ᔪᐊᓇᓯᐅᑉ ᑕᑯᑎᑕᐅᓂᖏᑦ 13:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐆᒪᔪᐊᓗᒃ ᑭᖑᓪᓕᖅ ᑲᒪᓇᕐᑐᕐᔪᐊᓂᒃ ᐱᓇᓱᐊᕈᓐᓇᕐᐳᖅ, ᐊᒡᓛᑦ ᕿᓚᖕᒥᑦ ᐃᑯᒪᒥᒃ ᓄᓇᕐᔪᐊᕐᒧᑦ ᑲᑕᒃᑎᑦᓯᔪᓐᓇᕐᐳᖅ ᐃᓄᐃᑦ ᑕᒃᑯᐊᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:13 Iomraidhean Croise

ᐊᑕᓃᑦ ᓯᕗᓪᓖᑦ 18:38

ᑕᕝᕙ ᐊᑕᓂᐅᑉ ᐃᑯᒪᖁᑎᖓ ᐊᖅᑲᕐᐳᖅ, ᑐᓂᕐᕈᑏᓪᓗ ᐃᑯᐊᓚᑎᑕᒃᓴᖅ ᓄᖑᑉᐹ, ᕿᔪᐃᓪᓗ, ᐅᔭᕅᓪᓗ, ᐳᔪᕅᓪᓗ, ᐃᒥᕐᓗ ᓄᖑᑉᐹ ᐃᑎᕐᓴᒦᑦᑐᖅ.

ᒨᓯᓯ ᐂᑉᐸᖏᑦ 7:22

ᐄᑦᔨᑉᑎᐅᓪᓕ ᐊᖓᒃᑯᖁᑎᖏᑦ ᑍᒤᓕᐅᕐᑎᑦᓯᔪᓐᓇᓚᐅᕆᕗᑦ; ᑍᒤᒻᒪᑦ ᐰᕉᑉ ᐆᒻᒪᑎᖓ ᓱᓕ ᓯᑎᔫᒋᐊᓪᓚᑐᐃᓐᓇᓚᐅᕐᐳᖅ, ᑖᒃᑯᓂᖓᓗ ᓈᓚᒍᒪᓇᓂ, ᓲᕐᓗ ᐊᑕᓂᐅᑉ ᑍᒫᒃ ᐅᖃᐅᓯᕆᓚᐅᕐᒪᒍ ᑍᒤᓐᓂᐊᕐᓂᕋᕐᓗᒍ.

ᒨᓯᓯ ᐂᑉᐸᖏᑦ 8:7

ᑭᓯᐊᓂᓕ ᐊᖓᒃᑯᐃᑦᑕᐅᖅ ᐊᖓᒃᑰᓂᕐᒥᖕᓄᑦ ᑍᒤᓕᐅᓚᐅᕆᕗᑦ, ᓴᖅᑭᑎᑦᓯᓪᓗᑎᒃ ᓈᕌᔨᓂᒃ ᐄᑦᔨᑉᑎᐅᑉ ᓄᓇᖓᓄᑦ.

ᒨᓯᓯ ᐂᑉᐸᖏᑦ 9:11

ᐊᖓᒃᑯᐃᓪᓗ ᑕᕝᕙᓂ ᓇᖏᕈᓐᓁᓪᓕᓚᐅᕐᐳᑦ ᒨᓯᓯᐅᑉ ᓵᖓᓂ ᑕᒪᒃᑯᐊ ᐊᔪᐊᑦ ᐱᑦᔪᑎᒋᓪᓗᒋᑦ, ᑕᒪᒃᑯᐊ ᐊᔪᐊᑦ ᐊᖕᒪᕐᑎᓚᐅᕐᒪᑕ ᐊᖓᒃᑯᓂ ᐃᓄᓕᒫᓂᓗ ᐄᑦᔨᑉᑎᒥᐅᓂ.

ᒨᓯᓯ ᓯᑕᒪᖏᑦ 16:35

ᐃᑯᒪᓗ ᐊᖅᑲᕐᐳᖅ ᐊᑕᓂᕐᒥᑦ ᓄᖑᓪᓗᒋᓪᓗ 250 ᐊᖑᑎᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᑐᓂᕐᕈᓯᕐᑐᑦ.

