ᔪᐊᓇᓯᐅᑉ ᑕᑯᑎᑕᐅᓂᖏᑦ 13:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐆᒪᔪᐊᓘᓪᓗ ᓂᐊᖁᖓᑦᑕ ᐃᓚᖓᑦ ᑐᖁᑦᔪᑎᒃᓴᐅᔭᕐᑐᒥᒃ ᐃᑭᓕᕐᑕᐅᓯᒪᕗᖅ, ᐃᑭᓕᕐᑕᐅᓯᒪᓂᖓᓕ ᒪᒥᑉᐳᖅ, ᓄᓇᕐᔪᐊᕐᒥᐅᓕᒫᓪᓗ ᑲᒪᓂᕐᒧᑦ ᒪᓕᓕᕐᐳᑦ ᐆᒪᔪᐊᓗᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:3 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 30:24

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᑕᓕᖏᑦ ᓴᓐᖏᒃᑎᑎᓐᓂᐊᕐᐹᒃᑲᒃ, ᓴᕕᒡᔪᐊᖁᑎᓐᓂᒡᓗ ᑎᒍᓯᑎᓐᓂᐊᕐᐸᕋ; ᐰᕉᓪᓕ ᑕᓕᖏᑦ ᓇᐱᔪᒫᕐᐹᒃᑲᒃ, ᐋᓐᓂᐊᓂᕐᒧᑦ ᓂᐹᔪᒫᕐᐳᖅ ᐃᑭᓕᕐᑕᐅᓯᒪᔪᑎᑐᑦ ᑖᑦᓱᒪ ᓵᖓᓂ.

ᓘᑲᓯᐅᑉ ᐊᒡᓚᖏᑦ 2:1

ᐅᓪᓗᓂ ᑍᒃᑯᓇᓂ ᕉᒪᒥᐅᑦ ᐊᖓᔪᖅᑳᕐᔪᐊᖓᑦ ᓰᓴᕆ ᐋᒐᔅᑕᓯ ᐊᖓᔪᖅᑲᐅᕕᖕᒥᓃᑦᑐᑦ ᐃᓄᓕᒫᑦ ᓈᓴᕐᑕᐅᖁᓚᐅᕐᐰᑦ ᐱᖁᑎᖏᑦ ᐱᖃᓯᐅᑎᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 12:19

ᑕᕝᕙ ᐹᕆᓯᑦ ᐃᒻᒥᖕᓄᑦ ᐅᖃᖃᑦᑕᐅᑎᓕᕐᐳᑦ, “ᑕᑯᒋᑦ ᖃᓄᐃᓕᐅᕐᓂᕗᑦ ᐱᕙᓪᓖᓯᒪᖏᑦᓯᐊᕐᐳᖅ; ᑕᑯᒋᑦ, ᐃᓄᓕᒫᑦ ᒪᓕᓕᕐᐳᑦ ᔩᓱᓯᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:13

ᓮᒨᓂᑦᑕᐅᖅ ᐅᒃᐱᓕᕐᐳᖅ, ᐹᑉᑎᑕᐅᒐᒥ ᐱᓕᑉᐴᓯ ᐃᓚᒋᓕᕐᐹ, ᑲᒪᓂᐊᕐᓗᓂ ᑕᑯᖃᑦᑕᓕᕋᒥ ᑲᒪᓇᕐᑐᓂᒃ ᓇᓗᓁᒃᑯᑕᕐᓂᒡᓗ ᐱᓂᐊᕐᓂᐅᔪᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:12

ᐆᒪᔪᐊᓘᓪᓗ ᓯᕗᓪᓕᐅᑉ ᐱᔪᓐᓇᕐᑎᑕᐅᓂᓕᒫᖓᓂᒃ ᐱᔪᓐᓇᐅᑎᖃᕐᐳᖅ ᓇᔪᕐᑕᒥᓂ, ᓄᓇᕐᔪᐊᕐᒥᐅᓪᓗ ᑐᒃᓯᐊᕐᑎᑉᐰᑦ ᐆᒪᔪᐊᓗᖕᒧᑦ ᓯᕗᓪᓕᕐᒧᑦ, ᐃᑭᖃᓚᐅᕐᑑᒐᓗᐊᒧᑦ ᒪᒥᓚᐅᕐᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:14

ᑲᒪᓇᕐᑐᓕᔪᓐᓇᕐᓂᕐᒥᓄᑦ ᓄᓇᕐᔪᐊᕐᒦᑦᑐᑦ ᐅᐃᕕᕐᕆᕔᑦ ᑲᒪᓇᕐᑐᓕᓂᕐᓂᒃ ᐱᓂᐊᕈᓐᓇᕐᑎᑕᐅᒐᒥ ᐆᒪᔪᐊᓘᑉ ᓯᕗᓪᓕᐅᑉ ᐱᔪᓐᓇᕐᓂᖓᒍᑦ, ᐆᒪᔪᐊᓗᒡᓗ ᓴᓇᖁᔨᕗᖅ ᐆᒪᔪᐊᓘᑉ ᐊᑦᔨᖓᓂᒃ ᐅᐱᒍᓲᑎᒋᔭᐅᔪᒃᓴᒥᒃ ᑖᑦᓱᒥᖓ ᐃᑭᓕᕐᑕᐅᓚᐅᕋᓗᐊᕐᓗᓂ ᑐᖁᓚᐅᖏᒻᒪᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:10

