ᔪᐊᓇᓯᐅᑉ ᑕᑯᑎᑕᐅᓂᖏᑦ 1:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓮᒪᓇᕐᑐᒦᑉᐳᖅ ᑖᒃᑯᓂᖓ ᐅᖃᓕᒫᕐᑐᖅ ᓇᓚᐅᑦᑍᔪᑕᐅᓯᒪᔪᓂᒃ, ᓮᒪᓇᕐᑐᒦᑭᕗᑦ ᑕᒪᒃᑯᓂᖓ ᐱᔪᒫᕐᑐᒃᓴᓂᒃ ᑐᓴᕐᑐᑦ, ᓈᓚᒃᑐᓪᓗ ᑕᕝᕙᓂ ᑎᑎᕋᕐᑕᐅᓯᒪᔪᓂᒃ, ᓇᓪᓕᐅᓐᓂᒃᓴᖏᑦ ᖃᓂᑦᑑᓕᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:3 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:34

ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᐅᕙᓐᓂᒃ ᓈᓚᒃᑐᖅ; ᐃᑎᕐᑕᕐᕕᖁᑎᓐᓂ ᖃᐅᑕᒫᑦ ᖃᐅᔨᓮᓐᓇᕐᑐᖅ, ᐃᑎᕐᑕᕐᕕᖁᑎᒪ ᐅᒃᑯᐊᖓᑕ ᓴᓂᐊᓂ ᐅᑕᖅᑭᓗᓂ.

ᔨᕆᒤᐊᐅᑉ ᐊᒡᓚᖏᑦ 51:61

ᔨᕆᒤᐊ ᓯᕅᐊᒧᑦ ᐅᖃᕐᐳᖅ, “ᐹᐱᓘᓂᒧᑦ ᑎᑭᒃᑯᕕᑦ, ᑖᒃᑯᐊ ᐅᖃᓕᒫᕈᒫᕐᐸᑎᑦ ᓂᐱᖃᑦᓯᐊᕐᓗᑎᑦ ᐃᓄᖕᓄᑦ.

ᒫᑎᐅᓯᐅᑉ ᐊᒡᓚᖏᑦ 24:15

“ᑕᑯᒍᑦᓯ ᑐᒃᓯᐊᕐᕕᒡᔪᐊᕐᒥ ᑕᑯᒥᓁᑦᑐᕐᔪᐊᒥᒃ ᐃᓕᓯᕕᐅᓂᖓᓂᒃ ᓇᓚᐅᑦᑍᔫᑉ ᑖᓂᐊᓕᐅᑉ ᐅᖃᐅᓯᕆᓯᒪᔭᖓᓂᒃ, ᐃᑦᔪᕐᓁᑦᑐᕕᖕᒦᑦᑐᒥᒃ (ᐊᑐᐊᕐᓯᔫᑉ ᑐᑭᓯᔭᕆᐊᖃᕐᑕᖓ),

ᓘᑲᓯᐅᑉ ᐊᒡᓚᖏᑦ 11:28

ᔩᓱᓯ ᐅᖃᕐᐳᖅ, “ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᒪᓕᑦᓯᐊᕐᓗᒋᓪᓗ!”

ᕉᒪᒥᐅᓄᑦ 13:11

ᑍᒤᒻᒪᑦ ᑐᑭᓯᒋᑦᓯ ᐃᑲᕐᕋᖅ ᓇᓪᓕᐅᑎᖕᒪᑦ ᑐᐸᒃᓯᒪᔭᕆᐊᖅᑲᓕᕐᐳᓯ ᓯᓂᑐᐃᓐᓇᕈᓐᓃᕐᓗᓯ. ᐱᐅᓕᔭᐅᓂᖅ ᖃᓂᓐᓂᕐᓴᐅᓕᕐᒪᑦ ᑍᒪᓐᖓᑦ ᐅᒃᐱᓕᓚᐅᕐᓂᑦᑎᓐᓂᑦ.

