ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7 Iomraidhean Croise

ᔫᐱᐅᑉ ᐊᒡᓚᖏᑦ 33:26

ᑕᕝᕙ ᑐᒃᓯᐊᓕᕐᓂᐊᕐᐳᖅ ᒎᑎᒧᑦ ᑖᑦᓱᒪᓗ ᑐᓴᕐᓂᐊᕐᐹ, ᒎᑎᐅᑉ ᓇᔪᕐᑕᖓᓄᐊᕐᓂᐊᕐᐳᖅ ᖁᕕᐊᓱᒡᓗᓂ; ᑕᕝᕙ ᒎᑎᐅᑉ ᐅᑎᕐᑎᓐᓂᐊᕐᐹ ᐱᐅᓕᓗᓂᐅᒡᓗ.

ᐃᓐᖏᕈᑎᑦ 22:16

ᕿᒻᒦᑦ ᐊᕙᑎᓕᒫᓐᓃᑉᐳᑦ; ᐱᐅᖏᑦᑐᓕᔪᑦ ᑲᑐᑦᔨᔪᑦ ᐃᓗᒪᕚᖓ. ᐊᒡᒐᒃᑲ ᐃᑎᒐᒃᑲᓗ ᐳᑐᕔᑦ;

ᐃᓐᖏᕈᑎᑦ 68:1

ᒎᑎ ᒪᑭᓕᕐᓕ, ᐊᑭᕋᖏᓪᓗ ᓯᐊᒻᒪᕐᓗᑎᒃ; ᐊᑭᕋᖏᑦ ᕿᒫᓕᑦ ᑖᑦᓱᒪ ᓵᖓᓂᑦ.

ᐃᓐᖏᕈᑎᑦ 97:2

ᓄᕗᔧᑦ ᓄᕗᑦᑕᕆᖕᓃᓪᓗ ᕿᕐᓂᕐᑕᑦ ᑖᑦᓱᒪ ᓇᔪᕐᑕᖓᓃᑉᐳᑦ; ᓇᓛᒎᕐᓂᖅ ᓈᒻᒪᓈᕐᑐᒥᒡᓗ ᐱᓇᓱᐊᕐᓂᖅ ᑖᑦᓱᒪ ᐊᖓᔪᖅᑲᐅᕕᖓᑕ ᑐᓐᖓᕕᒋᕚ.

ᐂᓮᐊᓯᐅᑉ ᐊᒡᓚᖏᑦ 19:1

ᐅᖃᐅᓰᑦ ᐄᑦᔨᑉᑎᒥᐅᑦ ᐱᓪᓗᒋᑦ, ᑕᑯᓕᕐᓯᐅᒃ ᐊᑕᓂᖅ ᓄᕗᔭᒥ ᓱᒃᑲᓕᔪᒥ ᐃᑭᒪᓗᓂ ᐄᑦᔨᑉᑎᒧᑦ ᑎᑭᓕᕐᑐᖅ; ᐄᑦᔨᑉᑎᒥᐅᑦ ᒎᑎᓐᖑᐊᖏᑦ ᓴᔪᒍᒫᕐᐳᑦ ᑖᑦᓱᒪ ᓇᔪᕐᑕᖓᓂ, ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᐊᐅᒃᑐᑎᑐᑦ ᑍᒤᑦᓱᒫᕐᐳᑦ ᐃᓗᖏᓐᓂ.

ᑖᓂᐊᓕᐅᑉ ᐊᒡᓚᖏᑦ 7:13

“ᑕᑯᑎᑕᐅᑎᓪᓗᖓ ᐅᓐᓄᐊᒥ ᑕᑯᕗᖓ ᐃᓅᑉ ᐃᕐᓂᖓᑕ ᐊᑦᔨᖓᓂᒃ ᓄᕗᔭᓃᑦᑐᒥᒃ, ᑍᒪᖓᑐᖃᕐᓗ ᐃᓅᔪᖅ ᐅᐸᒃᐹ, ᓇᔪᒐᖓᓄᐊᕐᑎᑕᐅᓪᓗᓂᓗ.

