ᔪᐊᓇᓯᐅᑉ ᑕᑯᑎᑕᐅᓂᖏᑦ 12:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑖᓐᓇᓗ ᓄᑕᕋᒃᓴᖃᕋᒥ ᐃᕐᓂᓱᓕᕐᐳᖅ, ᐃᕐᓂᓱᖕᓂᕐᒧᓪᓗ ᐋᓐᓂᐊᒧᑦ ᓂᐹᕗᖅ, ᐊᒃᓱᐊᓗᒡᓗ ᐋᓐᓂᐊᕗᖅ ᐃᕐᓂᓕᕋᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:2 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 26:17

ᐊᕐᓇᐅᑉ ᐃᕐᓂᓱᒡᓗᓂ ᐋᓐᓂᐊᓂᕐᒧᑦ ᐃᓗᖏᕐᓱᕐᓂᕆᕙᒃᑕᖓᑐᑦ, ᐊᐅᓚᔪᑐᑦ ᓂᓪᓕᐊᓪᓗᓂᓗ ᐋᓐᓂᐊᓂᕐᒥᓄᑦ, ᐃᕐᓂᕕᒋᓂᐊᕐᑕᖓ ᓇᓪᓕᐅᑎᓕᕐᑎᓪᓗᒍ, ᐃᓕᖕᓄᑦ ᑍᒤᑉᐸᒃᑭᕗᒍᑦ, ᐊᑕᓃᖅ.

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 54:1

“ᐃᓐᖏᓕᕆᑦ ᕿᑐᕐᖏᓱᐃᑦᑑᒐᕕᑦ, ᕿᑐᕐᖓᕐᑖᓚᐅᕐᓯᒪᖏᑦᑐᑎᑦ ᐃᓐᖏᕐᓯᓗᑎᑦ ᕾᒐᓛᓕᕆᑦ ᖁᕕᐊᓱᖕᓂᕐᒧᑦ, ᐃᕐᓂᓱᖕᓂᐅᑉ ᐋᓐᓂᐊᓇᕐᓂᖓᓂᒃ ᖃᐅᔨᓚᐅᕐᓯᒪᖏᑦᑐᑎᑦ! ᕿᑐᕐᖏᓱᐃᑦᑐᖅ ᑭᖑᕚᖃᕐᓂᕐᓴᐅᓂᐊᕐᒪᑦ ᐅᐃᓕᖕᒥᑦ,” ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 66:6

ᓈᓚᒋᑦᓯ, ᓂᐱᐊᓗᖕᓂᒃ ᐃᒡᓗᒐᓴᒡᔪᐊᓂᑦ ᑐᓵᕗᓯ, ᓂᓪᓕᐊᔪᓂᒃ ᑐᒃᓯᐊᕐᕕᒡᔪᐊᒥ! ᐊᑕᓂᐅᑉ ᓂᐱᒋᕚ, ᐊᑭᕋᕐᑐᕐᑎᒥᓂᒃ ᐊᑭᓂᐊᕐᕙᓪᓛᓂᖓ!

ᒤᑲᐅᑉ ᐊᒡᓚᖏᑦ 4:9

ᓱᖕᒪᑦ ᕿᐊᕖᑦ ᓂᐱᖃᕐᓗᑏᑦ? ᐊᖓᔪᖅᑳᕐᔪᐊᖃᖏᓐᓂᑦᓯᓐᓅᑦ? ᐃᓱᒪᒃᓴᕐᓯᐅᕐᑎᓰ ᐊᓯᐅᓯᒪᖕᒪᑕ? ᐋᓐᓂᐊᓕᕐᐳᓯ ᐊᕐᓇᐅᑉ ᐃᕐᓂᓱᒃᑑᑉ ᐋᓐᓂᐊᓂᖓᑐᑦ.