ᒫᑎᐅᓯᐅᑉ ᐊᒡᓚᖏᑦ 16:1

ᐹᕆᓯᑦ ᐃᓚᖏᑦ ᓵᑦᔪᓰᓪᓗ ᔩᓱᓯᒧᐊᕐᐳᑦ ᐆᒃᑐᕈᒪᓪᓗᒍ; ᑍᒤᒻᒪᑦ ᑲᒪᓇᕐᑐᓕᖁᕚᑦ, ᑕᑯᑎᑕᐅᔪᒪᓪᓗᑎᒃ ᓇᓗᓁᒃᑯᑕᕐᒥᒃ ᕿᓚᖕᒥᑦ ᐱᔪᒥᒃ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑯᓯᐅᑉ ᐊᒡᓚᖏᑦ 13:22

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᕈᒫᕐᒪᑕ ᓇᓗᓁᒃᑯᑕᕐᓂᒃ ᓴᖅᑭᑎᑦᓯᔪᒫᕐᐳᑦ ᑲᒪᓇᕐᑐᓕᓂᕐᓂᒡᓗ, ᑕᒻᒪᕐᑎᑦᓯᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᓐᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᑎᒧᑎᒧᑦ ᐂᑉᐸᖏᑦ 3:8

ᔮᓂᔅᑐᑦ ᔭᒻᐳᕆᓯᑐᓪᓗ ᒨᓯᓯᒥᒃ ᐊᑭᕋᕐᑐᓚᐅᕐᒪᑎᒃ, ᑍᒫᒃᑕᐅᖅ ᑖᒃᑯᐊ ᐊᖑᑎᑦ ᓱᓕᔪᒥᒃ ᐊᑭᕋᕐᑐᕆᕗᑦ; ᐃᓱᒪᖏᑦ ᐊᓯᕈᕐᑕᐅᓯᒪᕗᑦ ᐅᒃᐱᕐᓂᕐᒥᓪᓗ ᑲᑕᒃᓯᒪᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:5

ᑖᒃᑯᐊᒡᓕ ᓇᓪᓕᐊᓐᓄᑦ ᐊᓯᕈᕐᑕᐅᓇᓱᐊᕐᐸᑎᒃ, ᐃᑯᒪᒥᒃ ᐋᓐᓂᑎᑦᓯᔪᓐᓇᕐᐴᒃ ᖃᓂᕐᒥᖕᓂᑦ ᐊᑭᕋᕐᑐᕐᑎᑎᒃ ᓄᖑᓪᓗᒋᑦ; ᓇᓪᓕᐊᑦ ᑖᒃᑯᖕᓂᖓ ᐊᓯᕈᐃᓇᓱᐊᕐᑐᖅ ᑍᒫᒃ ᑐᖁᑕᐅᔪᒃᓴᐅᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:14

ᑖᒃᑯᐊ ᐊᓂᕐᓂᕐᓘᕗᑦ ᓵᑖᓇᓯᒥᓐᖔᕐᓯᒪᔪᑦ, ᑲᒪᓇᕐᑐᓂᒃ ᓴᖅᑭᑎᑦᓯᖃᑦᑕᕐᐳᑦ, ᐊᓂᕐᓃᓪᓗ ᑖᒃᑯᐊ ᐱᖓᓱᑦ ᓯᓚᕐᔪᐊᕐᒥᐅᓕᒫᑦ ᐊᖓᔪᖅᑳᕐᔪᐊᖏᓐᓄᐊᕐᐳᑦ, ᑖᒃᑯᐊ ᑲᑐᑦᔨᓗᑎᒃ ᐅᓇᑕᖅᑯᓪᓗᒋᑦ ᒎᑎᐅᑉ ᐊᔪᒐᖃᖏᑦᑐᕐᔪᐊᑉ ᐅᓪᓗᕐᔪᐊᖓᑕ ᓇᓪᓕᐅᓐᓂᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:9

ᓄᓇᕐᔪᐊᕐᒧᓪᓗ ᓇᒧᑐᐃᓐᓈᕈᒫᕐᐳᑦ ᐅᓇᑕᕆᐊᕐᓗᑎᒃ ᐊᕙᑕᖏᕐᓯᔪᒫᕐᐳᑦ ᐃᑦᔪᕐᓁᑦᑐᓂᒃ ᐃᒡᓗᒐᓴᒡᔪᐊᓂᒡᓗ ᓇᒡᓕᖕᓇᕐᑐᓂᒃ; ᕿᓚᖕᒥᓪᓕ ᐃᑯᒪᒥᒃ ᑲᑕᒃᕕᐅᔪᒫᕐᐳᑦ ᓄᖑᑕᐅᓗᑎᒃ.