8 ᑐᕌᒎᓂᓕ ᓵᓚᒋᔭᐅᕗᖅ ᕿᓚᖕᒥᓗ ᐃᓂᒃᓴᖃᕈᓐᓃᕐᑎᑕᐅᓪᓗᑎᒃ.
ᑕᑯᔭᐅᖃᑦᑕᓚᐅᕐᓗᓂ ᑕᑯᔭᐅᖃᑦᑕᕈᓐᓁᕈᒫᕐᐳᖅ, ᐃᓂᒋᕙᓚᐅᕐᑕᖓᑕᓗ ᑕᑯᖃᑦᑕᕈᓐᓁᕈᒫᕐᐹ.
ᐃᒡᓗᒥᓄᑦ ᐅᑎᖃᑦᑕᕈᓐᓃᕐᐸᒃᐳᖅ, ᐃᓂᒋᕙᓚᐅᕐᑕᖓᓂᓗ ᑕᑯᔭᐅᖃᑦᑕᕈᓐᓃᕐᐸᒃᓗᓂ.
ᐃᓂᒥᓂᓪᓕ ᐊᒧᔭᐅᓗᓂ ᐄᔭᐅᒍᓂ, ᖃᐅᔨᒪᔭᐅᓂᐊᓐᖏᓚᖅ, ᐅᖃᕐᓗᓂ, ‘ᑕᒫᓂ ᑕᑯᓚᐅᕐᓯᒪᓐᖏᓚᒋᑦ.’
“ᐅᓄᕐᑐᐃᓱᕐᓗᖓ ᐋᓐᓂᐊᑎᑕᐅᖃᑦᑕᕐᓯᒪᕗᖓ ᐃᓅᓱᒃᑑᓂᓐᓂᑦ; ᑭᓯᐊᓂᓕ ᑖᒃᑯᓄᖓ ᓵᓚᒋᔭᐅᓚᐅᓐᖏᓚᖓ.
ᐊᑭᕋᑐᕐᑎᒐ ᐅᖃᓕᖁᓇᒍ, “ᐅᓇ ᓵᓚᒋᓚᐅᕐᑕᕋ.” ᐅᕙᓐᓂᒡᓗ ᐅᖁᒤᒃᓴᕐᑎᑦᓯᔪᑦ ᖁᕕᐊᓲᑎᖃᖁᓇᒋᑦ ᐅᕐᕈᒍᒪ.
ᐊᑯᓂᐅᖏᑦᑐᖅ ᐱᐅᖏᑦᑐᓕᔪᑦ ᐱᑕᖃᕈᓐᓃᕈᒫᕐᒪᑕ; ᐊᒡᓛᑦ ᐃᓂᒋᓚᐅᕐᑕᖏᓐᓄᑦ ᕿᓂᑦᓯᐊᕋᓗᐊᕈᕕᑦ ᑕᕝᕙᓃᑦᓱᒫᓐᖏᓚᑦ.
ᑖᒃᑯᐊ ᐅᓇᑕᕈᒫᕐᐹᑎᑦ; ᓵᓚᒋᔭᐅᓂᐊᓐᖏᓚᑎᓪᓕ, ᐅᕙᖓ ᐱᖃᑎᒋᓂᐊᕋᒃᑭᑦ ᓴᐳᑎᓯᒪᓗᑎᑦ. ᐅᕙᖓ ᐊᑕᓂᐅᔪᖓ ᐅᖃᕐᐳᖓ ᑕᒪᑐᒥᖓ.”
ᐅᕙᓐᓃᒃ ᓯᕘᕋᔪᒃᓴᐅᓐᖏᓚᓰ? ᐊᑕᓂᖅ ᐅᖃᕐᐳᖅ, ᓴᔪᒃᑐᒃᓴᐅᓐᖏᓚᓰ ᓵᓐᓂ? ᓯᐅᕋᖅ ᑭᒡᓕᒋᔭᐅᑎᓐᓇᒃᑯ ᑕᕆᐅᕐᒧᑦ: ᑕᕆᐅᖅ ᖄᖏᓚᐅᕐᓯᒪᓂᐊᕈᓐᓃᕐᑎᓪᓗᒍ ᐃᓱᖃᖏᑦᑐᒧᑦ, ᒪᓪᓕᕐᑕᐅᖃᑦᑕᕐᓂᐊᕋᓗᐊᕐᐳᖅ ᑭᓯᐊᓂᓕ ᓄᖅᑲᕐᑕᕐᕕᒌᓐᓇᐅᔭᕐᓂᐊᕐᐹ ᒪᓕᐊᓗᐃᑦ ᓯᒡᔭᒧᑦ ᒥᕿᑦᑕᕐᐸᖕᓂᐊᕋᓗᐊᕐᐳᑦ ᑭᓯᐊᓂᓕ ᐅᖓᑖᓄᐊᕈᓐᓇᕐᓂᐊᓐᖏᓚᑦ ᐃᒪᐅᑉ ᑎᑭᑦᑕᕆᐊᖃᓐᖏᑕᖓᓄᑦ.
