ᔪᐊᓇᓯᐅᑉ ᑕᑯᑎᑕᐅᓂᖏᑦ 14:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐃᒪᕐᔪᐃᑦ ᐃᒃᑑᓕᔮᕐᓂᖏᑎᑐᑦ ᑍᒤᑦᑐᒥᒃ ᑲᓪᓕᕐᑐᑎᑐᓪᓗ ᓂᐱᕐᔪᐊᖃᕐᐳᖅ; ᓂᐱᓗ ᑐᓴᕐᑕᕋ ᕼᐊᕐᐱᑦ ᑯᑭᑦᑕᐸᐅᑎᐅᔧᑦ ᓂᓪᓕᐊᑎᑕᐅᓂᖏᑎᑐᑦ ᑐᓴᕐᓴᐅᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:2 Iomraidhean Croise

ᓴᒧᐃᓕ ᐂᑉᐸᖏᑦ 6:5

ᑍᕕᑎᒃᑯᑦ ᐃᓴᕆᐊᓕᒥᐅᓕᒫᓪᓗ ᑖᓂᓯᓚᐅᕐᐳᑦ ᐃᓐᖏᕐᓗᑎᒡᓗ ᐱᔪᓐᓇᕐᓂᓕᒫᑎᒃ ᐊᑐᕐᓗᒍ, ᐊᑕᓂᕐᒥᒃ ᐅᐱᒍᓱᖕᓂᕐᒧᑦ ᓂᓪᓕᐊᑎᑦᓯᓚᐅᕐᐳᑦ ᕼᐊᕐᐱᓂᒃ, ᓄᖃᕐᑎᓕᖕᓂᒡᓗ, ᐊᓇᐅᓪᓚᒐᕐᓂᒃ, ᐊᕕᓗᕋᐅᑎᓂᒃ, ᓯᕙᓂᕈᑎᓂᒡᓗ.

ᑯᕉᓂᑲ ᐂᑉᐸᖏᑦ 20:28

ᔨᕉᓴᓕᒧᑦ ᑎᑭᓐᓇᒥᒃ, ᓂᓪᓕᐊᑎᑦᓯᓚᐅᕐᐳᑦ ᕼᐊᕐᐱᓂᒃ ᑯᑭᑦᑕᐸᐅᑎᐅᔭᓂᒡᓗ ᓄᖃᕐᑎᓕᖕᓂᒃ ᑎᑦᑐᓚᐅᑎᓂᒡᓗ, ᐊᑕᓂᐅᑉ ᐃᒡᓗᖓᓄᑦ ᑎᑭᓪᓗᑎᒃ.

ᐃᓐᖏᕈᑎᑦ 147:7

ᐊᑕᓂᖅ ᖁᔭᒋᓗᒍ ᐃᓐᖏᕐᕕᒋᓯᐅᒃ; ᒎᑎᕗᑦ ᓂᓪᓕᐊᑎᑦᓯᕕᒋᓯᐅᒃ ᑯᑭᑦᑕᐸᐅᑎᐅᔭᓄᑦ.

ᐃᓐᖏᕈᑎᑦ 149:3

ᐊᑎᖓ ᓂᕐᑐᕋᒃᓴᕆᕚᑦ ᑖᓂᓯᕐᓗᑎᒃ, ᓂᓪᓕᐊᔫᕐᕕᒋᓗᒍ ᕿᓚᐅᑎᐅᔭᓄᑦ ᑯᑭᑦᑕᐸᐅᑎᐅᔭᓄᓪᓗ.

ᐃᓐᖏᕈᑎᑦ 33:2

ᐊᑕᓂᖅ ᓂᕐᑐᕐᓯᐅᒃ ᓂᓪᓕᐊᑦᔪᑎᓄᑦ ᕼᐊᕐᐱᓄᑦ; ᑐᓴᕐᓂᕋᕕᒋᓯᐅᒃ ᓂᓪᓕᐊᑎᑦᓯᑦᔪᑎᓄᑦ ᖁᓕᓂᒃ ᓄᖃᕐᑎᓕᖕᓄᑦ.

ᐃᓐᖏᕈᑎᑦ 43:4

ᑕᕝᕙ ᐂᓂᐊᕐᐳᖓ ᒎᑎᐅᑉ ᑐᓂᕐᕈᓯᕐᕕᖁᑎᖓᓄᑦ, ᒎᑎᓐᓄᑦ ᖁᕕᐊᒋᕐᔪᐊᕐᑕᓐᓄᑦ; ᕼᐋᕐᐱᒧᓪᓗ ᓂᕐᑐᕈᒪᕙᒋᑦ, ᒎᑏ, ᒎᑎᒐ.

