ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19 Iomraidhean Croise

ᐃᓐᖏᕈᑎᑦ 105:32

ᓇᑕᖅᑯᕐᓇᕐᕕᐅᑎᓚᐅᕐᐰᑦ ᓯᓚᓗᒃᓯᐅᕐᑐᑎᑐᑦ, ᐃᑯᒤᓪᓗ ᐃᑯᐊᓚᔪᑦ ᓄᓇᖏᓐᓄᑦ ᑲᑕᒐᓚᐅᕆᕗᑦ ᑲᓪᓕᕐᑐᑎᑐᑦ.

ᐃᓐᖏᕈᑎᑦ 18:12

ᖃᐅᒪᔪᕐᔪᐊᒧᓪᓗ ᓵᖓᓃᑦᑐᒧᑦ, ᓄᕗᔧᑦ ᐊᖕᒪᕐᐳᑦ ᓇᑕᖅᑯᕐᓇᓕᕐᓗᑎᒡᓗ, ᐊᐅᒪᓂᒃ ᐃᑯᒪᓕᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 28:2

ᑕᑯᒋᑦ, ᐊᑕᓂᖅ ᓂᕈᐊᕐᓯᓯᒪᓕᕇᕐᐳᖅ ᓴᓐᖏᔪᕐᔪᐊᒥᒃ ᓯᕘᕋᔪᐃᑦᑐᒥᒃ; ᑎᑭᑲᓪᓚᒍᓐᓇᕐᑐᒥᒃ ᓇᑕᖅᑯᕐᓇᓕᕐᑐᑎᑐᑦ ᐊᖅᑯᓇᕐᔪᐊᑎᑐᓪᓗ, ᓯᓚᓗᕕᒡᔪᐊᕐᑐᑎᑐᓪᓗ, ᐅᓗᑦᔭᐅᔪᑐᓪᓘᓐᓃᑦ, ᑖᑦᓱᒪ ᓄᓇᕐᔪᐊᖅ ᑕᒪᒃᑯᓂᖓ ᑎᑭᑕᐅᑎᑦᓱᒫᕐᐹ ᑲᑉᐱᐊᓇᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 29:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑎᑭᕝᕕᒋᔪᒫᕐᐹᓯ ᑲᓪᓕᕐᒧᑦ, ᓄᓇᐅᓪᓗ ᓴᔪᒃᐱᓗᖕᓂᖓᓄᑦ, ᓂᐱᖅᑯᕐᑐᔪᕐᔪᐊᒧᓪᓗ, ᐊᓄᕆᕐᔪᐊᒧᓪᓗ ᑬᕙᑦᑐᒧᑦ, ᐊᖅᑯᓇᕐᔪᐊᒧᓪᓗ, ᐃᑯᐊᓚᔪᕐᔪᐊᒧᓪᓗ ᓄᖒᑦᓯᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 32:19

ᓇᑕᖅᑯᕐᓇᓄᑦ ᓇᐹᕐᑐᒐᓴᒡᔪᐊᑦ ᐅᕉᕋᕐᑎᑕᐅᒐᓗᐊᕐᐸᑕ, ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᒐᓗᐊᕐᐸᑕ ᑲᓐᖑᓇᕐᑐᒦᑎᑕᐅᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 13:11

ᑖᒃᑯᐊ ᐅᖃᐅᑎᒃᑭᑦ ᖃᑯᕐᑕᓂᒃ ᒥᖑᐊᕆᕙᒃᑐᑦ ᐊᕙᓗᕐᔪᐊᓕᐊᖓᑦ ᓯᖁᑦᑎᕈᒫᕐᐳᖅ! ᓯᓚᓗᒡᔪᐊᖃᕈᒫᕐᒪᑦ, ᓇᑕᖅᑯᕐᓇᕐᔪᐊᕐᓗᓂᓗ, ᐊᓄᕆᕐᔪᐊᕈᒫᕐᒪᑦ;

ᐃᓯᑭᐊᓕᐅᑉ ᐊᒡᓚᖏᑦ 13:13

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓂᓐᖓᐅᒪᓂᓐᓄᑦ ᐊᓄᕆᕐᔪᐊᖃᕐᑎᑦᓯᔪᒫᕋᒪ; ᓯᓚᓗᒡᔪᐊᕐᓗᓂᓗ ᓇᑕᖅᑯᕐᓇᕐᓗᓂᓗ ᓂᓐᖓᐅᒪᓂᓐᓄᑦ ᓯᖁᑦᑎᕈᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 38:22

