ᔪᐊᓇᓯᐅᑉ ᑕᑯᑎᑕᐅᓂᖏᑦ 14:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᑯᓴᕋᒪᓗ, ᑕᑯᕗᖓ, ᓄᕐᕋᐅᔭᕐᒥᒃ ᖃᖅᑲᒥ ᓮᐅᓂᒥ ᓇᖏᕐᑐᒥᒃ, ᓇᖏᖃᑎᖃᕐᓗᓂ 144,000ᓂᒃ ᐊᑎᖓᓂᒃ ᐊᑖᑕᖓᑕᓗ ᐊᑎᖓᓂᒃ ᑎᑎᕋᕐᕕᐅᓯᒪᔪᓂᒃ ᖃᐅᖏᑎᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:1 Iomraidhean Croise

ᐃᓐᖏᕈᑎᑦ 2:6

“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

ᐂᓮᐊᓯᐅᑉ ᐊᒡᓚᖏᑦ 49:14

ᓮᐅᓂᓕ ᐅᖃᕐᐳᖅ, “ᐊᑕᓂᐅᑉ ᕿᒪᖕᒪᖓ, ᐊᑕᓂᕐᒪᓗ ᐳᐃᒍᕐᓗᓂᖓ.”

ᔨᕆᒤᐊᐅᑉ ᐊᒡᓚᖏᑦ 1:11

ᐊᑕᓂᐅᑉ ᐊᐱᕆᕚᖓ, “ᔨᕆᒤᐊ ᓱᓇᒦᒃ ᑕᑯᕕᑦ?” ᑭᐅᕙᕋᓗ, “ᓇᐹᕐᑑᑉ ᐊᕙᓚᖓᔪᖓᑕ ᐃᓚᖓᓂᒃ ᑕᑯᕗᖓ.”

ᐃᓯᑭᐊᓕᐅᑉ ᐊᒡᓚᖏᑦ 1:4

ᑕᑯᓴᕋᒪᓗ ᑕᑯᕗᖓ, ᐊᓄᕆᕐᔪᐊᒥᒃ ᐅᓐᓄᐊᓪᓗᐊᑉ ᓇᓛᓂᓐᖔᕐᑐᒥᒃ, ᓄᕗᔭᒥᒡᓗ ᐊᖏᔪᒥᒃ, ᐊᕙᑖᓗ ᓯᓚ ᖃᐅᒪᔪᐊᓘᓪᓗᓂ, ᐃᑯᒪᓗ ᖃᐅᒻᒪᓪᓛᖏᓐᓇᕐᐳᖅ, ᐃᑯᒪᐅᓪᓗ ᕿᑎᖓᓂ, ᖃᐅᒻᒪᕆᒃᑐᒥᒃ ᓴᖅᑭᔮᕐᑐᖃᕐᐳᖅ ᓴᕕᕋᔭᒃᑐᑦ ᕿᓪᓕᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 10:1

ᑕᑯᓴᕋᒪ ᑕᑯᕗᖓ, ᓯᕈᐱᒻ ᐃᓴᕈᖃᕐᑐᑦ ᖁᓛᓃᑦᑐᒥᒃ ᐃᒡᓗᕕᒐᕐᑎᑐᑦ ᐊᓂᖓᔪᒥᒃ, ᖁᓛᓂᓗ ᐃᒃᓯᕙᐅᑕᕐᔪᐊᖑᔮᕐᑐᖅ ᑕᐅᑦᑐᖃᕐᐳᖅ ᓴᐰᕆᑎᑐᑦ ᐱᐅᓂᕐᐹᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 10:9

ᑕᑯᓴᕋᒪᓗ, ᑕᑯᒋᑦ, ᐊᒃᓴᓗᐊᓂᒃ ᓯᑕᒪᓂᒃ ᓯᕈᐱᒻ ᓴᓂᒥᐅᑕᕆᔭᖏᓐᓂᒃ ᑕᑯᕗᖓ, ᓯᕈᐱᒻ ᐊᑐᓂᑦ ᓴᓂᒥᐅᑕᕆᔭᖏᓐᓂᒃ; ᐊᒃᓴᓗᐊᓪᓗ ᑕᐅᑦᑐᖏᑦ ᕿᓪᓕᕐᐳᑦ ᐅᔭᕋᒃᑎᑐᑦ ᑯᕆᓱᓔᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 2:9

