ᔪᐊᓇᓯᐅᑉ ᑕᑯᑎᑕᐅᓂᖏᑦ 12:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑐᕌᒎᓂ ᐊᖏᔪᕐᔪᐊᖅ ᐊᒻᒧᑦ ᐃᒋᑕᐅᕗᖅ, ᑖᓐᓇ ᖁᒡᓗᒋᐊᑐᖃᖅ, ᐱᐅᖏᑦᑐᒥᒃ ᓵᑖᓇᓯᒥᒡᓗ ᑍᔭᐅᔪᖅ, ᓯᓚᕐᔪᐊᕐᒥᐅᓕᒫᓂᒃ ᐅᐃᕕᕆᒃᓯᔨ; ᓄᓇᕐᔪᐊᕐᒧᑦ ᐃᒋᑕᐅᕗᖅ, ᐂᖏᓕᖁᑎᖏᓪᓗ ᐃᓚᒋᓪᓗᒋᑦ ᐃᒋᑕᐅᖃᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:9 Iomraidhean Croise

ᒨᓯᓯ ᓯᕗᓪᓖᑦ 3:1

ᖁᒡᓗᒋᐊᕐᓕ ᓯᓔᕐᕆᒃᓯᒃᑲᐅᓂᕐᐸᐅᓚᐅᕐᐳᖅ ᐆᒪᔪᓕᒫᓂᑦ ᓄᔪᐊᕐᑐᓂᑦ ᐊᑕᓂᐅᑉ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ. ᖁᒡᓗᒋᐊᓪᓗ ᐊᕐᓇᖅ ᐊᐱᕆᕚ, “ᒎᑎ ᐅᖃᓚᐅᕐᐹ, ᓇᐹᕐᑐᓂᑦ ᓇᓪᓕᐊᓐᓂᑐᐃᓐᓇᖅ ᓂᕆᔪᒃᓴᐅᓐᖏᓚᓯᒃ ᐱᕈᕐᓰᕕᖕᒦᑦᑐᓂᒃ?”

ᒨᓯᓯ ᓯᕗᓪᓖᑦ 3:13

ᐊᑕᓂᐅᓪᓗ ᒎᑎᐅᑉ ᐊᕐᓇᖅ ᐊᐱᕆᕚ, “ᓱᖕᒪᑦ ᑍᒤᓕᐅᓚᐅᕐᐲᑦ?” ᐊᕐᓇ ᐅᖃᕐᐳᖅ, “ᖁᒡᓗᒋᐊᑉ ᓯᓔᕐᕆᖕᒪᖓ, ᓂᕆᓚᐅᕐᐳᖓ.”

ᑯᕉᓂᑲ ᓯᕗᓪᓖᑦ 21:1

ᓵᑖᓇᓯ ᐱᓇᓱᐊᓕᕐᐳᖅ ᐃᓴᕆᐊᓕᒥᐅᑦ ᐊᑭᕋᕐᑐᕐᓗᒋᑦ, ᑍᕕᑎᓗ ᑲᔪᖏᕐᓴᕐᐹ ᐃᓴᕆᐊᓕᑎᓂᒃ ᓈᓮᖁᓪᓗᒍ.

ᑯᕉᓂᑲ ᐂᑉᐸᖏᑦ 18:21

ᐅᖃᐅᑎᕚᓗ, ‘ᐅᕙᖓ ᐊᓂᕐᓂᐅᓗᖓ ᓴᒡᓗᓂᕐᒥᒃ ᐅᖃᕐᑎᖏᑕ ᖃᓂᖏᓐᓄᑦ ᐃᓕᓯᓂᐊᕐᐳᖓ.’ ᐊᑕᓂᐅᑉ ᐅᖃᐅᑎᕚ, ‘ᑲᔪᖏᕐᓴᕐᓂᐊᕐᐸᑦ, ᓵᓚᖃᕐᓂᐊᕐᐳᑎᑦ; ᐂᓕᕆᑦ ᑍᒤᓕᐅᕆᐊᕐᑐᕐᓗᑎᑦ.’

ᐃᓐᖏᕈᑎᑦ 109:6

ᐱᐅᖏᑦᑐᖅ ᐊᖓᔪᖅᑳᓐᖑᕐᑎᒍᒃ ᑖᑦᓱᒧᖓ; ᑕᓕᕐᐱᐊᓄᓪᓗ ᓵᑖᓇᓯ ᓂᑯᕕᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 14:12

“ᕿᓚᖕᒥᑦ ᑲᑕᖕᓂᑰᕗᑎᑦ, ᓘᓯᕙᕐ, ᐅᓪᓘᑉ ᐅᓪᓗᕆᐊᕆᕚᑎᑦ ᖃᐅᕙᓪᓕᐊᓯᐅᑎᐅᑉ ᐃᕐᓂᕆᕚᑎᑦ! ᓄᓇᒧᑦ ᐃᒋᑕᐅᓯᒪᕗᑎᑦ. ᐃᓅᖃᑎᒌᒡᔪᐊᓂᒃ ᒥᑭᒡᓕᑎᕆᕙᓚᐅᕐᑐᑎᑦ!