ᓱᒋᐊᕈᒫᕐᐸᒃᑲ ᖃᓂᒪᓇᕐᑐᓄᑦ ᑐᖁᕋᐅᑎᓂᕐᓄᓪᓗ; ᓯᓚᓗᒡᕕᐅᑎᑦᓱᒫᕐᐸᒃᑲ ᐅᓇᑕᕐᑎᖁᑎᖏᓪᓗ ᐃᓅᖃᑎᒌᒡᔪᐊᓂᓪᓗ ᑕᐱᕐᑖᕆᓯᒪᔭᖏᑦ ᐃᓚᒋᔭᖏᑦ, ᓯᓚᓗᒡᔪᐊᒧᑦ ᓇᑕᖅᑯᕐᓇᓄᓪᓗ, ᐃᑯᒪᓄᑦ ᐊᐅᒪᓄᓪᓗ.

ᒨᓯᓯ ᓯᑕᒪᖏᑦ 10:33

ᑕᕝᕙ ᐊᑕᓂᐅᑉ ᖃᖅᑲᖁᑎᖓᓂᑦ ᐊᐅᓪᓚᕐᐳᑦ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ; ᐊᑕᓂᐅᓪᓗ ᐊᖏᖃᑎᒌᒍᑎᖓᑕ ᐃᒃᓯᕐᕕᖁᑎᖓ ᓯᕗᓪᓕᐅᑎᑕᐅᓚᐅᕐᐳᖅ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ, ᑕᖕᒫᕐᕕᒋᓂᐊᕐᑕᒥᖕᓂᒃ ᕿᓂᕐᓗᑎᒃ.

ᒨᓯᓯ ᓯᑕᒪᖏᑦ 4:15

ᐂᕉᓂ ᐃᕐᓂᖏᓪᓗ ᐃᑦᔪᕐᓁᑦᑐᕕᖕᒥᐅᑍᑦ ᐃᓗᓕᓕᒫᖏᓪᓗ ᐅᓕᒃᑐᕇᕐᐸᒋᑦ, ᑕᖕᒫᕐᓯᒪᔪᓗ ᐸᕐᓇᒌᕐᐸᑕ, ᑕᕝᕙ ᑯᕼᐋᑎᐅᑉ ᐃᕐᓂᖏᑦ ᑖᒃᑯᓂᖓ ᐊᒃᔭᕐᓯᔭᕐᑐᕆᐊᖃᓕᕐᐳᑦ; ᐃᑦᔪᕐᓁᑦᑐᓂᒡᓕ ᓇᓪᓕᐊᓐᓂᒃ ᐊᒃᑐᐃᒋᐊᖃᓐᖏᓚᑦ, ᑐᖁᔪᖃᑐᐃᓐᓇᕆᐊᖃᕐᒪᑦ. “ᑖᒃᑯᐊ ᑕᕝᕙ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔪᑦ ᑯᕼᐋᑎᐅᑉ ᐃᕐᓂᖏᑕ ᐊᒡᔭᕆᐊᖃᕐᑕᖏᑦ.

ᒨᓯᓯ ᓯᑕᒪᖏᑦ 4:5

“ᐃᓅᖃᑎᒌᒡᔪᐊᑦ ᐊᐅᓪᓚᕐᓂᐊᕐᓗᑎᒃ ᐸᕐᓇᓕᕌᖓᑕ, ᐂᕉᓂ ᐃᕐᓂᖏᓪᓗ ᐃᑎᖃᑦᑕᕐᓂᐊᕐᐳᑦ ᐅᓕᒡᔪᐊᖅ ᑖᓗᑕᖅ ᐲᕆᐊᖃᕐᐹᑦ ᐃᒃᓯᕐᕕᒡᓗ ᐊᖏᕈᑎᑕᓕᒃ ᑖᑦᓱᒥᖓ ᐅᓕᒡᓗᒍ.

