ᔪᐊᓇᓯᐅᑉ ᑕᑯᑎᑕᐅᓂᖏᑦ 13:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᓄᓕᒫᓪᓗ, ᓵᓚᐅᓂᕐᐹᑦ ᐱᔪᓐᓇᕐᑐᓪᓗ, ᐊᔪᕐᓴᓐᖏᑐᑦ ᐊᔪᕐᓴᕐᑐᓪᓗ, ᐱᔩᑦ ᐱᔨᐅᖏᑦᑐᓪᓗ, ᓇᓗᓁᒃᑯᑕᕐᑖᕐᑎᑉᐰᑦ ᐊᒡᒐᖏᑕ ᑕᓕᕐᐱᖏᑎᒍᑦ ᖃᐅᖏᑎᒍᓪᓘᓐᓃᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:16 Iomraidhean Croise

ᑯᕉᓂᑲ ᐂᑉᐸᖏᑦ 15:13

ᓇᓪᓕᐊᓪᓗ ᐊᑕᓂᕐᒥᒃ ᖃᐅᔨᓇᓱᐊᖃᑦᑕᕈᒪᖏᑦᑐᖅ ᐃᓴᕆᐊᓕᐅᑉ ᒎᑎᖓᓂᒃ, ᑐᖁᑕᐅᔪᒃᓴᐅᕗᖅ, ᐃᓅᓱᒃᑑᒐᓗᐊᕐᐸᑦ ᐃᓄᑐᖃᐅᒃᐸᓪᓘᓐᓃᑦ, ᐊᖑᑕᐅᒃᐸᑦ ᐊᕐᓇᐅᒃᐸᓪᓘᓐᓃᑦ.

ᔫᐱᐅᑉ ᐊᒡᓚᖏᑦ 34:19

ᐊᖓᔪᖅᑳᓪᓕ ᓇᓪᓕᐊᓐᓂᒃ ᐱᑦᓯᐊᕐᓂᕐᓴᖃᕐᐸᓐᖏᓚᖅ, ᐊᒃᓱᐃᑦᑐᓪᓗ ᐱᑦᓯᐊᕐᓂᕐᓴᕆᕙᓐᖏᓔᑦ ᐊᒃᓱᔪᓂᑦ, ᑕᒪᒃᑯᐊᓕᒫᑦ ᑖᑦᓱᒪ ᓴᓇᓯᒪᔧᓐᓇᕆᖕᒪᒋᑦ.

ᐃᓐᖏᕈᑎᑦ 115:13

ᐊᑕᓂᕐᒥᒃ ᓯᕘᕋᔪᑦ ᓮᒻᒪᕐᑎᓐᓂᐊᕐᐰᑦ, ᒥᑭᔪᑦ ᐊᖏᔪᓪᓗ.

ᐃᓐᖏᕈᑎᑦ 49:2

ᐊᔪᕐᑐᓪᓗ ᐊᔪᖏᑦᑐᓪᓗ, ᐊᒃᓗᐃᑦᑐᓪᓗ ᐊᒃᓗᔪᓪᓗ ᐊᑕᐅᑦᓯᒃᑯᑦ.

ᒨᓯᓯ ᐂᑉᐸᖏᑦ 13:9

ᑕᒪᒃᑯᐊᓗ ᑎᑎᕋᕐᓯᒪᓗᑎᒃ ᓇᓗᓁᒃᑯᑕᐅᔪᒃᓴᐅᕗᑦ ᕿᓚᒃᓯᒪᓗᒋᑦ ᐊᒡᒐᑦᓯᓐᓄᑦ, ᐃᖅᑲᐅᒪᑦᔪᑎᒃᓴᐅᓗᑎᒡᓗ ᖃᐅᑦᓯᓐᓂ; ᐊᑕᓂᐅᑉ ᐱᖁᔭᖓᓂᒃ ᐳᐃᒍᖁᓇᓯ; ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓄᑦ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 9:4

ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᓴᑲᕅᐊᐅᑉ ᐊᒡᓚᖏᑦ 13:6

ᐊᐱᕆᔭᐅᒍᓂᓗ ᐃᒫᒃ, ‘ᓱᔪᓄᒃᑯᐊ ᕿᓕᕈᐃᑦ ᐊᒡᒐᖕᓂ?’ ᑖᓐᓇᓗ ᑭᐅᒐᔭᕐᐳᖅ, ‘ᐃᓚᓐᓇᕆᔭᒪ ᐃᒡᓗᖓᓂ ᑭᓪᓕᐊᔭᐅᓚᐅᕐᑐᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 26:22