ᐃᓐᖏᕈᑎᑦ 57:8

ᑕᕐᓃᒃ, ᑐᐸᓕᕆᑦ! ᑐᐸᓕᕆᑦᓯ, ᓂᓪᓕᐊᑦᔪᑎᑦ ᕼᐋᕐᐱ ᓔᕆᓪᓗ! ᐅᓪᓚᒃᑯᑦ ᖃᐅᒻᒪᓕᓵᕐᑐᖅ ᑐᐹᕐᓴᕈᒪᕙᕋ.

ᐃᓐᖏᕈᑎᑦ 92:3

ᓂᓪᓕᐊᔪᓐᓇᕐᑐᓂᒃ ᐊᑐᕐᓗᓂ ᑯᑭᑦᑕᐸᐅᑎᓂᒃ ᓄᖃᕐᑎᓕᖕᓂᒃ, ᑯᑭᑦᑕᐸᐅᑎᐅᔭᓂᒡᓗ ᕼᐋᕐᐱᓂᒃ, ᓂᐱᑦᓯᐊᕆᒃᑐᓂᒡᓗ ᑯᑭᑦᑕᐹᓂᒃ ᓔᕆᓂᒃ.

ᐃᓐᖏᕈᑎᑦ 93:4

ᐊᑕᓂᖅ ᖁᑦᓯᒃᑐᒦᑦᑐᖅ ᐊᔪᖏᓐᓂᕐᓴᕐᔪᐊᖑᕗᖅ ᐃᒪᕕᖕᓂᑦ, ᐊᔪᒐᖃᖏᓐᓂᕐᓴᐅᕗᖅ ᐃᒪᕕᐅᑉ ᐃᖏᐅᓕᕐᔪᐊᖏᑕ ᓂᐱᖏᓐᓂᑦ, ᐃᖏᐅᓕᒡᔪᐊᓪᓗ ᐃᒃᑑᓕᔮᕐᓂᖏᓐᓂᑦ ᐊᔪᖏᓐᓂᕐᓴᐅᕗᖅ.

ᐃᓐᖏᕈᑎᑦ 98:5

ᐃᓐᖏᕐᓗᓯ ᐊᑕᓂᖅ ᓂᕐᑐᕐᓯᐅᒃ ᑯᑭᑦᑕᐸᐅᑎᓄᑦ ᓔᕆᓄᑦ, ᑯᑭᑦᑕᐹᓄᑦ ᓔᕆᓄᑦ ᐃᓐᖏᕐᓂᕐᒧᓪᓗ ᑐᓴᕐᓂᕐᑐᓄᑦ!

ᒨᓯᓯ ᐂᑉᐸᖏᑦ 19:16

ᐅᓪᓗᓪᓕ ᐱᖓᔪᖓᑦᑕ ᐅᓪᓛᕆᔭᖓᓂ ᑲᓪᓕᕐᐳᖅ ᖃᐅᒻᒪᓪᓛᓪᓗᓂᓗ, ᓄᕗᔭᓗ ᐃᒻᒥᒎᕐᑐᖅ ᓴᖅᑭᑉᐳᖅ ᖃᖅᑳᓘᑉ ᖄᖓᒍᑦ. ᑎᑦᑐᓚᐅᑎᐅᓪᓗ ᓂᐱᖓ ᓂᐱᑑᓪᓗᓂ ᑐᓴᕐᑕᐅᕗᖅ, ᐃᓄᓕᒫᓪᓗ ᓄᓇᓕᖕᓃᑦᑐᑦ ᑲᑉᐱᐊᓱᓕᕐᐳᑦ ᖁᐊᕐᓵᕐᓗᑎᒡᓗ.

ᒨᓯᓯ ᐂᑉᐸᖏᑦ 20:18

ᐃᓄᐃᓪᓗ ᑲᓪᓕᖅ ᑎᑦᑐᓚᐅᓪᓗ ᓂᓪᓕᕐᑐᖅ ᑐᓴᕋᒥᑦᔪᒃ, ᖃᐅᒻᒪᓪᓚᒃᑐᕐᓗ ᑕᑯᓪᓗᒍ, ᖃᖅᑳᓗᒡᓗ ᐳᔫᕐᑐᖅ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ ᐅᖓᓯᒋᔮᓂᓗ ᓇᖏᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 17:13

