ᔪᐊᓇᓯᐅᑉ ᑕᑯᑎᑕᐅᓂᖏᑦ 1:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᑯᐊ ᓇᓗᓁᕐᓯᕗᑦ ᔩᓱᓯ ᙭ᔅᑑᓯᐅᑉ ᑕᑯᑎᑦᓯᓂᖓᓂᒃ, ᒎᑎᐅᑉ ᐱᔨᓂ ᑕᑯᑎᓚᐅᕐᐹ ᐱᔪᒫᕐᑐᒃᓴᓂᒃ ᖃᐅᔨᖁᓪᓗᒍ ᐊᑯᓂᐅᖏᑦᑐᖅ ᓇᓪᓕᐅᑎᔪᒫᓕᕐᑐᓂᒃ; ᑕᒪᒃᑯᐊ ᖃᐅᔨᒃᑲᐅᑎᒋᓚᐅᕐᐰᑦ ᐱᔨᒥᓄᑦ ᔪᐊᓇᓯᒧᑦ ᐂᖏᓕᒥᒃ ᑎᓕᓯᓪᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:1 Iomraidhean Croise

ᐃᓐᖏᕈᑎᑦ 25:14

ᐊᑕᓂᐅᑉ ᐃᔨᕐᓯᒪᔭᓂ ᖃᐅᔨᔭᐅᑎᑉᐰᑦ ᓯᕘᕋᒋᔨᒥᓄᑦ; ᐊᖏᖃᑎᒌᒍᑎᒥᓂᒡᓗ ᑕᑯᑎᓐᓂᐊᕐᐰᑦ.

ᑖᓂᐊᓕᐅᑉ ᐊᒡᓚᖏᑦ 8:16

ᑐᓵᓕᕐᐳᖓᓗ ᐊᖑᑎᐅᑉ ᓂᐱᖓᓂᒃ ᑰᑉ ᐅᓔᑉ ᓇᓛᓂᑦ ᐅᖃᕐᑐᒥᒃ, “ᒊᐳᕆᐅᓖ, ᐊᖑᑦ ᐅᓇ ᐅᖃᐅᑎᓚᐅᕈᒃ ᑕᑯᑎᑕᐅᓂᐅᑉ ᑐᑭᖓᓂᒃ.”

ᑖᓂᐊᓕᐅᑉ ᐊᒡᓚᖏᑦ 9:21

ᑐᒃᓯᐊᕐᑎᓪᓗᖓ ᓱᓕ, ᒊᐳᕆᐅᓕ, ᐊᖑᑦ ᑕᑯᓚᐅᕐᑕᕋ ᑕᑯᑎᑕᐅᓂᕐᒥ ᓯᕗᓪᓕᕐᒥᒃ, ᕾᕗᖅ ᓱᒃᑲᓕᔪᒥᒃ ᖃᖓᑕᓪᓗᓂ, ᐅᓐᓄᒃᓯᐅᑎᒥᒃ ᑐᓂᕐᕈᓯᕐᓂᖅ ᓇᓪᓕᐅᑎᓪᓗᐊᕐᑎᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 9:23

ᑐᒃᓯᐊᓕᑐᐊᕋᕕᑦ ᑭᐅᔭᐅᑦᔪᑏᑦ ᑐᓂᔭᐅᔭᕇᖅᑲᐅᕗᖅ, ᕾᕗᖓ ᐅᖃᐅᑎᔭᕐᑐᕐᓗᑎᑦ, ᐊᖏᔪᒥᒃ ᖁᕕᐊᒋᔭᐅᕗᑎᑦ. ᑍᒤᒻᒪᑦ ᐅᖃᐅᓯᒃᓴᖅ ᐃᓕᖕᓄᑦ ᐃᓱᒪᒋᑦᓯᐊᕈᒃ ᑕᑯᑎᑕᐅᓂᕐᓗ ᑐᑭᓯᓗᒍ.

ᐂᒨᓯᐅᑉ ᐊᒡᓚᖏᑦ 3:7

“ᓱᓕᓪᓚᕆᒃᐳᖅ ᐊᑕᓂᖅ ᐱᓂᐊᓲᖑᖏᒻᒪᑦ ᓇᓗᓇᕐᑐᒥᒃ, ᓇᓗᓁᕐᓯᓚᐅᖅᑳᕋᓂ ᐱᔨᓄᑦ ᐅᖃᕐᑎᖁᑎᒥᓄᑦ?