ᒎᑎᐅᓪᓕ ᐃᑲᔪᐃᓐᓇᕐᐹᖓ ᐅᓪᓗᒥᒧᑦ ᑎᑭᓪᓗᒍ, ᒫᓐᓇᓗ ᓇᖏᕐᐳᖓ ᓇᓗᓁᕐᓯᔪᓐᓇᕐᓗᖓ ᐊᑦᔨᒌᒃᑐᒥᒃ ᐃᓄᖕᓄᑦ ᐊᑦᔨᒌᖏᑦᑐᓄᑦ, ᐅᖃᐅᓯᖃᕐᐳᖓ ᓇᓚᐅᑦᑍᔪᑦ ᒨᓯᓯᐅᓪᓗ ᓇᓪᓕᐅᑎᓂᐊᕐᓂᕋᕐᓯᒪᔭᖏᑕ ᐊᓯᐊᒎᖏᑦᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:13

ᐊᓂᕐᓂᕐᒧᑦ ᐊᑕᐅᓯᕐᒧᑦ ᐹᑉᑎᑕᐅᓯᒪᒐᑦᑕ ᑎᒥᒥ ᐊᑕᐅᓯᐅᖁᓪᓗᑕ; ᔫᑎᑦ ᒍᕇᑭᓪᓗ, ᐱᔨᐅᔪᑦ ᐱᔨᐅᖏᑦᑐᓪᓗ, ᑕᒪᑦᑕᓗ ᐃᒥᕐᑎᑕᐅᕗᒍᑦ ᐊᓂᕐᓂᕐᒥᑦ ᐊᑕᐅᓯᕐᒥᑦ.

ᒐᓔᑎᐊᒥᐅᓄᑦ 3:28

ᑖᑦᓱᒪᓂᓗ ᔫᑎᐅᒍᕕᑦ ᒍᕇᑭᐅᒍᕕᓪᓘᓐᓃᑦ, ᓯᐊᓛᖑᒍᕕᑦ ᓯᐊᓛᖑᖏᒃᑯᕕᓪᓘᓐᓃᑦ, ᐊᖑᑕᐅᒍᕕᑦ ᐊᕐᓇᐅᒍᕕᓪᓘᓐᓃᑦ; ᑕᒪᑦᓯ ᐊᑕᐅᓯᐅᕗᓯ ᙭ᔅᑑᓯ ᔩᓱᓯᒥ.

ᒐᓔᑎᐊᒥᐅᓄᑦ 6:17

ᑭᖑᓪᓕᕐᐹᒥᒡᓕ ᓇᓕᑦᓯᓐᓄᑦ ᐅᖁᒤᓐᓇᕐᑐᒥᒃ ᐱᑎᑕᐅᔪᒪᓂᐊᕈᓐᓃᕐᐳᖓ; ᑎᒥᓐᓂ ᕿᓕᕈᒃᑲ ᔩᓱᓯᒥᐅᑕᐅᓂᕐᒥᒃ ᓴᖅᑭᑎᑦᓯᖕᒪᑕ.

ᐃᐱᓯᒥᐅᓄᑦ 6:8

ᖃᐅᔨᒪᒐᑦᓯ ᐱᓂᐊᑦᓯᐊᕐᓂᖏᑦ ᒪᓕᒡᓗᒋᑦ, ᐊᑕᓂᐅᑉ ᐊᑭᓕᕈᒫᕐᒪᒋᑦ ᐊᑐᓂᑦ, ᓂᐅᕕᐊᖑᓯᒪᓂᕐᒧᑦ ᐱᔨᐅᒐᓗᐊᕐᐸᑦ ᐱᔨᐅᖏᒃᑲᓗᐊᕐᐸᓪᓘᓐᓃᑦ.

ᒨᓯᓯ ᑕᓪᓕᒪᖏᑦ 11:18

“ᑕᒪᒃᑯᐊ ᐃᖅᑲᐅᒪᔭᒃᓴᕆᕙᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᔭᒃᑲ ᑍᒧᖎᓐᓇᕆᐅᕐᓴᕐᓗᒋᓪᓗ ᐆᒻᒪᑎᑦᓯᒍᑦ. ᐊᒡᒐᐅᑎᑦᓯᓐᓄᑦ ᓂᒻᒪᐅᑎᓗᒋᑦ ᕿᓚᒃᑕᒃᓴᕆᕙᓯ ᖃᐅᕐᒥᐅᑕᕆᓗᒋᓪᓗ ᐊᑯᓕᐊᑦᓯᓐᓂ ᐃᓕᑦᓯᓐᓄᑦ ᓇᓗᓁᒃᑯᑕᐅᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 6:8

ᐊᒡᒐᐅᑎᑦᓯᓐᓂ ᓇᓗᓁᒃᑯᑕᐅᓗᑎᒃ ᕿᓚᒃᓯᒪᔪᒃᓴᐅᕗᑦ ᖃᐅᕐᒥᐅᑕᕆᓗᒋᓪᓗ ᖃᐅᕈᑎᒧᑦ ᐃᓕᓯᒪᓗᒋᑦ ᐃᖅᑬᑦᔪᑎᒃᓴᐅᖁᓪᓗᒋᑦ.