ᐂᓮᐊᓯᐅᑉ ᐊᒡᓚᖏᑦ 27:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓴᕕᒡᔪᐊᓂ ᐊᖏᔪᖅ ᓴᓐᖏᔫᓪᓗᓂᓗ ᑲᑉᐱᐊᓇᕐᑐᖅ ᓱᒋᐊᕐᓯᑦᔪᑎᒋᔪᒫᕐᐹ ᓕᕔᐊᑕᓐᒥᒃ ᕿᒫᓯᒪᓪᓗᓂ ᖁᒡᓗᒋᐊᖅ, ᓕᕔᐊᑕᓐ ᖃᓄᑐᐃᓐᓇᖅ ᓂᒪᒡᓗᓂ ᐊᐅᓚᔪᓐᓇᕐᑐᖅ ᓂᒥᕆᐊᕐᔪᐊᖅ, ᐆᒪᔪᕐᓗᒃ ᑐᖁᑦᓱᒫᕐᐹ ᑕᕆᐅᕐᔪᐊᒥ.

ᐂᓮᐊᓯᐅᑉ ᐊᒡᓚᖏᑦ 65:25

ᐊᒪᕈᖅ ᓰᐱᐅᓪᓗ ᓄᕐᕋᖓ ᓂᕆᓇᓱᖃᑎᒌᒍᒫᕐᐴᒃ, ᓛᔭᓗ ᐃᕕᒃᓱᒐᕐᓂᒃ ᓂᕿᖃᕈᒫᕐᐳᖅ ᐃᒻᒧᒃᓯᐅᒐᕐᑎᑐᑦ; ᖁᒡᓗᒋᐊᓪᓕ ᓄᓇᐅᑉ ᐳᔪᕋᖓᓂᒃ ᓂᕆᔭᒃᓴᖃᕈᒫᕐᐳᑦ, ᐋᓐᓂᖃᑦᑕᐅᑎᔪᒫᓐᖏᓚᑦ ᑐᖁᕋᐅᑎᓇᑎᒡᓗ ᐃᓘᓐᓇᑎᒃ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ.” ᐊᑕᓂᖅ ᑍᒪᒃ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 28:16

ᑕᐅᕐᓰᖃᑎᖃᖃᑦᑕᕐᓂᕐᒧᓪᓗ ᑲᔪᓯᒻᒪᕆᓕᕐᑎᓪᓗᑎᑦ, ᐱᓂᕐᓗᖕᓂᕐᒧᑦ ᑎᑭᐅᑎᓚᐅᕐᐳᑎᑦ, ᐊᔪᕐᑐᓕᓕᕐᓗᑎᓪᓗ; ᐊᓂᑎᑦᓴᕆᐊᖃᓕᓚᐅᕐᐸᒋᑦ ᓇᕐᕈᓇᕐᓯᑎᑦᓯᒐᕕᑦ ᒎᑎᐅᑉ ᖃᖅᑲᖁᑎᖓᓂᒃ, ᐂᓐᖏᓕᐅᓪᓗ ᓯᕋᐱᐅᑉ ᓴᐳᑦᔨᔨᒋᓚᐅᕐᑕᕕᑦ ᐊᓂᑎᑦᓴᕆᐊᖃᓕᓚᐅᕐᐹᑎᑦ ᑕᕝᕙᓐᖓᑦ ᐅᔭᕋᖕᓂᑦ ᐱᐅᔪᓂᑦ ᕿᓪᓛᒡᒋᕐᑕᕐᑐᓂᑦ.

ᒫᑎᐅᓯᐅᑉ ᐊᒡᓚᖏᑦ 13:39

ᐊᑭᕋᕐᑐᕐᑎ ᐱᕈᕐᓂᕐᓗᒃᑐᒃᓴᓂᒃ ᑲᓐᖓᕐᓱᐃᔪᖅ ᑖᓐᓇᐅᕗᖅ ᓵᑖᓇᓯ; ᓇᑲᑎᕆᕝᕕᒃ ᑕᕝᕙ ᓯᓚᕐᔫᑉ ᐃᓱᐊ, ᑲᑎᕐᓱᐃᔩᑦ ᑕᕝᕙ ᐂᖏᓖᑦ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᒫᑎᐅᓯᐅᑉ ᐊᒡᓚᖏᑦ 4:1

ᑕᕝᕙ ᐊᓂᕐᓂᐅᑉ ᔩᓱᓯ ᑕᓯᐅᕐᐹ ᐃᓄᖃᖏᑦᑐᒧᑦ, ᐆᒃᑐᕐᑕᐅᓗᓂ ᐱᔪᒥᓵᕐᑕᐅᖁᓪᓗᒍ ᓵᑖᓇᓯᒧᑦ.