ᔪᐊᓇᓯᐅᑉ ᐊᒡᓚᖏᑦ 12:49

ᐅᕙᓐᓂᒃ ᐱᔪᓐᓇᕐᓂᖃᕐᓗᖓ ᐅᖃᓚᐅᖏᓐᓇᒪ; ᐊᑖᑕᐅᓪᓕ ᑎᓕᔨᒪ ᐱᖁᔭᒥᓂᒃ ᑐᓂᓯᕕᒋᓚᐅᕐᐹᖓ ᐅᖃᐅᓯᕆᔭᒃᓴᓐᓂᒃ, ᖃᓄᕐᓗ ᐅᖃᕐᑐᒃᓴᐅᖕᒪᖔᕐᒪ.

ᔪᐊᓇᓯᐅᑉ ᐊᒡᓚᖏᑦ 15:15

ᒪᑐᒪ ᑭᖑᕐᖓᓂ ᐱᔨᒥᒃ ᑍᓂᐊᕈᓐᓃᕐᐸᑦᓯ, ᐱᔨ ᖃᐅᔨᒪᖏᒻᒪᑦ ᐊᖓᔪᖅᑳᖓᑕ ᐱᓂᐊᕐᓂᖏᓐᓂᒃ; ᐃᓕᑦᓯᓕ ᐃᓚᓐᓇᕆᔭᓐᓂᒃ ᑍᓚᐅᕐᐸᑦᓯ, ᐊᑖᑕᓐᓂᑦ ᑐᓴᓚᐅᕐᑕᓕᒫᓐᓂᒃ ᓇᓗᓁᕐᓯᕕᒋᓚᐅᕋᑦᓯ.

ᔪᐊᓇᓯᐅᑉ ᐊᒡᓚᖏᑦ 17:8

ᐅᖃᐅᓰᑦ ᑐᓂᓚᐅᕐᑕᑎᑦ ᐅᕙᓐᓄᑦ ᑖᒃᑯᓄᖓ ᐅᖃᐅᓯᕆᓚᐅᕐᐸᒃᑲ, ᑖᒃᑯᐊᓗ ᐃᓚᓕᐅᓚᐅᕐᐰᑦ ᓱᓕᔪᒥᒃ ᖃᐅᔨᓪᓗᑎᒃ ᐃᓕᖕᓂᑦ ᐱᓯᒪᓂᓐᓂᒃ; ᐅᒃᐱᓕᕐᓗᑎᒡᓗ ᑎᓕᓚᐅᕋᕕᖓ.

ᔪᐊᓇᓯᐅᑉ ᐊᒡᓚᖏᑦ 3:32

ᑕᑯᓚᐅᕐᑕᒥᓂᒃ ᑐᓴᓚᐅᕐᑕᒥᓂᒡᓗ ᐅᖃᐅᓯᖃᕐᐳᖅ, ᓇᓪᓕᐊᑦᑕᓘᓐᓃᓪᓕ ᑖᑦᓱᒪ ᐅᖃᐅᓯᕆᔭᖏᑦ ᐃᓚᓕᐅᓐᖏᓔᑦ.

ᔪᐊᓇᓯᐅᑉ ᐊᒡᓚᖏᑦ 8:26

ᐊᒥᓱᓂᒃ ᐅᖃᐅᓯᒃᓴᖃᕐᐳᖓ ᐃᓕᑦᓯᓐᓄᑦ ᐃᖅᑲᕐᑐᐃᑦᔪᑎᒃᓴᖃᕐᓗᖓᓗ; ᑎᓕᔨᒐᓕ ᓱᓕᔫᕗᖅ, ᓯᓚᕐᔪᐊᕐᒥᐅᓪᓗ ᐅᖃᐅᑎᕙᒃᑲ ᑖᑦᓱᒪᓐᖓᑦ ᑐᓴᓚᐅᕐᑕᓐᓂᒃ.”

ᕉᒪᒥᐅᓄᑦ 16:25

ᐃᓕᑦᓯᓐᓂᒡᓕ ᓲᖑᑎᑦᓯᔪᓐᓇᕐᑐᖅ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐅᖃᐅᓯᕆᔭᓐᓄᑦ, ᔩᓱᓯ ᙭ᔅᑑᓯᒥᒡᓗ ᐅᖃᐅᓯᖃᕐᓂᓐᓄᑦ, ᓇᓗᓇᕐᑑᑉ ᓇᓗᓇᕈᓐᓃᕐᑎᑕᐅᓂᖓᓄᑦ ᐊᕐᕌᒍᒐᓴᖕᓂ ᐊᓂᒍᕐᑐᓂ ᐃᔨᑦᓯᒪᓚᐅᕐᑐᓂᒃ,

