ᔪᐊᓇᓯᐅᑉ ᑕᑯᑎᑕᐅᓂᖏᑦ 16:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐂᖏᓖᓪᓗ ᐱᖓᔪᖓᑦᑕ ᖃᓪᓗᑎᓂ ᑯᕕᒋᕚ ᑰᖕᓄᑦ ᓄᓇᐅᓪᓗ ᐃᓗᐊᓂᑦ ᑰᒃᑐᓄᑦ, ᐃᒥᓕᒫᓪᓗ ᐊᐅᓐᖑᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:4 Iomraidhean Croise

ᐃᓐᖏᕈᑎᑦ 78:44

ᑍᑦᓱᒪᓂᓗ ᑰᑦ ᐊᐅᓐᖑᕐᑎᓚᐅᕐᓯᒪᖕᒪᒋᑦ, ᑰᖕᓂᑦ ᐃᒥᕈᓐᓁᓪᓕᓚᐅᕐᓯᒪᕗᑦ.

ᒨᓯᓯ ᐂᑉᐸᖏᑦ 8:5

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐂᕉᓂ ᐅᖃᐅᑎᓚᐅᕈᒃ ᐊᔭᐅᑉᐱᐊᒥᓂᒃ ᐃᓴᐅᑦᔨᖁᓗᒍ ᑰᑉ ᖁᓛᓄᑦ, ᑰᓕᐊᕆᔭᐅᓯᒪᔪᓪᓗ ᖁᓛᓄᑦ, ᑕᓯᕐᓄᓪᓗ, ᓈᕌᔩᑦ ᐄᑦᔨᑉᑎᐅᑉ ᓄᓇᖓᓄᑦ ᑎᑭᖁᓪᓗᒋᑦ!”

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 35:8

ᖃᖅᑲᑎᓪᓗ ᑐᖁᑕᐅᓂᑯᓂᒃ ᓈᔭᐅᑎᑦᓱᒫᕐᐸᒃᑲ; ᐱᖑᖁᑎᑎᑦ ᓇᕐᓴᖁᑎᑎᓪᓗ ᑰᕈᖁᑎᓕᒫᑎᓪᓗ ᑕᑕᑦᓱᒫᕐᐳᑦ ᓴᕕᒡᔪᐊᕐᒧᑦ ᑐᖁᑕᐅᓂᑯᓂᒃ.

ᕼᐆᓯᐊᑉ ᐊᒡᓚᖏᑦ 13:15

ᐱᕈᕐᑐᑦ ᐊᑯᕐᖓᓐᓂ ᐱᕈᕐᑐᖃᑦᓯᐊᕋᓗᐊᕐᐳᖅ, ᐊᓄᕆᓗ ᓯᕿᓂᐅᑉ ᓄᐃᕕᐊᓂᑦ ᑎᑭᓐᓂᐊᕐᐳᖅ ᐊᑕᓂᐅᑉ ᐊᓄᕆᖁᑎᖓ, ᐃᓄᖃᔪᐃᑦᑐᒥᑦ ᐱᔪᖅ; ᐃᒥᕐᑕᕐᕕᖏᓪᓗ ᐳᐊᓚᕖᑦ ᐸᓂᕐᓂᐊᕐᐳᑦ, ᑰᒐᓛᖏᓪᓗ ᐸᓂᕐᓂᐊᕐᐳᑦ; ᓯᕐᓗᐊᖏᓐᓃᑦᑐᓪᓗ ᐱᔪᒥᓇᕐᑐᖁᑎᓕᒫᖏᑦ ᐊᓯᕈᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:6

ᑖᒃᑯᐊᒡᓗ ᐱᔪᓐᓇᕐᓂᖃᕐᑎᑕᐅᕘᒃ ᒪᑐᓯᔪᓐᓇᕐᓗᑎᒃ ᕿᓚᖕᒥᒃ, ᓯᓚᓗᒍᓐᓁᓪᓕᖁᓪᓗᒍ ᐅᖃᐅᓯᐅᖁᔭᐅᔪᓂᒃ ᓇᓪᓕᐅᑎᔪᒫᕐᑐᓂᒃ ᐱᔭᕇᖏᓐᓂᕐᒋᓐᓂ, ᐱᔪᓐᓇᕐᓂᖃᕐᑎᑕᐅᒋᕘᒃ ᐃᒪᕐᒥᒃ ᐊᐅᓐᖑᕐᑎᑦᓯᔪᓐᓇᕐᓗᑎᒃ, ᓄᓇᕐᔪᐊᕐᒥᓗ ᖃᓄᐃᑦᑐᑐᐃᓐᓇᕐᓂᒃ ᐋᓐᓂᐊᓇᕐᑐᖃᕐᑎᑦᓯᔪᓐᓇᕐᓗᑎᒃ, ᖃᖓᓕᒫᖅ ᐱᖁᔨᓕᑐᐊᕈᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:7

ᓂᐱᖅᑯᕐᑐᓪᓗᓂᓗ ᐅᖃᕐᐳᖅ, “ᒎᑎ ᐃᓕᕋᒋᓗᒍ ᓂᕐᑐᕐᑕᐅᓕ, ᒫᓐᓇ ᐃᓄᓕᒫᓂᒃ ᐃᖅᑲᕐᑐᐃᓂᒃᓴᖓ ᓇᓪᓕᐅᑎᖕᒪᑦ; ᑐᒃᓯᐊᕐᕕᒋᓯᐅᒃ ᐱᓐᖑᕐᑎᑦᓯᓚᐅᕐᑐᖅ ᕿᓚᖕᒥᒃ ᓄᓇᒥᒡᓗ, ᐃᒪᕐᕕᖕᒥᒡᓗ ᓄᓇᐅᓪᓗ ᐃᓗᐊᓂᑦ ᑰᒃᑐᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:5

ᐂᖏᓕᓗ ᐃᒪᕐᓄᑦ ᐊᖓᔪᖅᑳᖑᔪᖅ ᐅᖃᕐᑐᖅ ᑐᓴᕐᐸᕋ: “ᐃᖅᑲᕐᑐᐃᑦᔪᑎᒋᔭᑎᑦ ᑕᒪᑐᒧᖓ ᓈᒻᒪᑦᓯᐊᕐᐳᑦ, ᒫᓐᓇ ᑍᒤᓐᓇᕕᑦ ᑍᒤᓚᐅᕋᕕᓪᓗ, ᐃᑦᔪᕐᓁᑦᑐᑑᔪᑎᑦ.