ᓇᕼᐅᒥᐅᑉ ᐊᒡᓚᖏᑦ 1:3

ᐊᑕᓂᖅ ᕿᓄᐃᑉᐳᖅ ᐱᒃᓴᕐᑐᓂᓕᒡᔫᓪᓗᓂᓗ, ᓱᒋᐊᕐᓯᑦᑍᓕᓐᖏᓚᕐᓗ ᖃᕿᐊᓕᕐᓂᖃᖏᑦᑐᓂᒃ. ᐊᑕᓂᖅ ᐃᓂᖃᕐᐳᖅ ᐅᓚᔪᔭᕐᒥ ᐊᖅᑯᓇᕐᔪᐊᒥᓗ, ᐃᑎᒐᖏᑕᓗ ᓄᕗᔧᑦ ᐳᔪᕋᕆᕔᑦ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 12:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒥ ᐅᓄᕐᑐᒻᒪᕆᐊᓗᐃᑦ ᕿᐊᔪᒫᕐᐳᑦ, ᑍᒫᑦᓮᓐᓇᖅ ᕿᐊᔪᐊᓘᓚᐅᕐᓯᒪᖕᒪᑕ ᕼᐊᑖᑦ-ᕅᒨᓂ ᐱᓪᓗᒍ ᓇᕐᓴᒥ ᒥᒌᑐᒥ.

ᒨᓯᓯ ᓯᑕᒪᖏᑦ 24:17

ᒫᓐᓇ ᑕᑯᕙᕋ, ᑭᓯᐊᓂ ᑕᕝᕙᑲᐅᑎᒋᐅᖏᑦᑐᖅ, ᑕᑯᓐᓇᕐᐸᕋ, ᖃᓂᑦᑑᓇᓂ ᑭᓯᐊᓂ; ᐅᓪᓗᕆᐊᖅ ᐊᓂᔪᒫᕐᐳᖅ ᔧᑯᒥᑦ; ᐊᖓᔪᖅᑳᕐᔪᐊᑉ ᐊᔭᐅᑉᐱᐊᖓ ᒪᑭᑦᓱᒫᕐᐳᖅ ᐃᓴᕆᐊᓕᒥᑦ, ᒧᐊᐱᒥᐅᓪᓗ ᖃᐅᖏᑦ ᓯᖁᒥᑦᓱᒫᕐᐰᑦ, ᐊᓯᕈᕐᓗᒋᓪᓗ ᓰᑎᐅᑉ ᐃᕐᓂᖏᑦ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 16:28

ᓱᓕᔪᒥᒃ ᐅᖃᐅᑎᕙᑦᓯ! ᐅᕙᓃᑦᑐᖃᕐᐳᖅ ᐃᓅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᕐᓂᕆᓂᐊᕐᑕᖓᓂᒃ ᑕᑯᓚᐅᖅᑳᕋᑎᒃ ᑐᖁᓂᐊᖏᑦᑐᓂᒃ.”

ᒫᑎᐅᓯᐅᑉ ᐊᒡᓚᖏᑦ 24:30

ᑕᕝᕙ ᐃᓅᑉ ᐃᕐᓂᖓᑕ ᓇᓗᓁᒃᑯᑕᖓ ᕿᓚᖕᒥᑦ ᓴᖅᑭᑦᓱᒫᕐᐳᖅ; ᐃᓄᐃᑦ ᐃᓘᓐᓇᑦᓯᐊᑎᒃ ᓄᓇᕐᔪᐊᕐᒦᑦᑐᑦ ᕿᐊᓕᕈᒫᕐᐳᑦ, ᑕᑯᓕᕈᑎᒃ ᐃᓅᑉ ᐃᕐᓂᖓᓂᒃ ᑎᑭᓕᕐᑐᒥᒃ ᕿᓚᐅᑉ ᓄᕗᔭᖏᑎᒍᑦ ᐱᔪᓐᓇᕐᑐᕐᔪᐊᒥᒃ ᓂᕐᑐᕐᓇᕐᑐᕐᔪᐊᕐᒥᒡᓗ.

ᒫᑎᐅᓯᐅᑉ ᐊᒡᓚᖏᑦ 25:31

“ᐃᓅᑉ ᐃᕐᓂᖓ ᐊᖓᔪᖅᑳᕐᔪᐊᖑᓗᓂ ᑎᑭᒃᑯᓂ, ᐂᖏᓕᓕᒫᑦ ᐃᓚᒋᓗᒋᑦ, ᐃᒃᓯᕙᐅᑕᕐᔪᐊᕐᒥᓄᑦ ᐱᓐᓇᕐᓇᕐᑐᕐᔪᐊᕐᒧᑦ ᐃᖏᑦᓱᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 26:64

ᔩᓱᓯᐅᑉ ᑭᐅᕚ, “ᑕᕝᕙ ᐅᖃᕐᐳᑎᑦ. ᑕᒪᑦᓯᓕ ᐅᖃᐅᑎᕙᑦᓯ, ᑕᒪᑐᒪ ᑭᖑᕐᖓᓂ ᐃᓅᑉ ᐃᕐᓂᖓ ᑕᑯᔪᒫᕐᐸᓯ ᐱᔪᓐᓇᕐᓂᐅᑉ ᑕᓕᕐᐱᐊᓂ ᐃᒃᓯᕙᔪᖅ, ᕿᓚᐅᓪᓗ ᓄᕗᔭᖏᑎᒍᑦ ᑎᑭᓕᕐᑎᓪᓗᒍ.”

