ᔪᐊᓇᓯᐅᑉ ᑕᑯᑎᑕᐅᓂᖏᑦ 13:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐆᒪᔪᐊᓗᒡᓗ ᑕᑯᔭᕋ ᓕᐅᐸᕐᑎᑐᑦ ᑕᐅᑦᑐᖃᕐᐳᖅ, ᐃᑎᒐᖃᕐᓗᓂᓗ ᓇᓄᕐᑎᑐᑦ, ᖃᓂᖃᕐᓗᓂᓗ ᓔᔭᓐᑎᑐᑦ. ᑐᕌᒎᓂᐅᓪᓗ ᐆᒪᔪᐊᓗᒃ ᐱᔪᓐᓇᕐᓂᕐᒥᓂᒃ ᑐᓂᓯᕕᒋᕚ ᐊᖓᔪᖅᑲᐅᕕᖕᒥᓂᒡᓗ ᐊᑕᓂᐅᓂᕐᔪᐊᒥᓂᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:2 Iomraidhean Croise

ᐊᑕᓃᑦ ᐂᑉᐸᖏᑦ 2:24

ᓵᕝᕕᒋᓪᓗᓂᒋᑦ, ᐊᑦᑕᕆᓇᒋᑦ ᓱᐊᒃᐰᑦ ᐊᑕᓂᐅᑉ ᐊᑎᖓᓂ ᖃᓄᐃᓕᔭᐅᖁᓪᓗᓂᒋᑦ. ᑕᕝᕙ ᐊᒃᓵᖕᓂᒃ ᒪᕐᕉᖕᓂᒃ ᓇᐹᕐᑐᓂᑦ ᓴᖅᑭᑦᑐᖃᕐᓗᓂ ᑖᒃᑯᐊ ᐃᓅᓱᒃᑐᑦ 42ᖑᔪᑦ ᑕᒪᕐᒥᒃ ᐅᒋᐊᕐᑕᐅᕗᑦ.

ᐃᓐᖏᕈᑎᑦ 22:21

ᓴᐳᑎᓚᐅᓐᖓ ᓛᔭᐅᑉ ᖃᓂᖓᓂᑦ! ᐃᒻᒧᒃᓯᐅᒊᓪᓗ ᓄᔪᐊᕐᑐᑦ ᓇᒡᔪᖏᓐᓂᑦ, ᐃᕝᕕᓪᓕ ᓴᐳᑎᓚᐅᕐᐸᕐᒪ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:12

ᐊᖑᑦ ᓇᓄᕐᒥᒃ ᐊᒃᓴᒥᒃ ᓂᕕᐅᕐᑐᒥᒃ ᑲᑎᓯᓗᓂ ᐱᐅᓂᕐᓴᐅᕗᖅ, ᑲᑎᓯᒐᔭᕐᓂᖓᓂᑦ ᓯᓔᑦᑐᒥᒃ ᓯᓔᓐᓂᕐᒧᑦ ᐃᓕᖅᑯᓯᓕᖕᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:15

ᓛᔭᑎᑐᑦ ᓂᓪᓕᐊᔪᑎᑐᑦ ᓇᓄᕐᑎᑐᓪᓗ ᐅᐸᒃᑐᕐᑐᑎᑐᑦ ᑍᒤᒃᑭᕗᖅ ᐱᐅᖏᓐᓂᕐᒥ ᐊᐅᓚᑦᓯᔪᖅ ᐃᓄᖕᓄᑦ ᐊᔪᕐᓴᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 5:29

ᓂᐱᖏᑦ ᓔᔭᑎᑐᑦ ᖃᓕᖑᐊᕐᑐᑎᑐᑦ ᑍᒤᑉᐳᑦ, ᓔᔭᑎᑐᑦ ᐃᓅᓱᒃᑐᑎᑐᑦ ᖃᓕᖑᓛᕐᐳᑦ; ᐃᕐᓯᓵᕐᓗᑎᒃ ᐅᐸᒃᑐᕐᐳᑦ ᓂᕿᒃᓴᒥᖕᓂᒃ, ᑭᖕᒥᐊᓕᕐᓗᒋᓪᓗ ᐊᐅᓪᓚᕈᑎᕔᑦ ᐅᖓᒻᒧᑦ, ᓇᓪᓕᐊᓐᓄᓪᓘᓐᓃᑦ ᐊᕐᓵᕐᑕᐅᔪᓐᓇᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 13:23