ᑕᑯᓴᕋᒪ, ᑕᑯᒋᑦ ᐊᒡᒐᓂᒃ ᑕᑯᓕᕐᐳᖓ ᐅᕙᓐᓄᑦ ᑐᓂᒻᒥᔪᓂᒃ, ᑎᒍᒥᐊᕐᓗᑎᒃ ᐊᒡᓚᖕᓂᒃ ᐃᒧᓯᒪᔪᓂᒃ;

ᐃᓯᑭᐊᓕᐅᑉ ᐊᒡᓚᖏᑦ 44:4

ᐊᒻᒪ ᐃᑎᕐᑕᕐᕕᖕᒧᐊᕐᑎᑉᐹᖓ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ ᑐᒃᓯᐊᕐᕕᒡᔪᐊᑉ ᓯᕗᕌᓃᑦᑐᒧᑦ; ᑕᑯᓴᕋᒪᓗ ᑕᑯᕗᖓ, ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᓄᑦ ᑐᒃᓯᐊᕐᕕᒡᔪᐊᖅ ᑕᑕᑕᐅᓯᒪᔪᖅ; ᒪᓂᖅᑲᒧᓪᓗ ᐹᒻᒪᒃᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 8:7

ᐂᑎᑉᐹᖓᓗ ᐊᓃᕋᔭᒡᕕᖓᑕ ᐃᑎᕐᑕᕐᕕᖓᓄᑦ; ᑕᑯᓴᕋᒪᓗ, ᑕᑯᒋᑦ, ᐊᖕᒪᔪᕐᑕᖃᕐᐳᖅ ᐊᑭᓐᓇᕐᒥ.

ᐃᓯᑭᐊᓕᐅᑉ ᐊᒡᓚᖏᑦ 9:4

ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᑖᓂᐊᓕᐅᑉ ᐊᒡᓚᖏᑦ 12:5

ᑕᕝᕙ ᐅᕙᖓ ᑖᓂᐊᓕ, ᑕᑯᓕᕐᐳᖓ ᒪᕐᕉᖕᓂᒃ ᓇᖏᕐᑑᖕᓂᒃ, ᐂᑉᐸᖓ ᓇᖏᕐᑐᖅ ᑰᑉ ᓯᓈᓂ, ᐂᐸᖓᓗ ᑰᑉ ᐊᑭᐊᓂ.

ᔪᐃᓕᐅᑉ ᐊᒡᓚᖏᑦ 2:32

ᒪᑐᒪ ᑭᖑᕐᖓᒍᑦ ᓇᓪᓕᐊᑦ ᐊᑕᓂᐅᑉ ᐊᑎᖓᓂ ᑐᒃᓯᐊᕐᑐᖅ ᐱᐅᓕᔭᐅᓛᕐᐳᖅ. ᖃᖅᑲᒥ ᓮᐅᓂᒥ ᔨᕉᓴᓕᒥᓗ ᓴᐳᑦᔭᐅᕕᒃᓴᖃᕈᒫᕐᐳᖅ. ᐊᑕᓂᖅ ᐅᖃᓚᐅᕐᒪᑦ, ᑍᒤᑦᓱᒫᕐᐳᖅ ᐃᓄᖁᑎᖏᓐᓂ ᐊᒥᐊᒃᑰᔪᓂ ᐊᑕᓂᐅᑉ ᕾᖁᔭᖏᓐᓂ.”

ᐂᒨᓯᐅᑉ ᐊᒡᓚᖏᑦ 8:2

ᐅᖃᐅᑎᕚᖓᓗ, “ᐂᒨᓰ ᓱᓇᒥᒃ ᑕᑯᕖᑦ?” ᑭᐅᕙᕋᓗ, “ᐃᕕᐅᔭᕐᒥᒃ ᐸᐅᕐᖓᓂᒃ ᐱᕈᕇᕐᓯᒪᔪᓂᒃ ᐃᓗᓕᓕᖕᒥᒃ.” ᑕᕝᕙ ᐊᑕᓂᐅᑉ ᐅᖃᐅᑎᕚᖓ, “ᐃᓄᖁᑎᒪ ᐃᓴᕆᐊᓕᒥᐅᑦ ᐃᓱᓕᕝᕕᐊ ᓇᓪᓕᐅᑎᕗᖅ, ᖄᖏᑐᐃᓐᓇᕐᓂᐊᕈᓐᓃᕐᐸᒃᑲ.

