ᔪᐊᓇᓯᐅᑉ ᑕᑯᑎᑕᐅᓂᖏᑦ 14:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐳᔪᕐᓗ ᐋᓐᓂᐊᑎᑕᐅᑦᔪᑎᒋᔭᖓᑦ ᖁᒻᒧᐊᖕᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᑕᕾᕐᓯᕐᕕᒃᓴᖃᕐᓂᐊᓐᖏᓚᑦ, ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐆᒪᔪᐊᓗᖕᒥᒃ ᐊᑦᔨᖓᓂᒡᓗ ᓴᓇᓯᒪᔪᒥᒃ ᑐᒃᓯᐊᕐᕕᖃᕐᐸᒃᑐᑦ, ᓇᓗᓁᒃᑯᓯᕐᑕᐅᓯᒪᔪᓕᒫᑦ ᐆᒪᔪᐊᓘᑉ ᐊᑎᖓᑕ ᓇᓗᓁᒃᑯᑕᖓᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:11 Iomraidhean Croise

ᒨᓯᓯ ᓯᕗᓪᓖᑦ 19:28

ᐳᕐᑐᔪᒥᑦ ᐊᒻᒧᑦ ᑕᑯᓐᓇᕋᒥᒋᑦ ᓱᑑᒪ ᒍᒨᕋᓗ ᓄᓇᓕᒫᕐᓗ ᓇᕐᓴᖅ, ᑕᑯᕚ ᐳᔪᖅ ᖁᒻᒧᐊᒃᑐᖅ ᓲᕐᓗ ᐃᑯᐊᓚᑦᓯᕕᐊᓗᖕᒥᑦ ᐳᔫᕐᑐᖅ.

ᐃᓐᖏᕈᑎᑦ 10:16

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᐃᓅᖃᑎᒌᒡᔪᐊᑦ ᒎᑎᖃᖏᑦᑐᑦ ᓄᖑᑦᓱᒫᕐᐳᑦ ᓄᓇᖓᓂᑦ.

ᐃᓐᖏᕈᑎᑦ 145:1

ᐊᖏᔪᕈᕐᑎᑦᓱᒪᕙᒋᑦ ᒎᑎᒐ, ᐊᖓᔪᖅᑳᕐᔪᐊᖑᔪᑎᑦ; ᐊᑏᓪᓗ ᓂᕐᑐᕐᓇᕐᓯᑎᓐᓂᐊᕐᐸᕋ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᒨᓯᓯ ᐂᑉᐸᖏᑦ 15:18

ᐊᑕᓂᖅ ᐊᖓᔪᖅᑳᕐᔪᐊᖑᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᐂᓮᐊᓯᐅᑉ ᐊᒡᓚᖏᑦ 33:14

ᐊᔪᕐᑐᓕᔪᑦ ᓮᐅᓂᒦᑦᑐᑦ ᑲᑉᐱᐊᓱᓕᕐᐳᑦ; ᒎᑎᖃᖏᑦᑐᓪᓗ ᓴᔪᓕᕐᓗᑎᒃ; ᓇᓕᕐᐳᑦ ᐃᓅᔪᓐᓇᕐᐹ ᐃᑯᐊᓚᔪᒥ ᓄᖒᑦᓯᔪᒥ? ᓇᓕᕐᐳᓪᓗ ᐃᓂᖃᕈᓐᓇᕐᐹ ᐃᓱᖃᖏᑦᑐᒧᑦ ᐃᑯᐊᓚᔪᒥ?