ᐃᑎᐅᐱᐊᒥᐅᑕᖅ ᐅᕕᓂᖕᒥᑕ ᑕᕐᓴᖓᓂᒃ ᐊᓯᑦᔩᔪᓐᓇᕐᐹ? ᐅᕝᕙᓘᓐᓃᑦ ᓛᔭᐅᔮᕐᑑᑉ ᑕᕐᓴᓪᓛᒋᔭᓂ ᖁᐱᓴᕈᐊᑦᑐᑦ ᐲᔭᕈᓐᓇᕐᐸᒌᑦ? ᐱᐅᔪᒥᒃ ᐱᓇᓱᐊᓕᕈᓐᓇᖏᓐᓂᕗᓯ ᐱᐅᖏᑦᑐᒥᒃ ᓱᖏᐅᑎᓯᒪᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 5:6

ᑕᒪᓐᓇ ᐱᓪᓗᒍ ᓛᔭᒧᑦ ᓇᐹᕐᑐᐃᑦ ᐊᑯᓐᓂᖓᓂ ᑐᖁᑕᐅᓂᐊᕐᐳᑦ. ᐊᒪᕈᕐᓄᓪᓗ ᓱᓇᖃᔪᐃᑦᑐᒥᑦ ᐱᔪᓄᑦ ᐹᔭᐅᓂᐊᕐᐳᑦ. ᐃᕐᓯᓇᕐᑐᒧᓪᓗ ᓕᐅᐸᕐᑦᒧᑦ ᐅᑕᖅᑭᔭᐅᓂᐊᕐᐳᑦ ᓄᓇᓕᖏᑕ ᖃᓂᒋᔭᖏᓐᓂ, ᓄᓇᓖᓪᓗ ᓯᓚᑖᓄᐊᕐᑐᑦ ᐅᒋᐊᕐᑕᓂᐊᕐᐳᑦ, ᑕᒻᒪᕐᓯᒪᓂᖓᑦ ᐊᖏᓗᐊᓕᕐᒪᑦ, ᑲᑕᒍᑎᒋᓯᒪᔭᖏᓪᓗ ᐅᓄᓗᐊᓕᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 11:10

ᐱᓱᖕᓂᐊᕐᐳᑦ ᐊᑕᓂᕐᒥᒃ ᒪᓕᒡᓗᑎᒃ, ᖃᓕᖑᐊᕐᑐᑐᑦ ᓛᔭᑐᑦ ᓂᓪᓕᐊᓕᕈᒪ; ᐃᓛᒃ ᖃᓕᖑᐊᕐᓂᐊᕐᐳᖅ, ᕿᑐᕐᖓᖏᓪᓗ ᕾᔪᒫᕐᐳᑦ ᓯᕿᓂᐅᑉ ᓂᐱᕕᐊᓂᑦ ᓴᔪᒡᓗᑎᒃ.

ᐂᒨᓯᐅᑉ ᐊᒡᓚᖏᑦ 3:12

ᐊᑕᓂᖅ ᐃᒫᒃ ᐅᖃᕐᐳᖅ, “ᓰᐱᓕᕆᔨ ᐊᕐᓵᕐᓯᕙᖕᒪᑦ ᓛᔭᒥᒃ ᓂᐅᖕᓂᒃ ᒪᕐᕈᐃᓐᓈᖕᓂᒃ ᓯᐅᑎᐅᓪᓗ ᐃᓔᓐᓇᖓᓂᒃ; ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓔᓐᓇᖏᑦ ᓴᐳᑎᔭᐅᓂᐊᕐᐳᑦ ᓄᓇᖃᕐᑐᑦ ᓴᒥᐊᕆᐊᒥ; ᐊᔪᕐᓴᖏᑦᑐᕐᓯᐅᑎᓂ ᐃᒡᓕᕐᓂ ᓇᓚᕈᕐᑐᑦ, ᐃᒃᓯᕙᐅᑖᓗᖕᓂᓗ ᐃᒃᓯᕙᔪᑦ.

ᐂᒨᓯᐅᑉ ᐊᒡᓚᖏᑦ 5:19

ᐊᑦᔨᖃᕈᒫᕐᒪᑦ ᐊᖑᒻᒥᒃ ᓛᔭᒥᒃ ᕿᒫᔪᒥᒃ, ᓇᓄᕐᒥᒡᓗ ᐹᕐᓯᔪᒥᒃ! ᐅᕝᕙᓗ ᐊᑦᔨᖃᕈᒫᕆᕗᖅ ᐃᒡᓗᒧᑦ ᐃᑎᕐᑐᒥᒃ, ᐊᑭᓐᓇᒧᑦ ᐊᔭᑉᐸᒃᐸᑦ ᖁᒡᓗᒋᐊᒧᑦ ᑮᔭᐅᔪᑐᑦ!

