ᔪᐊᓇᓯᐅᑉ ᑕᑯᑎᑕᐅᓂᖏᑦ 16:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᒎᑎᓗ ᕿᓚᖕᒦᑦᑐᖅ ᐅᖃᕐᓂᕐᓗᒡᕕᒋᕚᑦ ᐋᓐᓂᐊᓂᑎᒃ ᐊᔪᐊᕐᓂᑎᒡᓗ ᐱᓪᓗᒋᑦ, ᓱᓕᓕ ᖃᕿᐊᓕᓚᐅᓐᖏᓚᑦ ᐱᓂᐊᕐᓂᕆᔭᒥᖕᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:11 Iomraidhean Croise

ᑯᕉᓂᑲ ᐂᑉᐸᖏᑦ 28:22

ᐅᖁᒤᑦᑐᒃᑰᕐᑎᓪᓗᒍ ᐊᖓᔪᖅᑳᕐᔪᐊᖅ ᐂᕼᐊᔅ ᐅᒃᐱᓕᓚᓐᖏᓚᖅ ᐊᑕᓂᕐᒧᑦ; ᓱᕐᕋᓚᐅᓐᖏᓚᖅ ᐊᖓᔪᖅᑳᕐᔪᐊᖅ ᐂᕼᐊᔅ ᐱᐅᓯᕐᒥᓂᒃ.

ᑯᕉᓂᑲ ᐂᑉᐸᖏᑦ 36:23

“ᐊᖓᔪᖅᑳᕐᔪᐊᖅ ᓮᕋᓯ ᐴᕐᓯᐊᒥᐅᑕᖅ ᐃᒫᒃ ᐅᖃᕐᐳᖅ, ‘ᐊᖓᔪᖅᑲᐅᕕᓕᒫᑦ ᓄᓇᒦᑦᑐᑦ ᐊᑕᓂᐅᑉ ᕿᓚᐅᑉ ᒎᑎᖓᑕ, ᐅᕙᓐᓄᑦ ᑐᓂᓚᐅᕐᐰᑦ, ᑖᑦᓱᒪᓗ ᑎᓕᕚᖓ ᐃᒡᓗᓕᐅᖁᓪᓗᖓ ᔨᕉᓴᓕᒥ ᔫᑕᒦᑦᑐᒥ. ᑖᑦᓱᒪ ᐃᓄᖁᑎᓕᒫᖏᑦ ᓄᓇᖅᑲᑎᒋᒍᑦᓯᐅᒃ, ᑍᒃᑯᐊ ᐂᔪᒃᓴᐅᕗᑦ ᑕᑉᐸᐅᖓ, ᐊᑕᓂᐅᑉ ᒎᑎᖏᑦᑕ ᐃᓚᒋᓗᓂᒋᑦ.’”

ᐄᓱᕋᐅᑉ ᐊᒡᓚᖏᑦ 1:2

“ᐅᓇ ᓮᕋᓯᐅᑉ ᑎᓕᓯᑦᔪᑎᖓ ᐊᖓᔪᖅᑳᕐᔪᐊᖑᔫᑉ ᐴᕐᓯᐊᒥ. ᐊᑕᓂᐅᑉ, ᕿᓚᐅᑉ ᒎᑎᖓᑕ ᐊᐅᓚᑦᓯᔨᓐᖑᕐᑎᓚᐅᕐᐹᖓ ᓯᓚᕐᔪᐊᕐᒥᐅᓕᒫᓄᑦ ᐱᔭᒃᓴᕐᑖᕐᑎᓚᐅᕐᐹᖓᓗ ᑐᒃᓯᐊᕐᕕᓕᐅᖁᓪᓗᖓ ᔨᕉᓴᓕᒥ ᔫᑎᐊᒦᑦᑐᒥ.

ᐄᓱᕋᐅᑉ ᐊᒡᓚᖏᑦ 6:10

ᑕᒪᓐᓇ ᐱᓇᓱᐊᕐᑕᐅᔪᒃᓴᐅᕗᖅ ᑖᒃᑯᐊ ᑐᓂᕐᕈᓯᕈᓐᓇᖁᓪᓗᒋᑦ ᒎᑎᒧᑦ ᕿᓚᖕᒦᑦᑐᒧᑦ ᑎᐱᑦᓯᐊᕆᒃᑐᒥᒃ, ᑐᒃᓯᐅᑦᔨᖁᓪᓗᒋᓪᓗ ᐅᕙᓐᓂᒃ ᐃᕐᓂᒃᑲᓂᒡᓗ ᓮᒻᒪᕐᑎᑕᐅᖁᓪᓗᑕ.