ᑍᒤᒻᒪᑦ ᐅᖃᐅᑎᕙᒋᑦ, ᐲᑦᑐᕉᓯᐅᕗᑎᑦ, ᕾᕐᑐᖅ; ᕾᕐᑐᒧᑦ ᑕᕝᕗᖓ ᐃᓚᒌᒃᑐᖁᑎᒃᑲ ᑐᓐᖓᕕᖃᕐᑎᓪᓗᒋᑦ ᐋᖅᑭᒃᓱᕐᓂᐊᕐᐸᒃᑲ, ᑲᑉᐱᐊᓇᕐᑐᕕᐅᓪᓗᓐᓃ ᐃᓯᕐᑕᕐᕕᖓᑕ ᓵᓚᒋᔪᓐᓇᕐᓂᐊᓐᖏᓚ.
ᐃᓇᖏᐅᑎᓂᐊᕐᑐᒥᒃ ᑕᒪᑐᒧᖓ ᐱᓇᓱᐊᕐᓂᕐᒧᑦ ᐋᐴᓯᑕᓕᐅᓂᕐᒧᑦ ᔫᑕᓯᐅᑉ ᕿᒪᓚᐅᕐᑕᖓᓄᑦ, ᑖᓐᓇ ᓇᖕᒥᓂᖅ ᐂᕕᒋᓂᐊᕐᑕᒥᓄᑦ ᐂᓯᒪᓕᕐᒪᑦ.”
ᐂᖏᓖᓪᓗ ᐱᔪᓐᓇᕐᓂᕐᒥᓃᖏᓐᓇᓚᐅᓐᖏᓚᑦ ᐃᓂᒋᔭᒥᖕᓂᒡᓗ ᕿᒤᓚᐅᕐᐳᑦ ᑖᑦᓱᒧᖓᓗ ᕿᓚᒃᑕᐅᓚᐅᕐᐳᑦ ᓴᕕᕋᔭᖕᓄᑦ ᐃᓱᖃᖏᑦᑐᒧᑦ ᕿᓚᒃᓯᒪᓂᐊᓕᕐᓗᑎᒃ ᑖᕐᑐᕐᔪᐊᕐᒥ ᐊᒃᐸᓯᖕᓂᕐᐹᒥ ᑕᕝᕙᓂᓗ ᐅᑕᖅᑭᑎᑕᐅᕗᑦ ᐅᓪᓗᕐᔪᐊᕐᒧᑦ ᐃᖅᑲᕐᑐᐃᓂᐅᓛᕐᑐᒧ;
ᐃᓅᖃᑎᑦᑕ ᓵᓚᒋᓚᐅᕐᐹᑦ ᓄᕐᕋᐅᔭᐅᑉ ᐊᐅᖓᒍᑦ ᓱᓕᑦᓯᐊᕐᓂᕐᒥᒡᓗ ᐅᖃᐅᓯᖃᕐᓂᕐᒥᒍᑦ; ᐃᓅᓯᕐᑎᒃ ᐊᓐᓂᕆᓇᒍ ᑐᖁᓚᐅᕐᒪᑕ.
ᑕᕝᕙ ᕿᓚᖕᒥ ᐅᓇᑕᕐᑐᖃᓕᕐᐳᖅ, ᒤᑯᓪ ᐂᖏᓕᖁᑎᖏᓪᓗ ᐅᓇᑕᓕᕐᐳᑦ ᑐᕌᒎᓂᒧᑦ; ᑐᕌᒎᓂᓗ ᐂᖏᓕᖁᑎᖏᓪᓗ ᐅᓇᑕᓕᕐᐳᑦ;
ᑐᕌᒎᓂ ᐊᖏᔪᕐᔪᐊᖅ ᐊᒻᒧᑦ ᐃᒋᑕᐅᕗᖅ, ᑖᓐᓇ ᖁᒡᓗᒋᐊᑐᖃᖅ, ᐱᐅᖏᑦᑐᒥᒃ ᓵᑖᓇᓯᒥᒡᓗ ᑍᔭᐅᔪᖅ, ᓯᓚᕐᔪᐊᕐᒥᐅᓕᒫᓂᒃ ᐅᐃᕕᕆᒃᓯᔨ; ᓄᓇᕐᔪᐊᕐᒧᑦ ᐃᒋᑕᐅᕗᖅ, ᐂᖏᓕᖁᑎᖏᓪᓗ ᐃᓚᒋᓪᓗᒋᑦ ᐃᒋᑕᐅᖃᑕᐅᕗᑦ.
ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.