ᐃᓄᒋᐊᒃᑐᕐᔪᐊᑦ ᓂᓪᓕᐊᔪᕐᔪᐊᖑᓕᕐᐳᑦ ᐃᒪᕐᔪᐃᑦ ᓂᐱᕐᔪᐊᖏᑎᑐᑦ, ᑖᑦᓱᒪᓕ ᐃᓂᕐᑎᕈᒫᕐᐰᑦ, ᕿᒫᓕᕈᒫᕐᐳᑦ ᐅᖓᓯᒃᑐᒧᑦ, ᓂᐊᖂᔭᒃᓴᐅᑉ ᓄᕗᖏᑕ ᐴᖓᑐᑦ ᐃᓗᓕᖃᖏᑦᑐᑐᑦ ᖃᖅᑲᐅᑉ ᖄᖏᑎᒍᑦ ᑎᒃᑕᐅᔪᑎᑐᑦ ᐊᓄᕆᒧᑦ, ᐃᕕᒐᕐᑎᑐᓪᓗ ᐅᓚᓗᔨᕋᕐᑐᒧᑦ ᖃᖓᑕᕋᕐᑎᑕᐅᔪᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 43:2

ᑕᑯᒋᓪᓗ, ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐃᓴᕆᐊᓕᒥᐅᑦ ᒎᑎᖓᑕ ᓂᕐᑐᕐᓇᕐᓂᕐᔪᐊᖓᑕ ᕾᓕᕐᓂᖓᓂᒃ ᑕᑯᕗᖓ; ᑎᑭᓕᕐᓂᖓᓗ ᑐᓴᕐᓴᐅᕗᖅ ᑕᕆᐅᕐᔪᐊᑉ ᒥᕿᑦᑕᕐᓂᖓᑕ ᐃᒃᑑᓕᔮᕐᓂᖓᑐᑦ; ᓄᓇᓗ ᖃᐅᒻᒪᒃᑕᐅᕗᖅ ᓂᕐᑐᕐᓇᕐᓂᕐᔪᐊᖓᑕ ᖃᐅᒪᓂᖓᓄᑦ.

ᓴᑲᕅᐊᐅᑉ ᐊᒡᓚᖏᑦ 9:14

ᐊᑕᓂᖅ ᑖᒃᑯᐊ ᖁᓛᓂ ᓴᖅᑭᕈᒫᕐᐳᖅ, ᖃᕐᔪᖓᓗ ᐃᖏᕐᕋᔪᒫᕐᐳᖅ ᖃᐅᒻᒪᓪᓚᒃᑎᑐᑦ ᑕᕝᕙᓐᖓᑦ, ᐊᑕᓂᐅᑉ ᒎᑎᐅᑉ ᑎᑦᑐᓚᐅᑦ ᓂᓪᓕᕐᑎᑦᓱᒫᕐᐹ, ᐊᓄᕆ ᓯᓚᕈᔪᒃ ᓯᕿᓂᐅᑉ ᓇᓛᓂᑦ ᐱᔪᖅ ᐊᑐᕐᓗᒍ ᐃᖏᕐᕋᔪᒫᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:1

ᐃᓄᐃᑦ ᐂᖏᓖᓪᓗ ᐅᖃᐅᓯᖏᓐᓄᑦ ᐅᖃᕈᓐᓇᕋᓗᐊᕈᒪ, ᓇᒡᓕᖕᓂᖃᕐᓇᖓᓗ, ᓯᕙᓂᐅᑎᑎᑐᑦ ᓂᐱᖅᑯᕐᑐᔪᑎᑐᑦ ᐃᒥᐊᑦᑐᑎᑐᓪᓗ ᑍᒤᒃᑲᔭᕐᐳᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:10

ᐊᑕᓂᐅᓪᓕ ᐅᓪᓗᖓᓂ ᐊᓂᕐᓂᕐᒦᓕᓚᐅᕐᐳᖓ, ᑐᓴᕐᓗᖓᓗ ᑐᓄᓐᓂᑦ ᓂᐱᒥᒃ ᓂᐱᖅᑯᕐᑐᔪᒥᒃ ᑎᑦᑐᓚᐅᑎᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:15

ᐃᑎᒐᖏᑦ ᑲᓐᓄᔭᑎᑐᑦ ᑍᒤᑉᐳᑦ, ᐃᑯᒪᒧᑦ ᕿᓚᕆᒃᓴᕐᑕᐅᓯᒪᔪᑎᑐᑦ, ᓂᐱᖓᓗ ᒪᓕᐊᓗᐃᑦ ᐃᒃᑐᑑᕐᓂᖓᑎᑐᑦ ᑍᒤᑉᐳᖅ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:12