ᒐᓔᑎᐊᒥᐅᓄᑦ 1:12

ᐃᓄᖕᒥᑦ ᓇᓪᓕᐊᓐᓂᓪᓘᓐᓃᑦ ᐱᓯᒪᓐᖏᓚᒃᑲ, ᐃᓄᖕᒥᓪᓘᓐᓃᑦ ᐊᔪᕆᕐᑐᐃᑦᔪᑕᐅᓚᐅᓐᖏᓚᑦ ᐅᕙᓐᓄᑦ, ᔩᓱᓯ ᙭ᔅᑑᓯᐅᓪᓕ ᑕᑯᑎᑦᓯᑦᔪᑎᒋᓯᒪᕔᑦ ᐅᕙᓐᓄᑦ.

ᐃᐱᓯᒥᐅᓄᑦ 3:3

ᓇᓗᓇᓚᐅᕐᑐᒥᒃ ᖃᐅᔨᑎᑕᐅᓯᒪᒐᒪ ᓇᓗᓁᕐᓯᕕᐅᓂᒃᑯᑦ, ᑕᒪᓐᓇ ᓁᑦᑐᒥᒃ ᑎᑎᕋᐅᓯᕆᓚᐅᕐᐸᕋ ᐃᓕᑦᓯᓐᓄᑦ.

ᑍᑑᓯᒧᑦ 1:1

ᐸᐅᓗᓯᒥᑦ, ᒎᑎᐅᑉ ᐱᔨᖓᓂᑦ ᔩᓱᓯᐅᓪᓗ ᙭ᔅᑑᓯᐅᑉ ᐋᐴᓯᑕᓕᖓᓂᑦ, ᒎᑎᐅᑉ ᓂᕈᐊᕐᓯᒪᔭᖏᓐᓄᑦ ᓱᓕᔪᒥᒡᓗ ᖃᐅᔨᓯᒪᔪᓄᑦ ᐊᑕᐅᓯᐅᓕᖓᑎᑦᓯᔪᒧᑦ ᐅᒃᐱᕐᓂᑦᑎᓐᓄᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:19

ᑕᑯᔭᑎᑦ ᑎᑎᕋᓕᒃᑭᑦ, ᒫᓐᓇ ᖃᓄᐃᓕᖓᓂᖏᑦ ᑭᖑᓂᖓᒍᓪᓗ ᓇᓪᓕᐅᑎᔪᒫᕐᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:9

ᔪᐊᓇᓯᐅᕗᖓ, ᐅᒃᐱᑑᖃᑎᓯ, ᔩᓱᓯᒥᒃ ᒪᓕᒃᑎᐅᓂᓐᓄᑦ ᐃᓕᑦᓯᓐᓄᑦ ᐋᓐᓂᐊᓇᕐᑐᑎᒎᖃᑕᐅᕗᖓ ᕿᓄᐃᓵᖃᑕᐅᓪᓗᖓᓗ ᑎᑭᐅᑎᕙᒃᑐᑎᒍᑦ ᑖᑦᓱᒪ ᐊᑕᓂᐅᕕᖓᓂ ᐃᓅᔪᓄᑦ, ᕿᑭᕐᑕᒧᑦ ᐹᑦᒨᓯᒥᒃ ᐊᑎᓕᖕᒧᐊᕐᑕᐅᓚᐅᕐᐳᖓ ᒎᑎᐅᑉ ᐅᖃᐅᓯᖓᓂᒃ ᐱᑦᔪᑎᖃᕐᓗᑎᒃ ᔩᓱᓯᒥᒡᓗ ᓇᓗᓁᕐᓯᖃᑦᑕᕐᓂᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:1

ᐂᖏᓖᓪᓗ 7 ᖃᓪᓗᑎᓂᒃ 7ᓂᒃ ᐱᓯᒪᓚᐅᕐᑐᑦ ᐃᓚᖓᑦᑕ ᕾᓪᓗᓂ ᐅᖃᐅᑎᕚᖓ, “ᕾᒋᑦ, ᑕᑯᑎᓐᓂᐊᕋᒃᑭᑦ ᐊᖑᓐᓂᐊᕐᑎᕐᔪᐊᑉ ᐃᖅᑲᕐᑐᕐᑕᐅᓂᖓᓂᒃ ᑖᓐᓇ ᐃᓂᖃᕐᑐᖅ ᐃᒪᕐᔪᐃᑦ ᖃᓂᒋᔮᓂ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:10