ᒫᑎᐅᓯᐅᑉ ᐊᒡᓚᖏᑦ 4:10

ᑕᕝᕙ ᔩᓱᓯᐅᑉ ᑭᐅᕚ, “ᓵᑖᓇᓰ ᐅᕙᓐᓂᑦ ᐊᐅᓪᓚᕆᑦ! ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐊᑕᓂᕐᒧᑦ ᒎᑎᖕᓄᑦ ᑐᒃᓯᐊᕐᑐᒃᓴᐅᕗᑎᑦ ᑖᓐᓇ ᑭᓯᒥ ᐱᔨᑦᓯᕐᑕᒃᓴᕆᕙᑦ!’”

ᒫᑎᐅᓯᐅᑉ ᐊᒡᓚᖏᑦ 4:5

ᑕᕝᕙ ᓵᑖᓇᓯᐅᑉ ᔩᓱᓯ ᔨᕉᓴᓕᒻᒧᐊᕈᑎᕚ ᐃᒡᓗᒐᓴᖕᓄᑦ ᐃᑦᔪᕐᓁᑦᑐᓄᑦ, ᖃᑉᕕᕐᑎᓪᓗᒍ ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓄᑦ.

ᒫᑎᐅᓯᐅᑉ ᐊᒡᓚᖏᑦ 4:8

ᐊᒻᒪ ᓵᑖᓇᓯᐅᑉ ᔩᓱᓯ ᐊᐅᓪᓚᕈᑎᕚ ᖃᖅᑲᒧᑦ ᐳᕐᑐᔪᐊᓗᖕᒧᑦ, ᑕᑯᑎᓪᓗᒍ ᓯᓚᕐᔪᐊᕐᒥᐅᑦ ᐊᖓᔪᖅᑲᐅᕕᖏᓐᓂᒃ ᑕᑯᒥᓇᕐᓂᖏᓐᓂᒡᓗ.

ᓘᑲᓯᐅᑉ ᐊᒡᓚᖏᑦ 10:18

ᔩᓱᓯᐅᑉ ᑭᐅᕔᑦ, “ᓵᑖᓇᓯ ᑕᑯᓚᐅᕐᐸᕋ ᕿᓚᖕᒥᑦ ᑲᑕᒃᑐᖅ ᖃᐅᒻᒫᓪᓚᒃᑐᑎᑐᑦ.

ᓘᑲᓯᐅᑉ ᐊᒡᓚᖏᑦ 13:16

ᐅᓇᓕ ᐊᕐᓇᖅ, ᐂᑉᕋᕼᐋᒻ ᑭᖑᕚᖓ ᓵᑖᓇᓯᐅᑉ ᕿᓚᒃᓱᕐᓯᒪᓚᐅᕐᑕᖓ ᐊᕐᕌᒍᓂᒃ 18ᓂᒃ, ᑖᓐᓇ ᕿᓚᕈᑦᔮᕐᑕᐅᔭᕆᐊᖃᓐᖏᓛᖅ ᓴᐸᑎᒥ?”

ᓘᑲᓯᐅᑉ ᐊᒡᓚᖏᑦ 22:3

ᓵᑖᓇᓯ ᐃᑎᓚᐅᕐᐳᖅ ᔫᑕᓯᒧᑦ ᐃᔅᑲᕆᐊᑎᒥᒃ ᑍᔭᐅᔪᒧᑦ, ᑖᑦᓱᒧᖓ ᐃᓕᓐᓂᐊᕐᑎᓄᑦ 12ᓄᑦ ᐃᓚᒋᔭᐅᔪᒧᑦ;

ᓘᑲᓯᐅᑉ ᐊᒡᓚᖏᑦ 22:31

“ᓮᒨᓃ, ᓮᒨᓃ, ᓈᓚᒋᑦ! ᓵᑖᓇᓯ ᐱᔪᒪᒐᓗᐊᕐᐳᖅ ᐊᑕᖏᕐᓗᓯ ᓴᓃᔭᕈᒪᓪᓗᓯ ᐱᕈᕐᓰᕕᓕᕆᔨᐅᑉ ᓂᐊᖂᔭᒃᓴᓂᒃ ᓴᓃᔧᓂᖓᑐᑦ,

ᓘᑲᓯᐅᑉ ᐊᒡᓚᖏᑦ 8:12

ᐱᕈᕐᓯᐊᒃᓮᑦ ᑲᓐᖓᕐᓲᑕᐅᔪᑦ ᐊᖅᑯᑎᒧ ᑲᑕᒃᑐᑦ, ᐅᑯᐊᖑᕗᑦ, ᐅᖃᐅᓯᕐᓂᒃ ᑐᓴᕐᑐᑦ; ᓵᑖᓇᓯᐅᑉ ᐅᖃᐅᓰᑦ ᐃᓱᒪᖏᓐᓂᑦ ᐲᔭᕆᐊᕐᑐᕐᐰᑦ, ᐅᒃᐱᓕᖁᓇᒋᑦ ᐱᐅᓕᔭᐅᖁᓇᒋᓪᓗ.