ᔮᓱᐊᑉ ᐊᒡᓚᖏᑦ 10:11

ᐊᒧᕅᑎᒥᐅᑦ ᕿᒫᑎᓪᓗᒋᑦ ᐃᓴᕆᐊᓕᒥᐅᓂᒃ, ᐊᖅᑲᕐᑎᓕᕐᑎᓪᓗᒋᑦ ᐱᑦ-ᕼᐅᕋᓐᒥᑦ, ᐊᑕᓂᖅ ᓇᑕᖅᑯᕐᓇᕐᔪᐊᓂᒃ ᐊᖏᔫᑎᓂᒃ ᕿᓚᖕᒥᑦ ᑲᑕᒐᕐᑎᑦᓯᕗᖅ ᓄᓇ ᐊᔨᑲ ᑎᑭᓪᓗᒍ, ᑖᒃᑯᐊᓗ ᑐᖁᑕᐅᓚᐅᕐᐳᑦ ᑕᒪᒃᑯᓄᖓ; ᓇᑕᖅᑯᕐᓇᕐᔪᐊᓄᑦ ᑐᖁᑕᐅᔪᑦ ᐅᓄᕐᓂᕐᓴᐅᓚᐅᕐᐳᖅ ᐃᓴᕆᐊᓕᒥᐅᓂᑦ ᓴᕕᒡᔪᐊᒧᑦ ᑐᖁᑕᐅᔪᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:13

ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:1

ᕿᓚᖕᒥᓗ ᑕᑯᓕᒪᓇᖏᓪᓚᕆᒃᑐᒥᒃ ᓴᖅᑭᑦᑐᖃᕐᐳᖅ, ᐊᕐᓇᒥᒃ ᐊᓐᓄᕌᕐᓯᒪᔪᒥᒃ ᓯᕿᓂᕐᒥᒃ, ᐃᑎᒐᖏᓪᓗ ᐊᑎᒥᐅᑕᖃᕐᐳᑦ ᑕᖅᑭᕐᒥᒃ, ᓂᐊᖂᑎᖃᕐᓗᓂᓗ ᐅᓪᓗᕆᐊᓂᒃ 12ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:1

ᑐᓴᕐᐳᖓᓗ ᓂᐱᖅᑯᕐᑐᔪᒥᒃ ᑐᒃᓯᐊᕐᕕᒡᔪᐊᒥᑦ ᐱᔪᒥᒃ ᐅᖃᐅᑦᔨᔪᒥᒃ ᐂᖏᓕᓂᒃ 7ᓂᒃ, “ᖃᓪᓗᑏᑦ 7 ᑯᕕᔭᕐᑐᓕᕐᓯᐅᒃ ᓄᓇᕐᔪᐊᕐᒧᑦ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓖᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:18

ᖃᐅᒻᒪᓪᓚᒃᑐᖃᕐᐳᕐᓗ ᓇᐅᒃᑯᑐᐃᓐᓇᖅ, ᐃᒃᑐᓚᐅᕐᑐᖃᕐᓗᓂᓗ, ᑲᓪᓕᕐᓗ ᑭᖑᓕᕇᒃᑕᕐᓗᓂ ᑐᓴᕐᓴᐅᕗᖅ, ᓄᓇᓗ ᓴᔪᒃᐱᓪᓚᒃᑐᐊᓘᕗᖅ ᑍᒫᒃ ᐊᖏᑎᒋᔪᒥᒃ ᓴᔪᒃᐱᓪᓚᒃᑐᖃᓚᐅᕐᓯᒪᓐᖏᓚᖅ ᓄᓇᕐᔪᐊᕐᒥ ᑍᒪᓐᖓᑦ ᐃᓄᖃᓕᓚᐅᕐᓂᕐᒪᑦ, ᓄᓇᐅᓪᓗ ᓴᔪᒃᐱᓪᓚᖕᓂᖓ ᐊᖏᓂᕐᐹᖑᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:21

ᓇᑕᖅᑯᕐᓇᕐᔪᐊᓪᓗ ᐊᑐᓂᑦ ᐅᖁᒤᓐᓂᖃᕐᑐᑦ 100ᓂᒃ, ᐃᓄᖕᓄᑦ ᑲᑕᒐᕐᐳᑦ ᕿᓚᖕᒥᑦ, ᑕᕝᕙ ᐃᓄᐃᑦ ᒎᑎ ᐅᖃᕐᓂᕐᓗᒡᕕᒋᓕᕐᐹᑦ ᓇᑕᖅᑯᕐᓁᑦ ᐋᓐᓂᕐᓇᕐᑐᐊᓘᓂᖏᑦ ᐱᑦᔪᑎᒋᓪᓗᒋᑦ, ᑕᒪᓐᓇ ᐊᖏᔪᒥᒃ ᐋᓐᓂᐊᓇᕐᑐᕐᔪᐊᖑᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:1