ᐄᓱᕋᐅᑉ ᐊᒡᓚᖏᑦ 7:12

“ᐊᖓᔪᖅᑳᕐᔪᐊᒥᑦ ᐋᕐᑕᔮᒃᓯᒥᑦ ᐊᖓᔪᖅᑳᕐᔪᐊᒥᑦ ᐊᖓᔪᖅᑳᕐᔪᐊᓄᑦ, ᑐᓂᕐᕈᓯᕐᑎᑦᓯᔨᒧᑦ ᐄᓱᕋᒧᑦ, ᒎᑎᐅᑉ ᕿᓚᖕᒦᑦᑑᑉ ᐱᖁᔭᖏᓐᓂᒃ ᐃᓕᓯᒪᔪᒧᑦ. ᓮᒪᓂᒻᒪᕆᐅᑉ ᐃᓚᒋᓕᓯ.

ᐄᓱᕋᐅᑉ ᐊᒡᓚᖏᑦ 7:21

ᐅᕙᖓ ᓇᖕᒥᓂᖅ ᐋᕐᑕᔮᒃᓯ, ᐊᖓᔪᖅᑳᕐᔪᐊᖅ, ᐱᖁᔨᕗᖓ ᑮᓇᐅᔭᓂᒃ ᑲᒪᔨᓕᒫᓂᒃ ᓄᓇᓕᖕᓂ ᐊᕕᒃᑐᕐᓯᒪᔪᓂ ᐃᕗᕅᑎᐅᑉ ᓴᐅᒥᖔᖓᓂᒥᐅᓂᒃ ᑐᓂᓯᔪᓐᓇᖁᓪᓗᒋᑦ ᑕᕝᕙᑦᓴᐅᑎᒋ ᐄᓱᕋᒧᑦ, ᑐᓂᕐᕈᓯᕐᑎᑦᓯᔨᒧᑦ ᒎᑎᐅᓪᓗ ᕿᓚᖕᒦᑦᑑᑉ ᐱᖁᔭᖏᓐᓂᒃ ᐃᓕᓯᒪᔪᒧᑦ, ᐱᔪᒪᔭᓕᒫᖏᓐᓂᒃ ᑲᑦᓱᖎᕐᓯᒪᑦᓯᐊᕐᓗᓯ ᐂᑦᑐᐃᔪᒃᓴᐅᕗᓯ.

ᐄᓱᕋᐅᑉ ᐊᒡᓚᖏᑦ 7:23

ᖃᓄᑐᐃᓐᓇᖅ ᒎᑎᐅᑉ ᕿᓚᒃᒦᑦᑑᑉ ᐱᖁᔨᑦᔪᑎᒋᔭᖏᓐᓂᒃ ᑐᒃᓯᐊᕐᕕᖁᑎᒥᓄᑦ, ᑲᒪᑦᓯᐊᕐᑐᒃᓴᐅᕗᓯ ᐱᓇᓱᐊᑦᓯᐊᕐᓗᓯᓗ ᒎᑎᐅᑉ ᕿᓚᖕᒦᑦᑑᑉ ᑐᒃᓯᐊᕐᕕᖁᑎᖓᓄᑦ. ᐅᕙᓐᓄᓪᓗ ᓂᓐᖓᐅᒻᒪᑦᔪᑎᒃᓴᖃᖁᓇᒍ ᑭᖑᓂᓐᓂᓗ ᐊᐅᓚᑦᓯᖃᑦᑕᓛᕐᑐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 1:4

ᑕᒪᒃᑯᐊ ᐅᖃᐅᓰᑦ ᑐᓴᕋᒃᑭᑦ, ᐃᖏᓪᓗᖓ ᕿᐊᓕᓚᐅᕐᐳᖓ. ᐅᓪᓗᓂᒃ ᐅᓄᕐᑐᓂᒃ ᕿᒃᓵᕕᒡᔪᐊᕈᑎᒋᓚᐅᕐᐸᕋ; ᓂᕆᑦᑍᓕᓪᓗᖓ ᑐᒃᓯᐊᓚᐅᕐᐳᖓ ᒎᑎᒧᑦ ᕿᓚᖕᒦᑦᑐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 2:4