ᔪᐊᓇᓯᐅᑉ ᐊᒡᓚᖏᑦ 12:31

ᒫᓐᓇ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᑕᐅᕕᐊᑦ ᓇᓪᓕᐅᑎᕗᖅ, ᒫᓐᓇᓗ ᓯᓚᕐᔪᐊᑉ ᑕᒪᑐᒪ ᐊᐅᓚᑦᓯᔨᖓ ᓵᓚᐅᓗᓂ ᐊᓂᑎᑕᐅᓂᐊᓕᕐᐳᖅ;

ᔪᐊᓇᓯᐅᑉ ᐊᒡᓚᖏᑦ 14:30

ᐊᑯᓂ ᐅᖃᓪᓚᕕᒋᓂᐊᕈᓐᓃᕐᐸᑦᓯ, ᓯᓚᕐᔫᑉ ᑕᒪᑐᒪ ᐊᐅᓚᑦᓯᔨᖓ ᕾᓕᕐᒪᑦ. ᐅᕙᓐᓄᓪᓗ ᐱᔪᓐᓇᕐᓂᖃᕋᓂ;

ᔪᐊᓇᓯᐅᑉ ᐊᒡᓚᖏᑦ 16:11

ᐃᖅᑲᕐᑐᐃᓂᖅ ᐱᑦᔪᑎᒋᓪᓗᒍ, ᓯᓚᕐᔪᐊᑉ ᒪᑐᒪ ᐊᐅᓚᑦᓯᔨᖓ ᐃᖅᑲᕐᑐᕐᑕᐅᖕᒪᑦ.

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 5:3

ᐲᑦᑐᕉᓯᐅᑉ ᐅᖃᐅᑎᕚ, “ᐊᓇᓁᐊᓰ, ᓲᖅ ᓵᑖᓇᓯ ᐆᒻᒪᑎᖕᓂ ᐱᕕᒃᓴᕐᑖᕐᑎᑉᐱᐅᒃ? ᓴᒡᓗᑎᒻᒪᑎᑦ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑮᓇᐅᔧᑦ ᓂᐅᕐᕈᑎᒋᔭᕕᑦ ᐃᓚᖏᑦ ᐱᓯᒪᔪᒪᓪᓗᒌᑦ?

ᕉᒪᒥᐅᓄᑦ 16:18

ᑍᒤᑦᑐᑦ ᐊᑕᓂᑦᑎᓐᓂᒃ ᙭ᔅᑑᓯᒥᒃ ᑭᒡᒐᕐᑐᖏᒻᒪᑕ, ᓈᒻᒪᒃᓯᑎᑦᓯᓇᓱᑐᐃᓐᓇᕐᒪᑕ ᐱᔪᒪᓂᕐᒥᖕᓂᒃ ᐱᑦᔪᑎᑐᐊᖃᕐᓗᑎᒃ, ᐅᖃᐅᓯᕐᒥᖕᓄᑦ ᐅᖃᓪᓚᒃᑲᐅᓂᕐᒥᖕᓄᓪᓗ ᓯᓔᕐᕆᒃᓯᕙᒃᐳᑦ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ.

ᕉᒪᒥᐅᓄᑦ 16:20

ᑕᕝᕙ ᒎᑎᐅᑉ ᐃᓱᒪᔮᓐᖏᑎᑦᓯᓂᕐᒥᒃ ᐱᑕᓕᑐᐊᑉ ᐊᑯᓂᐅᖏᑦᑐᖅ ᓵᑖᓇᓯ ᓱᓇᐅᔪᓐᓃᕐᑎᓂᐊᕋᑦᓯᐅᒃ ᐃᑎᒐᑦᓯ ᐊᑖᓂ. ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:14

ᑕᒪᓐᓇᓗ ᑲᒪᓇᓐᖏᓚᖅ ᓵᑖᓇᓯ ᐊᒡᓛᑦ ᓇᖕᒥᓂᖅ ᓴᖅᑭᔮᕈᓐᓇᕐᒪᑦ ᖃᐅᒪᔫᑉ ᐂᖏᓕᖏᑎᑐᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:3

ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:7

ᓂᕐᑑᑎᓗᐊᓕᖁᓇᖓ ᑕᒪᒃᑯᐊ ᑕᑯᑎᑕᐅᓃᑦ ᐊᖏᔪᑦ ᐱᓪᓗᒋᑦ, ᑎᒥᒃᑯᑦ ᐊᑲᐅᓐᖏᓗᑕᕐᑖᑎᑕᐅᓚᐅᕐᐳᖓ, ᓵᑖᓇᓯᐅᑉ ᑎᓕᔭᖓᓂᒃ ᐅᕙᓐᓄᑦ ᐋᓐᓂᐊᑎᑦᓯᔭᕐᑐᕐᑐᒥᒃ, ᐱᐅᔪᕆᓕᖁᓇᖓ ᐅᕙᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:11