ᒤᑲᐅᑉ ᐊᒡᓚᖏᑦ 4:7

ᑐᓯᐊᑦᑐᑦ ᐊᒥᐊᑰᑎᑦᓱᒫᕐᐸᒃᑲ, ᐊᐅᓪᓚᕈᑦᔭᐅᓯᒪᔪᓪᓗ ᓲᖑᓯᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᕐᖑᕐᑎᓪᓗᒋᑦ; ᐊᑕᓂᖅ ᐊᐅᓚᑦᓯᔪᒫᕐᒪᑦ ᑖᒃᑯᓂᖓ ᓮᐅᓂᐅᑉ ᖃᖅᑲᖓᓂᑦ ᒫᓐᓇᒥᑦ ᐃᓱᖃᖏᑦᑐᒧᓪᓗ.

ᓴᑲᕅᐊᐅᑉ ᐊᒡᓚᖏᑦ 4:2

ᐅᖃᐅᑎᕚᖓᓗ, “ᓱᓇᒥᒃ ᑕᑯᕕᑦ?” ᑭᐅᕙᕋᓗ, “ᑕᑯᕗᖓ ᓇᓂᕈᐊᑉ ᐃᓂᖓᓂᒃ ᒎᓗᒥᒃ ᓴᓇᓯᒪᔪᒥᒃ, ᖄᖓᓂ ᐊᓪᓕᕋᐅᔭᕐᑕᓕᒃ ᐅᕐᓱᖃᕐᕕᖕᒥᒃ. ᓇᓂᕈᐊᓪᓗ ᐊᑐᓂᑦ ᐃᓂᖏᓐᓂᒃ 7ᓂᒃ ᓇᓂᕈᐊᕐᑕᖃᕐᐳᖅ, ᐊᑐᓂᓪᓗ ᑖᒃᑯᐊ 7ᓂᒃ ᐃᑯᐊᓚᒍᑎᖃᕐᐳᑦ.

ᓘᑲᓯᐅᑉ ᐊᒡᓚᖏᑦ 12:8

“ᐅᖃᐅᑎᕙᑦᓯ, ᓇᓪᓕᐊᑦ ᐃᓄᖕᓄᑦ ᐅᕙᓐᓂᒃ ᐅᖃᐅᓯᓕᒃ ᑍᒫᓪᓗᐊᖅ ᐃᓅᑉ ᐃᕐᓂᖓᑕ ᐅᖃᐅᓯᕆᔪᒫᕆᕚ ᒎᑎᐅᑉ ᐂᖏᓕᖏᓐᓄᑦ;

ᕉᒪᒥᐅᓄᑦ 9:33

ᐊᒡᓚᖕᓂ ᑎᑎᕋᕐᓯᒪᖕᒪᑦ, “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᐃᓕᓯᕗᖓ ᐃᓄᖕᓂᑦ ᐹᓪᓚᒍᑕᐅᔪᒫᕐᑐᒥᒃ, ᑖᒃᑯᓂᖓ ᐅᔭᕋᒃ ᐅᕐᕈᑎᑦᓯᔪᒫᕐᐳᖅ; ᑖᑦᓱᒧᖓᓗ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:14

ᑕᑯᓴᕋᒪ, ᑕᑯᒋᑦ ᓄᕗᔭᑕᖃᕐᐳᖅ ᖃᑯᕐᑕᒥᒃ, ᓄᕗᔭᒥᓗ ᐃᒃᓯᕚᕐᑐᖅ ᐃᓅᑉ ᐃᕐᓂᖓᑐᑦ ᑕᐅᑦᑐᖃᕐᐳᖅ, ᒎᓗᒥᒃ ᓂᐊᖂᓯᕐᓯᒪᕗᖅ, ᐃᐱᒃᑐᒥᒡᓗ ᐃᕕᖕᓂᒃ ᓇᑲᑎᕆᑦᔪᑎᒥᒃ ᑎᒍᒥᐊᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:3

ᐃᓐᖏᕐᐳᓪᓗ ᐃᓐᖏᕈᒻᒥᒃ ᓄᑖᒥᒃ ᐃᒃᓯᕙᐅᑕᕐᔪᐊᑉ ᓵᖓᓂ ᐆᒪᔪᓪᓗ ᓯᑕᒪᑦ ᐊᖓᔪᖅᑳᖑᔪᓪᓗ ᓵᖏᓐᓂ. 144,000 ᐊᓯᖏᓐᓄᑦ ᐃᓕᑕᐅᔪᓐᓇᖏᑦᑐᒥᒃ ᐃᓐᖏᕐᐳᑦ ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᔪᑦ ᓄᓇᕐᔪᐊᕐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:5