ᒫᑯᓯᐅᑉ ᐊᒡᓚᖏᑦ 13:26

ᑕᕝᕙ ᐃᓅᑉ ᐃᕐᓂᖓ ᑕᑯᔪᒫᕐᐹᑦ ᓄᕗᔭᑎᒍᑦ ᐊᖅᑲᕐᑐᖅ ᐱᔪᓐᓇᕐᓂᕐᔪᐊᖃᕐᓗᓂ ᓂᕐᑐᕐᓇᕐᓂᕐᔪᐊᖃᕐᓗᓂᓗ.

ᒫᑯᓯᐅᑉ ᐊᒡᓚᖏᑦ 14:62

ᔩᓱᓯᐅᑉ ᑭᐅᕚ, “ᐅᕙᖓᐅᕗᖓ; ᑕᒪᑦᓯ ᑕᑯᔪᒫᕐᐳᓯ ᐃᓅᑉ ᐃᕐᓂᖓ ᐊᔪᒐᖃᖏᑦᑑᑉ ᑕᓕᕐᐱᐊᓂ ᐃᒃᓯᕙᑎᓪᓗᒍ, ᕿᓚᖕᒥᓪᓗ ᐊᖅᑲᓕᕐᑎᓪᓗᒍ ᓄᕗᔭᑎᒍᑦ!”

ᓘᑲᓯᐅᑉ ᐊᒡᓚᖏᑦ 21:27

ᑕᕝᕙ ᐃᓅᑉ ᐃᕐᓂᖓ ᑕᑯᔪᒫᕐᐹᑦ ᓄᕗᔭᑎᒍᑦ ᕾᔪᖅ ᐱᔪᓐᓇᕐᓂᕐᔪᐊᖃᕐᑐᖅ ᓂᕐᑐᕐᓇᕐᓂᕐᔪᐊᖃᕐᓗᓂᓗ.

ᔪᐊᓇᓯᐅᑉ ᐊᒡᓚᖏᑦ 19:34

ᐅᓇᑕᕐᑐᒃᓮᓪᓕ ᐃᓚᖓᑦᑕ ᖃᓗᒋᐊᕐᔪᐊᕐᒧᑦ ᔩᓱᓯ ᓴᓂᕋᖓᒍᑦ ᑲᐱᕚ, ᑕᕝᕔᓐᓇᕐᓗ ᐊᐅᒃ ᐃᒥᕐᓗ ᑯᕕᓕᕐᐴᒃ.

ᔪᐊᓇᓯᐅᑉ ᐊᒡᓚᖏᑦ 19:37

ᐊᒡᓔᑦᑕᐅᖅ ᐊᓯᖏᑦ ᐅᖃᕐᓯᒪᒃᑲᓐᓂᕆᕗᑦ, “ᑕᑯᔪᒫᕐᐳᑦ ᑲᐱᓚᐅᕐᑕᒥᖕᓂᒃ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:10

ᐃᕐᓂᖓᓗ ᓂᕆᐅᒋᓪᓗᒍ ᕿᓚᖕᒥᑦ, ᑖᓐᓇ ᑐᖁᖓᔪᓂᑦ ᒪᑭᑎᓚᐅᕐᑕᖓ, ᔩᓱᓯ ᓴᐳᑦᔨᔨᒋᔭᕗᑦ ᒎᑎᐅᑉ ᓂᓐᖓᐅᓯᖓᓂᑦ ᑎᑭᑦᓱᒫᕐᑐᒥᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:17

ᑕᕝᕙ ᑭᖑᕐᖓᒍᑦ ᐅᕙᒍᑦ ᐃᓅᔪᒍᑦ, ᑕᒪᓐᓇ ᓇᓪᓕᐅᑎᒃᐸᑦ, ᑍᒃᑯᐊ ᐃᓚᒋᓕᕐᓗᒋᑦ ᖁᒻᒧᐊᖃᑎᒋᔪᒫᕐᐸᕗᑦ ᓄᕗᔭᑎᒍᑦ ᐸᕐᕆᐊᓕᕐᓗᑕ ᐊᑕᓂᕐᒥᒃ ᑲᑎᓯᔭᕐᑐᓕᕐᓗᑕ ᓯᓚᒃᑯᑦ ᖁᒻᒧᐊᒡᓗᑕ; ᑕᕝᕙᓗ ᐊᑕᓂᖅ ᓇᔪᑦᓮᓐᓇᓕᕈᒫᕐᐸᕗᑦ.