ᓵᑖᓇᓯᒧᑦ ᓵᓚᒋᔭᐅᓕᖁᓇᑕ; ᑖᑦᓱᒪ ᖃᓄᐃᓕᐅᕋᓱᐊᕐᓂᖓ ᖃᐅᔨᒪᒐᑦᑎᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᐃᐱᓯᒥᐅᓄᑦ 4:14

ᓱᕈᓯᐅᔪᓐᓁᖁᓪᓗᑕ, ᒪᓕᖕᒧᑦ ᐊᐅᓚᑕᐅᔪᑎᑐᑦ ᐊᓄᕆᐅᓪᓗ ᓴᕿᖃᑦᑕᕐᓂᖓᓂᒃ ᒪᓕᑐᐃᓐᓇᕐᑐᑎᑐᑦ, ᑕᕝᕙ ᐊᔪᕆᕐᑑᓯᕐᓄᑦ ᓯᓔᕐᕆᒃᓯᔪᓄᑦ, ᑕᒻᒪᕐᑎᑦᓯᔪᓄᑦ ᑕᑯᒃᓴᐅᔪᒃᑯᑦ ᓱᓕᔫᔮᕐᓗᑎᒃ ᐱᓇᓱᐊᖃᑦᑕᕐᑐᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:3

ᓇᓪᓕᐊᓐᓄᑐᐃᓐᓇᖅ ᐅᐃᕕᕆᔭᐅᑦᑍᓕᒋᑦᓯ ᖃᓄᑐᐃᓐᓇᖅ; ᐅᓪᓗᖅ ᑖᓐᓇ ᓇᓪᓕᐅᑎᔪᒫᕐᒪᑦ ᐃᓄᐃᑦ ᑭᓯᐊᓂ ᐅᒃᐱᕈᒪᖏᓐᓂᖃᓚᐅᕐᑎᓪᓗᒋᑦ, ᐱᖁᔭᖃᖏᑦᑐᕐᔪᐊᖅ ᓴᖅᑭᓚᐅᕐᑎᓪᓗᒍ, ᐊᓯᕈᕐᑕᐅᓂᕐᔫᑉ ᕿᑐᕐᖓᖓ.

ᑎᒧᑎᒧᑦ ᓯᕗᓪᓖᑦ 2:14

ᐋᑕᒥ ᐅᐃᕖᕐᕆᔭᐅᖅᑳᓚᐅᓐᖏᓚᖅ, ᐊᕐᓇᕐᓕ ᐅᐃᕖᕐᕆᔭᐅᓚᐅᕐᐳᖅ ᐱᖁᔭᓂᒡᓗ ᓱᕅᓪᓗᓂ.

ᑎᒧᑎᒧᑦ ᐂᑉᐸᖏᑦ 3:13

ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ.

ᐄᑉᕈᐃᓄᑦ 2:14

ᑍᒤᒻᒪᑦ ᕿᑐᕐᖓᐅᔪᑦ ᐃᓄᑐᐃᓐᓇᐅᕗᑦ ᑎᒥᖃᕐᑐᑦ, ᑕᕝᕙ ᔩᓱᓯ ᓇᖕᒥᓂᖅ ᑖᒃᑯᓄᖓ ᐊᑦᔨᒋᔭᐅᓕᓚᐅᕐᐳᖅ ᐃᓄᑐᐃᓐᓇᐅᓪᓗ ᐃᓅᓯᖓᓂᒃ ᐃᓚᖏᐅᑎᖃᑎᒋᓪᓗᒋᑦ, ᑍᒤᓕᐅᓚᐅᕐᐳᖅ ᑐᖁᒥᒍᑦ ᓵᑖᓇᓯ ᓱᓇᐅᔪᓐᓃᕐᑎᑉᐹ, ᑖᓐᓇ ᑐᖂᑉ ᐱᔪᓐᓇᕐᓂᖓᓂᒃ ᐱᖃᕐᑐᖅ,

ᐲᑦᑐᕉᓯ ᓯᕗᓪᓖᑦ 5:8

ᐅᑦᔨᕐᑐᑦᓯᐊᕆᑦᓯ, ᑲᐅᔨᓴᕐᓗᓯᓗ. ᐊᑭᕋᕐᑐᕐᑎᓯ ᓵᑖᓇᓯ ᓇᒧᑐᐃᓐᓇᖅ ᐃᖏᕐᕋᖕᒪᑦ ᓔᔭᓐᑎᑐᑦ ᓂᓪᓕᐊᔪᕐᔪᐊᑎᑐᑦ, ᑭᓇᑐᐃᓐᓇᕐᒥᒃ ᓂᕆᔭᒃᓴᕐᓯᐅᕐᓗᓂ.