ᑕᓪᓕᒪᑦ ᑐᖁᖓᓕᕐᐳᑦ, ᐊᑕᐅᓯᖅ ᓱᓕ ᐊᖓᔪᖅᑲᐅᕕᖕᒥᓂᒃ ᐊᐅᓚᑦᓯᕗᖅ, ᐃᓚᖓᑦ ᓱᓕ ᐊᖓᔪᖅᑳᓐᖑᓚᐅᓐᖏᓚᖅ, ᐊᖓᔪᖅᑳᓐᖑᕈᓂᓗ ᐊᑯᓂᐅᖏᑦᑐᖅ ᐊᖓᔪᖅᑳᖑᔪᒫᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:11

ᐆᒪᔪᐊᓗᒡᓗ ᐆᒪᓚᐅᕐᑑᒐᓗᐊᖅ ᒫᓐᓇᓕ ᐆᒪᔪᓐᓃᕐᑐᖅ, ᑖᓐᓇ ᐊᖓᔪᖅᑳᕐᔪᐊᑦ ᓯᑕᒪᐅᔪᕐᑐᒋᒐᓗᐊᕐᐹᑦ ᑭᓯᐊᓂᓕ ᐊᖓᔪᖅᑳᕐᔪᐊᑦ 7ᒋᕚᑦ, ᐊᖓᔪᖅᑳᕐᔪᐊᕈᒃᑲᓐᓂᓚᐅᕐᒪᑦ ᐊᓯᕈᕐᑕᐅᔭᕐᑐᑐᐃᓐᓇᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:13

ᑖᒃᑯᐊ ᖁᓕᑦ ᐊᑕᐅᓯᕐᒥᒃ ᐃᓱᒪᖃᖃᑎᒌᒃᐳᑦ ᐱᔪᓐᓇᕐᓂᑎᒃ ᐱᔪᓐᓇᕐᓯᑎᑕᐅᓯᒪᓂᑎᒡᓗ ᑐᓂᓯᒪᓪᓗᒋᑦ ᐆᒪᔪᐊᓗᖕᒧᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:17

ᒎᑎᐅᑉ ᐃᓱᒪᖃᓕᕐᑎᑦᓱᒫᕐᒪᒋᑦ ᐱᓇᓱᐊᕈᒪᔭᒥᓂᒃ ᓈᒻᒪᒃᓯᑎᑦᓯᖁᓪᓗᒋᑦ ᐱᓇᓱᐊᖃᑎᒌᓂᕐᒥᒃᑎᒍᑦ ᐊᑕᐅᓯᕐᒥᒃ ᐃᓱᒪᖃᕐᓗᑎᒃ ᐊᖓᔪᖅᑳᕐᔪᐊᖑᓂᕐᒧᑦ ᐱᔪᓐᓇᕐᓂᕐᒥᖕᓂᒃ ᐃᑲᔪᕈᑎᖃᖁᓪᓗᒋᑦ ᐆᒪᔪᐊᓗᖕᒧᑦ ᐊᐅᓚᑦᓯᓂᕐᒥᒃᑎᒍᑦ, ᒎᑎᐅᑉ ᐅᖃᐅᓯᖏᑦ ᓇᓚᐅᑦᓯᔭᕇᓚᐅᕐᑎᓐᓇᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:6

ᐊᕐᓇᕐᓗ ᑕᑯᕙᕋ ᐋᖓᔮᕐᑐᖅ ᐃᑦᔪᕐᓁᑦᑐᑦ ᐊᐅᖏᓐᓄᑦ ᔩᓱᓯᓗ ᐱᓪᓗᒍ ᑐᖁᑕᐅᓯᒪᔪᑦ ᐊᐅᖏᓐᓄᑦ. ᑖᓐᓇᓗ ᑕᑯᒐᒃᑯ ᐊᒃᓱᐊᓗᒃ ᑲᒪᓂᐊᕈᑎᒋᕙᕋ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:8

ᑖᓐᓇ ᐆᒪᔪᐊᓗᒃ ᑕᑯᓚᐅᕐᑍᑦ ᐆᒪᓚᐅᕐᑑᒐᓗᐊᖅ, ᒫᓐᓇᓕ ᑐᖁᖓᓕᕐᑐᖅ, ᑖᓐᓇᓗ ᒪᑭᑦᓱᒫᕐᐳᖅ ᐃᑎᕐᓴᕐᔪᐊᒥᑦ ᓇᑎᖃᖏᑦᑐᒥᑦ ᐊᓯᕈᕐᑕᐅᔭᕐᑐᓕᕐᓗᓂ; ᓄᓇᕐᔪᐊᒥᓗ ᐃᓅᔪᑦ ᐃᓅᓯᕾᓐᓇᕐᓇᕐᑐᒥ ᐃᓅᔪᒃᓮᑦ ᐊᑎᖃᕐᕕᖏᓐᓂ ᐊᑎᖏᑦ ᑎᑎᕋᕐᑕᐅᓯᒪᖏᑦᑐᑦ ᑍᒪᓐᖓᓂᑦ ᓯᓚᕐᔪᐊᖅ ᐱᓐᖑᕐᑎᑕᐅᓂᖓᓂᑦ, ᑖᒃᑯᐊ ᐆᒪᔪᐊᓗᒃ ᑕᑯᓕᕈᓂᑦᔪᒃ ᑲᒪᓂᐊᕈᑎᒋᔪᒫᕐᐹᑦ, ᑖᓐᓇ ᐆᒪᓚᐅᕐᑑᒐᓗᐊᖅ ᒫᓐᓇᓗ ᑐᖁᖓᓕᕐᑐᖅ ᓱᓕ ᑕᑯᓕᕈᓂᑦᔪᒃ.