ᑕᕝᕙ ᐊᖓᔪᖅᑳᕐᔪᐊᖅ ᐊᐱᕆᓕᕐᐳᖅ, “ᓱᓇᒦᒃ ᐱᔪᒪᒐᕕᑦ?” ᑕᕝᕙ ᒎᑎᒧᑦ ᕿᓚᖕᒦᑦᑐᒧᑦ ᑐᒃᓯᐊᕐᐳᖓ,

ᐃᓐᖏᕈᑎᑦ 136:26

ᕿᓚᐅᑉ ᒎᑎᖓ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᔫᓇᐅᑉ ᐊᒡᓚᖏᑦ 1:9

ᐅᖃᐅᑎᕔᓪᓗ: “ᐄᑉᕈᐃᖑᕗᖓ, ᓯᕘᕋᒋᕙᕋ ᐊᑕᓂᖅ ᕿᓚᐅᑉ ᒎᑎᖓ ᐃᒪᕐᒥᒃ ᓄᓇᒥᒡᓗ ᐱᓐᖑᑎᑦᓯᓯᒪᔪᖅ.”

ᑎᒧᑎᒧᑦ ᐂᑉᐸᖏᑦ 3:13

ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:13

ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:2

ᐂᖏᓕᐅᓪᓗ ᓯᕗᓕᕐᐹᑉ ᖃᓪᓗᑎᓂ ᑯᕕᕚ ᓄᓇᕐᔪᐊᕐᒧᑦ, ᑕᕝᕙ ᐃᓄᐃᑦ ᑕᑯᒥᓁᑦᑐᓄᑦ ᐊᔪᐊᕐᓄᓪᓗ ᐋᓐᓂᐊᓇᕐᑐᕐᔪᐊᓄᑦ ᑎᑭᑕᐅᕗᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᑕᖃᕐᑐᑦ ᐊᑦᔨᓐᖑᐊᖓᓄᓪᓗ ᓴᓇᓯᒪᔪᒧᑦ ᑐᒃᓯᐊᕐᕕᖃᖃᑦᑕᕐᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:21

ᓇᑕᖅᑯᕐᓇᕐᔪᐊᓪᓗ ᐊᑐᓂᑦ ᐅᖁᒤᓐᓂᖃᕐᑐᑦ 100ᓂᒃ, ᐃᓄᖕᓄᑦ ᑲᑕᒐᕐᐳᑦ ᕿᓚᖕᒥᑦ, ᑕᕝᕙ ᐃᓄᐃᑦ ᒎᑎ ᐅᖃᕐᓂᕐᓗᒡᕕᒋᓕᕐᐹᑦ ᓇᑕᖅᑯᕐᓁᑦ ᐋᓐᓂᕐᓇᕐᑐᐊᓘᓂᖏᑦ ᐱᑦᔪᑎᒋᓪᓗᒋᑦ, ᑕᒪᓐᓇ ᐊᖏᔪᒥᒃ ᐋᓐᓂᐊᓇᕐᑐᕐᔪᐊᖑᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:9

ᐃᓄᐃᓪᓗ ᐆᓇᕐᑐᕐᔪᐊᒧᑦ ᐆᑕᐅᕗᑦ, ᒎᑎᐅᓪᓗ ᐊᑎᖓ ᐅᖃᕐᓂᕐᓘᑎᒋᕚᑦ ᑖᓐᓇ ᐱᔪᓐᓇᕐᓂᖃᕐᑐᖅ ᑖᒃᑯᓄᖓ ᑲᑉᐱᐊᓇᕐᑐᓄᑦ, ᖃᕿᐊᓕᓚᐅᓐᖏᓚᓪᓕ ᓂᕐᑐᐃᓇᑎᒡᓗ ᐱᓐᓇᕐᓇᕐᓂᕐᔪᐊᖓᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:21

ᖃᕿᐊᓕᕐᕕᒃᓴᖃᕐᑎᓚᐅᕋᓗᐊᕐᐸᕋ, ᑭᓯᐊᓂᓕ ᓄᓕᐊᕐᓂᒃᑯᑦ ᐊᑐᕐᓂᕐᓗᖕᓂᕐᒥᑦ ᖃᕿᐊᓕᕈᒪᓚᐅᓐᖏᓚᖅ.