ᔪᐊᓇᓯᐅᑉ ᑕᑯᑎᑕᐅᓂᖏᑦ 10:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᕝᕙ ᐂᖏᓕᒥᒃ ᐱᔪᓐᓇᕐᑐᕐᔪᐊᒥᒃ ᑕᑯᒋᕗᖓ ᕿᓚᖕᒥᑦ ᐊᖅᑲᕐᑐᒥᒃ, ᓄᕗᔭᐅᑉ ᐃᓗᐊᓃᑦᑐᒥᒃ, ᓂᐊᖁᖓᑕᓗ ᖁᓛᒍᑦ ᐊᔭᒍᑕᖃᕐᐳᖅ, ᑮᓇᖓᓗ ᓯᕿᓂᕐᑐᑦ ᑍᒤᑉᐳᖅ, ᓂᐅᖏᒡᓗ ᐃᑯᒪᔪᑎᑐᑦ ᓱᑲᕐᑎᑐᑦ ᑍᒤᑉᐴᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:1 Iomraidhean Croise

ᐃᓐᖏᕈᑎᑦ 104:3

ᐃᒪᐅᑉ ᖄᖓᓂ ᐃᑳᖓᔪᓂᒃ ᑐᓐᖓᕕᓕᐅᕐᓯᒪᕗᖅ ᐃᓂᒃᓴᕆᔭᒥᓂᒃ, ᓄᕗᔧᑦ ᓴᓇᓚᐅᕐᐰᑦ ᐊᒃᓴᓗᐊᖃᕐᑎᓪᓗᒋᑦ ᕿᒧᒃᓯᐅᑎᒋᔪᒪᓪᓗᒋᑦ, ᐃᑭᒪᖃᑦᑕᕐᐳᖅ ᐊᓄᕆᐅᑉ ᐃᓴᕈᖏᓐᓂ,

ᐃᓐᖏᕈᑎᑦ 97:2

ᓄᕗᔧᑦ ᓄᕗᑦᑕᕆᖕᓃᓪᓗ ᕿᕐᓂᕐᑕᑦ ᑖᑦᓱᒪ ᓇᔪᕐᑕᖓᓃᑉᐳᑦ; ᓇᓛᒎᕐᓂᖅ ᓈᒻᒪᓈᕐᑐᒥᒡᓗ ᐱᓇᓱᐊᕐᓂᖅ ᑖᑦᓱᒪ ᐊᖓᔪᖅᑲᐅᕕᖓᑕ ᑐᓐᖓᕕᒋᕚ.

ᒨᓯᓯ ᐂᑉᐸᖏᑦ 16:10

ᐂᕉᓂᓗ ᐅᖃᓪᓚᓕᕐᑎᓪᓗᒍ ᑖᒃᑯᓄᖓ ᓄᓇᖅᑲᑎᒌᓕᒫᓄᑦ ᐃᓴᕆᐊᓕᒥᐅᓄᑦ, ᓄᓇᒧᓪᓗ ᐃᓄᖃᖏᑦᑐᒧᑦ ᑕᑯᓴᕋᒥᒃ ᐊᑕᓂᐅᑉ ᖃᐅᒪᓂᖓ ᓴᖅᑭᑉᐳᖅ ᓄᕗᔭᒥᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 5:15

ᓂᐅᖏᒃ ᐅᔭᕋᒃᑎᑐᑦ ᐊᓚᐹᔅᑕᕆᑐᑦ ᓇᐹᕘᒃ, ᒎᓘᖕᓂᒃ ᑐᓐᖓᕕᖃᕐᓗᑎᒃ. ᑕᐅᑦᑐᖃᕐᓗᓂᓗ ᓕᐸᓇᓂᑐᑦ, ᓇᐹᕐᑐᑎᑐᑦ ᓰᑕᕆᑐᑦ ᐱᐅᑎᒋᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 19:1