ᕼᐊᐸᑲᐅᑉ ᐊᒡᓚᖏᑦ 1:8

“ᕿᒻᒥᕐᔪᐊᖏᑦ ᓱᒃᑲᓂᕐᓴᐅᕗᑦ ᐆᒪᔪᓂᑦ ᓱᒃᑲᓂᕐᐹᓂᑦ ᓕᐸᕐᑎᓂᑦ, ᐃᕐᓯᓇᕐᓂᕐᓴᐅᓪᓗᑎᒡᓗ ᐊᒪᕈᕐᓂᑦ ᑲᑦᔭᓂᑦ. ᐃᖏᕐᕋᕗᑦ ᕿᒻᒥᕐᔪᐊᒦᑦᑐᖁᑎᖏᑦ ᐱᐅᔪᕆᓪᓗᑎᒃ. ᐃᓛᒃ ᕿᒻᒥᕐᔪᐊᒦᑦᑐᖁᑎᖏᑦ ᓄᓇᒥᑦ ᐅᖓᓯᒃᑐᒥᑦ ᐱᓯᒪᕗᑦ. ᐊᐅᕐᓵᕐᐳᑦ ᓇᒃᑐᕋᓕᒃᑐᑦ ᓂᕿᒃᓴᒥᖕᓂᒃ ᐅᐸᒃᑐᕐᑐᑎᑐᑦ.

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.

ᐲᑦᑐᕉᓯ ᓯᕗᓪᓖᑦ 5:8

ᐅᑦᔨᕐᑐᑦᓯᐊᕆᑦᓯ, ᑲᐅᔨᓴᕐᓗᓯᓗ. ᐊᑭᕋᕐᑐᕐᑎᓯ ᓵᑖᓇᓯ ᓇᒧᑐᐃᓐᓇᖅ ᐃᖏᕐᕋᖕᒪᑦ ᓔᔭᓐᑎᑐᑦ ᓂᓪᓕᐊᔪᕐᔪᐊᑎᑐᑦ, ᑭᓇᑐᐃᓐᓇᕐᒥᒃ ᓂᕆᔭᒃᓴᕐᓯᐅᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:13

ᑐᕌᒎᓂ ᖃᐅᔨᓕᕋᒥ ᐃᒋᑕᐅᓯᒪᓂᕐᒥᓂᒃ ᓄᓇᕐᔪᐊᕐᒧᑦ, ᐊᕐᓇᖅ ᕿᓂᓕᕐᐹ ᑖᓐᓇ ᐃᕐᓂᕐᑖᓚᐅᕐᑐᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:15

ᑕᕝᕙ ᑐᕌᒎᓂ ᖃᓂᕐᒥᒍᑦ ᐃᒪᕐᒥᒃ ᐊᓂᑎᑦᓯᕗᖅ ᑰᒃᑐᑎᑐᑦ, ᐊᕐᓇᖅ ᐃᒪᕐᒧᑦ ᓴᕐᕙᐅᖁᓪᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:9

ᑐᕌᒎᓂ ᐊᖏᔪᕐᔪᐊᖅ ᐊᒻᒧᑦ ᐃᒋᑕᐅᕗᖅ, ᑖᓐᓇ ᖁᒡᓗᒋᐊᑐᖃᖅ, ᐱᐅᖏᑦᑐᒥᒃ ᓵᑖᓇᓯᒥᒡᓗ ᑍᔭᐅᔪᖅ, ᓯᓚᕐᔪᐊᕐᒥᐅᓕᒫᓂᒃ ᐅᐃᕕᕆᒃᓯᔨ; ᓄᓇᕐᔪᐊᕐᒧᑦ ᐃᒋᑕᐅᕗᖅ, ᐂᖏᓕᖁᑎᖏᓪᓗ ᐃᓚᒋᓪᓗᒋᑦ ᐃᒋᑕᐅᖃᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:12

ᐆᒪᔪᐊᓘᓪᓗ ᓯᕗᓪᓕᐅᑉ ᐱᔪᓐᓇᕐᑎᑕᐅᓂᓕᒫᖓᓂᒃ ᐱᔪᓐᓇᐅᑎᖃᕐᐳᖅ ᓇᔪᕐᑕᒥᓂ, ᓄᓇᕐᔪᐊᕐᒥᐅᓪᓗ ᑐᒃᓯᐊᕐᑎᑉᐰᑦ ᐆᒪᔪᐊᓗᖕᒧᑦ ᓯᕗᓪᓕᕐᒧᑦ, ᐃᑭᖃᓚᐅᕐᑑᒐᓗᐊᒧᑦ ᒪᒥᓚᐅᕐᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:4

