3 ᑖᑦᓱᒪ ᐃᑯᒪ ᓯᕗᓕᕆᕚ, ᐃᑯᐊᓪᓔᓪᓗᓂᓗ ᐊᑭᕋᕐᑐᕐᑎᖏᓐᓂᒃ ᑕᒫᓃᑦᑐᓂᒃ.
ᐳᔪᖅ ᐊᓂᕗᖅ ᓱᕐᓗᖏᖕᓂᑦ, ᐃᑯᒪᓗ ᓄᖒᑦᓯᔪᖅ ᖃᓂᖓᓂᑦ ᐊᓂᕗᖅ; ᐊᐅᒤᓪᓗ ᐃᑯᒪᔪᑦ ᑕᕝᕙᓐᖓᑦ ᐱᕗᑦ.
ᕿᓔᓪᓗ ᐊᒻᒧᒃᑎᓚᐅᕆᕔᑦ, ᐊᖅᑲᕐᓗᓂᓗ, ᑖᕐᑐᕐᔪᐊᖅ ᐃᑎᒐᖏᑕ ᐊᑖᓃᓪᓗᓂ.
ᒎᑎᕗᑦ ᕾᔪᒫᕐᐳᖅ, ᓂᐰᑦᑑᓂᐊᕋᓂᓗ; ᐃᑯᒪ ᓄᖒᑦᓯᔪᕐᔪᐊᖅ ᓵᖓᓃᑦᓱᒫᕐᐳᖅ, ᐊᕙᑖᓂᓗ ᓯᓚᕐᓂᕐᓗᒡᔪᐊᖃᕈᒫᕐᐳᖅ.
ᑕᑯᓴᕋᒪᓗ ᑕᑯᕗᖓ, ᐊᓄᕆᕐᔪᐊᒥᒃ ᐅᓐᓄᐊᓪᓗᐊᑉ ᓇᓛᓂᓐᖔᕐᑐᒥᒃ, ᓄᕗᔭᒥᒡᓗ ᐊᖏᔪᒥᒃ, ᐊᕙᑖᓗ ᓯᓚ ᖃᐅᒪᔪᐊᓘᓪᓗᓂ, ᐃᑯᒪᓗ ᖃᐅᒻᒪᓪᓛᖏᓐᓇᕐᐳᖅ, ᐃᑯᒪᐅᓪᓗ ᕿᑎᖓᓂ, ᖃᐅᒻᒪᕆᒃᑐᒥᒃ ᓴᖅᑭᔮᕐᑐᖃᕐᐳᖅ ᓴᕕᕋᔭᒃᑐᑦ ᕿᓪᓕᕐᑐᒥᒃ.
ᐃᑯᒪᔪᖅ ᑰᒃᐳᖅ ᑖᑦᓱᒪ ᓵᖓᓂᑦ: ᑕᐅᓴᑎᑦ ᑕᐅᓴᑎᓪᓗ ᐅᖓᑖᓃᑦᑐᑦ ᐱᔨᑦᓯᕐᐳᑦ ᑖᑦᓱᒥᖓ; 10,000 10,000ᐃᕐᑐᕐᓗᒍ ᐅᓄᕐᑎᒋᔪᑦ ᓵᖓᓂ ᓇᖏᕐᐳᑦ, ᐃᖅᑲᕐᑐᐃᓂᖅ ᐱᒋᐊᕐᒪᑦ, ᒪᒃᐱᕐᑐᖅᑲᓪᓗ ᒪᒃᐱᕐᑕᐅᕗᑦ.
ᓯᕗᓂᖓᓂ ᖃᓂᒪᓇᕐᑐᑦ ᐃᖏᕐᕋᕗᑦ, ᑭᖑᓂᑦᓯᐊᖓᓂᓗ ᑐᖁᓐᓇᕐᑐᑦ ᒪᓕᒡᓗᑎᒃ.
“ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.