ᐅᖃᐅᓰᑦ ᐄᑦᔨᑉᑎᒥᐅᑦ ᐱᓪᓗᒋᑦ, ᑕᑯᓕᕐᓯᐅᒃ ᐊᑕᓂᖅ ᓄᕗᔭᒥ ᓱᒃᑲᓕᔪᒥ ᐃᑭᒪᓗᓂ ᐄᑦᔨᑉᑎᒧᑦ ᑎᑭᓕᕐᑐᖅ; ᐄᑦᔨᑉᑎᒥᐅᑦ ᒎᑎᓐᖑᐊᖏᑦ ᓴᔪᒍᒫᕐᐳᑦ ᑖᑦᓱᒪ ᓇᔪᕐᑕᖓᓂ, ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᐊᐅᒃᑐᑎᑐᑦ ᑍᒤᑦᓱᒫᕐᐳᑦ ᐃᓗᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 54:9

ᑕᒪᓐᓇ ᐊᑦᔨᖃᕐᑎᑉᐸᕋ ᓄᐊ ᐃᓅᑎᓪᓗᒍ ᐱᓚᐅᕐᑐᒥᒃ; ᐅᖃᕕᒃᓗᖓ ᐅᖃᓚᐅᕋᒪ ᓄᐊ ᐃᓅᑎᓪᓗᒍ ᓄᓇᕐᔪᐊᓕᒫᖅ ᐅᓕᕕᒡᔪᐊᒧᑦ ᑎᑭᑕᐅᒃᑲᓐᓂᖁᓇᒍ, ᒫᓐᓇᑦᑕᐅᖅ ᐅᖃᕕᒃᓗᖓ ᐅᖃᕐᐳᖓ ᓂᓐᖓᒡᕕᒋᓂᐊᕈᓐᓃᕐᐸᑦᓯ ᓱᐊᖕᓂᐊᕈᓐᓃᕐᓗᓯᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:44

ᓂᓐᖓᓗᐊᕐᓂᕐᓄᑦ ᓄᕗᔭᒧᑦ ᐅᓕᒃᑕᐅᓯᒪᔫᔮᓕᓚᐅᕐᐳᒍᑦ ᓄᕗᔭᐅᓪᓗ ᐃᑦᔪᓗᐊᕐᓂᖓᓄᑦ ᑐᒃᓯᐊᖕᓂᕗᑦ ᑐᓴᕈᓐᓁᓪᓕᓚᐅᕐᐸᑎᑦ.

ᑖᓂᐊᓕᐅᑉ ᐊᒡᓚᖏᑦ 10:6

ᑎᒥᖓ ᐅᔭᕋᒃᑎᑐᑦ ᐱᓐᓇᕐᓇᕐᑐᑎᑐᑦ ᑯᕆᓱᓔᑎᒥᒃ ᐊᑎᓕᒃᑐᑦ ᖁᕐᓱᕐᑕᑐᑦ ᑍᒤᑦᑑᕗᖅ, ᑮᓇᖓ ᖃᐅᒻᒪᓪᓚᒃᑎᑐᑦ ᑕᐅᑦᑐᖃᕐᐳᖅ, ᐃᔨᖏᒡᓗ ᐃᑯᐊᓚᔪᑎᑐᑦ ᑍᒤᑦᑑᕗᒃ, ᑕᓕᖏᒃ ᓂᐅᖏᒡᓗ ᑲᓐᓄᔭᑎᑐᑦ ᕿᓪᓚᕆᒃᓴᕐᓯᒪᔪᑎᑐᑦ ᑍᒤᓪᓗᑎᒃ, ᓂᐱᖃᕐᓗᓂᓗ ᐃᓄᒋᐊᒃᑐᕐᔪᐃᑦ ᓂᐱᖏᑎᑐᑦ.