ᒤᑲᐅᑉ ᐊᒡᓚᖏᑦ 5:3

ᑍᒤᒻᒪᑦ ᐃᓄᖁᑎᓂ ᕿᒪᒍᒫᕐᐰᑦ ᐊᑭᕋᖏᓐᓄᑦ, ᐊᕐᓇᖅ ᑍᓐᓇ ᐃᕐᓂᓛᕐᑐᖅ ᐃᕐᓂᓚᐅᖅᑳᕐᑎᓐᓇᒍ, ᑭᖑᓂᐊᒍᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐊᒥᐊᒃᑯᖏᑦ ᐅᑎᕈᒫᕐᐳᑦ ᐃᓴᕆᐊᓕᒥᐅᑉ ᐃᓄᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 24:8

ᑕᒪᒃᑯᐊᓕ ᐊᕐᓇᐅᑉ ᐃᕐᓂᓱᓕᕐᑑᑉ ᐃᒃᐱᖕᓂᐊᓕᕐᓂᖓᑐᑦ ᑍᒤᑐᐃᓐᓇᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 16:21

ᐊᕐᓇᖅ ᓄᑕᕋᕐᑖᕋᓱᒃᑯᓂ ᕿᒃᓵᓕᕐᐳᖅ, ᓇᓪᓕᐅᓐᓂᖓ ᓇᓪᓕᐅᑎᖕᒪᑦ; ᓄᑕᕋᑯᓗᒡᓕ ᐃᕐᓂᐊᕆᔭᕇᕈᓂᐅᒃ, ᐃᓗᖏᕐᓱᕐᓂᕆᖅᑲᐅᔭᓂ ᐳᐃᒍᕐᐹ, ᖁᕕᐊᓱᓕᕐᐳᖅ ᓄᑕᕋᑯᓗᒃ ᐃᕐᓂᐊᖑᖕᒪᑦ ᓯᓚᕐᔪᐊᕐᒧᑦ.

ᒐᓔᑎᐊᒥᐅᓄᑦ 4:19

ᕿᑐᕐᖓᑯᓗᒃᑲ, ᐊᓈᓇᐅᔪᑎᑐᑦ ᐃᒃᐱᒍᓱᒐᒪ ᓲᕐᓗ ᐃᕐᓂᓱᒃᑐᑐᑦ, ᐋᓐᓂᐊᕈᑎᒋᕙᑦᓯ, ᙭ᔅᑑᓯᐅᑉ ᐃᓅᓯᖓᓂᒃ ᐃᓅᓕᓚᐅᖏᓐᓂᑦᓯᓐᓂ.

ᒐᓔᑎᐊᒥᐅᓄᑦ 4:27

ᐊᒡᓔᑦ ᑎᑎᕋᕐᓯᒪᖕᒪᑕ, “ᐊᕐᓈᖅ ᕿᑐᕐᖏᓱᐃᑦᑐᑎᑦ ᖁᕕᐊᓱᒋᑦ; ᕾᒐᓛᕐᓗᑎᑦ ᓂᓪᓕᐊᒋᑦ, ᐃᕐᓂᓱᖕᓂᕐᒧᑦ ᐋᓐᓂᐊᓚᐅᕐᓯᒪᖏᑦᑐᑎᑦ; ᐊᕐᓇᖅ ᑐᓄᑕᐅᓯᒪᔪᕕᓂᖅ ᕿᑐᕐᖏᐅᕐᓂᕐᓴᐅᖕᒪᑦ ᐊᕐᓇᐅᖃᑎᒥᓂᑦ ᐅᐃᒥᓄᑦ ᕿᒪᒃᑕᐅᓚᐅᕐᓯᒪᖏᑦᑐᒥᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:4

ᐅᓪᓗᕆᐊᓪᓗ ᐱᖓᓱᐃᓕᓪᓗᒋᑦ ᐱᖓᔪᖏᑦ ᐸᒥᐅᕐᒥᓄᑦ ᑏᒐᕐᐰᑦ ᕿᓚᖕᒥ, ᓄᓇᕐᔪᐊᕐᒧᓪᓗ ᑲᑕᒃᑎᓪᓗᒋᑦ. ᑐᕌᒎᓂᓗ ᐊᕐᓇᐅᑉ ᐃᕐᓂᓱᒃᑑᑉ ᓵᖓᓃᓕᕐᐳᖅ, ᐃᕐᓂᐊᕆᔭᖓᓂᒃ ᓂᕆᔪᒪᓪᓗᓂ ᐊᓂᑐᐊᕐᐸᑦ;