ᐂᓮᐊᓯᐅᑉ ᐊᒡᓚᖏᑦ 34:10

ᖃᒥᔪᐃᑦᑑᓕᕈᒫᕐᐳᖅ ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐳᔫᖏᓐᓇᓕᕐᓗᓂ ᐃᓱᖃᖏᑦᑐᒧᑦ, ᑭᖑᕚᕇᑦ ᐅᓄᕐᑐᑦ ᑎᑭᓪᓗᒋᑦ ᓄᓇᒋᔭᒃᓴᐅᔪᓐᓃᕈᒫᕐᐳᖅ, ᐃᖏᕐᕋᔪᓄᓪᓗ ᐊᖅᑯᑕᐅᕙᒍᓐᓃᕐᓗᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 34:8

ᐊᑕᓂᐅᑉ ᐊᑭᓂᐊᕐᕕᖓᑕ ᐅᓪᓗᖓ ᓇᓪᓕᐅᑎᖕᒪᑦ, ᐊᕐᕌᒍ ᐊᑭᓂᐊᕈᑦᔨᓂᒃᓴᖓ ᓮᐅᓂᒥᒃ.

ᐂᓮᐊᓯᐅᑉ ᐊᒡᓚᖏᑦ 57:20

ᐱᐅᖏᑦᑐᓂᒃ ᐃᓕᖅᑯᓯᓖᑦ ᑕᕆᐅᑉ ᒪᓕᖏᑎᑐᑦ ᑍᒤᑉᐳᑦ ᓄᖅᑲᖓᔪᓐᓇᖏᑦᑐᑦ, ᒪᓕᒡᔪᐊᖏᓪᓗ ᓴᖅᑭᑎᑦᓯᓪᓗᑎᒃ ᐃᓱᕐᑐᒥᒃ ᒪᕐᕋᕐᒥᒡᓗ.

ᑖᓂᐊᓕᐅᑉ ᐊᒡᓚᖏᑦ 3:6

ᓇᓪᓕᐊᑦ ᐹᒻᒪᒃᑎᖏᑦᑐᖅ ᑐᒃᓯᐊᕐᓇᓂᓗ, ᑕᕝᕔᓐᓇᖅ ᐃᒋᑕᐅᓂᐊᕐᐳᖅ ᐃᑯᒪᒧᑦ ᐃᑯᐊᓚᔪᒧᑦ.”

ᔪᐃᓕᐅᑉ ᐊᒡᓚᖏᑦ 2:30

ᑲᒪᓇᕐᑐᓂᒃ ᓇᓗᓇᕐᑐᓂᒡᓗ ᑕᑯᒃᓴᐅᑎᑦᓯᔪᒫᕐᐳᖓ ᕿᓚᖕᒥ ᓄᓇᒥᓗ, ᐊᐅᖕᒥᒃ ᐃᑯᒪᒥᒃ ᐃᓯᕐᓗᒡᔪᐊᒥᒡᓗ.

ᒫᑎᐅᓯᐅᑉ ᐊᒡᓚᖏᑦ 11:28

“ᕾᒋᑦᓯ ᐅᕙᓐᓄᑦ, ᑕᒪᑦᓯ ᐊᒃᓱᕈᕐᑐᓯ ᐅᖁᒤᒃᓴᕐᑐᓯᓗ, ᑕᕾᕐᓯᕐᑎᑦᑐᒪᕙᑦᓯ.

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᒫᑎᐅᓯᐅᑉ ᐊᒡᓚᖏᑦ 25:46

ᑖᒃᑯᐊ ᓱᒋᐊᕐᑕᐅᕕᖕᒧᑦ ᓄᖑᓱᐃᑦᑐᒧᑦ ᐱᑎᑕᐅᔪᒫᕐᐳᑦ, ᐃᓗᐊᕐᑐᓪᓕ ᐃᓅᓯᕐᒧᑦ ᓄᖑᓱᐃᑦᑐᒧᑦ ᐱᑎᑕᐅᓕᕐᑎᓪᓗᒋᑦ.”

ᒨᓯᓯ ᑕᓪᓕᒪᖏᑦ 28:65

ᑕᒪᒃᑯᓇᓂᓗ ᐃᓅᖃᑎᒌᒡᔪᐊᓃᑎᓪᓗᓯ ᓮᓕᑦᓯᐊᕐᓇᕐᑐᒥᒃ ᓇᓂᓯᔪᒫᓐᖏᓚᓯ, ᓇᖕᒥᓂᕆᔭᕐᓂᒡᓗ ᑍᔭᒃᓴᕐᑕᖃᕈᒫᓐᖏᓚᖅ; ᐊᑕᓂᐅᑉ ᓵᓚᒋᔭᐅᑎᑦᓱᒫᕐᒪᓯ ᐃᓱᒪᔮᕐᓂᕐᒧᑦ, ᓂᕆᐅᒋᔭᒃᓴᖃᖏᓐᓂᕐᒧᑦ, ᓴᐱᓕᕐᓂᕐᒧᓪᓗ.

