ᐃᓐᖏᕈᑎᑦ 96:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᑕᓂᖅ ᐊᖏᔫᖕᒪᑦ, ᐊᖏᔪᒥᒃ ᓂᕐᑐᕐᑕᐅᔪᒃᓴᐅᕗᖅ; ᓯᕘᕋᒋᔭᐅᔪᒃᓴᐅᕗᖅ ᐊᖏᓂᕐᓴᒥᒃ ᒎᑎᒋᔭᐅᔪᓕᒫᓂᑦ.

ᐃᓐᖏᕈᑎᑦ 96:4 Iomraidhean Croise

ᑯᕉᓂᑲ ᐂᑉᐸᖏᑦ 2:4

ᑕᑯᒋᑦ, ᑐᒃᓯᐊᕐᕕᒡᔪᐊᓕᐅᕈᒪᓕᕋᒪ ᐊᑕᓂᐅᑉ ᐅᐱᒋᔭᐅᓂᒃᓴᖓᓄᑦ ᒎᑎᒪ, ᑖᑦᓱᒧᖓᓗ ᑐᓂᓂᐊᕐᓗᒍ ᐃᑯᐊᓪᓔᓗᖓᓗ ᑎᐱᑦᓯᐊᕆᒃᑐᓂᒃ ᑖᑦᓱᒧᖓ ᑎᐱᑦᓯᐊᕆᒃᑑᖁᓪᓗᒋᑦ, ᑐᓂᕐᕈᓯᕐᕕᒋᖃᑦᑕᕐᓗᒍᓗ ᓂᐊᖂᔭᓂᒃ ᑕᑯᔭᒃᓴᓂᒃ, ᑐᓂᕐᕈᑎᓂᒡᓗ ᐃᑯᐊᓚᑎᑕᒃᓴᓂᒃ ᐅᓪᓛᒃᑯᑦ ᐅᓐᓄᒃᑯᓪᓗ, ᓴᐸᑎᒥ ᑕᖅᑭᓂᕋᑖᒥᓗ ᐊᑕᓂᑦᑕᓗ ᒎᑎᑦᑕ ᓇᓪᓕᐅᓐᓂᕐᓯᐅᕕᖁᑎᖏᓐᓂ, ᐊᑐᕐᑕᐅᖃᑦᑕᕐᓂᐊᓕᕐᓗᓂᓗ ᐃᓱᖃᖏᑦᑐᒧᑦ ᐃᓴᕆᐊᓕᒥᐅᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 9:5

ᐅᑯᐊ ᓕᕔᑎᑦ ᑐᒃᓯᐊᕐᑎᑦᓯᓚᐅᕐᐳᑦ: ᔩᓱᐊ, ᑲᑦᒤ-ᓕ, ᐹᓂ, ᕼᐊᓴᑉᓂᐊ, ᓯᕆᐰᐊ, ᕼᐅᑍᐊ, ᓯᐸᓁᐊ, ᐱᑕᕼᐂᐊᓗ, ᐅᖃᕐᓗᑎᒃ: “ᓂᑯᕕᓪᓗᓯ ᐊᑕᓂᖅ ᓂᕐᑐᕐᓯᐅᒃ ᒎᑎᑦᓯ ᓂᕐᑐᕐᓯᐅᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ! ᐃᓘᓐᓇᓯ ᐊᑎᖓᑕ ᓂᕐᑐᕐᓇᕐᓂᖓ ᓂᕐᑐᕐᓯᐅᒃ, ᑕᒤᓐᓂᑦᓯᐊᖅ ᐊᖏᓂᕐᐸᐅᔪᖅ ᓂᕐᑐᕐᓇᕐᑎᑕᐅᓕ ᓂᕐᑐᕐᑕᐅᓗᓂᓗ!”

ᐃᓐᖏᕈᑎᑦ 145:3

ᐊᑕᓂᖅ ᐊᖏᔪᕐᔪᐊᖑᕗᖅ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ, ᑖᑦᓱᒪᓗ ᐊᖏᓂᖓ ᑐᑭᓯᔭᐅᔪᓐᓇᓐᖏᓚᖅ.

ᐃᓐᖏᕈᑎᑦ 150:2

ᓂᕐᑐᕐᓯᐅᒃ ᐱᓇᓱᐊᕐᓯᒪᓂᖓ ᐊᖏᔪᕐᔪᐊᖅ ᐱᓪᓗᒍ; ᓂᕐᑐᕐᓯᐅᒃ ᐊᖏᔪᕐᔪᐊᖑᓂᖓ ᐱᓪᓚᕆᐊᓘᓂᖓᓗ ᐱᓪᓗᒍ!