ᓂᓐᖓᐅᓯᕋ ᐃᑯᒪᑎᑐᑦ ᐃᑯᐊᓪᓚᒃᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒦᑦᑐᓕᒫᓂᒡᓗ ᐃᑯᐊᓪᓚᒃᑎᑦᓯᓂᐊᕐᐳᖅ. ᐊᒡᓛᑦ ᓄᓇᕐᔪᐊᑉ ᐊᒃᐸᓯᖕᓂᖓᓃᑦᑐᑦ ᑎᑭᓪᓗᒋᑦ ᖃᖅᑬᓪᓗ ᑐᓐᖓᕕᖏᑦ ᐊᒡᓛᑦ ᑎᑭᓪᓗᒋᑦ.
“ᑕᒪᓐᓇ ᓄᑕᖅᑲᑦᓯᓐᓄᑦ ᐅᖃᐅᓯᕆᔭᒃᓴᕆᕙᓯ ᖃᓄᖅ ᐅᐸᒍᑎᓚᐅᕐᒪᖔᑦᓯ ᓇᖏᓚᐅᕐᒪᖔᑦᓯᓗ ᖃᖅᑲᐅᑉ ᑭᒡᓕᖓᓂ ᑍᑦᓱᒪᓂ ᖃᖅᑲᖅ ᓄᕗᑦᑕᕆᒃᑐᒧᑦ ᐳᔪᕐᒧᓪᓗ ᕿᕐᓂᕐᑕᒧᓪᓗ ᐅᓕᒃᑕᐅᓯᒪᑎᓪᓗᒍ ᕿᓚᖕᒥᓪᓗ ᐃᑯᒪᒥᒃ ᓴᖅᑭᑦᑐᖃᖃᑦᑕᕐᑎᓪᓗᒍ.
ᓂᐱᒥᓂᒡᓗ ᕿᓚᖕᒥᑦ ᑐᓴᕈᓐᓇᕐᑎᓚᐅᕐᐹᓯ ᒪᓕᒐᒃᓴᑦᓯᓐᓂᒃ ᐅᖃᐅᑎᔪᒪᓪᓗᓂᓯ; ᑕᕝᕙᓂᓗ ᓄᓇᕐᔪᐊᕐᒥ ᐃᑯᒪᖁᑎᒥᓂᒃ ᐃᑦᔪᕐᓁᑦᑐᒥᒃ ᑕᑯᑎᓚᐅᕐᐹᓯ, ᑕᕝᕙᓐᖓᓪᓗ ᐅᖃᓪᓚᒡᕕᒋᓪᓗᓂᓯ.
ᑕᕝᕙᓂ ᖃᖅᑲᒥ ᐊᑕᓂᖅ ᓇᖕᒥᓂᓪᓚᕆᒃ ᐅᖃᖃᑎᖃᓚᐅᕐᒪᑦ ᐃᓕᑦᓯᓐᓂᒃ ᐃᑯᒪᒥᑦ ᑐᓴᕐᓴᐅᓪᓗᓂ.
ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.
ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.
ᑖᒃᑯᐊᒡᓕ ᓇᓪᓕᐊᓐᓄᑦ ᐊᓯᕈᕐᑕᐅᓇᓱᐊᕐᐸᑎᒃ, ᐃᑯᒪᒥᒃ ᐋᓐᓂᑎᑦᓯᔪᓐᓇᕐᐴᒃ ᖃᓂᕐᒥᖕᓂᑦ ᐊᑭᕋᕐᑐᕐᑎᑎᒃ ᓄᖑᓪᓗᒋᑦ; ᓇᓪᓕᐊᑦ ᑖᒃᑯᖕᓂᖓ ᐊᓯᕈᐃᓇᓱᐊᕐᑐᖅ ᑍᒫᒃ ᑐᖁᑕᐅᔪᒃᓴᐅᕗᖅ.
ᓇᓪᓕᐊᓪᓗ ᑎᑎᕋᕐᕕᒃᓴᓂ ᐃᓅᓯᕾᓐᓇᕐᓇᕐᑐᓂ ᐊᑎᖓ ᑎᑎᕋᕐᑕᐅᓯᒪᖏᑦᑐᖅ, ᑖᓐᓇ ᐃᒋᑕᐅᕗᖅ ᑕᓯᕐᒧᑦ ᐃᑯᒪᕐᔪᐊᕐᒧᑦ.