ᔪᐊᓇᓯ ᓯᕗᓪᓖᑦ 5:19

ᖃᐅᔨᒪᕗᒍᑦ ᒎᑎᒥᐅᑕᐅᒐᑦᑕ, ᓯᓚᕐᔪᐊᒥᐅᓪᓗ ᑕᒪᕐᒥᒃ ᓵᑖᓇᓯᐅᑉ ᐱᔪᓐᓇᕐᓂᖓᓄᑦ ᐊᐅᓚᑕᐅᕗᑦ.

ᔫᑎᐅᑉ ᐊᒡᓚᖏᑦ 1:9

ᐂᖏᓖᓪᓕ ᐊᖓᔪᖅᑳᖓᑦ ᒤᑯᓪ, ᐊᑭᕋᕐᑐᕐᓗᓂ ᓵᑖᓇᓯᒥᒃ, ᒨᓯᓯᐅᑉ ᑎᒥᖓᓂᒃ ᐂᕝᕙᑦᔪᑎᖃᕐᓗᑎᒃ, ᒤᑯᓪ ᐅᖃᐅᓯᖃᓚᐅᓐᖏᓚᖅ ᓵᑖᓇᓯᐅᑉ ᐃᖅᑲᕐᑐᕐᑕᐅᓂᒃᓴᖓᓂᒃ, ᐅᖃᑐᐃᓐᓇᓚᐅᕐᐳᕐᓕ, “ᐊᑕᓂᐅᑉ ᓱᒋᐊᕐᓕᑎᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:12

ᑍᒤᒻᒪᑦ ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᑕᕝᕙᓂ ᐃᓂᖃᕐᑐᓯ! ᑲᑉᐱᐊᓐᓇᒦᒡᓕ, ᓄᓇᕐᔪᐊᕐᒥᐅᑕᐅᔪᓯ ᐃᒪᕐᕕᖕᒥᐅᑕᐅᔪᓯᓗ, ᓵᑖᓇᓯᐅᑉ ᑎᑭᕝᕕᒋᖕᒪᓯ ᓂᓐᖓᐅᒪᔪᕐᔪᐊᖑᓪᓗᓂ, ᖃᐅᔨᒪᒐᒥ ᐱᕕᒃᓴᑭᑦᑑᓕᕐᓂᕐᒥᓂᒃ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:3

ᓱᓕ ᓴᖅᑭᑦᑐᖃᕆᕗᖅ ᑕᑯᓕᒪᓇᖏᑦᑐᒥᒃ ᕿᓚᖕᒥ; ᑕᑯᒋᓪᓗ ᐊᐅᐸᕐᑐᒥᒃ ᑐᕌᒎᓂᒥᒃ ᐊᖏᔪᕐᔪᐊᕐᒥᒃ ᓴᖅᑭᑦᑐᖃᕐᐳᖅ, ᓂᐊᖁᖃᕐᑐᒥᒃ 7ᓂᒃ ᖁᓕᓂᒡᓗ ᓇᒡᔪᖃᕐᑐᒥᒃ, ᐊᖓᔪᖅᑳᕐᓯᐅᑎᓂᒡᓗ ᓂᐊᖁᓕᒫᖏᑦ ᓂᐊᖂᓯᕐᓯᒪᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:7

ᑕᕝᕙ ᕿᓚᖕᒥ ᐅᓇᑕᕐᑐᖃᓕᕐᐳᖅ, ᒤᑯᓪ ᐂᖏᓕᖁᑎᖏᓪᓗ ᐅᓇᑕᓕᕐᐳᑦ ᑐᕌᒎᓂᒧᑦ; ᑐᕌᒎᓂᓗ ᐂᖏᓕᖁᑎᖏᓪᓗ ᐅᓇᑕᓕᕐᐳᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:8

ᑐᕌᒎᓂᓕ ᓵᓚᒋᔭᐅᕗᖅ ᕿᓚᖕᒥᓗ ᐃᓂᒃᓴᖃᕈᓐᓃᕐᑎᑕᐅᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:14

ᑲᒪᓇᕐᑐᓕᔪᓐᓇᕐᓂᕐᒥᓄᑦ ᓄᓇᕐᔪᐊᕐᒦᑦᑐᑦ ᐅᐃᕕᕐᕆᕔᑦ ᑲᒪᓇᕐᑐᓕᓂᕐᓂᒃ ᐱᓂᐊᕈᓐᓇᕐᑎᑕᐅᒐᒥ ᐆᒪᔪᐊᓘᑉ ᓯᕗᓪᓕᐅᑉ ᐱᔪᓐᓇᕐᓂᖓᒍᑦ, ᐆᒪᔪᐊᓗᒡᓗ ᓴᓇᖁᔨᕗᖅ ᐆᒪᔪᐊᓘᑉ ᐊᑦᔨᖓᓂᒃ ᐅᐱᒍᓲᑎᒋᔭᐅᔪᒃᓴᒥᒃ ᑖᑦᓱᒥᖓ ᐃᑭᓕᕐᑕᐅᓚᐅᕋᓗᐊᕐᓗᓂ ᑐᖁᓚᐅᖏᒻᒪᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:14