ᐃᓐᖏᕈᑎᑦ 18:3

ᐊᑕᓂᖅ ᓂᓪᓕᐊᕕᒋᔪᒪᕙᕋ, ᑖᓐᓇ ᓂᕐᑐᕐᑕᐅᔪᒃᓴᑐᐊᖅ; ᓴᐳᑎᔭᐅᓂᐊᕐᐳᖓ ᐊᑭᕋᕐᑐᕐᑎᓐᓂᑦ.

ᐃᓐᖏᕈᑎᑦ 48:1

ᐊᑕᓂᖅ ᐊᖏᔫᕗᖅ, ᐊᖏᔪᒥᒡᓗ ᓂᕐᑐᕐᑕᐅᒋᐊᓕᒃ ᒎᑎᑦᑕ ᐃᒡᓗᒐᓴᒡᔪᐊᖁᑎᖏᓐᓂ, ᖃᖅᑲᖁᑎᖓᓂ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 66:3

ᒎᑎᒧᓪᓗ ᐅᖃᕐᓗᓯ, “ᓴᓇᓯᒪᔭᑎᑦ ᑲᒪᓇᕐᑐᐊᓘᕗᑦ! ᐊᔪᒐᖃᖏᓐᓂᕕᑦ ᐊᖏᔪᕐᔪᐊᖑᓂᖓᓄᑦ ᐊᑭᕋᕐᑐᕐᑎᑎᑦ ᐹᒻᒫᒃᑎᕐᐳᑦ ᐃᓕᖕᓄᑦ.

ᐃᓐᖏᕈᑎᑦ 66:5

ᕾᒋᑦᓯ ᑕᑯᔭᕐᑐᕐᓗᓯ ᒎᑎᐅᒃ ᐱᓂᐊᕐᓯᒪᔭᖏᓐᓂᒃ; ᑲᒪᓇᕐᑐᐊᓗᖕᓂᒃ ᐱᓂᐊᕐᓯᒪᖕᒪᑦ ᐃᓄᖕᓄᑦ.

ᐃᓐᖏᕈᑎᑦ 76:7

ᐃᕝᕕᑐᐊᖅ ᓯᕘᕋᒋᔭᐅᔪᒃᓴᐅᕗᑎᑦ; ᑭᓇ ᓇᔪᕐᑕᕐᓂ ᓇᖏᕈᓐᓇᕐᐹ ᓂᓐᖓᒃᑎᓪᓗᑎᑦ?

ᐃᓐᖏᕈᑎᑦ 86:10

ᐊᔪᖏᑦᑐᕐᔪᐊᖑᒐᕕᑦ ᐱᓇᓱᐊᕐᓂᑎᓪᓗ ᐱᐅᔪᐊᓘᓪᓗᑎᒃ, ᐃᕝᕕᑐᐊᑦᓯᐊᖅ ᒎᑎᐅᕗᑎᑦ ᐊᓯᖃᖏᑦᑐᖅ.

ᐃᓐᖏᕈᑎᑦ 89:7

ᒎᑎ ᓯᕘᕋᒋᔭᐅᕗᖅ ᐃᑦᔪᕐᓁᑎᑕᐅᓯᒪᔪᑦ ᑲᑎᒪᓂᖏᓐᓂ, ᐃᒃᐱᒋᔭᐅᑦᓯᐊᒻᒪᕆᒃᓱᓂᓗ ᐊᕙᑖᓃᑦᑐᓕᒫᓄᑦ.

ᐃᓐᖏᕈᑎᑦ 95:3

ᐊᑕᓂᖅ ᒎᑎᕐᔪᐊᖑᖕᒪᑦ, ᐊᖓᔪᖅᑳᕐᔪᐊᖑᓪᓗᓂᓗ ᒎᑎᒋᔭᐅᔪᓕᒫᓄᑦ.