ᑯᓘᓯᐊᒥᐅᓄᑦ 3:11

ᑕᕝᕙᓂ ᐃᓅᓯᕐᒥ ᓄᑖᒥ ᒍᕇᑭᑕᖃᓐᖏᓚᖅ ᔫᑎᑕᖃᕋᓂᓗ, ᑭᐱᓯᒪᔪᖃᓐᖏᓚᖅ ᑭᐱᓯᒪᖏᑦᑐᖃᕋᓂᓗ, ᐅᖓᓯᕐᑐᒥᐅᑕᖃᕋᓂᓗ ᐋᓪᓚᑕᖃᕋᓂᓗ, ᓂᐅᕕᐊᖑᓯᒪᓂᒃᑯᓪᓗ ᐱᔨᑕᖃᕋᓂ, ᐱᔨᐅᖏᕐᑐᖃᕋᓂᓗ, ᙭ᔅᑑᓯᓕ ᑕᒤᓐᓅᕐᐳᖅ, ᑕᒤᓐᓃᓪᓗᓂᓗ.

ᑎᒧᑎᒧᑦ ᐂᑉᐸᖏᑦ 3:8

ᔮᓂᔅᑐᑦ ᔭᒻᐳᕆᓯᑐᓪᓗ ᒨᓯᓯᒥᒃ ᐊᑭᕋᕐᑐᓚᐅᕐᒪᑎᒃ, ᑍᒫᒃᑕᐅᖅ ᑖᒃᑯᐊ ᐊᖑᑎᑦ ᓱᓕᔪᒥᒃ ᐊᑭᕋᕐᑐᕆᕗᑦ; ᐃᓱᒪᖏᑦ ᐊᓯᕈᕐᑕᐅᓯᒪᕗᑦ ᐅᒃᐱᕐᓂᕐᒥᓪᓗ ᑲᑕᒃᓯᒪᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:18

ᐃᓅᖃᑎᒌᒡᔪᐊᑦ ᓂᓐᖓᕕᒡᔪᐊᕐᐳᑦ, ᓂᓐᖓᐅᓰᓪᓕ ᓇᓪᓕᐅᑎᓕᕐᐳᖅ, ᑐᖁᖓᔪᓪᓗ ᐃᖅᑲᕐᑐᕐᑕᐅᕕᒃᓴᖏᑦ ᓇᓪᓕᐅᑎᕗᑦ, ᐱᔨᕕᓪᓗ ᐊᑭᓕᕐᑕᐅᓂᒃᓴᖏᑦ ᓇᓪᓕᐅᑎᕗᑦ, ᓇᓚᐅᑦᑍᔨᖁᑎᑎᑦ, ᐃᑦᔪᕐᓁᑦᑐᖁᑎᑎᓪᓗ, ᐃᓕᖕᓂᒡᓗ ᐅᐱᒍᓱᒃᑐᑦ, ᐱᓪᓚᕆᐅᒃᐸᑕ ᐱᓪᓚᕆᐅᖏᑉᐸᑕᓘᓐᓃᑦ. ᓄᓇᕐᔪᐊᕐᒥᒡᓗ ᐊᓯᕈᕐᓮᔩᑦ ᐊᓯᕈᕐᑕᐅᕕᒃᓴᖓᑦ ᓇᓪᓕᐅᑎᕗᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:2

ᑕᑯᓕᕆᕗᖓ ᐃᒪᐅᔮᕐᑐᒥᒃ ᐊᓕᒍᕐᒥᒃ ᐃᑯᐊᓚᔫᔮᕐᑐᒥᒃ, ᓵᓚᖃᕐᓯᒪᔪᓪᓗ ᐆᒪᔪᐊᓗᖕᒥᒃ ᐊᑦᔨᓐᖑᐊᖓᓂᒡᓗ ᓴᓇᓯᒪᔪᒥᒃ ᐊᑎᖓᓂᒡᓗ ᓈᓴᐅᑎᓕᖕᒥᒃ, ᑖᒃᑯᐊᓗ ᓇᖏᕐᐳᑦ ᐃᒪᐅᔮᕐᑑᑉ ᐊᓕᒍᕐᑐᑦ ᑍᒤᑦᑑᑉ ᓯᓈᓂ ᑯᑭᑦᑕᐸᐅᑎᐅᔮᕐᑐᓂᒃ ᕼᐊᕐᐱᓂᒃ ᑎᒍᒥᐊᕐᓗᑎᒃ ᒎᑎᐅᑉ ᐱᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:18