ᐄᑉᕈᐃᓄᑦ 10:29

ᖃᓄᖅ ᓱᒋᐊᕐᑕᐅᔭᕆᐊᖃᕐᓂᕐᓴᐅᓇᓱᒋᕕᓯᐅᒃ? ᒎᑎᐅᑉ ᐃᕐᓂᖓᓂᒃ ᑐᓪᓕᕋᕐᑐᖅ, ᐊᖏᕈᑕᐅᓯᒪᔫᓪᓗ ᐊᐅᖓᓂᒃ ᓇᕐᕈᓇᕐᓯᑎᑦᓯᔪᖅ ᐃᑦᔪᕐᓁᑎᑕᐅᑦᔪᑎᒋᓚᐅᕐᑕᒥᓂᒃ, ᒥᑕᐅᑎᖃᕐᑐᕐᓗ ᐊᓂᕐᓂᐅᑉ ᐱᔪᓐᓇᕐᓯᑎᑦᓯᓂᖓᓂᒃ?

ᐄᑉᕈᐃᓄᑦ 6:6

ᑍᒤᑦᑐᓂᒃ ᖃᐅᔨᓚᐅᕐᓗᑎᒃ ᑲᑕᒃᐸᑕ, ᓵᒋᐊᕐᑎᑕᐅᒃᑲᓐᓂᕆᐊᒃᓴᖅ ᐊᔪᕐᓇᕐᐳᑦ, ᒎᑎᐅᑉ ᐃᕐᓂᖓᓂᒃ ᑭᑭᐊᒃᑐᐃᒃᑲᓐᓂᕐᒪᑕ ᓴᓐᓂᖓᔪᓕᖕᒧᑦ ᐃᓄᖕᓄᓪᓗ ᑲᓐᖑᓇᕐᓯᑎᓪᓗᒍ.

ᔪᐊᓇᓯ ᓯᕗᓪᓖᑦ 3:2

ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.

ᔫᑎᐅᑉ ᐊᒡᓚᖏᑦ 1:14

ᐃᓅᑭ ᐋᑕᒥᐅᑉ ᑭᖑᕚᖏᑕ 7ᖓᓐᓂᑦ ᐱᓯᒪᓪᓗᓂ ᓇᓚᐅᑦᑍᑎᑕᐅᓚᐅᕐᐳᖅ ᑖᒃᑯᓂᖓ ᐱᑦᔪᑎᖃᕐᖢᓂ, “ᑕᑯᒋᑦ, ᐊᑕᓂᖅ ᕾᓕᕐᐳᖅ ᐂᖏᓖᑦ ᐃᑦᔪᕐᓁᑦᑐᖁᑎᓂ ᓈᓴᒐᒃᓴᐅᖏᑦᑐᑦ ᐃᓚᒋᓗᒋᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:20

ᑖᒃᑯᓂᖓ ᐅᖃᐅᓯᖃᕐᑐᖅ ᐅᖃᕐᐳᖅ, “ᓱᓕᕗᖓ ᐊᑯᓂᐅᖏᑦᑐᖅ ᕾᓂᐊᕐᐳᖓ.” ᐋᒥᓐ. ᐊᑕᓃᖅ ᔩᓱᓯ ᕾᓕᕆᑦ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:4

ᑮᓇᖓᓗ ᑕᑯᔪᒫᕐᐹᑦ, ᐊᑎᖓᓗ ᖃᐅᖏᓐᓂ ᑎᑎᕋᕐᓯᒪᔪᒫᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 5:31

ᑍᒤᒻᒪᑦ ᐊᑭᕋᓕᒫᑎᑦ ᑍᒫᒃ ᑐᖁᓕᑦ, ᐆ ᐊᑕᓃᖅ. ᐃᓚᓐᓇᕆᔭᑎᓪᓕ ᖃᐅᒪᓕᕐᓕᑦ ᓯᕿᓂᐅᑉ ᖁᕝᕙᕐᐸᓪᓕᐊᓂᖓᑐᑦ ᐱᔪᓐᓇᕐᓂᖃᕐᓗᑎᒃ! ᓄᓇ ᐃᓂᓪᓚᖓᑦᓯᐊᓚᐅᕐᐳᖅ ᐊᕐᕌᒍᓂᒃ 40ᓂᒃ.