ᕉᒪᒥᐅᓄᑦ 13:12

ᐅᓐᓄᐊᖅ ᐊᓂᒍᕐᒪᑦ, ᐅᓪᓘᓕᕐᓗᓂ. ᑍᒤᒻᒪᑦ ᑖᕐᑑᑉ ᐱᓂᐊᕐᓂᖏᑦ ᕿᒪᒡᓚᕗᑦ, ᖃᐅᒪᔫᑉ ᓴᐴᓗᑕᖏᓐᓂᒃ ᐊᑎᓯᓗᑕ.

ᐲᑦᑐᕉᓯ ᓯᕗᓪᓖᑦ 4:7

ᓱᓇᓕᒫᑦ ᐃᓱᓕᕝᕕᒃᓴᖓᑦ ᖃᒡᓕᕗᖅ; ᑍᒤᒻᒪᑦ ᖃᐅᔨᒪᓇᓱᑦᓯᐊᕆᐊᖃᓕᕐᐳᓯ ᐃᒻᒥᓂᒃ ᐱᓯᒪᑦᓯᐊᕈᓐᓇᕐᑐᒥᒃ ᐃᓅᓯᑲᕐᓗᓯ ᑐᒃᓯᐊᕈᓐᓇᕐᓂᐊᕋᑦᓯ.

ᐲᑦᑐᕉᓯ ᐂᑉᐸᖏᑦ 3:8

ᐊᑕᐅᓯᕐᓕ ᐅᓇ ᐳᐃᒍᕐᑍᓕᓯᐅᒃ, ᓇᒡᓕᖕᓇᕐᑐᓯ, ᐊᑕᓂᕐᒧᑦ ᐅᓪᓗᖅ ᐊᑕᐅᓯᖅ ᐊᕐᕌᒍᑎᑐᑦ 1,000ᑎᑐᑦ ᑍᒤᒻᒪᑦ; ᐊᕐᕌᒍᐃᓪᓗ 1,000 ᐅᓪᓗᑐᑦ ᐊᑕᐅᓯᕐᑐᑦ ᑍᒤᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:10

ᑖᑦᓱᒪᓗ ᐅᖃᐅᑎᕚᖓ, “ᑖᒃᑯᓇᓂ ᑎᑎᖅᑲᓂ ᐱᔪᒫᕐᑐᑦ ᐅᖃᐅᓯᐅᓂᖏᑦ ᐃᔨᕐᓯᒪᑦᑍᓕᒃᑭᑦ, ᑕᒪᒃᑯᐊ ᓇᓪᓕᐅᑎᕕᒃᓴᖓᑦ ᖃᒡᓕᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:12

ᔩᓱᓯᓗ ᐅᖃᕐᐳᖅ, “ᑕᑯᒋᑦ, ᐊᑯᓂᐅᖏᑦᑐᖅ ᕾᓂᐊᕐᐳᖓ, ᐊᑭᓕᐅᑎᒃᓴᕋ ᓇᒃᓴᕐᓗᒍ, ᐱᓂᐊᕐᓂᖏᑦ ᒪᓕᒡᓗᒋᑦ ᐊᑭᓕᕐᑕᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:20

ᑖᒃᑯᓂᖓ ᐅᖃᐅᓯᖃᕐᑐᖅ ᐅᖃᕐᐳᖅ, “ᓱᓕᕗᖓ ᐊᑯᓂᐅᖏᑦᑐᖅ ᕾᓂᐊᕐᐳᖓ.” ᐋᒥᓐ. ᐊᑕᓃᖅ ᔩᓱᓯ ᕾᓕᕆᑦ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:11

“‘ᐊᑯᓂᐅᖏᑦᑐᖅ ᑎᑭᓐᓂᐊᕐᐳᖓ; ᐱᒋᔧᑦ ᐱᓯᒪᑦᓯᐊᕈᒃ, ᐋᑕᐅᖁᓇᒃ ᓵᓚᖃᐅᑎᒃᓴᕐᓂᒃ ᓂᐊᖂᑎᒥᒃ.