ᓂᕆᓕᕐᑕ ᐊᖓᔪᖅᑳᕐᔪᐊᑦ ᑎᒥᖏᓐᓂᒃ, ᐅᓇᑕᕐᑎᖁᑎᖏᑕᓪᓗ ᐊᖓᔪᖅᑳᖁᑎᖏᓐᓂᒃ, ᐅᓇᑕᕐᑐᒃᓴᖁᑎᖏᑕᓗ ᐊᔪᖏᑦᑐᕐᔪᐊᑦ ᑎᒥᖏᓐᓂᒃ, ᕿᒻᒥᕐᔪᐊᓂᒃ ᑕᕝᕙᓂᓗ ᐃᑭᒪᔪᑦ ᑎᒥᖏᓐᓂᒃ, ᐃᓅᓕᒫᓪᓗ ᑎᒥᖏᓐᓂᒃ, ᓯᐊᓛᓂᑦ ᓯᐊᓛᖑᖏᑦᑐᓂᓗ, ᒥᑭᔪᓂ ᐊᖏᔪᓂᒡᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:5

ᐃᒃᓯᕙᐅᑕᕐᔪᐊᕐᒥᓪᓗ ᓂᓪᓕᕐᑐᖃᕐᐳᖅ, ᐅᖃᕐᓗᓂ, “ᒎᑎᕗᑦ ᓂᕐᑐᕐᓯᐅᒃ, ᑖᑦᓱᒧᖓ ᐱᔨᐅᔪᓯ ᑕᒪᑦᓯ, ᑖᑦᓱᒥᖓ ᐅᐱᒍᓱᒃᑐᓯ, ᓴᓐᖐᑦᑐᑦ ᓴᓐᖏᔪᓪᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:12

ᑐᖁᓯᒪᔪᓪᓗ ᑕᑯᒋᕙᒃᑲ, ᐊᖏᔪᑦ ᒥᑭᔪᓪᓗ, ᐃᒃᓯᕙᐅᑕᕐᔪᐊᑉ ᓵᖓᓂ ᓇᖏᕐᑐᑦ, ᑎᑎᕋᕐᕕᒃᓮᓪᓗ ᒪᒃᐱᕐᑕᐅᕗᑦ. ᐊᓯᖏᓪᓗ ᐊᑎᖃᕐᕖᑦ ᒪᒃᐱᕐᑕᐅᒋᕗᑦ, ᑖᒃᑯᐊ ᐊᑎᖃᕐᕖᑦ ᐃᓅᓯᕾᓐᓇᕐᓇᕐᑐᑦ. ᑐᖁᓯᒪᔪᓪᓗ ᐊᑐᓂᑦ ᐃᖅᑲᕐᑐᕐᑕᐅᓕᕐᐳᑦ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ, ᑎᑎᕋᕐᕕᒃᓴᓂ ᑎᑎᕋᕐᑕᐅᓯᒪᔪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:15

ᓄᓇᕐᔪᐊᕐᒥᓗ ᐊᖓᔪᖅᑳᕐᔪᐊᑦ ᐊᔪᖏᑦᑐᖁᑕᐅᔪᓪᓗ ᐅᓇᑕᕐᑐᒃᓴᓪᓗ ᐊᖓᔪᖅᑳᖏᑦ ᐊᔪᕐᓴᓐᖏᑦᑐᓪᓗ ᓴᓐᖏᔪᓪᓗ, ᐃᓄᑐᐃᓐᓇᓕᒫᓪᓗ, ᓯᐊᓛᑦ ᓯᐊᓛᖑᖏᑦᑐᓪᓗ, ᐃᔨᕆᐊᕐᑐᕐᐳᑦ ᕾᕈᓱᖕᓄᑦ ᖃᖅᑳᓗᐃᓪᓗ ᐅᔭᕋᓱᒃᔪᖏᑦᑕ ᐊᖁᕐᖓᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:3

ᐅᖃᕐᓗᓂ, “ᓄᓇᕐᔪᐊᖅ ᐊᓯᕈᕐᑍᓕᓯᐅᒃ ᐃᒪᕕᒡᓘᓐᓃᑦ ᓇᐹᕐᑐᐃᓪᓘᓐᓃᑦ, ᒎᑎᑦᑕ ᐱᔨᖏᓐᓂᒃ ᖃᐅᖏᑎᒍᑦ ᓇᕿᑦᔪᓯᕐᓯᓚᐅᖏᓐᓂᑦᑎᓐᓂ.”