ᑖᓂᐊᓕᐅᑉ ᐊᒡᓚᖏᑦ 7:13

“ᑕᑯᑎᑕᐅᑎᓪᓗᖓ ᐅᓐᓄᐊᒥ ᑕᑯᕗᖓ ᐃᓅᑉ ᐃᕐᓂᖓᑕ ᐊᑦᔨᖓᓂᒃ ᓄᕗᔭᓃᑦᑐᒥᒃ, ᑍᒪᖓᑐᖃᕐᓗ ᐃᓅᔪᖅ ᐅᐸᒃᐹ, ᓇᔪᒐᖓᓄᐊᕐᑎᑕᐅᓪᓗᓂᓗ.

ᒨᓯᓯ ᐱᖓᔪᖏᑦ 16:2

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᖓᔪᐃᑦ ᐂᕉᓂ ᐅᖃᐅᑎᒍᒃ ᐃᑎᕈᒪᓕᕈᓂ ᖃᖓᑐᐃᓐᓇᒃᑯᑦ ᐃᑎᖃᑦᑕᖁᖏᓪᓗᒍ ᐃᑦᔪᕐᓁᕐᑐᕕᖕᒥ ᐃᑦᔪᕐᓁᓐᓂᕐᐹᖓᓐᓄᑦ ᑖᓗᑕᐅᑉ ᐅᖓᑖᓃᑦᑐᒧᑦ ᐃᓱᒪᒋᔭᐅᔪᓐᓁᕐᕕᐅᑉ ᐃᒃᓯᕐᕕᐅᑉ ᓵᖓᓄᑦ, ᐃᑎᕈᓂ ᖃᖓᑐᐃᓐᓇᒃᑯᑦ ᑐᖁᓂᐊᕐᒪᑦ, ᐅᕙᖓ ᓴᖅᑭᖃᑦᑕᕋᒪ ᓄᕗᔭᒥ ᑖᓗᑕᕐᔪᐊᑉ ᐃᓱᒪᒋᔪᓐᓁᕐᓯᕕᐅᑉ ᖁᓛᓂ.

ᒫᑎᐅᓯᐅᑉ ᐊᒡᓚᖏᑦ 17:2

ᐃᓕᓐᓂᐊᕐᑎᑦ ᑕᑯᓐᓈᕐᑎᓪᓗᒋᑦ ᔩᓱᓯᐅᑉ ᑕᑯᒃᓴᐅᓂᖓ ᐊᓯᖑᕐᑎᑕᐅᕗᖅ, ᑮᓇᖓ ᖃᐅᒻᒪᒃᐳᖅ ᓯᕿᓂᐅᑉ ᖃᐅᒪᓂᖓᑐᑦ, ᐊᓐᓄᕌᖏᓪᓗ ᖃᐅᒪᔪᕐᔪᐊᖑᓕᕐᓗᑎᒃ.

ᓘᑲᓯᐅᑉ ᐊᒡᓚᖏᑦ 21:27

ᑕᕝᕙ ᐃᓅᑉ ᐃᕐᓂᖓ ᑕᑯᔪᒫᕐᐹᑦ ᓄᕗᔭᑎᒍᑦ ᕾᔪᖅ ᐱᔪᓐᓇᕐᓂᕐᔪᐊᖃᕐᑐᖅ ᓂᕐᑐᕐᓇᕐᓂᕐᔪᐊᖃᕐᓗᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 26:13

ᐊᖓᔪᖅᑳᕐᔪᐊᖅ, ᖃᐅᒪᔪᐊᓗᖕᒥᒃ ᑕᑯᓚᐅᕐᐳᖓ ᐊᑐᕆᐊᒥ ᐅᓪᓘᑉ ᕿᑎᕋᕐᓂᖓᓂ, ᓯᕿᓂᕐᒥᑦ ᖃᐅᒪᓂᕐᓴᒻᒪᕆᐊᓗᖕᒥᒃ, ᕿᓚᖕᒥᑦ ᖃᐅᒻᒪᒃᑎᑕᐅᔪᒥᒃ ᐅᕙᓐᓄᑦ ᐃᖏᕐᕋᖃᑎᓐᓄᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:1