ᑕᒪᑐᒪ ᑭᖑᓂᖓᒍᑦ ᑕᑯᒋᕗᖓ, ᑕᑯᒋᑦ, ᐅᒃᑯᐊᒥᒃ ᐅᒃᑯᐃᓐᖔᕐᑐᒥᒃ ᕿᓚᖕᒧᑦ! ᓂᓪᓕᕐᑐᖃᕐᐳᕐᓗ, ᑐᓴᓚᐅᕐᑕᓐᓂᒃ ᐅᕙᓐᓄᑦ ᐅᖃᕐᑐᒥᒃ ᑎᑦᑐᓚᐅᑎᑎᑐᑦ ᓂᐱᖅᑯᑐᑎᒋᔪᒥᒃ, ᐅᖃᕐᐳᖅ, “ᒪᐅᖓ ᕾᒋᑦ, ᑕᑯᑎᓐᓂᐊᕋᒃᑭᑦ ᓇᓪᓕᐅᑎᔪᒫᕐᑐᓂᒃ ᑕᒪᑐᒪ ᑭᖑᓂᖓᒍᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:5

ᐃᒃᓯᕙᐅᑕᕐᔪᐊᕐᒥᓪᓗ ᖃᐅᒻᒫᓪᓚᒃᑐᖃᖃᑦᑕᕐᐳᖅ, ᑐᓴᕐᓴᐅᔪᖃᕐᐳᕐᓗ ᑲᓪᓕᕐᒥᒃ ᐃᒃᑑᓕᔮᒥᒡᓗ, ᐃᒃᓯᕙᐅᑕᕐᔪᐊᓪᓗ ᓯᕗᕌᓃᑦᑐᖃᕐᐳᖅ ᖃᐅᒻᒪᖅᑯᑎᓂ 7ᓂᒃ ᐃᑯᒪᔪᓂᒃ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:15

ᑍᒤᒻᒪᑦ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᓵᖓᓃᑉᐳᑦ, ᐱᔨᑦᓯᕐᓗᒍ ᐅᓪᓗᖅ ᐅᓐᓄᐊᕐᓗ ᓈᓗᒍ ᑐᒃᓯᐊᕐᕕᒡᔪᐊᖁᑎᖓᓂ; ᐃᒃᓯᕙᐅᑕᕐᔪᐊᒥᓗ ᐃᒃᓯᕚᕐᑑᑉ ᐱᓯᒤᓐᓇᕐᓂᐊᕐᐰᑦ ᓴᐳᑎᓯᒪᓗᒋᑦ ᓇᔫᑎᓂᕐᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:5

ᑕᕝᕙ ᐂᖏᓕᐅᑉ ᐳᔪᕐᑎᑦᓯᕕᐅᑉ ᐃᓂᖓ ᑎᒍᓪᓗᒍ ᐃᓗᓪᓕᕐᓱᕐᐹ ᐃᑯᒪᓂᒃ ᑐᓂᕐᕈᓯᕐᕕᖕᒥᑦ ᐱᔪᓂᒃ ᐃᒋᓪᓗᒋᓪᓗ ᓄᓇᕐᔪᐊᕐᒧᑦ; ᑕᕝᕙ ᓂᐱᕐᔪᐊᕐᑕᖃᓕᕐᐳᖅ ᐃᒃᑐᓚᐅᕐᑐᒥᒃ, ᑲᓪᓕᕐᕙᓗᒃᑐᒥᒡᓗ, ᖃᐅᒻᒪᓪᓚᖕᒥᒡᓗ, ᓄᓇᐅᓪᓗ ᓴᔪᒃᐱᓪᓚᖕᓂᖓᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:7

ᓯᕗᓪᓕᕐᐹᓪᓗ ᐂᖏᓕᐅᑉ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᓇᑕᖅᑯᕐᓁᑦ ᐃᑯᒤᓪᓗ, ᐊᐅᒥᒃ ᐃᓚᖃᕐᓗᑎᒃ, ᓄᓇᕐᔪᐊᕐᒧᑦ ᑲᑕᒐᓕᕐᐳᑦ; ᓄᓇᕐᔪᐊᕐᓗ ᐊᕝᕙᖓᑕ ᐅᖓᑖᓄᑦ ᐃᑭᑕᐅᕗᖅ, ᓇᐹᕐᑐᐃᓪᓗ ᐊᕝᕙᖏᑕ ᐅᖓᑖᓄᑦ ᐃᑯᐊᓪᓚᒃᑭᕗᑦ, ᐃᕕᒃᓱᒐᓕᒫᓪᓗ ᑐᖑᔪᕐᑐᑦ ᐃᑯᐊᓪᓚᒃᑕᐅᒋᕗᑦ.