ᒨᓯᓯ ᐂᑉᐸᖏᑦ 18:11

ᒫᓐᓇᓗ ᖃᐅᔨᕗᖓ ᐊᑕᓂᖅ ᐊᖏᓂᕐᓴᐅᖕᒪᑦ ᒎᑎᒋᔭᐅᔪᓕᒫᓂᑦ, ᐃᓄᐃᑦ ᐊᓂᑎᓚᐅᕐᒪᒋᑦ ᐄᑦᔨᑉᑎᒥᐅᑦ ᐱᔪᓐᓇᕐᓂᖏᓐᓂᑦ, ᑖᒃᑯᐊᓗ ᓂᑲᒋᔭᐅᖏᑦᑐᒻᒪᕆᐊᓘᑎᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 5:22

ᐅᕙᓐᓃᒃ ᓯᕘᕋᔪᒃᓴᐅᓐᖏᓚᓰ? ᐊᑕᓂᖅ ᐅᖃᕐᐳᖅ, ᓴᔪᒃᑐᒃᓴᐅᓐᖏᓚᓰ ᓵᓐᓂ? ᓯᐅᕋᖅ ᑭᒡᓕᒋᔭᐅᑎᓐᓇᒃᑯ ᑕᕆᐅᕐᒧᑦ: ᑕᕆᐅᖅ ᖄᖏᓚᐅᕐᓯᒪᓂᐊᕈᓐᓃᕐᑎᓪᓗᒍ ᐃᓱᖃᖏᑦᑐᒧᑦ, ᒪᓪᓕᕐᑕᐅᖃᑦᑕᕐᓂᐊᕋᓗᐊᕐᐳᖅ ᑭᓯᐊᓂᓕ ᓄᖅᑲᕐᑕᕐᕕᒌᓐᓇᐅᔭᕐᓂᐊᕐᐹ ᒪᓕᐊᓗᐃᑦ ᓯᒡᔭᒧᑦ ᒥᕿᑦᑕᕐᐸᖕᓂᐊᕋᓗᐊᕐᐳᑦ ᑭᓯᐊᓂᓕ ᐅᖓᑖᓄᐊᕈᓐᓇᕐᓂᐊᓐᖏᓚᑦ ᐃᒪᐅᑉ ᑎᑭᑦᑕᕆᐊᖃᓐᖏᑕᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 2:47

ᐊᖓᔪᖅᑳᕐᔪᐊᕐᓗ ᐅᖃᕐᐳᖅ ᑖᓂᐊᓕᒧᑦ, “ᓱᓕᔪᒥᒃ ᒎᑏᑦ ᒎᑎᓄᑦ ᒎᑎᒋᔭᐅᕗᖅ, ᐊᑕᓂᐅᓪᓗᓂᓗ ᐊᖓᔪᖅᑳᕐᔪᐊᓄᑦ, ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᖅ, ᖃᐅᔨᑦᔪᑎᒐ ᑕᕝᕙ ᓇᓗᓇᕐᑐᒥ ᑕᒪᑐᒥᖓ ᖃᐅᔨᑎᑕᐅᒐᕕᑦ.”

ᓘᑲᓯᐅᑉ ᐊᒡᓚᖏᑦ 12:5

ᐅᖃᐅᑎᔪᒪᕙᑦᓯ ᓯᕘᕋᒋᔭᕆᐊᖃᕐᑕᑦᓯᓐᓂᒃ: ᑖᓐᓇ ᓯᕘᕋᒋᓯᐅᒃ, ᑐᖁᑦᓯᔭᕇᕈᓂ, ᐱᔪᓐᓇᕐᓂᖃᕐᒥᔪᖅ ᑲᑉᐱᐊᓇᕐᑐᕕᖕᒧᑦ ᐃᒋᑦᓯᓂᕐᒥᒃ; ᐃᓛᒃ, ᐅᖃᐅᑎᕙᑦᓯ ᑖᓐᓇ ᓯᕘᕋᒋᓯᐅᒃ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”

ᓴᒧᐃᓕ ᓯᕗᓪᓖᑦ 4:8

ᓵᓚᐅᓂᐊᓕᕐᐳᒍᑦ! ᑭᓇᒨᓪᓕ ᐱᐅᓕᔭᐅᔪᓐᓇᕐᐱᑕ ᒎᑎᓂᑦ ᐱᔪᓐᓇᕐᑐᕐᔪᐊᓃᑦ? ᑍᒃᑯᐊᖑᖕᒪᑕ ᒎᑏᑦ ᐊᓯᕈᐃᓚᐅᕐᑐᑦ ᐄᑦᔨᑉᑎᒥᐅᓂᒃ ᖃᓄᐃᑦᑐᑐᐃᓐᓇᓄᑦ ᐃᓄᖃᖏᑦᑐᒥ!