ᑕᒪᑐᒪ ᑭᖑᕐᖓᒍᑦ ᐂᖏᓕᒥᒃ ᑕᑯᒋᕗᖓ ᕿᓚᖕᒥᑦ ᐊᖅᑲᕐᑐᒥᒃ, ᐱᔪᓐᓇᕐᑎᑕᐅᓂᕐᔪᐊᖃᕐᑐᒥᒃ; ᓄᓇᕐᔪᐊᕐᓗ ᖃᐅᒻᒪᒃᑎᑕᐅᕗᖅ ᑖᑦᓱᒪ ᖃᐅᒪᓂᕐᔪᐊᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:21

ᐂᖏᓕᓗ ᓲᖑᔪᕐᔪᐊᖅ ᐅᔭᕋᒃᔪᐊᕐᒥᒃ ᑭᕕᒃᓯᓪᓗᓂ ᓯᖃᓪᓕᓯᕕᐅᑉ ᐅᔭᕌᓗᒃᑕᖓᑐᑦ ᐊᖏᑎᒋᔪᒥᒃ ᑖᓐᓇ ᐃᒪᕐᔪᐊᕐᒧᑦ ᐃᒋᑉᐹ, ᐅᖃᕐᓗᓂᓗ, “ᑍᒫᒃ ᑕᕝᕙ ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ ᓂᑲᒋᔭᐅᖏᓪᓗᑎᒃ ᐃᒋᑕᐅᔪᒫᕐᐳᑦ ᑕᑯᔭᐅᒃᑲᓐᓂᕐᓂᐊᕈᓐᓃᕐᓗᑎᒡᓗ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:1

ᑕᑯᓕᕆᕗᖓ ᐂᖏᓕᒥᒃ ᕿᓚᖕᒥᑦ ᐊᖅᑲᕐᑐᒥᒃ, ᑎᒍᒥᐊᕐᑐᒥᒃ ᐃᑎᕐᓴᕐᔪᐊᑉ ᓇᑎᖃᖏᑦᑑᑉ ᐅᒃᑯᐃᕈᑎᖓᓂᒃ ᐊᕐᓵᕐᑑᔭᓂᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:3

ᑕᑉᕙᓂ ᐃᒃᓯᕚᕐᑐᖅ ᑕᐅᑦᑐᖃᕐᐳᖅ ᐅᔭᕋᒃᑎᑐᑦ ᑕᑯᒥᓇᕐᑐᑎᑐᑦ ᔭᓯᐸᕆᑐᑦ ᑳᕐᓃᓕᐊᑐᓪᓗ, ᐃᒃᓯᕙᐅᑕᕐᔪᐊᓪᓗ ᐊᕙᑖᒍᑦ ᐊᔭᒍᑕᖃᕐᐳᖅ ᐅᔭᕋᒃᑎᑐᑦ ᐃᒪᕆᐅᓪᑎᑐᑦ ᑕᐅᑦᑐᖃᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:2

ᑕᑯᕗᖓᓗ ᐱᔪᓐᓇᕐᑐᕐᔪᐊᒥᒃ ᐂᖏᓕᒥᒃ ᓂᐱᖅᑯᕐᑐᓪᓗᓂ ᐅᖃᕐᑐᒥᒃ, “ᑭᓇ ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᕚ, ᓇᕿᑦᔪᑎᖏᓪᓗ ᐲᔭᕐᓗᒋᑦ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:13

ᑕᑯᓴᕋᒪᓗ, ᓇᒃᑐᕋᓕᖕᒥᒃ ᑐᓴᕐᐳᖓ ᖁᑦᓯᒃᑑᓪᓗᓂ ᖃᖓᑕᔪᒥᒃ ᓂᐱᖅᑯᕐᑐᓪᓗᓂ ᐅᖃᕐᑐᒥᒃ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ ᓄᓇᕐᔪᐊᕐᒥᐅᑕᓄᑦ, ᐂᖏᓖᑦ ᐱᖓᓱᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᓕᕐᐸᑕ!”