ᔪᐊᓇᓯᐅᑉ ᑕᑯᑎᑕᐅᓂᖏᑦ 13:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᒎᑎᒥᒡᓗ ᐅᖃᕐᓂᕐᓘᑎᖃᓕᕐᐳᖅ, ᐊᑎᖓᓂᒃ ᐃᓂᖏᔭᖓᓂᒡᓗ, ᕿᓚᖕᒥᐅᓕᒫᓂᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:6 Iomraidhean Croise

ᔫᐱᐅᑉ ᐊᒡᓚᖏᑦ 3:1

ᑕᒪᑐᒪ ᑭᖑᓂᖓᒍᑦ ᔫᐱ ᓂᓪᓕᕐᐳᖅ ᐃᓅᓕᕐᕕᓂ ᐅᖃᕐᓂᕐᓘᑎᒋᓪᓗᓂᐅᒃ.

ᐃᓐᖏᕈᑎᑦ 73:9

ᕿᓔᑦ ᐊᑭᕋᕐᑐᕐᓗᒋᑦ ᓂᓪᓕᐊᕗᑦ, ᐅᖃᖏᓪᓗ ᓇᒧᑐᐃᓐᓇᖅ ᐱᓱᒃᑐᑎᑐᑦ ᓄᓇᒥ ᑍᒤᑉᐳᑦ.

ᑖᓂᐊᓕᐅᑉ ᐊᒡᓚᖏᑦ 11:36

“ᐊᖓᔪᖅᑳᕐᔪᐊᖅ ᐱᓂᐊᕐᓂᖃᕈᒫᕐᐳᖅ ᖃᓄᑐᐃᓐᓇ ᐱᔪᒪᔭᒥᓂᒃ, ᐃᒻᒥᓂᒃ ᐊᖏᔪᕈᕐᑎᑦᓱᒫᕐᒪᑦ ᓂᕐᑐᕐᑕᐅᔪᒪᓗᓂᓗ ᒎᑎᓐᖑᐊᓕᒫᓂᑦ ᐊᖏᓂᕐᓴᐅᔪᒪᓗᓂ; ᑐᓴᕐᑕᐅᓚᐅᕐᓯᒪᖏᑦᑐᓂᒃ ᓂᓪᓕᐊᔪᒫᕐᐳᖅ ᒎᑎᒋᔭᐅᔪᓕᒫᓂᑦ ᒎᑎᐅᓂᕐᐹᖑᔪᒧᑦ, ᐱᓇᓱᐊᕈᒪᔭᓕᒫᒥᓂᒃ ᐊᒡᕕᐊᕐᑕᐅᖏᓪᓗᓂ ᐃᓱᒪᕐᓱᕈᒫᕐᐳᖅ ᓇᓪᓕᐅᓐᓂᖅ ᒎᑎᐅᑉ ᓂᓐᖓᐅᒪᓂᖓ ᐃᓱᓕᖅᑳᕐᑎᓐᓇᒍ, ᐋᖅᑭᒃᑕᐅᓯᒪᔪᑦ ᑲᔪᓯᔭᕆᐊᖃᕐᒪᑕ.

ᑖᓂᐊᓕᐅᑉ ᐊᒡᓚᖏᑦ 7:25

ᑖᓐᓇ ᓂᓪᓕᐊᔪᒫᕐᐳᖅ ᖁᑦᓯᖕᓂᕐᐹᖑᔪᖅ ᐊᑭᕋᕐᑐᕐᓗᒍ ᐅᖁᒤᒃᓴᕐᑎᓪᓗᒋᓪᓗ ᖁᑦᓯᖕᓂᕐᐹᖑᔪᑉ ᐃᑦᔪᕐᓁᑦᑐᖁᑎᖏᑦ, ᐋᖅᑭᒃᓱᐃᓇᓱᐊᕈᒫᕐᓗᓂᓗ ᐱᖁᔭᓂᒃ ᓇᓪᓕᐅᓂᕐᓯᐅᕕᖕᓂᒡᓗ ᐊᓯᑦᔩᓇᓱᐊᕈᒫᕐᓗᓂ. ᖁᑦᓯᖕᓂᕐᐹᓪᓗ ᐃᑦᔪᕐᓁᑦᑐᖁᑎᖏᑦ ᓯᐊᓛᕆᑬᓐᓇᕈᒫᕐᐰᑦ, ᓇᓪᓕᐅᓐᓂᕐᓂᒃ ᐱᖓᓱᓂᒃ ᐊᕝᕙᕐᒥᒡᓗ.

ᑖᓂᐊᓕᐅᑉ ᐊᒡᓚᖏᑦ 7:8

ᓇᒡᔪᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᑎᓪᓗᖓ, ᓇᒡᔪᒃ ᒥᑭᔪᖅ ᓄᐃᕗᖅ ᓇᒡᔪᐃᑦ ᐊᑯᓐᓂᖓᑦᑎᒍᑦ, ᓇᒡᔪᐃᑦ ᓯᕗᓪᓖᑦ ᐱᖓᓱᑦ ᒪᓐᖑᖏᑎᒍᑦ ᑖᑦᓱᒪ ᐲᕐᑎᑉᐰᑦ, ᓇᒡᔪᒃ ᑖᓐᓇ ᐃᔨᖃᕐᐳᖅ ᐃᓅᑉ ᐃᔨᖏᒃᑎᑐᑦ ᖃᓂᖃᕐᓗᓂᓗ ᓂᓪᓕᐊᔪᒥᒃ ᐱᐅᔪᕆᓂᕐᒥᓂᒃ.”

ᒫᑎᐅᓯᐅᑉ ᐊᒡᓚᖏᑦ 12:34

ᐃᓕᑦᓯ ᖁᒡᓗᒋᐊᖑᔪᓯ ᖃᓄᖅ ᐱᐅᔪᓂᒃ ᐅᖃᕈᓐᓇᕐᐱᓰ? ᐱᐅᖏᑦᑑᑎᓪᓗᓯ, ᐆᒻᒪᑎᐅᑉ ᑕᑕᑦᔪᑎᖓᓂᒃ ᐃᓄᒃ ᐅᖃᐅᓯᖃᓲᖑᕘᖅ.

ᒫᑎᐅᓯᐅᑉ ᐊᒡᓚᖏᑦ 15:19

ᐃᓅᑉ ᐆᒻᒪᑎᖓᓂᑦ ᐃᓱᒤᑦ ᐱᐅᖏᑦᑐᑦ ᓴᖅᑭᑉᐳᑦ, ᐱᔮᕆᓗᓂ ᑐᖁᑦᓯᓂᖅ, ᓄᓕᐊᕇᖕᓂᕐᒥᒃ ᐊᓯᓐᓂᐊᕐᓂᖅ, ᑲᑎᑎᑕᐅᓯᒪᖃᑎᒋᓐᖏᑕᒥᒃ ᐃᓐᓇᖓᖃᑎᖃᕐᓂᖅ; ᑎᒡᓕᖕᓂᖅ, ᐃᓅᖃᑎᒥᒃ ᓴᒡᓗᑎᖃᕐᓂᖅ, ᐅᖃᐅᑎᖃᕐᓗᖕᓂᖅ.

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᕉᒪᒥᐅᓄᑦ 3:13

ᖃᓂᖏᑦ ᐃᓗᕕᕐᑎᑐᑦ ᒪᑐᐃᕐᓯᒪᔪᑎᑐᑦ ᑍᒤᑉᐳᑦ; ᐅᖃᕐᒥᖕᓄᑦ ᓯᓔᕐᕆᒃᓯᓂᕐᒥᒃ ᐱᓇᓱᐊᕐᐳᑦ, ᖁᒡᓗᒋᐊᑦ ᑐᖁᓐᓇᕐᑐᖏᑦ ᖃᓂᖏᓐᓃᑉᐳᑦ.

ᑯᓘᓯᐊᒥᐅᓄᑦ 1:19

ᑖᑦᓱᒪᓂ ᒎᑎᐅᓂᓂ ᐊᑕᖏᕐᓗᒍ ᖁᕕᐊᒋᓚᐅᕐᐹ ᐃᓂᒋᓗᒍ,

ᑯᓘᓯᐊᒥᐅᓄᑦ 2:9

ᒎᑎᐅᑉ ᐃᓕᖅᑯᓯᖓ ᑕᒪᒃᑭᑦᓯᐊᕐᓗᓂ ᙭ᔅᑑᓯᒦᒻᒪᑦ ᑎᒥᖃᕐᓗᓂ.

ᐄᑉᕈᐃᓄᑦ 9:2

ᑐᐱᖅ ᓇᑉᐸᕐᑕᐅᓚᐅᕐᐳᖅ. ᓯᓚᓪᓕᕐᒥᓗ ᓇᓂᕈᐊᖃᕐᕕᖃᕐᓗᓂ, ᓵᑕᖃᕐᖢᓂᓗ ᓂᐊᖂᔭᓄᑦ ᐃᑦᔪᕐᓁᑎᑕᐅᓯᒪᔪᓄᑦ ᐃᓂᒃᓴᒥᒃ; ᑕᒪᓐᓇᓗ ᑍᔭᐅᕗᖅ ᐃᑦᔪᕐᓁᑦᑐᕕᖕᒥᒃ.

ᐄᑉᕈᐃᓄᑦ 9:24

᙭ᔅᑑᓯ ᐃᑎᓚᐅᕐᐳᖅ, ᐃᑦᔪᕐᓁᑦᑐᕕᖕᒧᑦ ᐊᒡᒐᓄᑦ ᓴᓇᔭᐅᓯᒪᖏᑦᑐᒧᑦ, ᕿᓚᖕᒦᑦᑐᒧᑦ ᑕᕝᕗᖓ ᐊᑦᔨᐅᑎᑕᐅᓯᒪᔪᒧᑦ, ᓇᖕᒥᓂᕐᓗ ᕿᓚᖕᒧᐊᓚᐅᕐᐳᖅ ᒎᑎᐅᑉ ᓵᖓᓄᑦ ᓴᖅᑭᑦᓱᒪᓪᓗᓂ ᐱᑦᔪᑎᒋᓪᓗᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:12

ᓇᓚᐅᑦᑍᔫᒃ ᑐᓴᕐᐴᒃ ᐅᖃᐅᑦᔨᔨᒥᖕᓂᒃ ᕿᓚᖕᒥᑦ ᐱᔪᒥᒃ, ᐅᖃᕐᑐᒥᒃ, “ᒪᐅᖓ ᕾᒋᑦᑎᒃ!” ᐊᑭᕋᕐᑐᕐᑎᖏᓪᓗ ᑕᑯᓐᓇᕐᑎᓪᓗᒋᑦ ᓄᕗᔭᑎᒍᑦ ᕿᓚᖕᒧᑦ ᖁᒻᒧᐊᒃᐳᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:12

ᑍᒤᒻᒪᑦ ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᑕᕝᕙᓂ ᐃᓂᖃᕐᑐᓯ! ᑲᑉᐱᐊᓐᓇᒦᒡᓕ, ᓄᓇᕐᔪᐊᕐᒥᐅᑕᐅᔪᓯ ᐃᒪᕐᕕᖕᒥᐅᑕᐅᔪᓯᓗ, ᓵᑖᓇᓯᐅᑉ ᑎᑭᕝᕕᒋᖕᒪᓯ ᓂᓐᖓᐅᒪᔪᕐᔪᐊᖑᓪᓗᓂ, ᖃᐅᔨᒪᒐᒥ ᐱᕕᒃᓴᑭᑦᑑᓕᕐᓂᕐᒥᓂᒃ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:5

ᑕᒪᑐᒪ ᑭᖑᕐᖓᒍᑦ ᑕᑯᒋᕗᖓ ᑐᒃᓯᐊᕐᕕᒡᔪᐊᑉ ᕿᓚᖕᒦᑦᑑᑉ ᐅᒃᑯᐃᕐᑕᐅᓂᖓᓂᒃ, ᐊᖏᖃᑎᒌᖕᓂᐅᑉ ᑐᐱᖓᓂᒃ ᐃᓗᐊᓃᑦᑐᕐᑕᓕᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:1

ᑕᒪᑐᒪ ᑭᖑᓂᖓᒍᑦ ᑕᑯᒋᕗᖓ, ᑕᑯᒋᑦ, ᐅᒃᑯᐊᒥᒃ ᐅᒃᑯᐃᓐᖔᕐᑐᒥᒃ ᕿᓚᖕᒧᑦ! ᓂᓪᓕᕐᑐᖃᕐᐳᕐᓗ, ᑐᓴᓚᐅᕐᑕᓐᓂᒃ ᐅᕙᓐᓄᑦ ᐅᖃᕐᑐᒥᒃ ᑎᑦᑐᓚᐅᑎᑎᑐᑦ ᓂᐱᖅᑯᑐᑎᒋᔪᒥᒃ, ᐅᖃᕐᐳᖅ, “ᒪᐅᖓ ᕾᒋᑦ, ᑕᑯᑎᓐᓂᐊᕋᒃᑭᑦ ᓇᓪᓕᐅᑎᔪᒫᕐᑐᓂᒃ ᑕᒪᑐᒪ ᑭᖑᓂᖓᒍᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:4

ᐃᒃᓯᕙᐅᑕᕐᔪᐊᕐᓗ ᐊᕙᑕᖏᕐᑕᐅᓯᒪᕗᖅ ᐃᒃᓯᕙᐅᑕᕐᔪᐊᓄᑦ 24ᓄᑦ, ᑖᒃᑯᐊᓗ ᐃᒃᓯᕚᕐᕕᐅᕗᑦ ᐊᖓᔪᖅᑳᓄᑦ 24ᓄᑦ, ᐊᓐᓄᕌᕐᓯᒪᔪᓄᑦ ᖃᑯᕐᑕᓂᒃ, ᓂᐊᖂᓯᕐᓯᒪᔪᓄᑦ ᐊᖓᔪᖅᑳᕐᓯᐅᑎᓂᒃ ᒎᓗᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:13

ᑐᓴᕐᐳᖓᓗ ᐆᒪᔪᓕᒫᓂᒃ ᕿᓚᖕᒦᑦᑑᓂᒃ ᓄᓇᒦᑦᑐᓂᒃ ᓄᓇᐅᓪᓗ ᐊᑖᓃᑦᑐᓂᒃ ᐃᒪᕐᕕᖕᒦᑦᑐᓂᒡᓗ, ᑕᒤᓐᓂᒃ ᐊᓂᕐᓂᖃᕐᑐᓕᒫᓂᒃ, ᐅᖃᕐᑐᓂᒃ, “ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᖅ ᓄᕐᕋᐅᔭᕐᓗ ᓂᕐᑐᕐᑕᐅᓕᑦ ᐅᐱᒋᔭᐅᓕᑦ ᐱᓐᓇᕐᓇᕐᑎᑕᐅᓗᑎᒃ ᐊᔪᖓᖃᖏᓐᓂᕐᒥᒡᓗ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:15

ᑍᒤᒻᒪᑦ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᓵᖓᓃᑉᐳᑦ, ᐱᔨᑦᓯᕐᓗᒍ ᐅᓪᓗᖅ ᐅᓐᓄᐊᕐᓗ ᓈᓗᒍ ᑐᒃᓯᐊᕐᕕᒡᔪᐊᖁᑎᖓᓂ; ᐃᒃᓯᕙᐅᑕᕐᔪᐊᒥᓗ ᐃᒃᓯᕚᕐᑑᑉ ᐱᓯᒤᓐᓇᕐᓂᐊᕐᐰᑦ ᓴᐳᑎᓯᒪᓗᒋᑦ ᓇᔫᑎᓂᕐᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.