᕐᐳᑦ ᐃᑲᔪᕐᑕᐅᔪᒪᓗᑎᒃ, ᓄᓇᖃᕐᑐᑦ ᕿᐊᔪᐊᓘᓂᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 51:13

ᐃᒪᖁᑎᖃᕐᑐᓯ ᐅᓄᕐᑐᓂᒃ, ᓄᓇᖃᕐᑐᓯᓗ ᐊᔪᕐᓴᖏᑦᔪᑎᒃᓴᖃᕐᑐᓂᒃ, ᐊᔪᓕᕐᕕᒃᓴᓯ ᑎᑭᑉᐳᖅ, ᐃᓅᑦᔪᑎᒃᓴᖃᕈᓐᓃᕐᕕᒃᓴᓯ ᓈᕗᖅ.

ᔨᕆᒤᐊᐅᑉ ᐊᒡᓚᖏᑦ 51:42

ᑕᕆᐅᑉ ᐅᓕᑎᓐᓂᖓᓄᑦ ᐹᐱᓘᓂᒥᐅᑦ ᑎᑭᑕᐅᔪᒫᕐᐳᑦ, ᐃᖏᐅᓕᒡᔪᐊᖏᓐᓄᓪᓗ ᐅᓕᒃᑕᐅᔪᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 51:55

ᐊᑕᓂᐅᑉ ᐹᐱᓘᓂᒥᐅᑦ ᐊᓯᕈᕈᒫᕐᐰᑦ, ᓂᐱᕐᔪᐊᖏᑦ ᓂᐰᕐᑎᓪᓗᒋᑦ, ᐊᑭᕋᖏᓐᓄᑦ ᑎᑭᑕᐅᔪᒫᕐᐳᑦ ᒪᓕᒡᔪᐊᑎᑐᑦ, ᐊᑭᕋᖏᑕ ᐅᓇᑕᕐᑎᖁᑎᕐᔪᐊᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 31:4

ᐃᒪᖃᑦᓯᐊᕐᑐᒦᓐᓇᒥ, ᐱᕈᑦᓯᐊᕐᓯᒪᕗᖅ ᑕᑭᔫᓕᕐᓗᓂ, ᑰᒃᑎᑦᓯᓪᓗᓂ ᓄᓇᐅᑉ ᐃᓗᐊᒍᑦ ᐱᕈᕐᕕᖏᑎᒍᑦ, ᐃᒪᖃᕐᑎᑦᓯᓪᓗᓂ ᓇᐹᕐᑐᓕᒫᓂᒃ ᑲᑎᓐᖓᔪᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:11

ᐅᖃᐅᑦᔭᐅᓕᕐᐳᖓᓗ, “ᐅᖃᐅᓯᐅᖁᔭᐅᔪᓂᒃ ᐅᖃᐅᓯᖃᕐᑐᒃᓴᐅᕗᑎᑦ ᐃᓅᒐᓴᒡᔪᐊᓄᑦ ᐃᓅᓯᖃᑎᒌᖏᑦᑐᓄᑦ ᐅᖃᐅᓯᖃᑎᒌᖏᑦᑐᓄᓪᓗ, ᐊᖓᔪᖅᑳᕐᔪᐊᓄᓪᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:9

ᐃᓄᒋᐊᒃᑐᕐᔪᐊᓪᓗ ᓇᑭᑐᐃᓐᓇᖅ ᓄᓇᓂ ᑭᖑᕚᕇᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ ᐃᓕᖅᑯᓯᖃᖃᑎᒌᖏᑦᑐᓂᓪᓗ ᐱᓯᒪᔪᑦ ᑐᖁᑕᐅᓯᒪᔫᒃ ᑎᒥᕕᓂᖏᖕᓂᒃ ᑕᑯᔭᕐᑐᖃᑦᑕᕈᒫᕐᐳᑦ ᐅᓪᓗᑦ ᐱᖓᓱᑦ ᓇᑉᐸᕐᓗ ᓈᓗᒋᑦ, ᐃᓗᕕᕐᑕᐅᖁᔭᐅᓂᐊᓐᖏᓚᒡᓗ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:1

ᐂᖏᓖᓪᓗ 7 ᖃᓪᓗᑎᓂᒃ 7ᓂᒃ ᐱᓯᒪᓚᐅᕐᑐᑦ ᐃᓚᖓᑦᑕ ᕾᓪᓗᓂ ᐅᖃᐅᑎᕚᖓ, “ᕾᒋᑦ, ᑕᑯᑎᓐᓂᐊᕋᒃᑭᑦ ᐊᖑᓐᓂᐊᕐᑎᕐᔪᐊᑉ ᐃᖅᑲᕐᑐᕐᑕᐅᓂᖓᓂᒃ ᑖᓐᓇ ᐃᓂᖃᕐᑐᖅ ᐃᒪᕐᔪᐃᑦ ᖃᓂᒋᔮᓂ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.