ᑕᕝᕙ ᐃᑎᒐᖏᓐᓄᑦ ᐹᒻᒪᒃᐳᖓ ᒥᑭᒡᓕᑎᕐᓗᖓ ᐅᐱᒋᕕᒃᔪᐊᕈᒪᓪᓗᒍ, ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕆᐊᖃᓐᖏᓚᑎᑦ! ᐱᔨᑐᐃᓐᓇᐅᖃᑕᐅᕗᖓ ᐃᓕᒃᑐᑦ ᐅᒃᐱᖃᑎᒃᑐᓪᓗ ᐅᖅᑲᕆᒃᓴᐅᑦᔨᔪᓄᑦ ᔩᓱᓯᒥᒃ. ᒎᑎᓕ ᐅᐱᒋᕕᒃᔪᐊᕆᐊᖃᕐᐸᑦ.” ᔩᓱᓯᐅᑉ ᓇᓗᓁᔭᓚᐅᕐᑕᖓ ᐊᓂᕐᓂᐅᕗᖅ ᓇᓚᐅᑦᑍᔪᑦ ᐱᔪᓐᓇᐅᑎᒋᓚᐅᕐᑕᖓᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:9

ᐂᖏᓕᐅᓪᓗ ᐅᖃᐅᑎᕚᖓ, “ᐅᓇ ᑎᑎᕋᕈᒃ: ᓮᒪᕐᑎᑕᐅᓯᒪᕗᑦ ᓄᕐᕋᐅᔭᐅᑉ ᑲᑎᑎᑕᐅᓂᖓᑕ ᓂᕆᕕᒡᔪᐊᕈᑕᐅᓂᐊᕐᓂᖓᓄᑦ ᕾᖁᔭᐅᔪᑦ.” ᐂᖏᓕᓗ ᐅᖃᒃᑲᓐᓂᕐᐳᖅ, “ᑕᒪᒃᑯᐊ ᓱᓕᔪᒥᒃ ᒎᑎᐅᑉ ᐅᖃᐅᓯᕆᕔᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:2

ᐃᒡᓗᒐᓴᒡᔪᐊᓪᓗ ᐃᑦᔪᕐᓁᑦᑐᑦ ᑕᑯᕙᒃᑲ, ᔨᕉᓴᓕᒻ ᓄᑖᖅ, ᕿᓚᖕᒥᑦ ᐊᖅᑲᕐᑐᖅ ᒎᑎᒥᑦ, ᐊᑐᐃᓐᓇᕈᕐᓯᒪᓕᕐᑐᖅ ᓄᓕᐊᒃᓴᑐᑦ ᐊᓐᓄᕌᕐᓯᒪᑦᓯᐊᓕᕐᑐᑎᑐᑦ ᐅᐃᒃᓴᒥᓄᑦ ᐊᑐᐃᓐᓇᐅᓕᕐᑐᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:9

ᐂᖏᓖᓪᓗ 7ᐅᓚᐅᕐᑐᑦ ᖃᓪᓗᑎᓂᒃ 7ᓂᒃ ᑎᒍᒥᐊᕐᓗᑎᒃ ᑲᑉᐱᐊᓇᕐᑐᕐᔪᐊᓂᒃ 7ᓂᒃ ᐃᒪᖃᕐᑐᓂᒃ, ᐃᓚᖓᑦᑕ ᕾᓪᓗᓂ ᐅᖃᐅᑎᕚᖓ, “ᕾᒋᑦ, ᓄᓕᐊᒃᓴᒥᒃ ᑕᑯᑎᓐᓂᐊᕋᒃᑭᑦ, ᓄᕐᕋᐅᔭᐅᑉ ᓄᓕᐊᒃᓴᖓᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:1

ᑕᕝᕙ ᐂᖏᓕᐅᑉ ᑕᑯᑎᒃᑭᕚᖓ ᑰᖕᒥᒃ ᐃᓅᓯᖃᕐᓇᕐᑐᒥᒃ ᐃᒪᓕᖕᒥᒃ, ᐊᓕᒍᕐᑐᑦ ᑍᒤᑦᑐᒥᒃ ᑲᑭᐊᒃᑐᒥᒃ ᐃᒪᓕᖕᒥᒃ, ᒎᑎᐅᑉ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓᓐᓂᑦ ᑰᒃᑐᒥᒃ

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:16

“ᐅᕙᖓ ᔩᓱᓯ ᐂᖏᓕᖁᑎᓐᓂᒃ ᑎᓕᓯᓚᐅᕐᐳᖓ ᐅᖃᐅᑦᔨᖁᓪᓗᒍ ᐃᓕᖕᓂᒃ ᐅᖃᐅᓯᕆᔭᒃᓴᕐᓂᒃ ᐅᒃᐱᕐᑑᖃᑎᒌᓄᑦ. ᑍᕕᑎᐅᑉ ᐃᓚᒌᖕᓂᖏᑕ ᑭᖑᕚᖏᓐᓂᑦ ᐱᓯᒪᕗᖓ, ᐅᓪᓗᕆᐊᖑᕗᖓ ᖃᐅᒻᒪᕆᒃᑐᖅ ᖃᐅᓕᓵᕐᑐᕐᓯᐅᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:6