ᑕᒪᑐᒪ ᑭᖑᕐᖓᒍᑦ ᑕᑯᒋᕗᖓ ᑐᒃᓯᐊᕐᕕᒡᔪᐊᑉ ᕿᓚᖕᒦᑦᑑᑉ ᐅᒃᑯᐃᕐᑕᐅᓂᖓᓂᒃ, ᐊᖏᖃᑎᒌᖕᓂᐅᑉ ᑐᐱᖓᓂᒃ ᐃᓗᐊᓃᑦᑐᕐᑕᓕᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:4

ᑮᓇᖓᓗ ᑕᑯᔪᒫᕐᐹᑦ, ᐊᑎᖓᓗ ᖃᐅᖏᓐᓂ ᑎᑎᕋᕐᓯᒪᔪᒫᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:12

ᓵᓚᖃᕐᑐᖅ, ᓱᑲᓐᖑᕐᑎᑦᓱᒪᕙᕋ ᒎᑎᒪ ᑐᒃᓯᐊᕐᕕᒡᔪᐊᖁᑎᖓᓂ; ᑖᑦᓱᒪᓗ ᕿᒪᓚᐅᕐᓯᒪᓂᐊᓐᖏᓛ, ᐊᑎᓕᐅᕐᕕᒋᓂᐊᕐᐸᕋᓗ ᒎᑎᒪ ᐊᑎᖓᓂᒃ, ᒎᑎᒪᓗ ᐃᒡᓗᒐᓴᒡᔪᐊᖁᑎᖏᓐᓂᒃ, ᔨᕉᓴᓕᒥᒃ ᓄᑖᒥᒃ ᕿᓚᖕᒥᑦ ᐊᖅᑲᕈᒫᕐᑐᒥᒃ ᒎᑎᓐᓂᑦ ᐱᔪᒥᒃ, ᐊᑎᓕᐅᕐᕕᒋᓂᐊᕆᕙᕋᓗ ᐊᑎᓐᓂᒃ ᓄᑖᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:1

ᑕᒪᑐᒪ ᑭᖑᓂᖓᒍᑦ ᑕᑯᒋᕗᖓ, ᑕᑯᒋᑦ, ᐅᒃᑯᐊᒥᒃ ᐅᒃᑯᐃᓐᖔᕐᑐᒥᒃ ᕿᓚᖕᒧᑦ! ᓂᓪᓕᕐᑐᖃᕐᐳᕐᓗ, ᑐᓴᓚᐅᕐᑕᓐᓂᒃ ᐅᕙᓐᓄᑦ ᐅᖃᕐᑐᒥᒃ ᑎᑦᑐᓚᐅᑎᑎᑐᑦ ᓂᐱᖅᑯᑐᑎᒋᔪᒥᒃ, ᐅᖃᕐᐳᖅ, “ᒪᐅᖓ ᕾᒋᑦ, ᑕᑯᑎᓐᓂᐊᕋᒃᑭᑦ ᓇᓪᓕᐅᑎᔪᒫᕐᑐᓂᒃ ᑕᒪᑐᒪ ᑭᖑᓂᖓᒍᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:8

ᑕᑯᕗᖓᓗ, ᑕᑯᒋᑦ, ᕿᒻᒥᕐᔪᐊᒥᒃ ᑐᖁᖓᔪᑎᑐᑦ ᖃᑯᐊᖓᔪᒥᒃ, ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᑐᖁᒥᒃ, ᑐᖁᖓᔪᓪᓗ ᐃᓂᖏᑕ ᑭᖑᓂᑦᓯᐊᖓᓂ ᒫᓕᒃᐹ; ᑖᒃᑯᐊᓗ ᐱᔪᓐᓇᕐᓂᕐᑖᕐᑎᑕᐅᕗᑦ ᓄᓇᕐᔪᐊᕐᒥᐅᑦ ᐃᓄᖏᑕ ᐊᕝᕙᖏᑕ ᓇᑉᐸᖏᓐᓂᒃ ᑐᖁᑎᑦᓯᖁᓪᓗᒋᑦ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᓄᑦ ᐋᓐᓂᐊᓇᕐᑐᓄᑦ ᐆᒪᔪᓄᓪᓗ ᐃᕐᓯᓇᕐᑐᑎᒍᑦ.