ᐄᑉᕈᐃᓄᑦ 1:8

ᐃᕐᓂᕐᓕ ᐱᓪᓗᒍ ᐅᖃᓚᐅᕐᐳᖅ, “ᒎᑏ ᐃᒃᓯᕙᐅᑕᕐᔪᐊᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ, ᐊᑕᓂᐅᕖᓪᓗ ᐊᐅᓚᓐᓂᐊᕐᐸᑦ ᐊᔭᐅᑉᐱᐊᕐᓄᑦ ᓇᓛᒎᑦᓯᐊᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:12

ᐆᒪᔪᐊᓘᓪᓗ ᓯᕗᓪᓕᐅᑉ ᐱᔪᓐᓇᕐᑎᑕᐅᓂᓕᒫᖓᓂᒃ ᐱᔪᓐᓇᐅᑎᖃᕐᐳᖅ ᓇᔪᕐᑕᒥᓂ, ᓄᓇᕐᔪᐊᕐᒥᐅᓪᓗ ᑐᒃᓯᐊᕐᑎᑉᐰᑦ ᐆᒪᔪᐊᓗᖕᒧᑦ ᓯᕗᓪᓕᕐᒧᑦ, ᐃᑭᖃᓚᐅᕐᑑᒐᓗᐊᒧᑦ ᒪᒥᓚᐅᕐᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:15

ᐆᒪᔪᐊᓘᒃ ᓯᕗᓪᓕᐅᑉ ᐊᑦᔨᓐᖑᐊᖓ ᐊᓂᕐᓵᕐᕕᒋᕚ ᓴᓇᓯᒪᔪᕐᓗ ᐅᖃᕈᓐᓇᕐᓯᕗᖅ, ᑐᖁᑕᐅᑎᑦᓯᔪᓐᓇᕐᓯᓪᓗᓂᓗ ᑐᒃᓯᐊᕐᕕᖃᕈᒪᖏᑦᑐᓕᒫᓂᒃ ᑖᑦᓱᒥᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:17

ᓇᓪᓕᐊᓪᓗ ᓂᐅᕕᕈᓐᓇᓐᖏᓚᖅ ᓂᐅᕐᕈᑎᖃᕈᓐᓇᕋᓂᓘᓐᓃᑦ ᓇᓗᓁᒃᑯᑕᖃᖏᒃᑯᓂ ᐆᒪᔪᐊᓘᑉ ᐊᑎᖓᓂᒃ ᓈᓴᐅᑎᖓᓂᒡᓘᓐᓃᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:9

ᐂᖏᓕᐅᓪᓗ ᐱᖓᔪᐊᑦ ᑭᖑᓂᖓᒍᑦ ᓴᖅᑭᒃᑭᕗᖅ, ᓂᐱᖅᑯᕐᑐᓪᓗᓂᓗ ᐅᖃᕐᐳᖅ, “ᓇᓪᓕᐊᑦ ᑐᒃᓯᐊᕐᕕᖃᖃᑦᑕᕐᐸᑦ ᐆᒪᔪᐊᓗᖕᒥᒃ ᐊᑦᔨᖓᓂᒡᓘᓐᓃᑦ ᓴᓇᓯᒪᔪᒥᒃ, ᓇᓗᓁᒃᑯᑕᖓᓂᒡᓗ ᖃᐅᕐᒥᒍᑦ ᓇᓗᓁᒃᑯᓯᕐᑕᐅᓯᒪᒃᐸᑦ ᐊᒡᒐᖕᒥᒍᓪᓘᓐᓃᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:18

