ᔪᐊᓇᓯᐅᑉ ᑕᑯᑎᑕᐅᓂᖏᑦ 16:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᖃᐅᒻᒪᓪᓚᒃᑐᖃᕐᐳᕐᓗ ᓇᐅᒃᑯᑐᐃᓐᓇᖅ, ᐃᒃᑐᓚᐅᕐᑐᖃᕐᓗᓂᓗ, ᑲᓪᓕᕐᓗ ᑭᖑᓕᕇᒃᑕᕐᓗᓂ ᑐᓴᕐᓴᐅᕗᖅ, ᓄᓇᓗ ᓴᔪᒃᐱᓪᓚᒃᑐᐊᓘᕗᖅ ᑍᒫᒃ ᐊᖏᑎᒋᔪᒥᒃ ᓴᔪᒃᐱᓪᓚᒃᑐᖃᓚᐅᕐᓯᒪᓐᖏᓚᖅ ᓄᓇᕐᔪᐊᕐᒥ ᑍᒪᓐᖓᑦ ᐃᓄᖃᓕᓚᐅᕐᓂᕐᒪᑦ, ᓄᓇᐅᓪᓗ ᓴᔪᒃᐱᓪᓚᖕᓂᖓ ᐊᖏᓂᕐᐹᖑᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:18 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 29:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑎᑭᕝᕕᒋᔪᒫᕐᐹᓯ ᑲᓪᓕᕐᒧᑦ, ᓄᓇᐅᓪᓗ ᓴᔪᒃᐱᓗᖕᓂᖓᓄᑦ, ᓂᐱᖅᑯᕐᑐᔪᕐᔪᐊᒧᓪᓗ, ᐊᓄᕆᕐᔪᐊᒧᓪᓗ ᑬᕙᑦᑐᒧᑦ, ᐊᖅᑯᓇᕐᔪᐊᒧᓪᓗ, ᐃᑯᐊᓚᔪᕐᔪᐊᒧᓪᓗ ᓄᖒᑦᓯᔪᒧᑦ.

ᑖᓂᐊᓕᐅᑉ ᐊᒡᓚᖏᑦ 12:1

“ᑍᑦᓱᒪᓂ ᒤᑯ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐃᓅᖃᑎᒌᓂᒃ ᓴᐳᑦᔨᔨ ᒪᑭᑦᓱᒫᕐᐳᖅ, ᐃᓗᖏᕐᑐᕐᓇᕐᑐᖃᕈᒫᕐᒪᑦ ᑍᒪᓐᖓᑦ ᐃᓴᕆᐊᓕᑎᑦ ᐱᒋᐊᕐᓂᖓᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐱᓚᐅᕐᓯᒪᖏᑦᑐᒥᒃ. ᑭᓯᐊᓂᓕ ᐃᓅᖃᑎᒌᑦ ᓇᓪᓕᐊᑦ ᐊᑎᖃᕐᑐᑦ ᒪᒃᐱᕐᑐᕋᕐᓂ ᓴᐳᑎᔭᐅᔪᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 24:21

ᑲᑉᐱᐊᓇᕐᑐᖅ ᑕᒪᓐᓇ ᐊᑦᔨᖃᕐᕈᒫᖏᒻᒪᑦ ᐊᑐᕐᓯᒪᔭᑦᓯᓐᓂᑦ, ᓯᓚᕐᔫᑉ ᐱᒋᐊᕐᓂᖓᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑦᔨᖃᕐᓂᐊᖏᓚᖅ ᑕᒪᑐᒪ ᑭᖑᕐᖓᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:13

ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19

ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:5

ᐃᒃᓯᕙᐅᑕᕐᔪᐊᕐᒥᓪᓗ ᖃᐅᒻᒫᓪᓚᒃᑐᖃᖃᑦᑕᕐᐳᖅ, ᑐᓴᕐᓴᐅᔪᖃᕐᐳᕐᓗ ᑲᓪᓕᕐᒥᒃ ᐃᒃᑑᓕᔮᒥᒡᓗ, ᐃᒃᓯᕙᐅᑕᕐᔪᐊᓪᓗ ᓯᕗᕌᓃᑦᑐᖃᕐᐳᖅ ᖃᐅᒻᒪᖅᑯᑎᓂ 7ᓂᒃ ᐃᑯᒪᔪᓂᒃ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:12

ᓄᕐᕋᐅᔭᐅᓪᓗ ᓇᕿᕐᔪᑏᑦ ᐱᖓᓲᔪᕐᑐᖓᑦ ᒪᒃᐱᕐᒪᒍ, ᑕᑯᓴᕋᒪ ᑕᑯᕗᖓ, ᓄᓇᕐᔪᐊᖅ ᐊᖏᔪᒥᒃ ᓴᔪᒃᐱᓪᓚᒃᐳᖅ; ᓯᕿᓂᕐᓗ ᑖᕐᓯᕗᖅ ᐳᑐᕐᓛᑎᑐᑦ ᕿᕐᓂᕐᑎᒋᓕᕐᓗᓂ, ᑕᖅᑭᕐᓗ ᐃᓗᐃᑦᑐᖅ ᐊᐅᐸᕐᓯᕗᖅ ᐊᐅᒃᑎᑐᑦ ᑍᒤᓕᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:5

ᑕᕝᕙ ᐂᖏᓕᐅᑉ ᐳᔪᕐᑎᑦᓯᕕᐅᑉ ᐃᓂᖓ ᑎᒍᓪᓗᒍ ᐃᓗᓪᓕᕐᓱᕐᐹ ᐃᑯᒪᓂᒃ ᑐᓂᕐᕈᓯᕐᕕᖕᒥᑦ ᐱᔪᓂᒃ ᐃᒋᓪᓗᒋᓪᓗ ᓄᓇᕐᔪᐊᕐᒧᑦ; ᑕᕝᕙ ᓂᐱᕐᔪᐊᕐᑕᖃᓕᕐᐳᖅ ᐃᒃᑐᓚᐅᕐᑐᒥᒃ, ᑲᓪᓕᕐᕙᓗᒃᑐᒥᒡᓗ, ᖃᐅᒻᒪᓪᓚᖕᒥᒡᓗ, ᓄᓇᐅᓪᓗ ᓴᔪᒃᐱᓪᓚᖕᓂᖓᓂᒃ.