ᑖᒃᑯᐊ ᐊᓂᕐᓂᕐᓘᕗᑦ ᓵᑖᓇᓯᒥᓐᖔᕐᓯᒪᔪᑦ, ᑲᒪᓇᕐᑐᓂᒃ ᓴᖅᑭᑎᑦᓯᖃᑦᑕᕐᐳᑦ, ᐊᓂᕐᓃᓪᓗ ᑖᒃᑯᐊ ᐱᖓᓱᑦ ᓯᓚᕐᔪᐊᕐᒥᐅᓕᒫᑦ ᐊᖓᔪᖅᑳᕐᔪᐊᖏᓐᓄᐊᕐᐳᑦ, ᑖᒃᑯᐊ ᑲᑐᑦᔨᓗᑎᒃ ᐅᓇᑕᖅᑯᓪᓗᒋᑦ ᒎᑎᐅᑉ ᐊᔪᒐᖃᖏᑦᑐᕐᔪᐊᑉ ᐅᓪᓗᕐᔪᐊᖓᑕ ᓇᓪᓕᐅᓐᓂᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:2

ᓂᐱᖅᑯᕐᑐᓪᓗᓂᓗ ᐅᖃᕐᐳᖅ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ ᐊᓂᕐᓂᕐᓗᖕᓄᑦ ᓵᑖᓇᓯᒥᓐᖔᕐᑐᓄᑦ ᐃᓂᒋᔭᐅᓕᕐᐳᖅ, ᐊᓂᕐᓂᕐᓄᑦ ᐱᐅᖏᑦᑐᓄᑦ ᖃᓄᐃᑦᑐᑐᐃᓐᓇᕐᓄᑦ, ᐊᓂᕐᓂᕐᓄᑦ ᐱᐅᖏᑦᑐᓄᑦ ᐆᒥᓇᕐᑐᓄᓪᓗ ᑎᖕᒥᐊᓄᑦ ᐃᓂᒋᔭᐅᓕᕐᐳᖅ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:23

ᖃᐅᒻᒪᖅᑯᑎᐅᓪᓗ ᐃᑯᒪᖓ ᐃᓕᑦᓯᓐᓂ ᑕᑯᔭᐅᒃᑲᓐᓂᕐᓂᐊᕈᓐᓃᕐᐳᖅ; ᑲᑎᑎᑕᐅᕋᑖᕐᑐᓪᓗ ᓂᐱᖏᑦ ᑐᓴᕐᑕᐅᒃᑲᓐᓂᕐᓂᐊᕈᓐᓃᕐᐳᑦ; ᑮᓇᐅᔭᓕᐅᕋᓱᐊᕐᑎᖁᑎᓯᓗ ᐱᔪᓐᓇᕐᓂᖃᕐᓂᕐᐹᖑᓚᐅᕐᑐᑦ ᓄᓇᕐᔪᐊᕐᒥ, ᐊᖓᒃᑰᓐᖑᐊᕐᓂᑦᓯᒍᓪᓗ ᐅᐃᕕᕆᒃᓯᓚᐅᕐᐳᓯ ᐃᓅᖃᑎᒌᒡᔪᐊᓕᒫᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:13

ᐃᓂᒋᔧᑦ ᖃᐅᔨᒪᕙᕋ, ᑕᕝᕙᓂ ᓵᑖᓇᓯ ᐃᒃᓯᕙᐅᑕᕐᔪᐊᖃᕐᐳᖅ; ᐅᕙᓐᓂᒡᓕ ᓱᓕ ᐃᒃᐱᒍᓱᑦᓯᐊᕐᐳᑎᑦ ᐅᒃᐱᕐᓂᕆᔧᓪᓗ ᐅᕙᓐᓄᑦ ᑲᔪᓯᑎᓯᒪᕙᑦ ᐋᓐᑎᐸᔅ ᐃᓅᑎᓪᓗᒍ ᓇᓗᓁᕐᓯᓂᕆᓚᐅᕐᑍᑦ, ᑖᓐᓇ ᓱᖁᓯᔪᐃᑦᑐᖁᑎᒋᓚᐅᕐᑕᕋ, ᐊᑯᓐᓇᑦᓯᓐᓂ ᑐᖁᑕᐅᓚᐅᕐᑐᖅ, ᓵᑖᓇᓯᐅᑉ ᐃᓂᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:24

“‘ᑍᐊᑍᕋᒥᐅᑕᐅᔪᓯᓕ, ᐊᔪᕆᕐᑐᐃᓂᕐᓗᖕᓂᕐᒥᒃ ᑕᒪᑐᒥᖓ ᒪᓕᓐᖏᓚᓯ, ᖃᐅᔨᓚᐅᖏᑦᑐᓯᓗ ᓵᑖᓇᓯᐅᑉ ᐃᔨᕐᓯᒪᓪᓚᕆᒃᑐᒃᑯᑦ ᐱᓇᓱᐊᕐᓂᖓᓂᒃ, ᐃᓕᑦᓯᓐᓄᑦ ᐅᖁᒤᑦᑐᒋᐊᓪᓚᖕᒥᒃ ᐱᑎᑦᓯᓂᐊᓐᖏᓚᖓ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:9