ᐅᖃᕐᓗᑎᒃ, ᐃᑯᐊᓚᓂᖓᑕ ᐳᔪᖓᓂᒃ ᑕᑯᓐᓇᓕᕋᒥᒃ, “ᑖᒃᑯᑎᑐᓇᖅ ᐊᔪᖏᑦᑐᕐᔪᐊᖑᑎᒋᔪᓂᒃ ᐃᒡᓗᒐᓴᒡᔪᐊᕐᑕᖃᓚᐅᕐᓯᒪᓐᖏᓚᖅ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:9

ᓄᓇᕐᔪᐊᕐᒥᓗ ᐊᖓᔪᖅᑳᕐᔪᐊᑦ ᐊᕐᓇᕐᓂᐊᖃᑦᑕᓚᐅᕐᑐᑦ ᐃᒃᓯᒎᕐᓂᕐᔪᐊᖃᓚᐅᕐᑐᓪᓗ ᑖᑦᓱᒥᖓ, ᑕᑯᓕᕈᑎᒃ ᐃᑯᐊᓚᓂᖓᑕ ᐳᔪᖓᓂᒃ ᕿᐊᑦᔪᑎᒋᔪᒫᕐᐹᑦ ᐅᒡᒍᐊᕈᑎᒋᓗᒍᓗ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:3

ᓱᓕ ᐅᖃᒃᑲᓐᓂᕆᕗᑦ, “ᐋᓕᓘᔭ! ᐃᒡᓗᒐᓴᒡᔪᐊᑦ ᐃᑯᐊᓚᓂᖏᑕ ᐳᔪᖓ ᖁᒻᒧᐊᑦᓮᓐᓇᕐᓂᐊᕐᐳᖅ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:10

ᑕᕝᕙ ᓵᑖᓇᓯ ᑖᒃᑯᓂᖓ ᑕᒻᒪᕐᑎᑦᓯᓚᐅᕐᑐᖅ ᐃᒋᑕᐅᔪᒫᕐᐳᖅ ᑕᓯᕐᔪᐊᒧᑦ ᐃᒃᑭᕆᑦᑐᕐᔪᐊᒥᒃ ᓲᓪᕕᕆᒧᑦ ᐃᑯᒪᔪᒧᑦ ᑕᕝᕙᓂ ᐆᒪᔪᐊᓘᑉ ᓇᓚᐅᑦᑍᓂᕐᓗᒃᑑᓪᓗ ᐃᒋᑕᐅᕕᒋᓯᒪᔭᖓᓄᑦ, ᑖᒃᑯᐊᓗ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᑦ ᐅᓪᓗᖅ ᐅᓐᓄᐊᕐᓗ ᓈᓗᒋᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:5

ᑕᕝᕙᓂᓗ ᐅᓐᓄᐊᖃᕈᓐᓃᕈᒫᕐᐳᖅ; ᖃᐅᒻᒪᖅᑯᑎᖃᕆᐊᖃᕈᒫᕋᑎᒡᓗ ᓯᕿᓂᕐᒥᒡᓘᓐᓃᑦ, ᐊᑕᓂᖅ ᒎᑎ ᖃᐅᒻᒪᖅᑯᑎᒋᔪᒫᕐᒪᑦᔪᒃ, ᑕᕝᕙᓂᓗ ᐊᖓᔪᖅᑳᕐᔪᐊᖑᖃᑕᐅᔪᒫᕐᐳᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:12

ᐅᖃᕐᓗᑎᒃ, “ᐂᒥᓐ! ᓂᕐᑐᕐᑕᐅᓂᖅ ᐱᓐᓇᕐᓇᕐᓂᕐᓗ ᓯᓚᑐᓂᕐᓗ ᖁᔭᒋᔭᐅᓂᕐᓗ ᐅᐱᒋᔭᐅᓂᕐᓗ ᐱᔪᓐᓇᕐᓂᕐᓗ ᐊᔪᒐᖃᖏᓐᓂᕐᓗ ᒎᑎᑦᑎᓐᓄᑦ ᐱᒋᔭᐅᓕᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ! ᐂᒥᓐ.”