ᐂᖏᓕᐅᓪᓗ ᐅᖃᐅᑎᕚᖓ, “ᐅᖃᐅᓰᑦ ᑕᒪᒃᑯᐊ ᓱᓕᕗᑦ ᐅᒃᐱᕆᔭᒃᓴᐅᓪᓗᑎᒡᓗ. ᐊᑕᓂᕐᓗ, ᒎᑎ ᐊᓂᕐᓂᕐᒥᓂᒃ ᑐᓂᓯᓚᐅᕐᑐᖅ ᓇᓚᐅᑦᑍᔪᖁᑎᒥᓄᑦ, ᐂᖏᓕᖁᑎᒥᓂᒃ ᑎᓕᓯᕗᖅ ᐱᔨᖓᓂᒃ ᖃᐅᔨᑎᑦᓯᖁᓪᓗᒍ ᓇᓪᓕᐅᑎᓂᐊᓕᕐᑐᓂᒃ ᐊᑯᓂᐅᖏᑦᑐᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:8

ᐅᕙᖓ ᔪᐊᓇᓯ ᑖᓐᓇᐅᕗᖓ ᑕᒪᒃᑯᓂᖓ ᑐᓴᕐᓗᖓᓗ ᑕᑯᓚᐅᕐᑐᖓ. ᑐᓴᕇᕋᒃᑭᑦ ᑕᑯᔭᕇᕋᒃᑭᓪᓗ, ᐂᖏᓕᐅᑉ ᓵᖓᓄᑦ ᐹᒻᒪᓚᐅᕐᐳᖓ ᑐᒃᓯᐊᕐᕕᒋᔪᒪᓪᓗᒍ ᑕᒪᒃᑯᓂᖓ ᐅᕙᓐᓂᒃ ᑕᑯᑎᕐᓯᓚᐅᕐᑐᖅ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:9

ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕐᑐᒃᓴᐅᓐᖏᓚᑎᑦ! ᐱᔨᐅᖃᑕᐅᑐᐃᓐᓇᕋᒪ ᐃᓕᒃᑐᑦ ᐅᒃᐱᑑᖃᑎᒃᑐᓪᓗ ᓇᓚᐅᑦᑍᔪᑎᑐᑦ, ᑖᒃᑯᑎᑑᓇᕐᓗ ᐅᕙᓂ ᑎᑎᕋᕐᓯᒪᔪᓂ ᓈᓚᒃᑐᑎᑐᑦ. ᒎᑎᓕ ᐅᐱᒋᓗᒍ ᓂᕐᑐᕈᒃ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:1

ᑕᒪᑐᒪ ᑭᖑᓂᖓᒍᑦ ᑕᑯᒋᕗᖓ, ᑕᑯᒋᑦ, ᐅᒃᑯᐊᒥᒃ ᐅᒃᑯᐃᓐᖔᕐᑐᒥᒃ ᕿᓚᖕᒧᑦ! ᓂᓪᓕᕐᑐᖃᕐᐳᕐᓗ, ᑐᓴᓚᐅᕐᑕᓐᓂᒃ ᐅᕙᓐᓄᑦ ᐅᖃᕐᑐᒥᒃ ᑎᑦᑐᓚᐅᑎᑎᑐᑦ ᓂᐱᖅᑯᑐᑎᒋᔪᒥᒃ, ᐅᖃᕐᐳᖅ, “ᒪᐅᖓ ᕾᒋᑦ, ᑕᑯᑎᓐᓂᐊᕋᒃᑭᑦ ᓇᓪᓕᐅᑎᔪᒫᕐᑐᓂᒃ ᑕᒪᑐᒪ ᑭᖑᓂᖓᒍᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:7

ᓄᕐᕋᐅᔭᖅ ᐅᐸᒍᑎᓪᓗᓂ ᐊᒡᓔᑦ ᐃᒧᓯᒪᔪᑦ ᐃᒃᓯᕙᐅᑕᕐᔪᐊᕐᒦᑦᑑᑉ ᑕᓕᕐᐱᖕᒥᓄᑦ ᑎᒍᒥᐊᕐᑕᖏᑦ ᑎᒍᕔᑦ.