ᐊᒃᓱᕈᕐᓇᕐᑐᒦᓐᓂᕆᔭᓯ ᖃᐅᔨᒪᕙᒃᑲ ᐊᔪᕐᓴᕐᓂᕆᔭᓯᓗ ᑭᓯᐊᓂᓕ ᐊᔪᕐᓴᓐᖏᑲᓗᐊᕐᐳᓯ ᐅᖃᐅᓯᐅᓂᕐᓗᖃᑦᑕᕐᓂᓯᓗ ᖃᐅᔨᒪᕙᒃᑲ ᔫᑎᐅᓂᕋᕐᑐᓄᑦ ᔫᑎᐅᓇᑎᒡᓗ, ᓵᑖᓇᓯᒥᒡᓕ ᐱᔨᑦᓯᕐᑎᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:10

ᑕᕝᕙ ᓵᑖᓇᓯ ᑖᒃᑯᓂᖓ ᑕᒻᒪᕐᑎᑦᓯᓚᐅᕐᑐᖅ ᐃᒋᑕᐅᔪᒫᕐᐳᖅ ᑕᓯᕐᔪᐊᒧᑦ ᐃᒃᑭᕆᑦᑐᕐᔪᐊᒥᒃ ᓲᓪᕕᕆᒧᑦ ᐃᑯᒪᔪᒧᑦ ᑕᕝᕙᓂ ᐆᒪᔪᐊᓘᑉ ᓇᓚᐅᑦᑍᓂᕐᓗᒃᑑᓪᓗ ᐃᒋᑕᐅᕕᒋᓯᒪᔭᖓᓄᑦ, ᑖᒃᑯᐊᓗ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᑦ ᐅᓪᓗᖅ ᐅᓐᓄᐊᕐᓗ ᓈᓗᒋᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:8

ᐃᓅᖃᑎᒌᒡᔪᐊᓂᒡᓗ ᓇᓂᑐᐃᓐᓈᕐᑐᓂᒃ ᑕᒻᒪᕐᑎᑦᓯᔭᕐᑐᕈᒫᕐᐳᖅ ᓯᐊᒻᒪᕐᑎᑕᐅᓯᒪᔪᓂᒃ, ᐅᒃᑯᓇᓂ, ᓄᓇᓕᖕᓂ ᒑᒡᒥ ᒪᒑᒡᒥᓗ, ᓵᑖᓇᓯᐅᑉ ᑲᑎᑎᑦᓱᒫᕐᐰᑦ ᐅᓇᑕᕆᐊᖁᓪᓗᒋᑦ; ᑖᒃᑯᐊᓗ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᓂᖃᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9

ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:1

ᐂᖏᓖᓪᓗ ᑕᓪᓕᒪᖓᑦᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᑕᑯᕗᖓ ᐅᓪᓗᕆᐊᒥᒃ ᑲᑕᒃᑐᒥᒃ ᓄᓇᕐᔪᐊᕐᒧᑦ, ᑖᓐᓇᓗ ᑐᓂᔭᐅᕗᖅ ᐃᑎᕐᓴᕐᔪᐊᑉ ᓇᑎᖃᖏᑦᑑᑉ ᐅᒃᑯᐃᕈᑎᖓᓂᒃ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:20

ᓯᓚᕐᔪᐊᕐᒥᐅᓪᓕ ᐃᓄᖏᑕ ᐃᓚᖏᑦ, ᑖᒃᑯᓄᖓ ᐊᓯᕈᕐᓇᕐᑐᓄᑦ ᑐᖁᑕᐅᖏᑦᑐᑦ, ᓱᓕ ᖃᕿᐊᓕᓐᖏᓚᑦ ᓴᓇᓯᒪᔭᒥᖕᓂᑦ ᑐᒃᓯᐊᕐᕕᒋᕙᒃᑕᒥᖕᓂᓪᓗ ᐊᓂᕐᓂᕐᓗᖕᓄᑦ, ᒎᑎᓐᖑᐊᒥᖕᓂᓪᓗ ᒎᓗᓂᑦ ᓯᐅᓪᕕᕆᓂᑦ, ᑲᓐᓄᔭᓂᑦ, ᐅᔭᕋᖕᓂᑦ, ᕿᔪᖕᓂᓪᓗ, ᑕᑯᔪᓐᓇᖏᑦᑐᓂᑦ ᑐᓵᔪᓐᓇᖏᑦᑐᓂᑦ ᐱᓱᒍᓐᓇᖏᑦᑐᓂᓪᓗ;