ᓇᓚᐅᑦᑍᔫᒃ ᑐᓴᕐᐴᒃ ᐅᖃᐅᑦᔨᔨᒥᖕᓂᒃ ᕿᓚᖕᒥᑦ ᐱᔪᒥᒃ, ᐅᖃᕐᑐᒥᒃ, “ᒪᐅᖓ ᕾᒋᑦᑎᒃ!” ᐊᑭᕋᕐᑐᕐᑎᖏᓪᓗ ᑕᑯᓐᓇᕐᑎᓪᓗᒋᑦ ᓄᕗᔭᑎᒍᑦ ᕿᓚᖕᒧᑦ ᖁᒻᒧᐊᒃᐳᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:2

ᑕᑯᓕᕆᕗᖓ ᐃᒪᐅᔮᕐᑐᒥᒃ ᐊᓕᒍᕐᒥᒃ ᐃᑯᐊᓚᔫᔮᕐᑐᒥᒃ, ᓵᓚᖃᕐᓯᒪᔪᓪᓗ ᐆᒪᔪᐊᓗᖕᒥᒃ ᐊᑦᔨᓐᖑᐊᖓᓂᒡᓗ ᓴᓇᓯᒪᔪᒥᒃ ᐊᑎᖓᓂᒡᓗ ᓈᓴᐅᑎᓕᖕᒥᒃ, ᑖᒃᑯᐊᓗ ᓇᖏᕐᐳᑦ ᐃᒪᐅᔮᕐᑑᑉ ᐊᓕᒍᕐᑐᑦ ᑍᒤᑦᑑᑉ ᓯᓈᓂ ᑯᑭᑦᑕᐸᐅᑎᐅᔮᕐᑐᓂᒃ ᕼᐊᕐᐱᓂᒃ ᑎᒍᒥᐊᕐᓗᑎᒃ ᒎᑎᐅᑉ ᐱᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:22

ᑯᑭᑦᑕᐸᐅᑎᕐᔪᐊᑦ ᐃᓐᖏᕐᐸᓗᒃᑐᓪᓗ, ᓱᐴᒐᕐᑏᓪᓗ ᑎᑦᑐᓚᐅᓯᔭᕐᑏᓪᓗ, ᑐᓴᕐᑕᐅᒃᑲᓐᓂᕐᓂᐊᕈᓐᓃᕐᐳᑦ ᑖᑦᓱᒪᓂ; ᓴᓇᔩᓪᓗ ᓱᓇᑐᐃᓐᓇᕐᓂᒃ ᓴᓇᔪᑦ ᐃᓕᑦᓯᓐᓂ ᑕᑯᒃᓴᐅᒃᑲᓐᓂᕐᓂᐊᕈᓐᓃᕐᐳᑦ; ᓯᖃᓪᓕᓯᕕᖕᒥᓗ ᓯᖃᓪᓕᓯᕙᓗᒃᑐᓂᒃ ᐃᓕᑦᓯᓐᓂ ᑐᓴᕐᓴᐅᔪᖃᕐᓂᐊᕈᓐᓃᕆᕗᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8

ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:1

ᑕᑯᕗᖓ ᓇᕿᑦᔪᑎᐅᑉ 7ᖓᑦᑕ ᐃᓚᖓᓐᓂᒃ ᓄᕐᕋᐅᔭᖅ ᒪᒃᐱᕐᓯᑎᓪᓗᒍ, ᐆᒪᔪᐃᓪᓗ ᓯᑕᒪᑦ ᐃᓚᖓᑦ ᑐᓴᕐᐸᕋ ᑲᓪᓕᐅᑉ ᐃᒃᑐᓚᐅᕐᓂᖓᑐᑦ ᓂᐱᖃᕐᓗᓂ ᐅᖃᕐᑐᖅ, “ᕾᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:7

ᓯᕗᓪᓕᕐᐹᓪᓗ ᐂᖏᓕᐅᑉ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᓇᑕᖅᑯᕐᓁᑦ ᐃᑯᒤᓪᓗ, ᐊᐅᒥᒃ ᐃᓚᖃᕐᓗᑎᒃ, ᓄᓇᕐᔪᐊᕐᒧᑦ ᑲᑕᒐᓕᕐᐳᑦ; ᓄᓇᕐᔪᐊᕐᓗ ᐊᕝᕙᖓᑕ ᐅᖓᑖᓄᑦ ᐃᑭᑕᐅᕗᖅ, ᓇᐹᕐᑐᐃᓪᓗ ᐊᕝᕙᖏᑕ ᐅᖓᑖᓄᑦ ᐃᑯᐊᓪᓚᒃᑭᕗᑦ, ᐃᕕᒃᓱᒐᓕᒫᓪᓗ ᑐᖑᔪᕐᑐᑦ ᐃᑯᐊᓪᓚᒃᑕᐅᒋᕗᑦ.