ᐃᓄᐃᓪᓗ ᑐᕌᒎᓂ ᑐᒃᓯᐊᕐᕕᒋᕚᑦ, ᐱᔪᓐᓇᕐᓂᓕᒫᒥᓂᒃ ᑐᓂᓯᓚᐅᕐᒪᑦ ᐆᒪᔪᐊᓗᖕᒧᑦ, ᐆᒪᔪᐊᓗᒃᑕᐅᖅ ᑐᒃᓯᐊᕐᕕᐅᖃᑦᑕᕆᕗᖅ ᐃᓄᖕᓄᑦ ᐅᖃᕐᓗᑎᒃ, “ᐆᒪᔪᐊᓗᒃ ᑭᓇᒧᑦ ᐊᑦᔨᒋᔭᐅᔪᓐᓇᕐᐸ, ᑭᓇᓗ ᐅᓇᑕᕈᓐᓇᕐᐹ ᑖᑦᓱᒥᖓ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:10

ᐂᖏᓖᓪᓗ ᑕᓪᓕᒪᖓᑦᑕ ᖃᓪᓗᑎᓂ ᑯᕕᒋᕚ ᐆᒪᔪᐊᓘᑉ ᐃᒃᓯᕙᐅᑕᕐᔪᐊᖓᓄᑦ, ᐆᒪᔪᐊᓘᓪᓗ ᐊᑕᓂᐅᕕᖓ ᑖᕐᑐᕐᔪᐊᕐᒦᓕᕐᐳᖅ; ᐃᓄᐃᓪᓗ ᐅᖃᕐᒥᖕᓂᒃ ᑭᖕᒥᐊᓕᕐᐳᑦ ᐋᓐᓂᐊᓂᕐᒧᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:12

“ᓇᒡᔪᐃᓪᓗ ᖁᓖᑦ ᑕᑯᔭᑎᑦ ᐊᖓᔪᖅᑳᕐᔪᐊᖑᕗᑦ ᖁᓕᑦ ᓱᓕ ᐊᖓᔪᖅᑳᕐᔪᐊᓐᖑᓚᐅᖏᑦᑐᑦ, ᑭᓯᐊᓂᓕ ᐱᔪᓐᓇᕐᓯᑎᑕᐅᔪᒫᕐᐳᑦ ᐊᖓᔪᖅᑳᕐᔪᐊᖑᖁᓪᓗᒋᑦ ᐃᑲᕐᕋᕐᒥᒃ ᐊᑕᐅᓯᕐᒥᒃ, ᐊᐅᓚᑦᓯᖃᑎᖃᕐᓗᑎᒃ ᐆᒪᔪᐊᓗᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:13

ᐃᓂᒋᔧᑦ ᖃᐅᔨᒪᕙᕋ, ᑕᕝᕙᓂ ᓵᑖᓇᓯ ᐃᒃᓯᕙᐅᑕᕐᔪᐊᖃᕐᐳᖅ; ᐅᕙᓐᓂᒡᓕ ᓱᓕ ᐃᒃᐱᒍᓱᑦᓯᐊᕐᐳᑎᑦ ᐅᒃᐱᕐᓂᕆᔧᓪᓗ ᐅᕙᓐᓄᑦ ᑲᔪᓯᑎᓯᒪᕙᑦ ᐋᓐᑎᐸᔅ ᐃᓅᑎᓪᓗᒍ ᓇᓗᓁᕐᓯᓂᕆᓚᐅᕐᑍᑦ, ᑖᓐᓇ ᓱᖁᓯᔪᐃᑦᑐᖁᑎᒋᓚᐅᕐᑕᕋ, ᐊᑯᓐᓇᑦᓯᓐᓂ ᑐᖁᑕᐅᓚᐅᕐᑐᖅ, ᓵᑖᓇᓯᐅᑉ ᐃᓂᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:2

ᑐᕌᒎᓂᓗ ᑎᒍᕚ, ᑖᓐᓇ ᖁᒡᓗᒋᐊᑐᖃᖅ, ᑕᕝᕙ ᐱᐅᓐᖏᑐᒥ ᐱᔪᒥᓵᕆᔨ ᑖᓇ ᓵᑖᓇᓯ, ᑖᓐᓇᓗ ᕿᓚᒃᓱᕐᐹ ᕿᓚᒃᓱᕐᓯᒪᓂᐊᓕᕐᓗᓂ ᐊᕐᕌᒍᓂᑦ 1,000ᓂᒃ.